Morgunblaðið - 31.10.1997, Blaðsíða 23

MORGUNBLAÐIÐ
FÖSTUDAGUR 31. OKTÓBER 1997 23
ERLENT
Egyptar
dæmdir
EGYPSKUR herdómstóll
dæmdi í gær tvo bræður til
dauða fyrir morð á níu þýsk-
um ferðamönnum og egypsk-
um bílstjóra í árás á rútu í
Kaíró 18. september. Bræð-
urnir fögnuðu ákaft þegar
dómurinn var kveðinn upp,
féllust í faðma og hrópuðu
„Allahu Akbar“ (Guð er mest-
ur). Þeir játuðu á sig tilræðið
og sögðust aðhyllast íslamska
hugmyndafræði, en eru ekki
í hreyfingum múslima sem
hafa háð blóðuga baráttu fyr-
ir stofnun íslamsks ríkis í
Egyptalandi.
Sex Alsír-
búar vegnir
SKÝRT var frá því í gær að
íslamskir uppreisnarmenn
hefðu vegið sex manns í fyrir-
sátri í vesturhluta Alsírs á
þriðjudag. Uppreisnin í land-
inu kostaði hundruð manna
lífið í september og október
og 65.000 manns hafa fallið
frá árinu 1992 þegar alsírsk
yfirvöld aflýstu þingkosning-
um til að koma í veg fyrir
valdatöku íslamskra heittrú-
armanna.
Hallar undan fæti hjá Herbalife
Meint samstarf
við mafíuna
í Rússlandi
UM 77% af hagnaði bandaríska
fyrirtækisins Herbalife, sem fram-
leiðir samnefnt megrunarlyf, kem-
ur af sölu utan Bandaríkjanna, og
helstu markaðir fyrirtækisins nú
eru í Rússlandi og Asíu, að því er
fram kemur í tímaritinu Forbes
nýverið. Fyrrum dreifingaraðili
fyrirtækisins hefur höfðað mál á
hendur því, og heldur því m.a. fram
að aðaleigandi þess, Mark Hughes,
hafi reynt að vinna markað í Rúss-
landi með samstarfi við mafíuna
þar í landi.
Verðið sjöfalt
Lögsóknin er rekin fyrir hæsta-
rétti Arizonaríkis og höfðandinn,
Daniel Fallow, segir að Herbalife
neiti að greiða dreifingaraðilum
sínum án þess að fyrir slíku séu
raunhæfar forsendur og verðið á
vörum fyrirtækisins sé allt að sjö-
falt framleiðsluverð. Fleiri hafa
látið í sér heyra og kvartað undan
óprúttnum viðskiptaháttum
Herbalife, og segir fréttaskýrandi
Forbes að nú hafi syrt verulega í
álinn fyrir Hughes.
Slæmt umtal og hertar reglu-
gerðir komu illa við Herbalife í lok
níunda áratugarins, en Hughes
greip þá til þess ráðs að flytja
starfsemi fyrirtækisins til útlanda
þar sem reglur eru ekki eins
strangar, að því er segir í Forbes.
Minnkandi sala
Á síðasta ári jókst hagnaður
Herbalife í 45 milljónir Bandaríkja-
dala, en alls nam sala á vörum frá
fyrirtækinu 632 milljónum. Sam-
kvæmt skráningu fyrirtækisins
eftir hlutabréfavísitölunni Nasdaq
í New York er markaðsverð þess
790 milljónir, þar af er 58% hlutur
Hughes 454 milljóna virði.
Sala í bæði Frakklandi og
Þýskalandi, sem í fyrstu var gífur-
leg, hefur hrapað og einnig verðið
á hlutabréfum í fyrirtækinu. Lög-
maður fyrirtækisins sagði upp
störfum í byrjun árs, og þótt hann
sé bundinn trúnaði hafa borist sög-
ur um að hann hafi sagt við Hug-
hes: „Ég get ekki verndað þig leng-
ur.“
Forbes bendir á, að þótt halli
undan fæti hjá Hughes berst hann
ennþá á, glæsihús hans í Beverly-
hæðum í Los Angeles er metið á
20 milljónir dala og auk þess á
hann lystisnekkju í félagi við þriðju
eiginkonu sína.
Reuters
Skírður í ánni Jórdan
PRESTUR egypsku koptakirkjunnar skírir hér pílagrím með
vatni úr ánni Jórdan. Hundruð trúaðra koma árlega saman við
ána, sem rennur við Iandamæri ísraels og Jórdaníu. Staðurinn
þar sem talið er að Jesús hafi verið skírður af Jóhannesi skír-
ara er umkringdur jarðsprengjum og einungis opinn almenn-
ingi í nokkra daga á ári.
e

Ifeisla fyrir lítið
MtÐAN BIRGÐIR ENDAST
OFROSIÐ
Lambakjöt

úr haustsiatrun
1/2 skrokkar
niðursagaðir í poka
AÐEINS
m

pr.kg
Verslamr Noatuns eru
opnartil kl. 21, öll kvöld.

NÓATÚN' 17 • ROFABÆ 39 • LAUGAVEG1116 • HAMRABORG 14 KÓP. • FURUGRUND 3, KOP.
ÞVERHOLTI 6, MOS. • JL-HÚSI VESTUR í BÆ • KLEIFARSEL118 • AUSTURVERI, HÁALEITISBRAUT 68