Morgunblaðið - 23.01.1997, Page 21

MORGUNBLAÐIÐ
FIMMTUDAGUR 23. JANÚAR 1997 21
LISTIR
„Athyglisverðasti
píanóleikarmn“
Morgunblaðið/Ásdís
DMITRI Alexéev mun flytja píanókonsert nr. 1 eftir Brahms
með Sinfóníuhljómsveit Islands í kvöld.
HANN er háttvís, viðmótsþýður og
hæglátur maðurinn sem breska dag-
blaðið Daily Telegraph kallaði ekki
alls fyrir löngu „athyglisverðasta
píanóleikarann í dag“. Og þótt hann
sé að sönnu snillingur á sínu sviði,
virtúós, ber hann ekki bumbur —
heldur lætur verkin tala.
Dmitri Alexéev kemur nú í þriðja
sinn fram með Sinfóníuhljómsveit
íslands, síðast var hann hér á ferð
fyrir nákvæmlega fimm árum, þeg-
ar hann lék píanókonsert nr. 3 eftir
Prokofíev „snilldarvel", svo vitnað
sé í dóm Jóns Asgeirssonar í Morg-
unblaðinu, á tónleikum í Háskóla-
bíói 23. janúar 1992. „Er það flest-
um sem á hlýddu eftirminnileg
stund,“ að því er fram kemur í
máli Helgu Hauksdóttur, tónleika-
stjóra sinfóníuhljómsveitarinnar.
En það var fleira í þeirri ferð
eftirminnilegt en tónleikamir, í það
minnsta í huga Alexéevs. Flugferð-
inni frá London til Keflavíkur lauk
til að mynda í Glasgow eftir að flug-
stjórinn varð, eftir dúk og disk, að
láta í minni pokann fyrir ósviknu
íslensku vetrarveðri. Píanóieikarinn
kom fyrir vikið sólarhring síðar en
ráð var fyrir gert til landsins og
náði einungis einni æfingu með
hljómsveitinni fyrir tónleikana.
Og ekki verða æfíngamar fleiri
að þessu sinni, þótt skaplega hafi
viðrað hér á norðurslóð í vikunni,
en píanóleikarinn kom ekki til lands-
ins fyrr en síðdegis í gær, þar sem
hann þurfti að leika á tónleikum í
Lundúnum í fyrrakvöld. Nú gekk
flugið hins vegar eins og í sögu.
„Svona er líf einleikarans, hann
getur þurft að hendast heimshoma
á milli í sömu vikunni. Tónlistin er
hins vegar mínar ær og kýr, þannig
að ég kvarta ekki meðan ég ferðast
til að spila,“ segir Alexéev.
Ljúfar minningar
Alexéev hóf ungur píanónám við
tónlistarháskólann í Moskvu, þaðan
sem hann útskrifaðist átján ára að
Rússneski píanóleikar-
inn Dmitri Alexéev
verður gestur Sinfóníu-
hljómsveitar íslands á
tónleikum í Háskólabíói
í kvöld, þar sem minn-
ing tónjöfranna Brahms
og Schuberts verður
heiðruð. Orrí Páll
Ormarsson tók á móti
þessum virta listamanni
við komuna til
Reykjavíkur í gær.
aldri. Á námsámnum tók hann þátt
í ýmsum alþjóðlegum píanókeppn-
um, svo sem Enescu-keppninni í
Búkarest, Marguerite Long-keppn-
inni í París, Leeds-keppninni í Eng-
landi og Tjækovskíj-keppninni í
Moskvu og hlaut fyrir æðstu viður-
kenningu. Auk tónleikahalds í
helstu tónleikasölum heims hljóðrit-
ar Alexéev fyrir EMI, BMG, Virgin
og fleiri útgáfufyrirtæki.
Þótt Alexéev hefði að ósekju vilj-
að æfa meira með hljómsveitinni
fyrir tónleikana í kvöld er hann
hvergi banginn. „Sinfóníuhljómsveit
Islands er mjög góð hljómsveit sem
hefur tamið sér vönduð og fagleg
vinnubrögð, þannig að við verðum
ömgglega fljót að finna farveginn.
Það er virkilega ánægjulegt að vera
kominn til íslands á ný en ég á ein-
göngu ljúfar minningar frá fyrri
heimsóknum mínum.“
í ár verður þess minnst um viðan
völl að tvö hundmð ár em liðin frá
fæðingu Franz Schuberts (1797-
1828) og eitt hundrað ár frá and-
láti Johannesar Brahms (1833-
1897). Sinfóníuhljómsveit íslands
mun ekki láta sitt eftir liggja og
verður minning þessara tónjöfra
heiðmð sérstaklega í kvöld en
Brahms mun jafnframt setja svip
sinn á tónleika hljómsveitarinnar
30. janúar og 5. júní næstkomandi.
Alexéev mun flytja píanókonsert
nr. 1 eftir Brahms með hljómsveit-
inni. Segir hann verkið einn besta
píanókonsert sem saminn hafi verið
fyrr og síðar og geri feikilegar kröf-
ur til einleikara, hljómsveitar og
stjómanda. Við annað hljóð kvað
hins vegar þegar konsertinn var
frumfluttur í Hannover árið 1861
en þá fékk hann afar slæma dóma
og Brahms, sem sjálfur lék einleik-
inn, varð fyrir miklum vonbrigðum.
Síðar hlaut verkið á hinn bóginn
uppreisn æra og er nú, svo sem
AJexéev vitnar um, talið meðal af-
burðaverka Brahms.
Heyrði verkið aldrei flutt
Franz Schubert, sem var sam-
tímamaður Beethovens, telst til
þeirra tónskálda sem tengdu saman
klassísku og rómantísku stefnuna.
Var hann sériega afkastamikill og
vann fjölmörg afrek á skammri
ævi. Vafalítið er Schubert kunnast-
ur fyrir sönglög sín en þau era
hvorki fleiri né færri en 660. Sinfón-
ía nr. 7 í C-dúr, sem flutt verður í
Háskólabíói í kvöld, var samin á
áranum 1825-26. Tónskáldinu ent-
ist raunar ekki aldur til að heyra
verkið flutt en þrátt fyrir að Vínar-
borg, þar sem það bjó, væri höfuð-
vígi tónlistarinnar á 19. öld gekk
ýmsum tónskáldum illa að fá verk
sín þar flutt, þeirra á meðal Schu-
bert. Það var svo fyrir tilstilli Ro-
berts Schumanns að sinfónían var
framflutt af Gewandhljómsveitinni
í Leipzig undir stjóm Mendelssohns
í kringum 1840.
Maðurinn sem stjóma mun flutn-
ingnum í kvöld, Giora Bemstein,
fæddist í Vínarborg en ólst upp í
ísrael. Framhaldsnám stundaði
hann við Mozarteum-stofnunina í
Salzburg, þar sem kennari hans var
Igor Markevitch. Þaðan lá leiðin í
Juilliard-tónlistarháskólann í New
York og síðar í Brandeis-háskólann
í Boston, þaðan sem hann lauk dokt-
orsprófí. Bemstein hefur stjómað
ýmsum hljómsveitum beggja vegna
Atlantsála og er nú listrænn stjóm-
andi tónlistarhátíðarinnar í Colorado
í Bandaríkjunum.
tímmu-
rúgbrauð
Egils Krislall m/sítrónubragði
Eglls Krlstall m/eplabragði
Eglls lúborg léttöl
0,5 Itr dós
...og gæðin koma í ljós.
Þorrabahhi
ósúr, 350 gr.

Octhcr
Kartöflumús,
220 gr.