Morgunblaðið - 31.10.1997, Blaðsíða 14

14 FÖSTUDAGUR 31. OKTÓBER 1997
MORGUNBLAÐIÐ
FRÉTTIR
Lífeyrissjóð sjómanna vantar 13% upp á skuldbindingar
Frumvarpið kallar á
aðgerðir hjá sjóðnum
LÍFEYRISSJÓÐUR sjómanna
kemur til með að þurfa að grípa
til ráðstafana á næsta ári til að
jafna mun á eignum sjóðsins og
skuldbindingum ef ný lög um starf-
semi lífeyrissjóða verða samþykkt.
13% vantar upp á að lífeyrissjóður-
inn eigi fyrir framtíðarskuldbind-
ingum sínum. En í drögum að
frumvarpi til laga um starfsemi líf-
eyrissjóða segir að munurinn megi
ekki vera meiri en 10% og ekki
meiri en 5% samfleytt í 5 ár.
Ekki liggur fyrir hvað það eru
margir sjóðir sem uppfylla ekki
þessi skilgreindu mörk. Tveir stórir
sjóðir þurfa líklega að grípa til ráð-
stafana verði frumvarpið að lögum,
þ.e. Lífeyrissjóður sjómanna og
Lífeyrissjóður bænda. Lífeyrissjóð-
ur bænda hefur ekki uppfyllt mörk-
in fram undir þetta, en staða hans
hefur þó batnað verulega á síðustu
árum. Sérstök lög gilda um sjóðinn
og ríkissjóður greiðir í hann sam-
kvæmt sérstöku samkomulagi við
bændur. Talið er ljóst að ef laga
þurfi fjárhagsstöðu sjóðsins verði
það ekki gert nema stjórnvöld komi
nærri málinu.
Skerðing réttinda fyrir
Hæstarétti
Um 13% vantar upp á að Líf-
eyrissjóður sjómanna eigi fyrir
framtíðarskuldbindingum sínum.
Árni Guðmundsson, framkvæmda-
stjóri sjóðsins, sagði að staða sjóðs-
ins hefði verið að batna á undan-
förnum árum og það vantaði ekki
mikið upp á að hann uppfyllti
ákvæði frumvarpsins. Hann sagði
að væntanlega yrði stjórn hans að
gera einhverjar ráðstafanir á næsta
ári. Of snemmt væri að segja til
um hverjar þær yrðu.
Fyrir nokkrum árum skerti Líf-
eyrissjóður sjómanna elli- og ör-
orkulífeyri sjóðfélaga, en lífeyririnn
var meiri en hjá flestum öðrum
almennum lífeyrissjóðum og er það
raunar að hluta til enn. Einn sjóðfé-
lagi taldi að brotinn hefði verið
réttur á sér með breytingunni og
fór með málið fyrir dóm. Héraðs-
dómur taldi að lífeyrissjóðurinn
hefði brotið jafnræðisreglu með
breytingunni. Málið er núna fyrir
Hæstarétti og er dóms að vænta í
upphafi næsta árs. Árni sagði að
þetta mál eitt og sér skipti ekki
verulegu máli hvað varðar fjárhag
sjóðsins, en ef hann tapaði því
gæti það haft áhrif á stöðu lífeyris-
sjóðanna til að skerða lífeyrisrétt-
indi.
Framkvæmdir Reykjavíkurborgar
Dregið úr
uppbyg^ngu
leikskóla
Innkaupastofnun
Reykjavíkurborgar
Bygginga-
deildin hafi
yfirumsjón
með Iðnó
STJÓRN Innkaupastofnunar hefur
samþykkt með þremur atkvæðum
Reykjavíkurlista að byggingadeild
borgarverkfræðings verði samræm-
ingaraðili verktöku framkvæmdanna
við Iðnó og hafí yfirumsjón með verk-
inu. Borgarfulltrúar Sjálfstæð-
isflokksins, þau Vilhjálmur Þ. Vil-
hjálmsson og Inga Jóna Þórðardótt-
ir, sátu hjá við atkvæðagreiðsluna.
í tillögu forstöðumanns bygg-
ingadeildar kemur fram að samningi
við Gamlhús ehf. um framhald
verksins verði breytt en samningar
sem gerðir hafa verið við rafvirkja,
pípulagningarmann og smærri aðila
verða óbreyttir. Byggingadeildin
mun semja beint við málara og aðra
verktaka sem ráðnir verða að ein-
staka verkþáttum og munu þeir
samningar verða kynntir í stjóm
Innkaupastofnunar.
Áætlaður heildarkostnaður við
endurbyggingu Iðnós er um 92 millj-
ónir og þar af eru 50 milljónir vegna
ársins 1997. Nú hefur verið varið
24 milljónum og em áætlaðar eftir-
stöðvar um 68 milljónir.
INGIBJÖRG Sólrún Gísladóttir
borgarstjóri, segir að draga þurfi
úr framkvæmdum á vegum borgar-
innar í kjölfar kjarasamninga við
grunnskólakennara. Ljóst sé að
dregið verður úr uppbyggingu leik-
skóla auk þess sem kannað verður
hvort hægja megi á áætlun um
einsetningu skólanna.
Samdráttur á
stærstu Iiðum
Borgarstjóri sagði að enn hefði
ekki verið farið yfír hvar mætti
draga saman en það yrði fyrst og
fremst á stærri liðum eins og upp-
byggingu skóla og leikskóla. „Það
er ljóst að eitthvað mun draga úr
uppbyggingu leikskóla vegna þess
að hún hefur verið svo mikil og
ekki lengur þörf fyrir jafn hraða
uppbyggingu og verið hefur,“ sagði
hún.
í framkvæmdaáætlun borgar-
innar er gert ráð fyrir að einsetn-
ingu skóla verði lokið fyrir árið
2001 eða tveimur árum fyrr en lög
gera ráð fyrir og sagði borgarstjóri
að kannað yrði hvort hægt væri
að fara hægar í sakirnar en árlega
er gert ráð fyrir 800 milljónum úr
borgarsjóði til þeirra framkvæmda.
„Hingað til hefur verið byggt þann-
ig að framkvæmdir hefjast undir
áramót og lýkur að hausti en nú
verður kannað hvort hægt er að
lengja framkvæmdatímann," sagði
Ingibjörg. „Síðan má skoða aðrar
framkvæmdir borgarinnar sem eru
fyrst og fremst í menningar- og
íþróttamálum."
Sagði borgarstjóri að fram-
kvæmdum á iþróttasviðinu væri að
mestu lokið nema við sundlaugina
í Grafarvogi en þeim á að ljúka á
næsta ári. Sagði hún að engar
áætlanir væru um að breyta þeirri
áætlun.
fppP
uiuuutrem •'*
v ’ W * 1*
Morgunblaðið/Kristinn
SÓLON R. Sigurðsson bankastjóri Búnaðarbankans og hr. Ólafur
Skúlason biskup við undirritun endurfjármögnunarsamnings
vegna byggingar Grafarvogskirkju.
Bygging Grafarvogskirkju
Stefnt að vígslu
kirkjunnar árið 2000
FULLTRÚAR Búnaðarbankans,
Reykjavíkurborgar og Grafarvogs-
kirkju hafa undirritað endurfjár-
mögnunarsamning á eldri lánum
vegna byggingar kirkjunnar. Bisk-
up íslands og dómprófastur voru
vottar að undirrituninni.
Að sögn Bjarna Grímssonar,
formanns sóknarnefndar Grafar-
vogskirkju, er ekki verið að taka
nýtt lán heldur framlengja þau lán
sem fyrir eru. Samningurinn
hljóðar upp á 150 milljónir og tek-
ur Reykjavíkurborg einfalda
ábyrgð á lánunum. „Þetta gerir
okkur kleift að klára aðalkirkju-
skipið á næstu árum, í staðinn
fyrir að vera aðeins að borga af-
borganir og vexti og ráða varla
við það. Nú sjáum við fram á að
dæmið gangi upp til enda,“ segir
hann.
Stefnt er að vígslu kirkjunnar
árið 2000, þegar haldið verður upp
á þúsund ára afmæli kristni á Is-
landi.
„Niðurdrepandi“ ósamræmi í góðum laxaseiðabúskap og slökum endurheimtum
Forsendur fyr-
ir metveiði
hrynja í hafinu
SEIÐ ABÚ SKAPUR í íslenskum
laxveiðiám er yfirleitt mjög góður
og sterkur árgangur gönguseiða fór
úr ánum á eðlilegum tíma síðasta
sumar. „Það er ekki hægt að segja
annað en að þetta líti mjög vel út
og ef það þyrfti aðeins að skoða
ástandið í ánum þá mætti vel segja
að það væru allar forsendur fyrir
metveiði næsta sumar,“ segir Tumi
Tómasson fiskifræðingur hjá Norð-
urlandsdeild Veiðimálastofnunar á
Hólum í Hjaltadal og byggir m.a.
á rannsóknum sínum á seiðabúskap
vatnasvæðis Miðfjarðarár.
Tumi sagði enn fremur að spá-
dómar hefðu þó reynst vera hæpnir
í gegn um árin. „Þetta hefur verið
verulega niðurdrepandi. Mikið
ræktunarstarf og rannsóknir hafa
farið fram í Miðfirði. Það er nóg
af seiðum í ánum og ekkert lát á
seiðaframleiðslu þrátt fyrir að sum
hinna síðustu sumra hafi óvenjulega
lítið af laxi gengið á svæðið. Það
sýnir okkur hvað laxastofninn í
Miðfirði er öflugur og hve litla
hrygningu þarf til að viðhalda hon-
um.
En þrátt fyrir allt kemur það
fyrir hvað eftir annað að heimtur
úr hafí eru litlar og væntingarnar
sem byggjast á seiðaframleiðslunni
bresta. Eg hef fylgst með seiða-
framleiðslunni í Núpsá í Miðfírði
um árabil og merkt mikið af göngu-
seiðum. í byijun voru að koma 6%
heimtur úr hafí, en seinni árin að-
eins 2%. Gönguseiðum hefur verið
sleppt á svæðið, 10.000 í fyrra, og
heimtur voru aðeins 0,1% sem er
það lakasta til þessa. Svona afföll
í hafínu gera gæfumuninn og valda
því að það veiðast aðeins rúmir 700
laxar en ekki um eða yfir 2.000. I
fyrra veiddust 380 laxar í ánni sem
höfðu verið eitt ár í sjó. 45% þeirra
voru úr ýmiss konar sleppingum."
Verkefni beinast að sjónum
Sigurður Már Einarsson físki-
fræðingur á Vesturlandsdeild Veiði-
málastofnunar tók í sama streng
og Tumi varðandi seiðaástand í ám
á Vesturlandi. „Almennt séð eru
þau mál í ágætum farvegi,“ sagði
Sigurður í samtali við blaðið. „Við
þekkjum orðið allvel landrænu
þættina og það sem hefur áhrif á
sveiflur í ánum. En minna er vitað
um hvað gerist í hafinu. Gott dæmi
er síðasta sumar er við sáum nokk-
uð sem við höfum aldrei séð fyrr.
Vænan smálax, en lítið af honum.
Það er því ekki hægt að kenna
slæmu viðurværi í hafínu um slakar
heimtur.
Mér sýnist að verkefni næstu ára
verði að beinast meira að sjónum.
Það þarf að stórauka rannsóknir á
laxi í sjó. Menn hafa verið að vinna
með og þróa svokölluð mælimerki
á sjóbirtingi og sjóbleikju síðustu
árin. Þau eru fest á fískana og
mæla seltumagn, dýpi, hitastig og
fleira í sírita. Innan örfárra ára er
von til þess að hægt verði að setja
slík merki á gönguseiðin og þá för-
um við að sjá skemmtilega hluti,"
sagði Sigurður Már.
Kjörseðlar
sendir
kennurum
eftir helgi
KJÖRSEÐLAR vegna at-
kvæðagreiðslu um samninga
kennara verða sendir í pósti
út um allt land í byijun næstu
viku. Að sögn Valgeirs Gests-
sonar, skrifstofustjóra hjá
Kennarasambandi Íslands, eru
um 3.700 manns á kjörskrá
og eru það kennarar, leiðbein-
endur, skólastjórar og aðstoð-
arskólastjórar.
Atkvæði talin um
miðjan mánuð
Síðasti kjördagur verður 7.
nóvember en atkvæði verða
talin um miðjan mánuðinn.
Verði samningurinn felldur
hefst verkfall kennara að nýju
17. nóvember.