Morgunblaðið - 27.11.1996, Blaðsíða 6

Morgunblaðið - 27.11.1996, Blaðsíða 6
n \ ''»'201 «aav. \ yðn ,t§ 'AiD/jyj'Av/aiu. 6 MIÐVIKUDAGUR 27. NÓVEMBER 1996 MORGUNBLAÐIÐ FRETTIR Morgunblaðið/Ásdís ROK og rigning var í Reykjavík og voru það mikil viðbrigði fyrir höfuðborgarbúa. Tveir langir kuldakaflar í óvenju hörðum mánuði Frostið í nóvember mæld- ist mest tæp þrjátíu stig NÓVEMBER hefur verið óvenju frostharður hér á landi en frost mældist mest tæp 30 stig fyrir helgi við Mývatn. I Reykjavík var frost að meðaltali um 2,8 stig sem er um þremur stigum kald- ara en vanalega á þessum árs- tíma, að sögn Eiríks Sigurðar- sonar veðurfræðings á Veður- stofu íslands. Horfur eru á að veðrabrigði séu í lofti en næstu daga verður umhleypingasamt og hiti nálægt frostmarki fram á laugardag. Veðurfar í nóvember hefur ein- kennst af tveimur kuldaskeiðum, öðru sem hófst í lok október og stóð í 14 daga, þá voru hlýindi í þrjá daga en síðan kom annar kuldakafli sem stóð í tólf daga. Eiríkur segir kuldann hafa verið mestan á Norðausturlandi og inni á hálendinu. „í nýrri veðurathugunarstöð á Mývatni mældist tæplega 30 stiga frost og í Möðrudal á Fjöllum var frostið um 26,9 stig sem er met frá árinu 1973." Urkoma hefur verið með minnsta móti í nóvem- ber að sögn Eiríks. „Éljagangur var að vísu um tíma í útsveitum fyrir norðan en þurrt var inn til landsins og mjög bjart. Nokkrum sinnum varð ekki vart úrkomu á neinni veðurskeytastöð á land- inu." Samningur kirkna Norðurlanda, Eystrasaltsríkja og Bretlands Gagnkvæm virðing fyrir helgisiðum og sakramentum BISKUP íslands sækir guðsþjónustu í Westminster Abbey í London á morgun, fímmtu- dag, þar sem jafn- framt er ritað undir samkomulag lút- ersku kirknanna á Norðurlöndum og í Ey strasaltsríkj un- um og ensku bisk- upakirkjunnar. Samkomulagið kveður á um gagn- kvæma virðingu fyrir vígslum, helgi- siðum og sakra- mentum kirknanna. Elísabet II Breta- drottning og Filippus prins sitja messuna. Hr. Ólafur Skúlason, biskup íslands, sagði að samningur kirknanna í þessum löndum yrði nú í raun undirritaður í þriðja og síðasta skipti, því áður hefði hann verið undirritaður í Þránd- heimi í Noregi og í Tallin í Eist- landi. „Til messu í Westminster Abbey koma höfuðbiskupar landanna, erkibiskuparnir í Eng- landi, Wales, Norður-írlandi og Skotlandi. Þá verður einnig hald- in mikil veisla," sagði biskup í samtali við Morgunblaðið. „Samningur kirknanna kveður á um aukið samstarf og er jafn- framt staðfesting á umburðar- lyndi. Nú er litið til þess sem sameinar kirkjurnar, en ekki þess sem aðskilur, eins og ólíkir helgisiðir." Biskup sagði að danska kirkj- Hr. Olafur Skúlason biskup. an ætti ekki aðild að samningnum, en fulltrúar hennar hefðu setið alla fundi um málið og hann ætti von á virkri þátttöku Dana fyrr en síðar. Danska þingið þyrfti hins vegar að samþykkja slíkt og það væri því ytri rammi sem gerði dönsku kirkjunni erfiðara fyrir en öðr- um norrænum kirkj- um. Embættisgengi presta virt Eitt af því sem samningurinn tryggir er að enska biskupakirkj- an viðurkennir vígslu biskupa norrænu landanna og biskupa Eystrasaltslanda. „Enska bisk- upakirkjan hefur viðurkennt vígslu sænsku og fínnsku bisk- upanna, þar sem vígsluröð þeirra er óslitin og hana má rekja allt aftur til Páls postula í Róm," sagði Ólafur Skúlason. „Þá hefur samningurinn í för með sér að embættisgengi presta er virt jafnt alls staðar. Islenskur prest- ur gæti því sótt um brauð í Eng- landi." Biskup sagði að fyrir íslenskan leikmann þýddi samningurinn meðal annars, að íslendingur gæti orðið viðurkenndur fulltrúi í enskum söfnuði án nokkurra fyrirvara, líkt og gilt hefði milli Norðurlanda. Á sama hátt yrði Englendingur boðinn velkominn í íslenska söfnuði. Framsóknarflokkurinn og hugmyndir um endurskoðun fiskveiðistjórnunar UMRÆÐUR um hugsanlega end- urskoðun á ýmsum þáttum gildandi fiskveiðistjórnunarkerfis eru nú komnar í fullan gang innan Fram- sóknarflokksins, að mati þriggja þingmanna flokksins sem Morgun- blaðið ræddi við. Nýjar hugmyndir í þessa veru, sem fram komu í setningarræðu Halldórs Asgrímssonar, formanns Framsóknarflokksins á flokksþingi framsóknarmanna sl. föstudag, auk umræðna á flokksþinginu og þeirra niðurstaðna sem það náði sam- komulagi um í ályktun sinni um sjávarútvegsmál, eru sagðar til marks um þetta. Formaðurinn gaf upp boltann „Það sem mér finnst standa upp úr," segir Hjálmar Árnason alþing- ismaður, „er að flokksþingið ákvað að fara út í þessa umræðu, þótt það væri vitað að hún yrði erfið. Formaðurinn gaf upp boltann, og síðan leiddu menn saman hesta sína - mjög ólíka - og það náðist alveg sameiginleg niðurstaða." Hana segir Hjálmar ekki hægt að túlka nema á einn veg: „í fyrsta lagi að flokksþingið hafnar auð- lindaskatti að óbreyttu, enda ekki svigrúm til þess [að leggja hann á]. Enflokkurinn vill ekki útiloka neitt. Ég tel að flokksþingið sé að segja, að í fyllingu tímans, þegar greinin hefur jafnað sig, skuli skoða með hvaða hætti við nálg- umst þann ágóða sem greinin von- andi fer að skila á næstu misser- um," segir Hjálmar Árnason. Siv Friðleifsdóttir segist túlka setningarræðu Halldórs þannig, að hann sé „að opna á gjörsamlega Umræðan á fullt skrið innan flokksins nýjar hugmyndir," og á þar við orð formannsins um að verð á kvótan- um sé of hátt og að hann vilji skoða þann möguleika að setja þá aukn- ingu sem kann að verða á úthlutun aflaheimilda á markað í þeim til- gangi að reyna að lækka verð heimildanna. „Sumir hafa túlkað þetta sem veiðileyfagjald, en það er ekki hægt að mínu mati," segir Siv, veiðileyfagjald sé frekar al- mennur skattur sem settur sé á greinina. Pólitísk stórtíðindi Annað atriði í hugmyndum Hall- dórs segir Siv allt of lítið hafa ver- ið fjallað um, en það er að end- urskoða skuli þær reglur sem eiga við þá aðila sem fá úthlutað kvóta en nýta hann ekki sjálfir ár eftir ár. Almenning í landinu svíði mjög sárt að horfa upp á það, að þessir menn fái heimildunum úthlutað ár eftir ár og leigi þær fyrir stórfé án þess að nýta þær sjálfir. Hall- dór vilji endurskoða gildandi reglur um skerðingu á úthlutun kvóta til þessara aðila. „Ég met það svo, að það séu pólitísk stórtíðindi, að Halldór opni á að endurmeta þess- ar reglur og lækka verð á kvóta með því að ríkið komi inn á mark- Hjálmar Árnason Siv Friðleifsdóttir Guðni Ágústsson aðinn með viðbótarafla," segir Siv. Þetta sýni, að mikil umræða sé komin af stað í flokknum um þessi mál. Svigrúm til auðlindaskatts ekki í sjónmáli Siv bendir á, að í ályktun fram- sóknarmanna á Reykjanesi um: sjávarútvegsmál, sem gefin var út fyrir flokksþingið, segir að ekki sé tímabært „að óbreyttu" að taka upp veiðileyfagjald. I ályktun flokksþingsins sjálfs var komizt að þeirri niðurstöðu að „sjávarútveg- urinn hafi ekki svigrúm til að greiða auðlindaskatt," en túlkun á þýðingu þess orðalags er mismun- andi. Siv segist vera mjög sátt við niðurstöðu flokksþingsins. „Þetta svigrúm er ekki í sjónmáli á næst- unni," segir Siv, og bætir við að hún telji það muni koma illa út fyrir landsbyggðina, ef auðlinda- gjald yrði lagt á núna. „Við hins vegar opnum á það að rétt sé að endurskoða þetta þegar greinin hefur náð að laga sig að breyttum aðstæðum," segir hún. Agnúar sniðnir af kerfinu Guðni Ágústsson segir Halldór Ásgrímsson hafa sýnt þor með því að opna umræðu um breytingar á fiskveiðistjórnunarkerfinu, „með það að markmiði að sníða af agnúa sem nú hrekkja þjóðarsálina mest." Vissulega hafi verið tekizt á um þetta á flokksþinginu, en „niður- staðan er sú, að menn lokuðu eng- um hurðum," segir Guðni. Það eru fjögur atriði, sem særa réttlætisvitund almennings mest í þessu sambandi, segir Guðni. Það fyrsta sé salan á veiðiheimildum, sem er í formi afnotaréttar, því lög- um samkvæmt eigi þjóðin auðlind- ina sameiginlega. Síðan sé það leiga kvótans. „Sumir menn eru að hirða svo gríðarlegar upphæðir, að manni blöskrar," segir Guðni um þetta atriði. í þriðja lagi liggi kerfið und- ir þeim grun, að það leiði sjálft til þess að fiski sé hent í sjóinn. Síð- asta atriðið sé svo staða byggðanna gagnvart kerfinu. Spáir breytingum í réttlætisátt Með ályktun flokksþingsins segir Guðni að formanni flokksins sé gefið færi á því „að ganga til þess verks í ríkisstjórninni og stjórnar- flokkunum að sníða stærstu van- kantana af sjávarútvegskerfinu og ná sátt um það." Sú vinna muni leiða til breytinga. „Ég spái breyt- ingum á næstu tveimur árum - í réttlætisátt," segir Guðni Ágústs- son.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.