Morgunblaðið - 27.11.1996, Blaðsíða 2

Morgunblaðið - 27.11.1996, Blaðsíða 2
2 MIÐVIKUDAGUR 27. NÓVEMBER 1996 MORGUNBLAÐIÐ i I FRETTIR Ketilsig við suðaustur- enda Bárð- arbungu KETILSIG hefur orðið í Vatnajökli á suðausturhorni Bárðarbungu, um 6-7 kílómetra norðan við gos- sprunguna. Að sögn Magnúsar Tuma Guðmundssonar jarðeðlis- fræðings er ekki ljóst hvenær sigið myndaðist en skýringin er annað- hvort að þar sé jarðhiti eða að lítið gos hafi orðið á svæðinu á sama tíma og stærra gosið varð norðan við Grímsvötn. „Þetta eru grunnar dældir sem ekki sjást auðveldlega. Vísbendingar höfðu sést um þær á gervitunglamyndum og í framhaldi af því flugum við yfir svæðið og könnuðum það nákvæmlega." Magnús segir að hugsanlega sé komin skýringin á óvenjulegri efna- samsetningu Jökulsár á Fjöllum meðan á gosinu stóð, en ef vatn hefur runnið frá siginu hefur það farið í ána. Enn bráðnar ís á gosstöðvunum norðan við Grímsvötn og eru þau nú um 24 metrum hærri en við lok Skeiðarárhlaups. Magnús segir að næsta hlaup komi mjög líklega inn- an árs, og jafnvel eftir aðeins nokkra mánuði. ? ? ? Aðgerðir franskra vörubílstjóra Engin áhrif hjá Eimskipi og Samskipum EIMSKIP og Samskip hafa ekki lent í neinum erfiðleikum í Frakk- landi vegna aðgerða um tíu þúsund vöruflutningabílstjóra þar í landi sem hindrað hafa flutninga við tugi borga og bæja undanfarna níu daga. Með aðgerðunum vilja frönsku bílstjórarnir leggja áherslu á kröfur um lækkun eftirlaunaaldurs úr 60 árum í 55, hækkun launa og breyt- ingar á vinnutíma. Samkvæmt upplýsingum utan- landsdeildar Eimskips höfðu engar fregnir borist þangað um erfiðleika vegna aðgerða frönsku bflstjór- anna. Eimskip flytur vöru, þar á meðal frosinn fisk, til Rotterdam og þaðan er honum ekið til Frakk- lands og fer hann mest til Boulogne sur Mer. Fer mest með lestum Hjá Samskipum fengust svipaðar upplýsingar síðdegis í gær. Þar varð Ólafur Matthíasson sölufulltrúi fyrir svörum og sagði hann starfs- menn ekkert hafa orðið vara við erfíðleika. Hann sagði að Samskip notuðu vissulega vöruflutningabíla til að aka vöru um Frakkland, en algengara væri þó að nota lestir. Þannig væru frystigámar með fiski t.d. fluttir með lestum. BVKO í"~Mk.M MEÐ blaðinu í dag fylgir fjög- urra síðna auglýsingablað frá BYKO. Tillaga að stefnumótun um málefni hæfileikaríkra barna „Fagleg og pólitísk umræða mikilvæg" TILLAGA að stefnumótun um málefni hæfileikaríkra barna var lögð fram á fundi fræðsluráðs Reykjavíkur 4. nóvember síðastlið- inn. Þar er hvatt til þess að fræðslustjóra verði falið að gera áætlun um hvernig koma megi til móts við þarfir barna með sérstaka hæfileika á einhverju sviði. Umræðu um tillöguna var frest- að sökum tímaskorts en til stendur að taka hana til umfjöllunar á fundi fræðsluráðs næstkomandi mánudag. Að sögn Huldu Ólafs- dóttur, fulltrúa Reykjavíkurlistans í fræðsluráði, sem lagði tillöguna fram, staðfesta niðurstöður ný- birtrar fjölþjóðlegrar rannsóknar á stöðu grunnskólanemenda í stærð- fræði og náttúrufræðigreinum þörfina á að skoða aðstöðu þess- ara barna sérstaklega. Fræðslustjóra verði falið að gera áætlun um úrbætur „Það sem er mikilvægast nú er að koma af stað faglegri og póli- tískri umræðu um málið og fá fræðslustjóra til að skilgreina hvaða nemendur myndu falla und- ir þetta. Þegar sú skilgreining er komin á hreint getum við séð um hversu stóran hóp er að ræða. Maður hefur heyrt tölur allt frá 5 og upp í 15 prósent af heildinni. Þegar við höfum fengið faglegt mat á stærðargráðunni og hug- myndir um úrbætur og lausnir, þá er komið að því að taka póli- tíska ákvörðun. Það er mjög mikil- vægt að yfirvöld skólamála, menntamálaráðuneyti og sveitar- stjórnir móti stefnu í þessum mál- um," segir Hulda. Hugsunarháttur meðalmennskunnar í greinargerð með tillögunni er talað um þær auknu kröfur sem nú eru gerðar um bætta menntun og meiri árangur í vísinda- og rann- sóknastarfsemi og að því hljóti það að vera hverri þjóð metnaðarmál að nýta sem best hugvit, hæfileika og sköpunargáfu ungu kynslóðar- innar. „Því að ef við komumst ekki upp úr hugsunarhætti meðal- mennskunnar þá tekst okkur ekki að fóstra upp hæfileikaríkt fólk," segir Hulda að lokum. Skeiðarár- sandur opn- aður í dag FRAMKVÆMDUM við bráða- birgðaviðgerð á veginum yfír Skeiðarársand er að ljúka og verður sandurinn opnaður um- ferð í dag. Uppbygging vega og brúa hefur gengið hraðar fyrir sig en reiknað var með í upphafi, en þrjár vikur eru síðan hlaup úr Grímsvötnum eyði- Iagði veginn. í gær voru vegagerðarmenn að ljúka við vegarslóðann við Gígju og klára að setja upp umferðarskilti. Áætlað var í upphafi að bráðabirgðaviðgerð myndi kosta um 200 milljónir króna. Reynir Gunnarsson, verkstjóri hjá Vegagerðinni á Höfn, sagði að kostnaður við framkvæmdirnar hefði ekki verið reiknaður út en líklegt væri að upphafleg kostnaðar- áætlun stæðist. Hann sagði að áfram yrði unnið við endurbæt- ur á varnargörðum, en nauð- synlegt væri að gera ráðstafan- ir til að verja mannvirkin ef nýtt hlaup kæmi úr Grímsvötn- Vindhviða feykti vöruflutningabíl á hliðina undir Hafnarfjalli í gær Morgunblaðið/J6n Gunnlaugsson VÖRUFLUTNINGABÍLLINN hafnaði þvert á þjóðveginum skammt norður frá Hafnará undir Hafnarfjalli í gærdag. I í » l | » w \ f „Klár á því að bílbelt in björguðu okkur" STERK vindhviða feykti vöru- flutningabíl með tengivagni frá Siglufjarðarleið á hliðina á þjðð- veginum undir Hafnarfjalli, skammt norðan við Hafnará, um kl. 15 í gærdag. „Ég er klár á því að bílbeltin björguðu okk- ur," sagði Ásmundur Einarsson bílstjóri en hann og farþegi hans sluppu heiiir úr óhappinu. Samkvæmt upplýsingum Iðg- reglunnar í Borgarnesi mældist stöðugur yindur á slysstað 8 vindstig. Ásmundur sagði að af því mætti álykta að vindhviðan hefði verið minnst 12 vindstig. Ásmundur sagði að vindur hefði ekki verið tiltakanlega mikill, a 111 þar til vindhviðan skall á bílinn. Við höggið hefði tengivagninn fokið út af vegin- um og líklega dregið bílinn nið- ur með sér sem lenti með mikl- um þunga á þjóðveginn. „Framrúðan l'ór heil úr og allt lauslegt hentist út. Þannig hefði líklega farið fyrir okkur, ef við hefðum ekki verið í beltum," sagði Ásmundur. Hann kveðst alltaf nota belti og telur hann að notkun bílbelta hafi aukist verulega meðal bílstjóra flutn- ingabíla undanfarin tvö ár. Vegurinn lokaðist í 5 tíma Nokkur umferð var um veg- inn þegar óhappið varð og kvaðst Ásmundur hafa óttast mest að lenda framan á aðvif- andi bílum úr gagnstæðri átt. BíIIinn stöðvaðist þvert á þjóð- veginum og af þeim sökum lok- aðist vegurinn fyrir umferð langferðabíla og flutningabíla í rúma fimm tíma en ekki tókst að fjarlægja vöruflutningabíl- inn af slysstað fyrr en klukkan rúmlega átta í gærkvöldi. Nokkrir stórir bílar urðu af þessum sökum að bíða þar til vegurinn opnaðist. Fólksbílar komust á hinn bóginn leiðar sinnar með aðstoð lögreglunnar sem stýrði umferð á staðnum. Viðræður um norsk-íslenzka síldarstofninn ESB krefstf um 200.000 tonna kvóta EVRÓPUSAMBANDIÐ krafðist um 200.000 tonna kvóta úr norsk- íslenzka síldarstofninum á fundi ESB og fjögurra strandríkja í London í síðustu viku, samkvæmt uppjýsingum Morgunblaðsins. Áætlaður síldarafli í ár er um 1,3 milljónir tonna. Þar af hafa strandríkin ísland, Noregur, Rúss- land og Færeyjar, veitt tæplega 1,1 milljón og ESB um 200.000 tonn, en sambandið tók sér ein- hliða 150.000 t kvóta. Vísinda- menn telja hins vegar svigrúm til að auka heildarveiðina næstu tvö árin, e.t.v. upp í um 1,5 milljónir tonna, samkvæmt upplýsingum Að sögn norsku M'B-fréttastof- unnar hefur aðalsamningamaður Noregs í síldarviðræðunum, Dag Erling Stai, staðfest að ESB hafi krafízt ' 15% heildarkvótans. Strandríkin telja sambandinu hins vegar bera í allra mesta lagi um 2% af heildarkvótanum og vísuðu þau kröfum ESB algerlega á bug. NTB greinir jafnframt frá því að Noregur og Rússland hafi sam- mælzt um að ákveða eigin síldar- kvóta, leiði viðræður við ísland, Færeyjar og ESB ekki fljótlega til niðurstöðu. Næsti fundur ríkjanna um síldarstofninn er boðaður í Ósló 12.-13. desember næstkom- andt. Síldarvertíð Norðmanna^og Rússa hefst hins vegar 2. janúar. "+
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.