Morgunblaðið - 26.03.1998, Qupperneq 1

88 SIÐUR B/C
STOFNAÐ 1913
71. TBL. 86. ÁRG. FIMMTUDAGUR 26. MARZ 1998 PRENTSMIÐJA MORGUNBLAÐSINS
Forseti rússnesku dúmunnar segir Kíríjenko óhæfan vegna reynsluleysis
Jeltsín beðinn að tilnefna
annan mann í embættið
Moskvu. Reuters.
SERGEI Kíríjenko, starfandi for-
sætisráðherra í Rússlandi, lenti í
miklum pólitískum mótbyr í gær, að-
eins tveimur sólarhringum eftir að
Borís Jeltsín, forseti Rússlands, fól
honum að mynda nýja stjórn í land-
inu. Skýrði Interfax-fréttastofan frá
því, að forseti dúmunnar, neðri
deildar þingsins, hefði beðið Jeltsín
að tilnefna annan mann sem forsæt-
isráðherra þar sem þingið myndi
seint samþykkja hann í embættið,
einkum vegna reynsluleysis hans í
efnahagsmálum.
Fyrr í gær sagði Gennadí Sel-
eznjov, forseti dúmunnar, að skipan
Kíríjenkos, sem er aðeins 35 ára
gamall, sem forsætisráðherra myndi
mæta mikilli andstöðu á þingi og
kenndi um reynsluleysi hans af efna-
hagsmálum. Hann hefði aðeins gegnt
embætti olíu- og orkuráðherra um
hríð. Síðar sagði ínterfax-fréttastof-
an, að hann hefði beðið Jeltsín að
fmna einhvern annan í embættið.
Kíríjenko átti í gær fund með
Gennadí Zjúganov, leiðtoga komm-
únista, þar sem Zjúganov ítrekaði
fyrri kröfur um myndun samsteypu-
stjómar. Jafnframt sagði hann, að
þingmenn kommúnista, sem eru fjöl-
mennastir á þingi, myndu beita sér
gegn hverju því forsætisráðherra-
efni, sem hygðist halda óbreyttri
stefnu í efnahagsmálum.
Óttast þingrof
Jeltsín hefur hins vegar það tromp
á hendi, að neiti þingið þrisvar sinn-
um að samþykkja forsætisráðherra-
efni hans getur hann rofið þing og
boðað til kosninga. Gæti niðurstaða
þeirra gjörbreytt núverandi skipan
þingsins og á það vilja fæstir þing-
menn hætta.
Kíríjenko, sem sagði í gær í viðtali
við dagblaðið Ízvestía, að hann væri
„mjög hræddur" vegna ábyrgðar-
innar, sem honum hefði verið falin,
tók í gær á móti Helmut Kohl,
kanslara Þýskalands, en hann ásamt
Jacques Chirac, forseta Frakklands,
mun eiga fund með Jeltsín í Kreml í
dag.
■ Berezovskí segir/24
Voðaverkin í Arkansas
Ofbeldi í
sjónvarpi
kennt um
Jonesboro í Arkansas. Reuters.
MIKE Huckabee, ríkisstjóri í
Arkansas, kenndi í gær ofbeldisfull-
um menningarheimi Bandaríkjanna
um að tveir drengir, 11 og 13 ára,
myrtu fjórar skólasystur sínar og
einn kennara í miðskóla í ríkinu á
þriðjudag.
„Eg held að það sem reitir okkur
til reiði sé vitundin um að í menn-
ingarheimi okkar skuli ríkja and-
rúmsloft sem hvetur ellefu eða
þrettán ára skólastrák til þess að
bregðast við hvers konar innri reiði
með því að vígbúast og skjóta skóla-
systkin sín og kennara," sagði
Huckabee í viðtali við CNN.
„En ég veit ekki hvort við öðru
hafi verið að búast í menningar-
heimi þar sem krakkar horfa upp á
tugi þúsunda morða í sjónvarpi og
kvikmyndum og ekkert þykir til
mannslífa koma.“ Huckabee sagði
að um væri að ræða menningarsjúk-
dóm, „sem við verðum að bregðast
við“.
■ Biðjið fyrir okkur/22
----------------
Plastrækt-
un ný
búgrein?
London. Reuters.
HUGSANLEGT er að lífrænt plast,
ræktað á ökrum úti, komi að miklu
leyti í staðinn fyrir plastframleiðsl-
una, eins og hún er nú, á næstu tíu
árum eða svo. Við það myndu spar-
ast milljónir tonna af olíu, sem not-
uð er í plastgerðinni, svo ekki sé tal-
-að um minni mengun, en nýja plast-
ið brotnar niður úti í náttúrunni
eins og annar gróður.
Frá því skömmu eftir 1990 hafa
plastefni verið framleidd með bakt-
eríum en þau eru enn allt að því tíu
sinnum dýrari en venjulegt plast.
Nú hefur hins vegar tekist að koma
fyrir þremur tegundum gena úr
bakteríum, sem eru algengar í flest-
um jarðvegi, í repjuolíu og vonast er
til, að innan skamms verði búið að
koma plastefnainnihaldi repjuolíu-
fræjanna upp í 20%.
Astvinamissir
Reuters
AÐ minnsta kosti 125 manns, þar af 35 börn í vitað sé um 200 Iátna og 500 manns sé sakn- sums staðar tók það með sér fólk, sem var að
einum skóla, fórust er mikill fellibylur gekk að. Slasaðir eru eitthvað á annað þúsundið. vinna á ökrum úti. Þessar konur eru að gráta
yfir þorp og bæi á Austur-Indlandi í gær og Olli veðrið gífurlegri eyðileggingu, eyðilagði ástvini sína, sem fórust eða er saknað eftir
fyrrinótt. Segja sumar heimildir raunar, að þúsundir húsa, reif upp tré og símastaura og ofviðrið.
Milosevic fær
mánaðarfrest
Bonn. Reuters.
SAMKOMULAG náðist um það á
fundi sex samstarfsríkja um málefni
fyrrverandi Júgóslavíu í Bonn í
Þýskalandi í gær að gefa Slobodan
Milosevics Júgóslavíuforseta íjög-
urra vikna frest til að finna friðsam-
lega lausn á deilunum við Kosovo-
Albani.
Ríkin sex voru sammála um, að
hafi stjórnvöld í Júgóslavíu ekki
gengist fyrir raunverulegum við-
ræðum við albanska meirihlutann í
Kosovo innan þessa tíma verði inn-
eignir þeirra erlendis frystar og
júgóslavneskum útflytjendum neit-
að um bankafyrirgreiðslu í sam-
ræmi við samkomulag, sem varð á
fundi samstarfsríkjanna í London 9.
mars sl.
Málamiðlun
Bandaríkjamenn lögðu til á fund-
inum í gær, að refsiaðgerðir gegn
Júgóslavíu yrðu hertar, en Rússar
voru því andvígir og Evrópuríkin
vildu flest fara hægar í sakirnar.
Málamiðlun náðist hins vegar um
fyrrnefndar aðgerðir.
11 ríki verða með í EMU frá byrjun
*
„I dag hefst saga sam-
einaðrar Evrópu“
Brussel. Reuters.
FRAMKVÆMDASTJÓRN Evr-
ópusambandsins, ESB, ákvað í
gær, að 11 ríki yrðu aðilar að
EMU, myntbandalagi ESB-ríkj-
anna, frá byrjun en það gengur í
gildi um næstu áramót. Var því
fagnað mjög af leiðtogum viðkom-
andi ríkja.
Ríkin 11, sem verða með frá
byrjun, eru Belgía; Þýskaland,
Spánn, Frakkland, Irland, Italía,
Lúxemborg, Holland, Austurríki,
Portúgal og Finnland. Var mælt
með því í skýrslu frá EMI, Evr-
ópsku peningamálastofnuninni.
Efnaliagslegt vopn
Helmut Kohl, kanslari Þýska-
lands, sem kallast má höfuðsmiður
evrópska myntbandalagsins, sagði
í gær, að upp væri að renna nýr
tími öflugrar Evrópu, og Jacques
Chirac, forseti Frakklands, sagði,
að evran væri efnahagslegt vopn,
sem myndi tryggja stöðugleika og
skipa sér á bekk með dollaranum
ogjapönsku jeni.
„Við náðum því,“ sagði Romano
Prodi, forsætisráðherra Italíu, og
brosti breitt þegar hann fékk tíð-
indin. Bætti hann við, að Italir
hefðu sérstaka ástæðu til að fagna.
„I dag hefst saga hinnar samein-
uðu Evrópu."
■ EMI gagnrýnni/24