Morgunblaðið - 15.06.1997, Blaðsíða 36

MORGUNBLAÐIÐ
* 36 B SUNNUDAGUR 15. JÚNÍ 1997

„Mig vantaði peninga.
Þá fann ég upp innbrot,
draugagang
og allt möguiegt.11
Flosi Ólafsson í viötali viö Allt.
„Menn hafa gengið
alveg fram á ystu nöf til
þess að ná einhverju."
Hefur Björn Halldórsson
teygt sig á ystu nöf?
„Já ég hef teygt mig á
ystu nöf en ég tel að ég
hafi alltaf verið réttum
megin. Ég verð að segja
það ■■■ Ég tel hreinlega
að það sé verið að reyna
að brjóta deildina
á bak aftur.“
Björn Halldórsson
fráfarandi lögreglufulltrúi f
Fíkniefnadeildinni
í viðtali við Allt.
„Dóttir mín er óhæf
móðir og ég óttast um
hag barnabamanna
minna þegar
þau eru hjá henni.11
Guðbjörg
Ólafsdóttir í viðtali við Allt um
brot gegn Ábyrgum feðrum.
„Þessar niðurstöður
eru klárlega
viðvörunarmerki fyrir
flokkana og sérstaklega
alvarleg viðvörun til
Sjálfstæðisflokksins
sem bjargaði sér í
síðustu kosningum með
því að höfða til kvenna.
Þær eru einnig
viðvörunarmerki fyrir
Kvennalistann sem
kemur merkilega illa út
úr könnuninni."
Gunnar Helgi Kristinsson
stjórnmálafræðingur
um Gallup könnun fyrirAllt
varðandi frammistöðu
flokkanna í jafnréttismálum
og lífslíkur Kvennalistans.
„Ég veit að svo kemur
tímabil þegar ég verð
miðaldra og það eru
ekki þessi hlutverk
handa mér.“
Hilmir Snær í viðtali við Allt.
Chili í „Þorpinu“ í
einkaviðtali
KfV.
M.M..........J ^
Þverholt 9 Reykjavík
Símí: 511 3090
FRÉTTIR
Dægurlagakeppni
Danskra daga
HÓTEL Stykkishólmur og undirbún-
ingsnefnd fjölskylduhátíðarinnar
Danskra daga hafa ákveðið að efna
til dægurlagakeppni í tilefni hátíðar-
innar. Öllum er heimil þátttaka en
skilafrestur er til 18. júní.
Lögunum skal skila á Hðtel
Stykkishólm á hljóðsnældum leikn-
um og sungnum ásamt texta- og
hljómablaði auk grófra hugmynda
höfunda um útsetningu lagsins fyrir
hefðbundna hljómsveit auk blásturs-
hljóðfæra. Snældunni og tilheyrandi
skal fyigja umslag merkt heiti lags-
ins sem inniheldur nafn höfundar.
Nöfn höfunda verða ekki kunngerð
fyrr en á lokakvöldinu 16. ágúst.
Skilyrði er að a.m.k. hluti texta sé
á danskri tungu.
Höfundar laganna sem í úrslit
komast sjá um útsetningar í sam-
ráði við hljómsveit keppninnar. Þeir
velja jafnframt söngvara sjálfír og
bera alla ábyrgð á þeim.þ.m.t. fjár-
hagslega verði kostnaður einhver.
Lokakeppnin fer fram laugardags-
kvöldið 16. ágúst á Hótei Stykkis-
hólmi þar sem boðið verður upp á
danskt hlaðborð, skemmtiatriði
ásamt dansleik. Gestir í sal ásamt
dómnefnd velja í sameiningu
„Danska lagið ’97“ og hlýtur höf-
undurinn verðlaunagrip að launum
ásamt fleiru.
Það er trú aðstandenda að keppni
sem þessi geti orðið gott innlegg í
dagskrá danskra daga og að þarna
sé komið kærkomið tækifæri fyrir
þá sem semja lög sér til dægradval-
ar að koma þeim á framfæri. Nán-
ari upplýsingar gefir Karl Jónsson á
Hótel Stykkishólmi.
Minningarmót
um Guðmund
Arnlaugsson
SKÁKSAMBAND íslands stendur
fyrir hraðskákmóti í Menntaskólan-
um við Hamrahlíð mánudaginn 16.
júní kl. 18.
Mótið er minningarmót um Guð-
mund Arnlaugsson sem var kunnur
skákmaður á sínum yngri árum
tefldi m.a. í Ólympíuliði Islands á
sínum tíma. Guðmundur var fyrsti
Islendingurinn sem útnefndur var
alþjóðlegur skákdómari af alþjóða-
skáksambandinu FIDE og var hann
mjög þekktur sem slíkur um allan
heim, segir í fréttatilkynningu.
Þátttakendur í mótinu verða 16
og verða allir sterkustu skákmenn
landsins þar á meðal. Átta íslenskir
stórmeistarar eru meðal þátttak-
enda og verður þetta sterkasta
hraðskákmót sem haldið hefur verið
með íslenskum keppendum. Hamra-
hlíðarkórinn syngur við setninguna
og borgarstjóri, Ingibjörg Sólrún
Gísladóttir, mun setja mótið og
leika fyrsta leik.
Aveda opnað
á Islandi
NÝLEGA opnaði bandaríska snyrti-
vörufyrirtækið AVEDA verslun í
Kringlunni. AVEDA hefur verslanir
í öllum helstu borgum heims, þar
eru á boðstólum allar vörur sem
AVEDA framleiðir, segir í fréttatil-
kynningu. Vörur verslunarinnar eru
eingöngu unnar úr lífrænt ræktuð-
um blómum og jurtum.
Flugvallagjöld innifalinn í verði.
Upphæðir sýna lægsta verð á fargjaldi báðar leiðir
fyrirfullorðinn í áætlunarflugi LTU milli Keflavíkur-
flugvallar og Þýskalands sumarið 1997.*
50% afsl. fyrir 2ja -12 ára og 25% afsl. fyrir 12-21 árs.
* Áætlunarflug til Hamborg er 30. júní - 2. sept.
Áætlunarflug til Dusseldorf er 9. júní -16. sept.
Áætlunarflug til Munchen er 8. júní - 2. sept.
Upplýsingar um ferðir LTU
eru veittar á næstii ferðaskrifstofu.
LTU á ÍSLANDI Stangarhyl 3a -110 Reykjavik
Simi 587 1919
LTU
INTERNATIONAL AIRWAYS
AFMÆLI
RAGNAR FJALAR
LÁRUSSON
Séra Ragnar Fjalar
Lárusson, sóknarprest-
ur í Hallgrímspresta-
kalli og prófastur, er
sjötugur í dag. Við
messu í Hallgríms-
kirkju, kl. 11 árdegis
mun hann kveðja söfn-
uð sinn og síðdegis
kl.14-16 býður sóknar-
nefnd til móttöku í safn-
aðarheimili kirkjunnar
til heiðurs honum og
konu hans, frú Herdísi
Helgadóttur.
Hallgrímssöfnuður
samfagnar presti sínum
og fjölskyldu hans á
heiðursdegi. Hlýhugur og kærleikur
umvefur þau, heillaóskir, fyrirbænir.
Séra Ragnar getur horft glaður og
sáttur yfir afar farsælan feril í þjón-
ustu kirkjunnar á Hofsósi og í Siglu-
fírði og loks tæp þijátíu ár í Hall-
grímssókn. Hann er hamingjumaður.
Þegar séra Ragnar sótti um Hall-
grímskirkju þótti einkum tvennt
prýða hann umfram aðra umsækj-
endur. Af honum fóru þær sögur
að norðan að hann hefði staðið þar
fyrir öflugu barna og æskulýðsstarfi
og átt einkar auðvelt með að ná til
hinna ungu, og að virkja aðra til
samstarfs. Svo þótti ljóst að jarð-
sambandið væri í góðu lagi þar sem
þau hjónin áttu 6 ung börn. Þetta
reyndist hvort tveggja rétt. Séra
Ragnar þótti líka skörulegur pred-
ikari. Enda vöktu stólræður hans oft
miklar umræður í þjóðfélaginu.
Aðstæðurnar í Hallgrímssókn
voru erfiðar þegar séra Ragnar kom
þar til starfa, í söfnuði sem falið
hafði verið af alþjóð að reisa þjóðar-
helgidóm í minningu Passíusálma-
skáldsins. Það var vitaskuld vonlaust
verkefni, og þó. Aldrei þraut bygg-
ingarsjóðinn með öllu, og þar kom
til bæði ráðdeild þeirra sem um hann
héldu, og kærleikur ótal einstaklinga
um land allt, sem létu gjafir af hendi
rakna, ástgjafir, til að koma bygg-
ingunni áfram. Nú finnst okkur hlut-
ur Hallgrímskirkju svo sjálfsagður í
borgarmyndinni og trúarlífi og
menningu landsmanna að baráttan
sem að baki er virðist næsta óraun-
veruleg. En barátta var það. Séra
Ragnar líkti því einhveiju sinni við
íjörutíu ára eyðimerkurgöngu ísra-
elslýðs á leið til fyrirheitna landsins.
Áberandi þáttur í fari séra Ragnars
er samúð hans með þeim minnimátt-
ar, smælingjum okkar samfélags.
Og málleysingjarnir
eiga í honum hollvin og
málsvara. Séra Ragnar
er mikill dýravinur og
lætur óspart uppi óbeit
sína á illri meðferð á
dýrum, og veiðiskapur
hverskonar er eitur í
hans beinum. Séra
Ragnar er mikill safn-
ari. Safnarar eru af
tvennum toga. Sumir
safna af ástríðu og að
því er virðist til þess
eins að komast yfír sem
mest sem þeir síðan
liggja á. Séra Ragnar
fyllir ekki þann flokk.
Mér virðist hann safna af hugsjón
og ástríðu listamannsins, að ná sam-
an heildstæðu safni, sem hann síðan
losar sig við þegar markinu er náð.
Fyrst er við kynntumst safnaði hann
spilum. Ku hann hafa átt eitthvert
stærsta safn spilastokka á landinu
og þótt víðar væri leitað. Síðar sneri
hann sér að göfugri viðfangsefnum,
sem sé íslenskum Biblíum og loks
útgáfum Passíusálmanna. Þessi söfn
hans eru án efa þau bestu sem völ
er á, ekki aðeins hvað varðar fjöida
eintaka heldur og ásigkomulag
þeirra. Séra Ragnar er líka manna
fróðastur um prentsögu Biblíunnar
og Passíusálmanna. Sá á í vændum
langa ferð og skemmtilega sem fær
að skoða þetta safn með leiðsögn
hans.
Fyrir þremur árum var séra Ragn-
ar Fjalar settur til að gegna emb-
ætti prófasts í Reykjavíkurprófasts-
dæmi vestra. Það var enginn friðar-
stóll sem beið hans. En störfum sín-
um og prófastsskyldum hefur hann
sinnt með stakri prýði, samvisku-
semi og alúð. Hann og þau hjón
bæði hafa aflað sér virðingar og
margra nýrra vina meðal presta og
leikmanna prófastsdæmisins. Ráð-
holl jafnan, umhyggjusöm, elskuleg,
og sannkaliaðir höfðingjar heim að
sækja. Hallgrímssöfnuður kveður
sóknarprest sinn í dag með virðingu,
þökk og kærleika og fyrirbæn fyrir
honum og frú Herdísi og börnum
þeirra og ástvinum öllum. Og ég sem
á að minnast meira en tveggja ára-
tuga samstarfs á þakkarskuld að
gjalda föður, bróður, vini í löngu og
giftudijúgri samfylgd og starfi. Ég
bið Guð að launa það og blessa og
gefa gleði og frið og farsæld um
ókomin ár og daga.
Karl Sigurbjörnsson.
HLJÓMSVEITIN Greifarnir.
Greifarnir á Hótel íslandi
HUOMSVEITIN Greifarnir leika á
Hótel íslandi mánudagskvöldið 16.
júní þar sem þjóðhátíðarstemmn-
ingin verður í hávegum höfð, eins
og segir í fréttatilkynningu.
Hljómsveitin er um þessar mundir
á ferð um landið og verður það í
sumar.
Ég vil þakka þeim fjölmörgu vinum, kunningjum og
vandamönnum fyrir að gleðja mig á 85 ára afmœli
mínu 8. júní síðastliðinn og vil ég sérstaklega þakka
KA mönnum fyrir alla hlýhug og vináttu í minn garð.
Beri KA œtíð, sverðið, skjöldinn ogframann í
gegnum ókomin ár.
Guð blessi ykkur öll, með KA kveðjum,
Jón Pétursson bílstjóri.