Morgunblaðið - 31.10.1997, Blaðsíða 62

62 FÖSTUDAGUR 31. OKTÓBBR 1997
MORGUNBLAÐIÐ
CARRIE í stjörnustríði.
Carrie Fish-
er fagnar
aldrinum
►STJÖRNUSTRIÐSPRINSESSAN
Carrie Pisher fagnaði aldrinum
núna í vikunni með móður sinni,
Debbie Reynolds. Móðirin viður-
kennir að hafa ekki mætt í afmæli
til Carrie í 14 ár en langaði núna
til að sýna henni stuðning því hún
reiknaði með að dóttir sín væri
endanlega búin að ná sér eftir
margra ára þunglyndi sem er í
ættinni.
Carrie Fisher lét „sjálfsmynd"
sína taka á móti afmælisgestunum,
þ.e.a.s. dúkkulísuna Lilju
prinsessu, í sjúkrabíl með næringu
í æð. Carrie var nýlega á spítala.
George Lucas, höfundur
Stjörnustríðsmyndanna, var meðal
gesta í afmælinu og einnig John
Travolta, Sean Connery og Meg
Ryan. Jafnvel faðir hennar, Eddie
Fisher, kom, reyndar beint úr af-
mæli yngri dóttur sinnar, Joely
Fisher.
FÓLK í FRÉTTUM
KVIKMYNDIR/Háskólabíd sýnir dönsku myndina Pusher sem er frumraun
kvikmyndagerðarmannsins Nicolas Winding Refn. Myndin hefur hlotið gífurlegar
vinsældir í heimalandi hans og hefur hún m.a. slegið Næturverðinum við.
Undirheimalíf
í Köben
Frumsýning
ÁRIÐ 1995 þurfti hinn 25 ára
gamli Nicolas Winding Refn að
taka mikilvæga ákvörðun í lífi
sínu. Honum stóð til boða að
hefja nám við leikstjóradeild
Danska kvikmyndaskólans eða
ráðast í að gera kvikmyndina
Pusher sem nýstofnað fyrirtæki
sem kallast Balboa var með í
undirbúningi. Andstætt ráðlegg-
ingum bæði fjölskyldu og vina þá
kaus Nicolas að gera myndina.
Þegar hún var frumsýnd fór hún
beint í efsta sætið á listanum yfir
mest sóttu myndirnar í Dan-
mörku og skaut hún þar aftur
fyrir sig myndum á borð við
Mission Impossible. Aðsóknin
var meiri en þegar Næturvörður-
inn var frumsýndur, en hún er
ein aðsóknarmesta danska kvik-
mynd seinni ára. Það fór því svo
að Nicolas Winding Refn þurfti
alls ekki að sjá eftir þeirri
ákvörðun sinni að taka gerð
myndarinnar fram yfír námið við
kvikmyndaskólann.
í Pusher er sagt frá eiturlyfja-
sala í Kaupmannahöfn sem heitir
Frank og er hann leikinn af Kim
Bodnia, en hann lék einnig í Næt-
urverðinum. Frank er slyngur í
starfi sínu og rúntar hann gjarn-
an um í glæsikerru sinni ásamt
félaganum Tony. Þeir næla sér í
viðskiptavini fyrir sjálfa sig og
einn eiturlyfjabarónanna í hverf-
inu, Króatann Milo. Milo líkar vel
við Frank og lánar honum stund-
um peninga, en ástæðan er fyrst
og fremst sú að Frank er góður
dreifingaraðili. Frank er lokaður
og það er kannski aðeins Tony
sem eitthvað getur nálgast hans
innri mann. Frank á góða vin-
konu að nafni Vic sem er fatafella
og vændiskona af fínni sortinni,
en hana dreymir um það eitt að
komast í burtu frá því lífi sem
hún lifir. Það eina sem skiptir
Frank hins vegar máli er að
græða sem mesta peninga fyrir
dópsöluna og koma sér svo þægi-
lega fyrir á glæsilegum veitinga-
stað þar sem hann drekkur
armagnac á meðan Tony lætur
móðan mása um konur og kynlíf.
En sælustundimar vara ekki að
eilífu. Dag nokkum þegar Milo
biður Frank að borga sér skuld þá
gerir Frank það sama sem hann
hefur alltaf gert. Hann fær lánuð
eiturlyf hjá Milo og ætlar sér að
græða það vel á sölunni að hann
geti borgað Milo og átt einhvem
KIM Bodnia leikur Frank, Laura
Drasbæk leikur fatafelluna Vic.
Kim verður gestur á
kvikmyndahátíðinni í Reykjavik.
afgang. En í þetta sinn fer eitt-
hvað úrskeiðis. Frank er tekinn
fastur og tapar hann eiturlyfjun-
um. Skyndilega er skuldin við
Milo því orðinn stjamfræðilega
há, og Milo er búinn að missa þol-
inmæðina hvað Frank varðar.
Hann sendir því einn af útsendur-
um sínum, Radovan, til að jafna
sakimar við Frank. Hann hefur
hins vegar æðisgengna leit að
reiðufé sem getur forðað honum
frá 9 mm kúlunni sem honum er
ætluð.
Þeir Nicolas Winding Refn og
Kim Bodnia verða gestir kvik-
myndahátíðar.
Morgunblaðið/Kristinn
LEIKARARNIR sem þegar hafa verið valdir tii að fara með hlutverk í söngleiknum Bugsy Malone.
Söngleikurinn Bugsy Malone
Yantar dökkan,
stóran og þéttan dreng
SÖNGLEIKURINN Bugsy Ma-
lone er í fullum undirbúningi íyrir
framsýninguna sem verður í janúar
næstkomandi. Valið hefur verið í öll
hlutverk nema eitt og auglýsa Loft-
kastalamenn nú eftir heppilegum
leikara í það hlutverk. „Okkur vant-
ar dökkleitan, háan og þéttan dreng
á velli á aldrinum 10 til 16 ára. Þetta
er hlutverk boxarans í söngleiknum
en þegar við héldum prufurnar þá
fundum við ekki réttu týpuna. Þeir
voru allir of litlir sem komu til
greina og því miður hentaði enginn
þeirra. Leikarinn þarf að vera stór
og þéttur en samt barnslegur því
hann kemur og vinnur alla í box-
inu,“ sagði Hörður Þorsteinsson hjá
Loftkastalanum. Þeir sem vita af
einhverjum sem gæti komið til
greina eru beðnir um að hafa sam-
band við Loftkastalann.
Platan með lögunum úr söng-
leiknum er komin langt á leið og æf-
ingar hafa gengið mjög vel að sögn
Harðar. „Krakkarnir hafa staðið sig
alveg frábærlega og eru mjög hæfi-
leikaríkir."

Teg. 1
Bh. kr. 1.435
Teg. 4
Bh. kr. 2.495
Ath! erum flutt að Laugavegi 40a.
Laugavegur 40a
s mi 551 3577.
\ivrbuxiir t'yl&ju írítt