Morgunblaðið - 23.01.1997, Blaðsíða 39

MORGUNBLAÐIÐ
FIMMTUDAGUR 23. JANÚAR 1997 39
HESTAR______________
Fyrsta sameignar-
félagið um gelding
SIGGGI Matt. sem náði frábærum árangri á Hugin frá Kjartans-
stöðum á síðasta HM hugleiðir nú hvort hann nýti rétt sinn og
mæti með klárinn á næsta HM til að veija titlana.
Siggi Matt.
með Hugin á
næsta HM?
Morgunblaðið/Valdimar Kristinsson
GUNNAR og Jóhann Þór hafa selt helminginn í Hauki frá
Vorsabæ fyrir 125 þúsund krónur og binda þeir vonir við að í
honum leynist gæðingur góður þannig að þeir og aðrir meðeig-
endur muni hagnast á eignaraðildinni.
LANDSLIÐSMAÐURINN kunni
Sigurður V. Matthíasson hugleiðir
nú þessa dagana að fara með Hugin
frá Kjartansstöðum á ið sem haldið
verður í Seljord í Noregi í sumar.
Sem kunnnugt er hlutu þeir Sig-
urður og Huginn tvo HM-titla á
mótinu í Sviss fyrir einu og hálfu
ári. Allir heimsmeistarar eiga rétt á
að mæta með þá hesta sem þeir
unnu afrekin á til að veija titlana. í
samtali við Morgunblaðið sagðist
Sigurður vera að hugleiða hvort hann
mætti með Hugin eða tæki þátt í
Móta-
skráin
seint á
ferðinni
MÓTASKRÁ Landsambands
hestamannafélaga og HÍS er
seint á ferðinni að þessu sinni.
Að sögn Sigurðar Þórhalls-
sonar framkvæmdastjóra LH
er fyrst og fremst um að
kenna hversu illa gengur að
fá dagsetningar mótanna frá
aðildarfélögum samtakanna.
Sagði hann að þrátt fyrir
nokkurn eftirrekstur gengi
illa að fá þetta hjá sumum
félaganna í tíma.
Þá hefðu dagsetningar í
einu tilviki rekist á; íslands-
mótsins, sem verður haldið á
Vindheimamelum að þessu
sinni, og svo mót Sleipnis og
Smára, sem haldið er að
Murneyri. Sagði Sigurður að
það mál væri að leysast og
yrði skráin tilbúin von bráðar
eða um leið og búið yrði að
greiða úr þessu máli.
Kristinn Hugason hrossa-
ræktarráðunautur sagði að
skrá yfir kynbótasýningar
yrði tilbúin um miðjan febr-
úar. Reynslan væri sú að ef
skráin væri gerð mikið fyrr
kæmu margar óskir um
breytingar og því færi best á
að gera hana þegar mótaskrá
hestmanna lægi fyrir. Hann
sagðist hinsvegar gera ráð
fyrir að allar helstu sýningar
ársins yrðu á svipuðum tíma
og verið hefur.
úrtökunni með nýjan hest. Agust
Beyer eigandi Hugins hefur boðið
Sigurði að fá hestinn og mun hann
fara utan og prófa hann og leggja á
ráðin um þjálfun hans ákveði hann
að mæta með hann í Seljord.
Sigurbjörn Bárðarson sem vann í
gæðingaskeiði á Höfða frá Húsavík
í Sviss á sömuleiðis rétt á að mæta
með hann til leiks í Seljord. Ekki
þykir líklegt að hann nýti rétt sinn
að mæta með Höfða sem heimsmeist-
ari því þeir fengju einungis að keppa
í gæðingaskeiði.
SAMEIGNARFÉLÖG um stóðhesta
njóta vaxandi vinsælda eins og fram
kom í hestaþætti Morgunblaðsins
fyrir skömmu. Nú hefur hinsvegar
fyrsta sameignarfélagið verið stofn-
að um fjögurra vetra ótaminn geld-
ing og er verðmæti hans komið í 250
þúsund krónur að talið er.
Upphafsmenn að félaginu eru þeir
Gunnar Þorsteinsson og Jóhann Þór
Jóhannesson hestamenn í Mos-
fellsbæ, en hugmyndin varð til eftir
að stofnað var hlutfélag um stóðhest-
inn Hjálmar frá Vatnsleysu sem sagt
var frá í síðustu viku. Úpphaf máls-
ins er það að Gunnar fékk fola þenn-
an, sem er brúnblesóttur og sokkótt-
ur á þremur fótum, í hestakaupum
í fyrra. Hann segist hafa látið fyrir
hann brúnan taminn hest sem fór á
ágætu tölti þegar hann vildi það við
hafa sem var reyndar mjög sjaldan
en kom þó fyrir, eins og Gunnar
orðar það. Þegar Jóhann Þór félagi
hans varð tuttugu og fimm ára í
sumar gaf Gunnar honum helming-
inn í folanum í afmælisgjöf en hug-
myndin um sameignarfélagið varð
ekki til fyrr en folinn var tekinn á
hús nýlega.
Greitt með peningum, heyi eða
skófatnaði
Fimmtíu hlutir eru í folanum og
eiga þeir félagar 25 þeirra en hafa
selt hina hlutina fyrir fimm þúsund
hvem. Er því með réttu hægt að
segja að hesturinn sé metinn á 250
þúsund krónur sem er býsna hátt
verð fyrir ótaminn ættlítinn fola.
Ýmist hefur verið greitt með pening-
um, heyi, skótaui eða fatnaði ýmis-
konar fyrir hlutina.
Folinn hefur hlotið nafnið Haukur
en hann var nefndur í höfuðið á
Hauki Níelssyni dýragæslumanni í
Mosfellsbæ, en hann elti nafna sinn
í þijár klukkustundir í sumar þegar
hann hafði stokkið út úr girðingu í
Mosfellsdal. Þegar þeim ferfætta fór
að leiðast þófið stökk hann aftur inn
í girðinguna og lauk þar með leiknum
að sögn Gunnars og Jóhanns Þórs.
Fyrir skömmu gáfu þeir félagar
Hauki dýragæslumanni einn hlut
með þeim orðum að hann ætti það
skilið því hann væri sá maður sem
mesta vinnu hefði lagt í Hauk það
sem komið væri.
Margir kunnir hestamenn eru
meðeigendur í Hauki og má þar
nefna Sigurð V. Matthíasson, Hinrik
Bragason, Daníel Jónsson og Gunnar
Bogason. Haukur verður frumtaminn
í vetur og mun Gunnar sjá sjálfur
um það. Þeir Gunnar og Jóhann Þór
vonast til að Haukur verði góður
hestur þannig að hægt verði að sýna
hann í keppni og sýningum á næstu
árum. Telja þeir víst að fáir hestar
muni eiga jafn marga dygga stuðn-
ingsmenn í brekkunni þegar hann
mun koma fram. Fróðlegt verður að
fylgjast með hvemig verðmæti hlut-
anna í Hauki munu þróast á næstu
árum.
Kynbóta-
dómar í
febrúar
FYRSTU kynbótadómar ársins verða
21. febrúar nk. þar sem öllum verður
gefinn kostur á að koma með hross
til dóms hryssur, geldinga og stóð-
hesta. Kristinn Hugason hrossarækt-
arráðunautur sagði þetta vera tilraun
til að jafna álagi yfir árið.
Skráning á þessa sýningu verður
hjá Búnaðarsambandi Suðurlands og
skal skráningu vera lokið fyrir 19.
febrúar. Sagði Kristinn þetta góðan
valkost fyrir til dæmis þá sem væru
með geldinga í góðri þjálfun sem
ætti að selja en væri gott að fá dóm
vegna kynbótamatsins. Samsvarandi
sýning mun verða 21.-22. mars og
kvaðst Kristinn gera ráð fyrir meiri
þátttöku þá. Þá kom fram hjá Kristni
að dómar vegna árlegri vorsýningu
í Gunnarsholti hæfust 29. apríl en
yfírlitssýning yrði 1. maí og verðlaun
afhent 3. maí. Hér væri fyrst og
fremst um að ræða dóma fyrir stóð-
hesta.
Þá væri í ráði að halda stóðhesta-
sýningu Norðurlands 10. til 11. maí
og vonaðist hann eftir að hún yrði
haldin að Hólum en réðst af vallarað-
stæðum. Að síðustu sagði Kristinn
að haldin yrði alþjóðlegt námskeið
fyrir kynbótadómara 5.-9. maí nk.
en það væri framhald af ákvörðun
aðalfundar Alþjóðasambands eig-
enda íslenskra hestaeigenda (FEIF)
sem haldinn var í haust. Er hér um
að ræða námskeið sem veitir réttindi
til þátttöku í dómsstörfum á alþjóð-
legum vettvangi og mun það vera
fyrsta sinnar tegundar sem haldið
er. Víkingur Gunnarsson, ræktunar-
fulltrúi í stjóm FEIF og kennari á
Hólum, hefur yfirumsjón með nám-
skeiðinu en Hólaskóli og Bændasam-
tökin standa sameiginlega að fram-
kvæmd þess.
Morgunblaðið/Valdimar Kristinsson
Hægfara framfarir
TÆKNIFRAMFARIR í járn-
ingum hafa verið heldur hæg-
fara miðað við margt annað
gegnum aldirnar. Þó kemur
fyrir að ný verkfæri líti dags-
ins ljós til að létta mönnum
starfið og hér prófar Anna
Björg Níelsdóttir sérstakan
þrífót sem heldur fæti hestsins
sem léttir mjög starf járninga-
mannsins. Anna Björg var á
járninganámskeiði í Ilestamið-
stöðinni í Hindisvík uin síðustu
helgi þar sem hún þreytti próf
í járningum sem er hluti af
inngönguprófi í Félag tamn-
ingamanna.