Morgunblaðið - 31.10.1997, Blaðsíða 10

10 FÖSTUDAGUR 31. OKTÓBER 1997
MORGUNBLAÐIÐ
FRÉTTIR
Karl Signrbj örnsson við lok kirkjuþings
Styðja þarf trúaruppeldi
SÉRA Karl Sigurbjömsson, verð-
andi biskup, segir að þörf sé nýrrar
köllunarvissu, starfsgleði og vakn-
ingar presta og leikmanna í þágu
kirkjunnar. Hann vill örva og styðja
heimilin í trúaruppeldi. Þetta kom
fram í ræðu Karls á tíunda og síð-
asta degi kirkjuþings.
„Framtíð kirkjunnar ræðst á
heimilunum þar sem börnin læra
að þekkja Guð, elska hann og biðja,“
sagði Karl. „Jafnframt því verður
kirkjan að efla helgihald og trúarlíf
safnaðanna og auka þátttöku í söng
og virkri trúaijátningu. Styrkja þarf
starf kirkjunnar meðal hinna ungu
og efla þátttöku ungs fólks í lífi og
vitnisburði kirkjunnar."
Karl sagði að auka þyrfti líknar-
þjónustu innan kirkjunnar og taka
upp nýja starfshætti í ljósi breyttra
tíma. „Þjóðkirkjan vill vera vakandi
gagnvart hræringum mannlífsins
og hún þarf að vera virkur aðili
að samtali samtímans um lífsskoð-
anir, trú og sið.“
Karl sagði einnig frá því í ræðu
sinni að hann hefði ákveðið að gera
séra Þorvald Karl Helgason, yfir-
mann fjölskylduþjónustu kirkjunn-
ar, að biskupsritara.
Hasarfréttamennska
og fréttasköpun
Ólafur Skúlason biskup gerði
meðal annars umfjöllun fjölmiðla
um kirkjuþing að umtalsefni. Hann
sagði að áður fyrr hefði þurft að
hafa mikið fyrir því að vekja áhuga
þeirra á þinginu. Nú hefði áhuginn
aukist, einkum vegna harðra orða-
skipta og yfirlýsinga kirkjuþings-
manna, en ekki vegna þess að
málefnin væru í sjálfu sér orðin
áhugaverðari.
Hann sagði að sumir þingmanna
hefðu verið duglegir við að koma
slíkum yfirlýsingum að sjónvarps-
myndavélum og upptökutækjum
blaðamanna. „Væri slíkt í sjálfu sér
ekki endilega neikvætt, ef þetta
hefði ekki meira borið svip af has-
arfréttamennsku og fréttasköpun
en einlægri löngun til þess að efla
kirkjuna sem við eigum að hafa
ofar í huga en nokkuð annað á
kirkjuþingi. Og því bæti ég við og
það strax, að það hefur líka verið
svo, með aðeins örfáum undantekn-
ingum.“
Ólafur bætti þó við að ekki ætti
að vera lognmolla á kirkjuþingum,
því henni fylgdi kæruleysi, heldur
ætti að takast á.
Ólafur lagði áherslu á mikilvægi
næstu kosninga til kirkjuþings
vegna aukins valds þess. Þá þyrfti
meðal annars að huga að kynja-
samsetningu þingsins, bæði vegna
ímyndar kirkjunnar og vegna þess
að konur gætu og vildu leggja
kirkjunni iið í æðri valdastöðum.
Skipunartími biskupa
verði ótímabundinn
Samþykkt var á kirkjuþinginu í
gær að mælast til þess að Alþingi
breytti lögum um stöðu, stjórn og
starfshætti þjóðkirkjunnar þannig
að skipunartími biskups og vígslu-
biskupa yrði ótímabundinn, eins og
verið hefur, í stað þess að vera til
fimm ára eins og segir i nýju lögun-
um. Þó voru skiptar skoðanir á
þinginu um hvort reyna ætti að
breyta þessari grein laganna.
Einnig var samþykkt á þinginu
að kanna möguleika á því að prest-
ar yrðu starfsmenn þjóðkirkju í
stað þess að vera embættismenn
ríkis.
Frestað var að taka endanlega
afstöðu til ýmissa mála, til dæmis
stöðu samkynhneigðra innan kirkj-
unnar og til jafnréttisáætlunar sem
lögð var fram til kynningar á þessu
þingi og gerir ráð fyrir að hlutfall
kvenna innan ráða og nefnda á
vegum kirkjunnar verði ekki undir
40%.
Morgunblaðið/Halldór
SÉRA Karl Sigurbjörnsson, verðandi biskup, sagði í ræðu sinni
að kirkjan yrði að vera virkur aðili að samtali samtímans um lífs-
skoðanir, trú og sið. Ólafur Skúlason biskup er lengst til vinstri
á myndinni og við hlið hans Gunnlaugur Finnsson, einn af fulltrú-
um leikmanna á þinginu.
KIRKJUÞINGIÐ samþykkti að reyna að fá skipunartíma biskupa
og vigslubiskupa breytt þannig að hann yrði ótimabundinn. Ekki
voru þó allir kirkjuþingsmenn sammála um það.
Tollvörður
og þrír vit-
orðsmenn
ákærðir
GEFIN hefur verið út ákæra á hend-
ur tollverði í Reykjavík og þremur
vitorðsmönnum fyrir stuld á 52 þús-
und sterlingspundum. Um var að
ræða peningasendingu í umslagi frá
erlendum banka til banka hérlendis
en peningasendingin hvarf í nóvem-
ber í fyrra. Upp komst um málið í
febrúar síðastliðinn þegar reynt var
að skipta pundunum í íslenska pen-
inga.
Málið var þingfest hjá Héraðsdómi
Reykjavíkur í gær en að sögn Sigríð-
ar Friðjónsdóttur, lögfræðings hjá
embætti ríkislögreglustjóra, er toll-
verðinum gefið að sök að hafa stolið
umslaginu á pósthúsinu við Ármúla
í Reykjavík þegar hann var þar við
störf. Hann mun hafa vitað að um
peningabréf var að ræða en ekki
hversu mikla fjármuni en upphæðin
svarar til um sex milljóna íslenskra
króna. í fyrstunni játaði maðurinn
verknaðinn en breytti síðan fram-
burði sínum tvisvar. Nefndi hann
fyrst að kona sín hefði fundið umtals-
vert fjármagn á salerni veitingahúss
og síðar að hann hefði fundið féð í
gjótu í Hafnarfjarðarhrauni þegar
hann var að viðra fíkniefnaleitar-
hundinn. Hefði hundurinn fundið
umslagið vegna fíkniefnaþefs af því.
Málið uppgötvaðist þegar kona
mannsins, sem er fyrrum banka-
gjaldkeri, hugðist skipta hluta fjár-
munanna. Fékk hún til Iiðs við sig
bankagjaldkera til að kanna hvort
númer týndu seðlanna væru skráð
hjá bönkum. Var stefnumót þeirra
ákveðið en í millitíðinni sá banka-
gjaldkerinn sig um hönd og lét lög-
reglu vita sem hitti konuna að máli
þegar skipta átti peningunum.
Ákæran er gefin út á hendur toll-
verðinum fyrir þjófnað, svo og konu
hans og vinafólki þeirra fyrir að
hafa hylmt yfír verknaðinn og eign-
að sér hluta illa fengins fjár. Fólkið
er allt á fertugsaldri. Málflutningur
er ráðgerður fyrir Héraðsdómi
Reykjavíkur í næstu viku.
Ungir fatlaðir írar
í heimsókn hér á landi
HÉR á landi eru staddir nítján
fatlaðir írar ásamt jafnmörgum
aðstoðarmönnum og eru þeir á
vegum ísienskra samtaka sem
bera heitið Fóik með fullu viti.
Samtökin hafa starfað í fimm ár
og er markmið þeirra að fá ungt
fatlað fólk út í lífið, til dæmis
með því að fara saman í sumar-
bústaðaferðir, halda grillveislur
og fara í leikhús. Samtökin tóku
á móti Irunum um síðustu helgi
og er það í fyrsta sinn sem þau
taka á móti erlendum gestum.
Hópurinn hefur tekið þátt í
ýmsum uppákomum frá því hann
kom hingað til lands. Þau hafa
til dæmis farið í skoðunarferðir
um Nesjavelli, Þingvelli, Gullfoss
og Geysi, heimsótt Starfsþjálfun
fatlaðra og skoðað íþróttahús
Iþróttafélags fatlaðra í Reykja-
vík. I gær fóru þau í Árbæjarlaug-
ina í sund, þar sem meðfylgjandi
mynd er tekin.
Heimsóknin er styrkt af verk-
efni menntamálaráðuneytisins
sem ber heitið Ungt fólk í Evr-
ópu, en markmið þess er að
styrkja evrópska samvitund. Ung-
mennin munu m.a. skoða verslun-
armiðstöð Kringlunnar á í dag,
en þau munu halda heim á leið á
morgun.
Mikið ber í milli í þroskaþjálfadeilunni
Tekist á um samanburð
við leikskólakennara
SÁTTAFUNDUR í kjaradeilu
þroskaþjálfa og samninganefndar
ríkisins (SNR) í gær var árangurs-
laus og er enn breitt bil á milli deilu-
aðila. Næsti fundur er boðaður á
laugardag og að sögn Guðmundar
Halldórs Guðmundssonar, varaform-
anns SNR, verður tíminn notaður
til að athuga hvort fínna megi nýja
fleti í viðræðunum sem geti leitt til
samkomulags áður en verkfall á að
hefjast næstkomandi mánudag.
Sömu kostnaðarhækkanir og í
samningi leikskólakennara
Þroskaþjálfar segja að SNR hafni
því að veita þeim sambærilegar
hækkanir og ieikskólakennarar og
grunnskólakennarar hafa nýverið
samið um. Guðmundur sagði að
þroskaþjáifar bæru sig fyrst og
fremst saman við leikskólakennara
en SNR fellst ekki á að störf þess-
ara starfsstétta séu í reynd að öilu
leyti sambærileg. Hann segir að í
tilboði ríkisins til þroskaþjálfa felist
sömu kostnaðarhækkanir og í kjara-
samningi ríkisins við leikskólakenn-
ara en á styttri samningstíma eða
til 31. október.
„Við bjóðum þeim að stíga núna
skref þannig að þeir nái að brúa ein-
hvem hluta af þessu bili sem hefur
verið á milli þeirra og leikskólakenn-
ara,“ sagði Guðmundur. „Við teljum
of langt gengið að verða við kröfum
þeirra um fulla jöfnun við leikskóla-
kennara núna við þessa samnings-
gerð," sagði hann ennfremur.
„Ágreiningurinn er það skýr að
þetta er spuming um hvort við getum
leyst þetta með því að fá einhveijar
fijóar hugmyndir um útfærslur,“
sagði Guðmundur að lokum.
Þroskaþjálfar segja upp
Níu af 18 þroskaþjálfum sem
starfa á Endurhæfíngardeiid Land-
spítala hafa sagt upp störfum vegna
óánægju með launakjör. Engin rösk-
un verður á starfsemi deildarinnar
komi til verksfalls þroskaþjálfa.
Ástæðan er sú að störf þeirra eru
talin það mikilvæg að þau megi ekki
falla niður.
Flestir þroskaþjálfanna eru í
stjórnunarstöðum, en þeir sinna 95
þroskaheftum einstaklingum sem
eru á endurhæfingardeildinni. Þeim
er öllum gert að vinna komi til verk-
falis eftir helgina. í yfirlýsingu frá
þroskaþjálfum á deildinni er lýst
óánægju með hversu mjög samn-
ingaviðræður við þroskaþjálfa hafi
dregist á langinn. Bent er á að
þroskaþjálfar hafi verið að flýja
stéttina og núna séu ekki nema um
helmingur útskrifaðra þroskaþjálfa
við störf í sínu fagi.
„Við viljum benda á að störf okk-
ar hér á Landspítalanum í Kópavogi
eru talin svo mikilvæg að við höfum
verið svipt verkfallsrétti með undan-
þágum og eigum því fárra kosta völ
í baráttu fyrir bættum kjörum. Ef
ekki kemur til veruleg leiðrétting
iauna okkar mun því þessi stétt líða
undir lok innan fárra ára. Það er
því ekki að ástæðulausu að stór hluti
okkar hefur ákveðið uppsagnir, því
að við fáum hærri laun í flestum
störfum öðrum sem við förum í,“
segir í yfirlýsingu frá þroskaþjálfun-
um.