Morgunblaðið - 28.02.1997, Side 25

MORGUNBLAÐIÐ
LISTIR
FÖSTUDAGUR 28. FEBRÚAR 1997 25
Bergman snýr aftur
Stóðst ekki verk P.O. Enquist
INGMAR Bergman var margbú-
inn að lýsa því yfir að hann
væri hættur, búinn að draga sig
í hlé, að hann kæmi ekki oftar
nálægt leikhúsi. En svo barst
honum sending sem hann stóðst
ekki, leikrit eftir Per Olov
Enquist. Það nefnist „Mynda-
smiðirnir" og fjallar um sam-
skipti skáldkonunnar Selmu
Lagerlöf og kvikmyndagerðar-
mannsins Viktor Sjöström, sem
var ein af fyrirmyndum Berg-
mans.
Síðasta uppsetning Bergman,
sem er orðinn 79 ára, var
„Yvonne“ eftir Gombrowicz.
Hann dvelur flestum stundum á
eynni Fárö en þangað sendir
sænska kvikmyndastofnunin
honum reglulega stóra send-
ingu af gömlum kvikmyndum
sem hann horfir á í einkabíó
sínu. Ein af þeim myndum sem
hann segist horfa á að minnsta
kosti einu sinni á ári er einmitt
eftirSjöström,„Kúskurinn“.
Verkið gerist í klippiherbergi
á öðrum áratug þessarar aldar,
þar sem Sjöström er
að klippa mynd eftir
skáldsögu Lagerlöf.
Þegar skáldkonan
bankar upp á til að
líta á árangurinn
kastast í kekki á
milli listamannanna
og brátt bætast fleiri
í hópinn. Gert er ráð
fyrir að verkið verði
frumsýnt á Dramat-
en í Stokkhólmi í
febrúar á næsta ári.
Bergman hefur
verið geysileglega
áhrifamikill í sænsku leikhúslífi
um áratugaskeið. Til marks um
það eru þær deilur sem urðu á
síðasta ári um hver ætti að
stjóma Dramaten og hvernig.
Þegar þær stóðu sem hæst var
haft eftir einum gömlum sljórn-
málaref: „Ég skil ekki hvers
vegna þarf að ræða þetta svona
fram og aftur. í minni tíð
hringdum við bara til Bergmans
og spurðum hver ætti að stjórna
Dramaten. Svo réðum við þann
sem hann nefndi. í
Politiken er fullyrt
að sú hafi einnig
verið raunin nú, þótt
málið hafi þvælst
lengur í kerfinu.
Ingrid Dahlberg,
núverandi leikhús-
stjóri starfaði um
margra ára skeið í
sjónvarpi og fram-
leiddi m.a. mynd
Bille August eftir
handriti Bergmans
„Den goda viljan“.
Hennar bíður erfitt
verkefni niður-
skurðar og breyt-
inga en hún velktist ekki í
nokkrum vafa um hvaða leik-
hússtjóra hún ætti að hafa sam-
band við þegar hún fékk hand-
rit Enquist í hendur.
Utan heimalandsins er Berg-
man þó líklega þekktastur fyrir
kvikmyndir sínar, en eins og svo
oft áður, kom frægðin utan að.
Hann öðlaðist ekki viðurkenn-
ingu í heimalandinu fyrr en
Bandaríkjamenn höfðu
uppgötvað hann.
Ingmar Bergman
KÓR Öldutúnsskóla.
Sýningn Krist-
ínar í Stöðla-
koti að ljúka
SÝNINGU Kristínar Geirs-
dóttur í Stöðlakoti lýkur
sunnudaginn 2. mars.
Á sýningunni eru níu stærri
verk auk nokkurra minni
verka. Myndirnar eru unnar
með kolum og línolíu á pappír.
Viðfangsefnið er tíminn -
hvemig tíminn gengur á alla
hluti.
Sýningin er opin daglega frá
kl. 14-18.
Kór Oldu-
túnsskóla í
Hafnarborg
í TILEFNI af samsýningu fjörutíu
og eins listamanns í Hafnarborg,
menningar- og listastofnun Hafn-
arfjarðar, mun Kór Öldutúns-
skóla, undir stjórn Egils Rúnars
Friðleifssonar, syngja fyrir sýn-
ingargesti næstkomandi sunnu-
dag, 2. mars kl. 15.
Kórinn mun flytja verk eftir
íslensk og erlend tónskáld og eru
allir velkomnir.
BOB HOSKINS DAN AYKROYD
Rainbow meö Bob Hoskins og Dan Aykroyd í aðalhlutverkum er skemmtileg mynd sem fjallar um fjóra snjalla krakka sem eiga
sér þann draum stærstan að komast að enda regnbogans og finna þar fjársjóð. Með hjálp tölvu tekst þeim að finna
regnbogann og lenda um leið í miklum ævintýrum. Vandræðin byrja fyrst þegar krakkarnir stela regnbogagulli, því um leið þá
tekur veröldin skyndilegum breytingum. Gullið er orkugjafi regnbogans og regnboginn er það sem gefur heiminum lit. Þegar
allir litir hverfa þá verður heimurinn svartur og hvítur og allt súrefni hverfur. Krakkarnir verða að finna ráð til að skila gullinu
aftur í regnbogann og bjarga þannig heiminum, en tíminn er naumur því allt súrefni er á þrotum. Leikstjóri er Bob Hoskins.
HÁSKÓLABÍÓ - GOTT BÍÓ!