Morgunblaðið - 27.11.1996, Page 25

MORGUNBLAÐIÐ
MIÐVIKUDAGUR 27. NÓVBMBER 1996 25
LISTIR
íslenskir
riddarar,
ekki lömb
Menningarhátíðinni Boreales á Normandí
er lokið. ísland hefur verið áberandi í Frakk-
landi undanfama daga, dæmi hafa gefíst
um myndlist og tónlist, en íslensk skáld
verið í sérstöku uppáhaldi. Þórunn
Þórsdóttir fylgdist um helgina með fund-
um þeirra við franska starfsfélaga. Hún
þurfti stundum að tylla sér í tröppur því
fjömennt var á fundunum eins og öðrum
viðburðum hátíðarinnar.
ÍSLENSKIR vindar blása um
Frakkland núna og Guðbergur
Bergsson rithöfundur spáir því að
ekki lægi í tvær vikur. Bókmennta-
hátíðinni Boreales eða norðurljósum
lýkur á Normandí í dag. Guðbergur
var á hátíðinni ásamt Álfrúnu
Gunnlaugsdóttur, Steinunni Sig-
urðardóttur, Thor Vilhjálmssyni og
Kristjönu Gunnarsdóttur sem býr
og skrifar í Kanada.
„Nú muna Frakkar eftir íslandi
í hálfan mánuð,“ segir Guðbergur,
„og næst þegar minnst er á landið
hugsa þeir um bækur, eldfjöll og
sjó. Hér er ekki haldin hátíð af bróð-
urkærleik, við erum ekki lítil lömb,
við erum í því alþjóðlega sam-
hengi, sem er betra en eldhúsið
heima.“
Boreales er árlega besta tæki-
færi Frakka til að komast í kynni
við Norðurlönd. Aðallega bækur,
en einnig tónlist og myndir, leikhús
og bíó. Fimmta árið helgaðist ís-
landi, arfleifð og samtíma. Haldið
var málþing um bókmenntir að
fornu og nýju, opnuð var sögusýn-
ing, sungið og spilað, lesið og talað
um bækur. Síðasta helgi var há-
punktur hátíðarinnar, íslensku höf-
undarnir ræddu við franska fyrir
fullu húsi áheyrenda.
Rithöfundar ræðast við
Áhugi og ánægja lá í loftinu,
ýkjulaust, og íslensk flögg sviptust
yfir kastalavirkinu í Caen, höfuð-
borg svæðisins. Saiir voru næstum
eða alveg fullir af fólki á öllum við-
burðum helgarinnar, nýþýddar ís-
lenskar bækur seldust eins og heit-
ar lummur, höfundar árituðu
þreyttir eftir samtal í áheyrn 200
forvitinna Frakka, auðvitað með
glampa í augum. Þeim hafði verið
stefnt til fundar við félaga í hugsun
og viðfangsefni.
Guðbergur Bergsson byijaði á
laugardag með frönsku skáldkon-
unni Paule Constant. Þau töluðu
um stelpusögur, feimni og ferðalög.
Svo ræddu Álfrún Gunnlaugsdóttir
og Agota Kristof um einmanaleika,
tvenndarheim og leitina að sjálfi
og samastað í tilverunni. Á sunnu-
deginum hlógu þær að ástinni,
Steinunn Sigurðardóttir og Emm-
anuele Bernheim. Heilluðu gesti
með því kvenlega, draumkennda og
afar raunverulega. Síðan töluðu
Kristjana Gunnarsdóttir og Pierre
Bergounioux um frásagnir af minn-
ingum úr öðrum tíma, öðrum heimi;
frásagnir þess sem í senn horfir
fram á við og um öxl. Loks hittust
Ljósmynd/Jan Guillov
Á BOREALES á Normandí. Á myndinni eru frá vinstri: Veronique og Eric Eydoux, forseti menning-
arhátíðarinnar, Áshildur Haraldsdóttir, flautuleikari, Torfi Tulinius, dósent í frönsku við Háskóla
íslands, Rut Ingólfsdóttir, fiðluleikari, Björn Bjarnason, menntamálaráðherra, Steinunn Filipusdóttir
LeBreton, íslenzkukennari við háskólann í Caen, sendiherrahjónin Guðný Aðalsteinsdóttir og Sverr-
ir Haukur Gunnlaugsson, Valgerður Hauksdóttir, myndlistarmaður og rithöfundarnir Álfrún Gunn-
laugsdóttir og Kristjana Gunnarsdóttir.
í OPNUNARHÓFI menningarhátíðarinnar Iék Áshildur Haralds-
dóttir á flautu og Ingveldur Ýr Jónsdóttir mezzosópran flutti ljóð
eftir Mahler á tónleikunum sem fylgdu á eftir.
Thor Vilhjálmsson og Edouard
Glissant. Eyjaskeggjar sem vilja
tala fyrir þá þöglu, auðga mál sitt
og hrinda drunga af lesendum.
Tónleikar og sögusýning
Hátíðin hófst 19. nóvember en
var formlega opnuð með tónleikum
á föstudaginn var. Áshildur Har-
aldsdóttir lék á flautu í opnunarhóf-
inu og Ingveldur Ýr Jónsdóttir
mezzosópran flutti ljóð eftir Mahler
á tónleikunum sem fylgdu á eftir.
Meðal viðstaddra voru mennta-
málaráðherra, Björn Bjarnason, og
Rut Ingólfsdóttir kona hans. Hún
mun leika á fiðlu sína með Kammer-
sveit Reykjavíkur í Caen í dag og
bæta tveim tónleikum við í vik-
unni. Sendiherra íslands í Frakk-
landi, Sverrir Haukur Gunnlaugs-
son, var einnig við opnunina, ásamt
eiginkonu sinni, Guðnýju Aðal-
steinsdóttur. Og Beatrice Cantoni,
sendiherrafrú Frakka á íslandi, og
350 aðrir góðir gestir voru við opn-
unina.
Fjölmenni var líka morguninn
eftir á opnun sýningar um sögu
íslands og arkitektúr. Hún þótti
vönduð og upplýsandi og íslenski
sendiherrann sagði þarna dæmi um
það sem hægt væri að gera vel án
þess að kosta miklu til. Mynda-
spjöld voru fengin úr Norræna hús-
inu og textar þýddir á frönsku.
Danskur arkitektaskóli lagði til
húsamódel og mörgum þótti
skemmtilegt að sjá með þessum
hætti íslenskan nútíma. Frédéric
Durand, stofnandi norrænudeildar-
innar við Háskólann í Caen, sagði
torfbæina bara vanta og gamall
starfsbróðir hans, sérfræðingur í
þjóðháttum, benti honum á að fara
þá til Charmonix í Ölpunum, þar
væru lík hús, aðeins öðruvísi
skreytt.
Víkingar og fjallabændur,
strandhögg og ostagerð, skáld og
riddarar, Island og Frakkland, á
þessari hátíð vestast í Frakklandi.

LTU HLUT I OFLUGUSTU FYRIRTÆKJUNUM ?
Þú fjárfestir í Auðlindarbréfum og eignast hlut í fjölmörgum
sterkum og vaxandi fyrirtækjum. Betri afkoma hefur þýtt
góða ávöxtun á Auðlindarbréfum. Ávaxtaðu fé þitt án
fyrirhafnar - og tryggðu þér skattaafslátt í leiðinni.
Til að fullnýta skattaafsláttinn má einstaklingur kaupa
hlutabréf fyrir u.þ.b. 130.000 kr. og fær þá rúmlega 43.000
kr. í afslátt. Iljón geta keypt tvöfalda þessa upphæð.
Á árs- grundvelli Nafn- ávöxtun Raun- ávöxtun
Sl. 3 mán. 24,8% 20,4%
Sl. 6 mán. 57,0% 52,3%
Sl. 12 mán. 51,7% 48,6%
Sl. 2 ár 38,1% 35,2%
Sl. 3 ár 26,6% 24,4%
Sl. 4 ár 19,6% 17,1%
Sl. 5 ár 15,4% 13,2%
KAUPÞING HF
Ármúla 13A
Si'mi S15 1500
Engin útborgun-1. greiðsla í febrúar - 12mánaða greiðslur-Eittsímtal- Boðgreiðslur • Áskrift
00