Morgunblaðið - 08.09.1998, Page 32

32 ÞRIÐJUDAGUR 8. SEPTEMBER 1998
LISTIR
MORGUNBLAÐIÐ
Tveir góðir
á dj asshátíð
Sænskur bílasali og strákur frá Coquimbo
eru leynigestir á djasshátíð Reykjavíkur
segir Olafur Stephensen. Hann fjallar hér
um þessa gesti, en djasshátíðin hefst á
miðvikudag.
HANN fór gífurlega í
taugarnar á tónleika-
gestum í Stokkhólmi
á sfnum tíma. „Þarf
liann endilega að
brosa svona eins og
bjáni?“ spurðu þeir
og áttu við piltinn
kornunga, sem virtist
skemmta sér konung-
lega við spilamennsk-
una. Þetta var á
sjötta áratugnum
þegar sænskir djassá-
hugamenn voru, að
áliti Oscars Hedlunds
tónlistarstjóra, „sjálf-
umglaðir, grafalvar-
legir púritanar djassins, sem
álitu að það væri einungis hægt
að njóta djasstónlistar með gáfu-
mannasvip í útfararumhverfi".
Svo kom þessi unglingsstrákur
og lék með eldri og virðulegri
sænsku djassleikurunum með
þetta bros. Þetta var óþolandi.
Það átti að hlýða á djass með til-
hlýðilegri alvöru. Djass átti ekki
að vera neitt til að fíflast með.
Stráklingurinn með brosið var
Claes Crona, fimmtán ára gam-
all, sem lék í fyrstu með ungum
sænskum djassleikurum. í dag
eru þeir allir orðnir víðfrægir í
Svíþjóð og jafnvel víðar. Táning-
urinn Crona fékk að vísu ekki
heimild til að leika opinberlega
nema um eftirmiðdaga, sökum
æsku sinnar. Margir minnast
hans frá þessum árum fyrir frá-
bæran undirleik hjá ýmsum
sögvurum og einleikurum, - og
svo auðvitað fyrir brosmildan og
glaðklakkalegan prakkarasvip.
Það virtist ekkert standa í
vegi fyrir bjartri tónlistarfram-
tíð Claes Cronas. Hann spilaði
mjög sjálfstæðan stíl, vinstri
höndin vakti athygli annarra og
eldri píanista og sú hægri bjó yf-
ir öfundsverðri tækni. Crona var
á nokkrum árum orðinn athygl-
isverðasti djassleikari yngri
kynslóðarinnar. Hann hafði fulla
ástæðu til að brosa út að eyrum!
Crona brosti fram undir 1970.
Þá var svo komið fyrir djasstón-
listinni í Svíþjóð að hún var orð-
in stíf og stöðnuð, „mestmegnis
vegna „alvarlegrar aðdáunar"
djassáhugamanna og
ekki síður vegna upp-
litaðrar, andlausrar
og heinlega leiðin-
Iegrar túlkunar
djassleikaranna
sjálfra. Sænskur
djass visnaði og varð
næstum því að engu.“
Ekki bera mig fyrir
þessu. Ég hef þetta
allt eftir honum
Oscari Hedlund.
Hedlund veit allt.
Við tók tónlist Ijög-
urra ungra götu-
stráka frá Liverpool,
og píanóleikarinn
Claes Crona ákvað að
hann gæti alveg eins gerst bfla-
sölumaður. Sjö árum seinna
birtist klarinettleikarinn Putte
Wickman í bflasölunni hjá
Crona. Wickman er að vísu með
milda bfladellu, en í þetta sinn
var hann ekki í bflahugleiðing-
um. Hann var kominn til að fá
Claes til að spila með sér á
Stampen, þekktum veitingastað
í gamla bænum, þar sem djass-
inn var að rísa úr öskustónni, ef
svo mætti segja. Síðan hefur pí-
anóleikarinn Claes Crona verið
eftirsóttur djassleikari bæði í
heimalandi sínu sem og erlendis.
Hróður hans hefur borist víða,
ekki síst eftir að hann og Nils-
Henning Örsted Pedersen léku
tvímenning inn á geisladisk.
A djasshátíð Reykjavíkur leik-
ur Claes Crona með vini sínum
Putte Wickman og þeir leika
með vini okkar Pétri Östlund.
Það verða vafalaust næg tilefni
til að brosa á tónleikunum
þeirra á Hótel Sögu á miðviku-
dagskvöld.
Það þóttu merkilegar fréttir í
Chile fyrr á þessu ári, að brasil-
ískur djassleikari, píanistinn og
liljómsveitarsljórinn Marinho
Boffa væri að stjórna Sinfóníu-
hljómsveit Santiagoborgar.
Boffa væri að gera þessa ágætu
sinfóníuhljómsveit að samba-
bandi, sem ætti að leika brasil-
ísk dægurlög inn á plötu. Þetta
var að vísu ekki alveg tær sann-
leikur, en næstum því alveg satt.
Boffa stjórnaði sinfóníuhljóm-
CLAES Crona
píanóleikari.
CRISTIAN Cuturrufo trompetleikari.
sveit, einhvers konar „Santiago
Pops“, sem sett var saman til
þess eins að leika vinsæl lög frá
Brasilíu inn á geisladisk. Og það
sem meira var, einleikarinn var
Cristián Cuturrufo S., „strákur-
inn frá Coquimbo sem spilar svo
vel á trompet“.
Strákurinn er líka búinn að
konia Coquimbo á djasskortið,
því að nú státar bærinn af
djasshátíð sem væntanlega
verður á hverju ári. Hátíðin
mun vafalaust njóta góðs af
tengslum stofnandans við fræga
djassleikara sem hann hefur
spilað með, menn eins og Joe
Lovano, Danilo Pérez, McCoy
Tyner og James Moody. Cristi-
án Cuturrufo er sannarlega bú-
inn að skapa sér nafn í heima-
landi sínu þrátt fyrir að hann sé
ungur að aldri.
Cristian Cuturrufo er fæddur
í júní 1972 í Coquimbo. Hann
var sendur í skóla í La Serena,
þar sem rekinn er æfíngaskóli,
„tilraunatónlistarskóli", en að
því loknu sótti hann tíma í
trompetleik í Katólska háskólan-
um í Santíago í þijú ár. Árið
1990 kom hann fyrst fram opin-
berlega á Alþjóðlegu djasshátíð-
inni á vegum Radio Clássica í
Chile. Ári seinna fór hann í
tveggja mánaða námsferð til
Kúbu til þess að nema hjá
trompetineisturum þarlendis.
Cuturrufo hefur einu sinni
komið áður til Norðurlandanna.
Hann sótti námskeið bandaríska
djassleikarans Joe Hendersons í
Danmörku árið 1994.1 sömu
ferð notaði liann tækifærið til að
leika í djassklúbbum svo sem
Copenhagen Jazz House, Fas-
hing í Stokkhólmi og New Morn-
ing í París.
Þegar hann kom aftur heim
til Cliile stofnaði hann kvintett
sem hefur vakið verðskuldaða
athygli. Þetta er hljómsveit sem
spilar í bebop stfl sem virðist
höfða til flestra djassáhuga-
manna. Hljómsveitin koin meðal
annars fram á djasshátíð Radio
Clássica árið 1997 og vakti þá
mjög inikla athygli. Á þessari
hátíð lék Cristián einnig með
tenórsaxófónleikaranum James
Moody og píanóleikaranum
Bruce Barth.
Cristián Cuturrufo kemur á
djasshátíð Reykjavíkur í boði
Granda ehf. Eins og margir vita
er Grandi í samstarfi við útgerð-
arfyrirtæki í Chile, Friosur.
Þetta hefur orðið til þess að
náðst hafa margvísleg sambönd
við Chile auk hefðbundinna við-
skiptasambanda. Fyrir um það
bil ári léku íslenskir djassleikar-
ar í Santiago við frábærar und-
irtektir, en komu Cuturrufos á
djasshátíðina hér má rekja til
djassklúbbsins í Santiago og
heimsóknar utanríkisráðherra
og títflutningsráðs til Chile í
fyrra.
Trompetleikarinn Cristián
Cuturrufo leikur á tónleikum í
Kaffíleikhúsinu á fimmtudags-
kvöld. Auk þess kemur hann til
með að Ieika nokkur lög fyrir
starfsfólkið hjá Granda við tæki-
færi. Með honum leika Agnar
Már á píanó, Þórður Högnason á
bassa og Matthías Hemstock á
trommur.
Mæjónes mafíósar
KVI klVlYXIHR
Itíóborgin, Suitihíóin
Állabakka, Kringln-
b í ó
MAFÍA!
Leikstjóri Jim Abrahams. Handrit
Abrahams, Greg Norberg, Miehael
McMann. Tónlist John C. Frizzell.
Kvikmyndatökustjóri Pierre Latar-
tc. Aðalleikendur Jay Mohr, Billy
Burke, Christina Applegate, Pa-
mela Gidley. 84. mín. Bandarísk.
Touchstone Pictures 1998 .
ÞAÐ ER oft hægt að brosa,
en sjaldan að hlæja, að nýjustu
mynd Jims Abrahams, Mafíu!.
Það eru vond takmörk á gaman-
mynd, enda hlýtur þessi nýjasta
afurð frá höfundi jafn eldhressra
skemmtimynda og Ruthless
People, Top Secret, Naked Gun
og Airpkine, að flokkast undir
vonbrigði.
Að þessu sinni tekur leikstjór-
inn/handritshöfundurinn fyrir
mafíumyndir eins og Casino,
Goodfellas, en aðallega Guðföður
bálk Coppola, og reynir að
spauga með þær. Sögumaður er
Anthony Cortino (Jay Mohr), frá
því faðir hans hrökklast frá
Sikiley og tekur sér bólfestu í
undirheimum Ameríku. Hinn
ungi Vincenzo Cortino býr í
Salmonellu — „heimabyggð hins.
moðvolga mæjoness“,- uns hahn
er sprengdur í loft upp í myndar-
byrjun (að hætti De Niros í
Casino). Dæmigert fyrir gal-
gopahúmor Abrahams, líkt og
nafngift myndarinnar í Banda-
ríkjunum , Jane Austen’s Mafia,
fljúgandi „Twister“-kýr og enda-
lausar skopstælingar persóna og
atriða í glæpamyndum Scorsese
og Coppola. Kvenskratti
(„femme fatal“) myndarinnar,
Pepper Gianini (Pamela Gidley),
sver sig í ættir persónu Sharon
Stone í Casino, en gæðablóðið,
mótmælandinn „Diane“ (Christ-
ina Applegate), á stúlkunni sem
nafna hennar Keaton, lék í Guð-
foður-myndunum. Svo mætti
lengi telja. Því miður verður
þessi bræðingur sjaldnast ær-
lega fyndinn, og stundum
ósmekklegur. Lloyd gamla
Bridges tekst einna best upp, í
sinni síðustu mynd, í lunkinni
stælingu á meistara Brando í
dauðastríðsatriðinu með barna-
barninu í Guðföðurnum. Telst þó
heldur ómerkilegur lokakafli á
litríkum ferli Bridges, sem hófst
fyrir tæpum sextíu árum. Flestir
aðalleikararnir eru lítt þekktir
og slakir, nokkur kunnari nöfn
sjást í smáhlutverkum; Olympia
Dukakis, Tony Lo Bianco, Andr-
eas Katsulas en hafa ekki erindi
sem erfiði.
Sæbjörn Valdimarsson
Fimm
kórar við
Lang-
holts-
kirkju
VIÐ LANGHOLTSKIRKJU
starfa flmm kórar: Kór Lang-
holtskirkju, Kammerkór, Gra-
dualekór, Kór Kórskólans og
Krúttakór..
Kór Langholtskirkju byrjar
starfsáríð á að æfa verk eftir
Þorkel Sigurbjörnsson sem
flutt verður á tónleikum í nóv-
ember. Gradualekórinn tekur
einnig þátt í þeim tónleikum.
Þorkell fagnaði sextíu ára af-
mæli á sl. sumri og vill kórinn
heiðra tónskáldið með þessum
tónleikum, en hann hefur
samið fjölmörg verk fyrir kór-
inn sem flutt verða ásamt öðr-
um.
Helgina 18., 19. og 20. des-
ember verða árlegir Jólasön-
var Langholtskirkju, en þetta
verða þeir tuttugustu og verð-
ur þess minnst með sérstökum
hætti. I dymbilviku flytur kór-
inn H-moll messuna eftir J.S.
Bach og verður þetta í fjórða
sinn sem kórinn flytur verkið,
síðast í Barbican-tónleikahöll-
inni í London með Ensku
kammersveitinni árið 1994.
Eftir páska hefjast æfingar
fyrir hátíð í september á
næsta árí er langþráð orgel
verður vígt.
Gradualekór Langholts-
kirkju mun halda tónleika á
komandi vetri, fara í æfinga-
búðir og taka þátt í Jólasöngv-
um Langholtskirkju. Kórinn
hefur þekkst boð um að taka
þátt í alþjóðlegri tónlistarhátíð
í Kanada næsta sumar.
Kórskóli Langholtskirkju
verður settur 10. september
og er þetta áttunda starfsár
skólans. Yngri deildin var
stofnuð á sl. ári fyrir fjögurra
til sjö ára börn. Kennari er
Bryndís Baldvinsdóttir tón-
menntakennari. Krúttakórinn
mun starfa í tengslum við
sunnudagaskólann. I Eldri
deild, fyrir börn frá átta ára
aldri, verður nemendum skipt
í tvo til þrjá hópa eftir tónlist-
arþekkingu. Kennarar við
skólann eru Laufey Ólafsdótt-
ir, tónmenntakennari, Brynja
Baldvinsdóttir, tónmennta-
kennari og Jón Stefánsson
kantor við Langholtskirkju.
SIGRÚN ANNA Guðný
Iljálnitýsdóttir Guðmundsdóttir
Selfosskirkja
Tónleikar með
# Sigrúnu og
Önnu Guðnýju
AÐRIR tónleikar í tónleikaröð Sel-
fosskirkju nú í haust verða þriðju-
daginn 8. september, kl. 20.30.
Sigrún Hjálmtýsdóttir syngur ís-
lensk og erlend lög við píanóundir-
leik Önnu Guðnýjar Guðmundsdótt-
ur.
Hálf efnisskráin er íslensk, fjórð-
ungur frá hinum Norðurlöndunum
og loks ai'íur úr óperum. Aðgangur
er ókeypis.