Morgunblaðið - 08.09.1998, Blaðsíða 18

18 ÞRIÐJUDAGUR 8. SEPTEMBER 1998
VIÐSKIPTI
MORGUNBLAÐIÐ
Verð hlutabréfa í ADVANTA síðastliðið ár
_ /
Tangi á Aðallista Verðbréfaþings Islands
Verðfall hjá Advanta
MIKIÐ verðfall hefur orðið á hluta-
bréfum í bandaríska fjármálafyrir-
taekinu Advanta undanfama mánuði.
Hlutabréfín voru á u.þ.b. 24 doliara í
byrjun mars en eru nú á ellefu doll-
ara.
Fyiirtækið er alhliða fjármálafyrir-
tæki sem þjónar einstaklingum og
smærri fyrirtækjum á sviði krítar-
kortaviðskipta, húsnæðislána, kaup-
leigu, trygginga og innlána og er eitt
það stærsta sinnar tegundar í Banda-
ríkjunum. Ekki náðist í Ólaf Jóhann
Ólafsson, forstjóra, vegna málsins.
Meðfylgjandi kort sýnir gengi
hlutabréfa í félaginu síðastliðið ár.
Sparisjóður vélstjóra lánar til hluta-
bréfakaupa í Landsbanka Islands
A annað hund-
rað skráningar
HÁTT á annað hundrað manns
ski’áðu sig fyrir láni á fyrsta degi
hjá Sparisjóði vélstjóra í kjölfar
þeirrar ákvörðunar Sparisjóðsins að
bjóða lán fyrir allt að 90% af kaup-
virði í hlutabréfum í Landsbanka Is-
lands.
Eins og kunnugt er var það sam-
þykkt á hluthafafundi Landsbank-
ans í síðustu viku að auka hlutafé
bankans um 15% og bjóða hlutafjár-
aukninguna til sölu. Starfsmönnum
bankans gefst kostur á að kaupa
hlutafé að nafnvirði 325 milljónir
króna á genginu 1,285 en almenn-
ingi býðst að kaupa 625 milljónir að
nafnvirði á genginu 1,9. Þá verða 50
milljónir seldar með tilboðsfyrir-
komulagi. Sparisjóðurinn hefur nú
lýst því yfir að hann muni lána allt
að 90% af andvirði bréfanna til 36
mánaða, en Landsbankinn býður
85%.
Davíð Sigurjónsson, forstöðumað-
ur fjárstýringar hjá Sparisjóði vél-
stjóra, segist þó telja um afar svipuð
kjör að ræða þegar tilboð bankanna
eru borin saman í heild: „Við bjóðum
Iánin með föstum ársvöxtum upp á
11,35% en Landsbankinn býður
9,85% vexti. Við útlán Landsbankans
bætist síðan 1% lántökugjald og
stimpilgjald upp á 0,5% sem við inn-
heimtum ekki.“ Davíð telur tilboðin
því afar hliðstæð að því undanskildu
að Sparisjóðurinn lánar fyrir aðeins
hærri hlut. Hann segir að eftir að
skráning vegna lánanna hófst í gær-
morgun hafi síminn varla stoppað og
áætlar Davíð að 500 fyrirspumir hafí
borist fyrsta daginn og þar af skráðu
sig á annað hundrað manns fyrir láni.
Stoðumat
Forgangsröðun
Verkástlun
Verkíramkvæmd
ftríd 2000
Dnáurskaftun
Ráðgjafasvið Nýherja hefur þróað og
staðfært aðferðarfræði sem dugar
íslenskum fyrirtækjum til að glíma við
árið 2000 vandamál. Þessi aðferðar-
fræði kallast ÁRNÝ (Árið 2000 ráðgjöf
Nýherja) og skiptist í 5 þætti: Stöðumat,
forgangsröðun, verkáætlun, verk-
framkvæmd og árið 2000 endurskoðun.
Nýherji er leiðandi fyrirtæki á sviði upplýsingatækni
og hefur á að skipa 170 starfsmönnum, hver með
sína sérþekkingu sem getur nýst viðskiptavinum
við lausn á verkefnum vegna ársins 2000.
{J^)nýherji ^Aðgjöf
Skaftahlíð 24 - Sími 569 7700 - http://www.nyherji.is
Leiðir til breið-
ari kaupendahóps
ÖLL útgefin hlutabréf í útgerðarfé-
laginu Tanga hf., alls 502 milljónir
króna að nafnvirði, verða skráð á
Aðallista Verðbréfaþings íslands
frá og með morgundeginum en síð-
astliðin tvö ár hefur eingöngu verið
verslað með bréf félagsins á Opna
tilboðsmarkaðnum. Kaupþing
Norðurlands hf. hafði umsjón með
skráningunni.
Friðrik Mar Guðmundsson, fram-
kvæmdastjóri Tanga, telur eðlilegt
að áætla að seljanleiki hlutabréfa í
félaginu aukist við skráninguna og
hagur hlutahafa þar af leiðandi líka.
Hann bendir á að Tangi hafí nú um
tveggja ára skeið verið skráð á
Opna tilboðsmarkaðnum og því í
raun eðlilegt að stíga skrefíð til fulls
nú, ekki síst í ljósi þeirrar þróunar
sem á sér stað á íslenskum hluta-
bréfamarkaði.
Tvö skip í rekstri
Félagið var stofnað á Vopnafirði
árið 1965 en starfsemin hefur lengst
af byggst á veiðum og vinnslu á bol-
fiski. Tangi á og rekur tvö skip,
hálf-frystitogarann Bretting og
nótaskipið Víkurberg sem keypt var
í maí sl. Til viðbótar á félagið helm-
ingshlut í nótaskipinu Sunnubergi,
sem hefur að undanförnu verið í
leigu hjá Samherja en skipið hefur
verið á söluski’á frá því í júlí.
Eftir kaupin á Víkurbergi jókst
loðnukvóti Tanga hf. um 58% og er
nú alls 2,13% af úthlutuðum kvóta.
Miðað við áætlaða úthlutun fyrir
fískveiðiárið 1998-1999, svarar þetta
magn til um 24.176 tonna eða 1.450
þorskígildistonna. Að auki ræður
félagið yfir 5.383 tonnum af úthlut-
uðum kvóta úr norsk-íslenska síld-
arstofninum.
Síðastliðin ár hefur æ ríkari
áhersla verið lögð á veiðar og
vinnslu uppsjávarfiska og að sögn
Friðriks er ætlunin að halda þeirri
uppbyggingu áfram. I fyrra voni
t.a.m. fest kaup á frystibúnaði sem
ætlaður er fyrir uppsjávarfísk og í
kjölfarið var frystigeta fyrirtækis-
ins aukin úr 50 tonnum í um 230
tonn á sólarhring. Búnaðurinn
byggist á mikilli sjálfvirkni og er
talið að með honum lækki launa-
kostnaður á hvert fryst kíló af síld
og loðnu um allt að 50-60%. Þá hef-
ur afkastageta fiskimjölsverksmiðju
Tanga aukist mikið undanfarin ár. I
bvrjun þessa árs var settur upp nýr
gufuketill í fískimjölsverksmiðjunni,
skipt var um einn af þremur þurrk-
urum og fyrir nýafstaðna síldarver-
tíð voru sett upp ný eimingartæki í
verksmiðjuna.
Albert Jónsson, forstöðumaður
verðbréfamiðlunar Fjái'vangs, segir
skráningu Tanga hf. á Aðallista VÞÍ
leiða til breiðari kaupendahóps í fé-
laginu og aukinnar upplýsinga-
skyldu. Hann segir félagið hafa yfir
að ráða mjög öflugri vinnslu og státi
af afar góðum árangri í sfldarfryst-
ingu. Þeir hafí verið að auka af-
kastagetu á ýmsum sviðum og unn-
ið mjög skynsamlega að þeirri upp-
byggingu síðastliðin misseri. Hann
bendir á að 85 milljóna króna hagn-
aður Tanga í milliuppgjöri félagsins
á dögunum hafí verið vel viðunandi
og gengi hlutabréfa farið hækkandi
undanfarið.
Dótturfélag Landsbankans á Guernsey í Ermarsundi
Aðeins fyrir þá
stærstu og virtustu
AFLANDSÞJÓNUSTA Lands-
bankans (offshore banking), sem
sagt var frá í Morgunblaðinu um
helgina og verður staðsett á Gu-
ernsey í Ermarsundi, verður rekin
í samvinnu við Midland-bankann
enska, dótturfélag Hong Kong
Shanghai-bankasamsteypunnar.
Midland mun sjá um sjóðavörslu
og ýmsa aðra daglega rekstrar-
þætti svo sem afgreiðslu og frá-
gang viðskipta. Fyrirtækið, sem
ber heitið Landsbanki Capital
Internationanl Ltd. og er dótturfé-
lag Landsbankans, verður að fullu í
eigu og undir yfírstjórn Lands-
bankans.
Landsbréf hf., verðbréfafyrir-
tæki Landsbankans, verða fjárfest-
ingarráðgjafí þess og munu stýra
alþjóðlegum verðbréfasjóðum inn-
an fyrirtækisins á Guernsey.
Að sögn Gunnars Ándersen
Heildar-
lausnir
= HÉÐINN =
SM IÐJA
Stórási 6 «210 Garðabæ
sími 565 2921 • fax 565 2927
framkvæmdastjóra alþjóða fjár-
málasviðs hjá Landsbankanum,
sem unnið hefur að undirbúningi
fyrirtækisins frá upphafi, er um að
ræða svipaða starfsemi og fjár-
málafyrii'tækið Kaupþing hefur
sett upp í Lúxemborg, en Lúxem-
borg er fjármálafrísvæði eins og
Guernsey.
„Guemsey er fjármálafrísvæði
með skattvænt umhverfí þar sem
ekki eru íþyngjandi lagabálkar fyr-
ir hendi. Við höfum fengið rekstr-
arleyfið og eigum aðeins eftir að
ganga frá formsatriðum eins og út-
boðslýsingum á hverjum verð-
bréfasjóði fyrir sig sem bankayfír-
litið á staðnum þarf síðan að sam-
þykkja,“ segir Gunnar en áætlað er
að félagið hefji starfsemi í lok
næsta mánaðar.
Mætir þörf fyrir fjárfestingar
lífeyrissjóða
Gunnar sagði að Midland fjár-
málasamsteypan búi yfir mjög víð-
tækri reynslu, og innan hennar sé
rekin víðtæk greiningarvinna á
fjármálamörkuðum og efnahags-
málum almennt en Landsbankinn
og Midland hafa átt í samstarfi
með almenn bankaviðskipti um
þriggja áratuga skeið, að sögn
Gunnars. Tegund samstarfsins nú
er þó ný af nálinni, að hans sögn.
Gunnar segir að tilgangurinn
með stofnun fyrirtækisins sé að
auka eigi möguleika á lánveitingum
til dótturfyrirtækja íslendinga er-
lendis þó aðal uppistaða reksturs-
ins sé rekstur sjóða. „Eitt af mark-
miðunum er síðan að vekja athygli
á íslenskum verðbréfum og það
mun taka tíma að byggja þá starf-
semi upp. Einnig verður mönnum
gert kleift að fjárfesta í erlendum
sjóðum í gegnum fyrirtækið.“
Gunnar telur að lífeyrissjóðir á
Islandi muni vaxa úr 300 milljörð-
um í 600 milljarða á næstu 5 árum
og þar með aukist eftirspum eftir
fjárfestingarmöguleikum í hluta-
bréfum og verðbréfum erlendis.
Með fyrirtækinu á Guernsey verð-
ur komið til móts við þær þarfir
m.a., að sögn Gunnars.
300 stærstu bankar heims
Gunnar sagði að Guernsey væri
lítil og snotur eyja, nær Frakk-
landi en Bretlandi, þó menning
eyjarinnar væri bresk. 60.000
manns búa að hans sögn á eynni
en helsta atvinnustarfsemin á eyj-
unni er banka- og tryggingastarf-
semi enda eru u.þ.b. 300 stærstu
og frægustu bankar í heimi með
útibú á eynni, að sögn Gunnars.
„Bankaeftirlitið setur mjög ströng
skilyrði hver fær að setja upp
rekstur þarna og þeir reyna að
takmarka sig við 500 stærstu og
virtustu bankana. Síðan gera þeir
undanþágu til þeirra banka sem
uppfylla ákveðin skilyrði og við
virðumst hafa uppfyllt þau skil-
yrði,“ sagði Gunnar.
Sótt var um leyfið í júní sl. en áð-
ur var bankinn búinn að skoða
mörg frísvæði með fyrirtækja-
rekstur í huga, þ.á m. Dublin,
Lúxemborg og Jersey. „Það sem
réð úrslitum að Guernsey varð fyr-
ir valinu var kostnaðarhagkvæmni
og önnur hagkvæmni, eins og tíma-
munur, til dæmis.“
Kostnaði við uppetningu fyrir-
tækisins var öllum stillt í hóf,
stofnkostnaður var aðeins nokkrar
milljónir króna, að sögn Gunnars,
og hann sagði það vera eina aðalá-
stæðu þess að staðurinn var valinn.
Hann sagðist vera mjög bjart-
sýnn á starfsemina. „Það félaga-
form sem við notumst við heitir
Protected Cell Company, og var
fyrst kynnt á Guernsey í fyrra.
Móðursala fer frá miðjunni og út-
frá henni eru angar og hver sjóður
verður einagraður frá þeim næsta.
Því þarf ekki að stofna nýtt fyrir-
tæki um hvern sjóð og það er mjög
hentugt kerfi fyrir okkur,“ sagði
Gunnar.
i