Morgunblaðið - 08.09.1998, Síða 34

34 ÞRIÐJUDAGUR 8. SEPTEMBER 1998
MORGUNBLAÐIÐ
MORGUNBLAÐIÐ
ÞRIÐJUDAGUR 8. SEPTEMBER 1998 35 '
JMttgiuiMafrife
STOFNAÐ 1913
ÚTGEFANDI
FRAMKVÆMDASTJÓRI
RITSTJÓRAR
Árvakur hf., Reykjavík.
Hallgrímur B. Geirsson.
Matthías Johannessen,
Styrmir Gunnarsson.
EINKAREKINN
VIÐSKIPTAHÁSKÓLI
VIÐSKIPTAHÁSKÓLINN í Reykjavík var settur í
fyrsta sinn sl. föstudag. Hann er rekinn af Verzlunar-
ráði með stuðningi menntamálaráðuneytisins eins og Verzl-
unarskólinn hefur verið um áratuga skeið. „Skólinn eykur
enn fjölbreytni í háskólanámi. Hann fer inn á nýjar brautir.
Áhrifa þeirrar stefnu, sem stjórnendur skólans móta, mun
gæta í öðrum menntastofnunum landsins. Háskólar starfa í
harðnandi innbyrðis og alþjóðlegri samkeppni. Þeir verða
að laga sig að hertum kröfum nemenda og atvinnulífs,"
sagði Björn Bjarnason, menntamálaráðherra, við setningar-
athöfnina.
Hugmyndin um stofnun einkarekins Viðskiptaháskóla
kom fyrst fram fyrir 26 árum hjá Haraldi Sveinssyni, þáver-
andi formanni Verzlunarráðs, að sögn Þorvarðar Elíasson-
ar, skólastjóra Verzlunarskólans. Hann kvað fyrsta skref að
stofnun sérstaks háskóla á viðskiptasviði hafa verið stigið
1988 með Tölvuháskólanum, sem nú verður hluti Viðskipta-
háskólans. Þorvarður afhenti nýjum rektor, Guðfinnu
Bjarnadóttur, lykla að skólanum og sagði hún í setningar-
ræðu, að markmiðið væri að Viðskiptaháskólinn verði í far-
arbroddi á sviði viðskipta- og tölvufræðimenntunar. Mark-
miðið væri jafnframt að auka samkeppnishæfni íslenzks at-
vinnulífs.
Formaður háskólaráðs, Finnur Geirsson, lýsti hlutverki
skólans þannig: „Segja má, að tengslin og nálægðin við at-
vinnulífið leggi grunninn að starfsemi Viðskiptaháskólans.
Það verður lögð mikil áherzla á fagmenntun, verklega þekk-
ingu og raunhæf viðfangsefni í kennslunni. Okkur er jafn-
framt ljóst, að þetta eitt dugir ekki til að uppfylla óskir at-
vinnulífsins. Skólinn mun því jafnframt leggja áherzlu á
rannsóknir og fræðimennsku, sem ætlað er m.a. að þroska
hugmyndaauðgi og dýpka skilning nemenda á viðfangsefn-
inu.“
Formaður Verzlunarráðs, Kolbeinn Kristinsson, sagði við
skólasetninguna, að þess væri vænzt, að skólinn beindi nýj-
um straumum inn í íslenzkt atvinnulíf, ekki sízt með þeirri
símenntun, sem fyrirhugað væri að skólinn sinnti fyrir fólk,
sem nú starfar í íslenzku atvinnulífi.
Atvinnulíf landsmanna verður sífellt flóknara, alþjóðleg
samkeppni vex og efnahagsleg framtíð þjóðarinnar er undir
því komin, að Islendingar standi sig í þeirri samkeppni. Þar
getur aukin menntun ráðið úrslitum.
SHAKESPEARE
KVIKMYNDALISTARINNAR
JAPANSKI kvikmyndaleikstjórinn Akira Kurosawa lést
síðastliðinn sunnudag 88 ára að aldri. Kurosawa var einn
mesti kvikmyndaleikstjóri sinnar samtíðar. Kvikmyndir
hans gáfu Vesturlandabúum einstaka innsýn í japanskt
þjóðfélag, stundum reyndar á forsendum sem þeir þekktu
því að Kurosawa byggði sumar myndir sínar á vestrænum
bókmenntaverkum sem hann staðfærði. Má þar á meðal
nefna myndirnar Blóðkórónuna og Ran sem báðar eru
byggðar á verkum eftir Shakespeare. I því samhengi er
raunar óhætt að taka undir orð bandaríska kvikmyndaleik-
stjórans Stevens Spielbergs um að Kurosawa hafi verið
Shakespeare kvikmyndalistarinnar, en sjálfur er Spielberg
nýbúinn að gera eitt magnaðasta og ógnlegasta stríðsdrama
í kvikmyndalist okkar tíma, þar sem er myndin Björgun
óbreytts Ryans.
Kurosawa byggði á japönskum hefðum í kvikmyndagerð
sinni en myndmál hans er einkar íburðarmikið og áhrifaríkt.
Með honum er sannarlega genginn einn mesti kvikmynda-
gerðarmaður aldarinnar.
GLÆSILEGUR ARANGUR
LÍTILL VAFI leikur á því að jafntefli íslenska knatt-
spyrnulandsliðsins við heimsmeistara Frakka á laugar-
daginn er einn af mestu sigrum íslenskra íþróttamanna á
síðari árum. Þegar leikur liðanna er metinn er Ijóst, að ís-
lenska liðið átti stigið fyllilega skilið.
Eiga íslensku leikmennirnir sannarlega heiður skilinn
fyrir frábæra frammistöðu og þrotlausa baráttu inni á vell-
inum. Sömuleiðis verður að þakka hina glæsilegu umgjörð
leiksins í Laugardalnum.
Nemendum í efstu bekkjum
grunnskóla boðið á sjóinn
Kynnast mik-
ilvægi sjávar-
útvegs
HAFRANNSÓKNASKIPIÐ
Dröfn RE 35 fór í gær-
morgun sína fyrstu ferð
sem skólaskip en nemend-
um úr efstu bekkjum grunnskóla er
nú boðið að fara í ferð með skólaskip-
inu. Markmiðið er að efla þekkingu
og kennslu um hafíð og rannsóknir
tengdar því, auka áhuga á hafinu og
störfum sem því tengjast og að ung-
menni geri sér grein íyrir mildlvægi
sjávarútvegs í íslensku atvinnulífí. í
fréttatilkynningu írá sjávarútvegs-
ráðuneyti segir að það væri umtals-
verður árangur á ári hafsins ef þessi
markmið næðust.
Tvenns konar ferðir verða í boði,
annars vegar dagsferðir fyrir þá sem
stunda sjóvinnunám í grunnskólum
en slíkt val er í boði í tæplega 20 skól-
um og lýkur með réttindaprófí til
skipstjómar, og hins vegar skoðunar-
ferðir sem taka 2-4 klukkustundir.
Reynt verður að bjóða grunnskóla-
nemendum víðs vegar um land í ferð-
ir og verða skoðunarferðir í tengslum
við rannsóknarferðir skipsins.
Fyrsti hópurinn 10. E.G. kom gal-
vaskur í land eftir þriggja tíma sjó-
ferð í gærmorgun og sögðust nem-
endur hafa veitt krabba og nokkra
fiska. Þeir sögðust líka hafa skoðað
vélarnar og tækjabúnað um borð.
Nemendurnir létu vel af ferðinni og
enginn varð sjóveikur, að þeirra sögn.
Það vom góðar fréttir fyrir næsta
hóp sem var að tínast um borð upp úr
hádegi en einhverjir vom hræddir við
að verða veikir og mikið var spáð í
hvað þau ættu að gera þarna um
borð, „ætli við þurfum að skera í físk-
inn“, „við fáum að veiða, er það
ekki?“, þannig talaði hver í kapp við
annan og augljóst að nemendur voru
spenntir yfir ferðinni.
Sjórinn fjarlægari
„Markmiðið er að gefa ungu fólki
tækifæri til að kynnast sjónum og
þeim störfum sem þar eru unnin og
veita þeim innsýn í störf vísinda-
manna sem afla þekkingar og gefa
ráð um hvernig best er að haga fisk-
veiðum hér við land. Eg hygg að það
sé rétt að sjórinn hafi fjarlægst, ungt
fólk er ekki í sömu tengslum við und-
irstöðuatvinnuvegina og áður og því
þarf að mæta. Þetta er tilraun til þess
og viðbrögðin benda til þess að áhugi
sé fyrir þessari fræðslu," sagði Þor-
steinn Pálsson sjávarútvegsráðherra
í samtali við Morgunblaðið.
Á milli tveggja fyrstu ferðanna var
fjölmiðlafólki boðið að koma um borð
og skoða aðstæður og var þá aðdrag-
andinn að þessu verkefni jafnramt
kynntur. Rristján Pálsson alþingis-
maður mun hafa verið frumkvöðull að
þvi að nemendum væri boðið í ferðir
af þessu tagi, en frá 1991 hafa þær að
mestu legið niðri. Fyi-ir 1991 var boð-
ið upp á lengri ferðir fyrir nemendur
í sjóvinnuvali og er það nýmæli að
ætla að bjóða svo mörgum nemend-
um á sjóinn í styttri ferðir. Áhuginn
var mikill í grunnskólunum og á ein-
um og hálfum degi fylltist í þær ferðir
sem boðið er upp á að sinni.
Skólaskipsverkefnið er tilrauna-
verkefni til tveggja ára á vegum sjáv-
arútvegsráðuneytisins en samstarfs-
aðilar þess eru Fiskifélag íslands,
Hafrannsóknastofnunin og Samband
íslenski'a sveitarfélaga. Nefnd skipuð
fulltrúum þessara aðila hefur annast
undirbúning verkefnisins.
Japanski kvikmyndaleikstjórinn Akira
Kurosawa lést um helgina en hann var dáður
um heim allan fyrir myndir á borð við „Ras-
homon“, Sjö samuraja“, „Jojimbo“ og „Ran“.
Arnaldur Indriðason lítur yfír feril leikstjór-
ans, sem haft hefur gríðarleg áhrif á kvik-
myndagerðarmenn. Hann átti djúpar rætur í
japanskri menningu, en um leið mátti greina
vestræn áhrif í myndum hans.
AKIRA Kurosawa
KAGEMUSHA var glæsilegt afturhvarf til samurajamyndanna.
TOSHIRO Mifune og Machiko Kyo í Rashomon.
Ransom“ en myndin fékk nafnið Hátt
og lágt.
Því hafði kvikmyndafræðingurinn
Donald Riehie nokkuð til síns máls
þegar hann sagði á sínum tíma að
Kurosawa væri „vestrænasti japanski
leikstjórinn". Hann lét þau orð
reyndar falla þegar fáir í vesturheimi
höfðu séð myndir leikstjórans og
Kurosawa hafði aðeins skilað hálfu
æviverki. Það sem Richie átti við var
ekki endilega að greina mætti vest-
ræn áhrif í myndum hans heldur að
hann væri einn af fáum japönskum
leikstjórum sem kalla mætti frumleg-
an höfund á meðan japanskir kollegar
hans fengust við japanskar formúlu-
myndir. Kurosawa sagði eitt sinn í
viðtali við Richie: „Eg býst við að
myndir mínar hafi sameiginlegt
þema. En þegar ég hugsa um það, er
eina þemað sem kemur upp í hugann,
spuming: Hvers vegna getur fólk
ekki lifað í sátt og samlyndi?" Flestar
myndir Kurosawa eru illflokkanlegar.
Þær eiga ekki heima með neinum sér-
stökum tegundum mynda. Þær
standa sér og utan við allt hvað varð-
ar frumleika, frásagnarstíl og efnis-
val.
En rétt eins og Kurosawa leitaði
vestur eftir efnivið í myndir sínar,
sótti vestrið í myndir hans. Þegar
hefur verið nefnd myndin „The
Magnificent Seven“; Sergio Leone
notaðist við Jojimbo þegar hann gerði
sinn fyrsta spagettívestra, Hnefafylli
af dollumm eða ,A- Fistful of Doll-
ars“, og Falda virkið var mikill
áhrifavaldur þegar George Lucas var
að sjóða saman Stjörnustríðsbálkinn.
Haldið hefur verið fram að þrátt
íyrir vestræn áhrif í verkum
Kurosawa hafi hann fyrst og fremst
verið nútímalegur, japanskur leik-
stjóri. Þótt miðaldamyndir hans eigi
sér fyrirmyndir í Hollywood-vestmm
liggja rætur þeirra í japanskri sögu.
Þótt klippingar hans geti verið hrað-
ar og hasarinn mikill geta tökur hans
einnig verið langar og hreyfingar
myndavélarinnar mjúkar. Hann
sýndi Shakespeare áhuga en ekki síð-
ur fornri japanskri leiklist. Þess
vegna gefi það kannski ranga mynd
af honum að tala um Kurosawa sem
sérstaklega „vestrænan leikstjóra".
að afla fjár í myndir sínar í Japan
fyrr en leikstjórarnir Kinoshita,
Kobayashi og Ichikawa gerðust með-
framleiðendur að „Dodes’ka-den“ ár-
ið 1970. Það var fyrsta litmynd
Kurosawa og gerðist í fátækrahverfi
í Tókýó en hann stórtapaði á henni,
sem einnig var ný reynsla fyrir leik-
stjórann. Hann kenndi lasleika og
mótlætið varð til þess að hann reyndi
að fyrirfara sér. Hann náði sér aftur
á strik og lifði eins konar endurreisn
sem fremsti leikstjóri Japana þótt
ekki tækist honum eins vel og áður
að afla fjár til kvikmyndagerðar inn-
anlands.
Samstarf við bandaríska
leiksljóra
Hann leikstýrði „Derzu Uzala“ árið
1975, sem Sovétmenn framleiddu.
Kvikmyndatakan stóð í t,vö ár í Síber-
íu og myndin hlaut Óskarinn sem
besta erlenda myndin það árið.
Francis Ford Coppola og George
Lucas fjármögnuðu næstu mynd
hans, „Kagemusha", sem var glæsi-
legt afturhvarf til samurajamynd-
anna. Frakkar fjármögnuðu næstu
mynd, „Ran“, sem byggði á Lé kon-
ungi eftir Shakespeare og sýndi að
Kurosawa hafði ekki tapað niður
neinum af sínum fyrri styrk sem leik-
stjóri; hinar stóru bardagasenur
myndarinnar eru að sönnu með því
besta sem gert hefur verið á því sviði.
Þá var komið að Steven Spielberg
sem lagði fé í Drauma Kurosawas ár-
ið 1990 en Martin Scorsese lék
Vincent Van Gogh í þeirri draum-
kenndu mynd. Ári síðar gerði hann
Rapsódíu í ágúst með Richard Gere í
aðalhlutverki, er fjallaði um
sprengjuárásina á Nagasaki frá sjón-
arhóli japanskrar fjölskyldu í nútím-
anum.
Kurosawa var veittur heiðursóskar
árið 1989 fyrir framlag hans til kvik-
myndanna og fyrir „afrek sem hafa
skemmt og auðgað áhorfendur og
haft hafa áhrif á kvikmyndagerðar-
menn um allan heim.“ Nú þegar
Kurosawa er allur hefur Japan misst
sinn fremsta kvikmyndahöfund og
heimurinn einn af örfáum mönnum,
sem sannarlega er hægt að kalla risa
kvikmyndaaldarinnar.
BÆNDUR berja á bófum í Sjö samurajar.
Verk hans séu fremur lýsandi fyrir
þær breytingar sem urðu í Japan eft-
ir seinni heimsstyrjöldina þegar er-
lendra áhrifa tók að gæta í mun
meira mæli en áður.
Um miðjan sjöunda áratuginn
gerði Kurosawa samning við 20th
Century Fox kvikmyndaverið í
Hollywood um að leikstýra myndinni
„Tora, Tora, Tora“, er fjalla skyldi
um árás Japana á Perluhöfn. Hann
lenti í vandræðum í Hollywood
vegna samskiptaörðugleika og
ágreinings um listræna stjórnun og
hvarf aftur til Japans án þess að
gera myndina. Orðrómur um að
hann væri ekki í andlegu jafnvægi
varð til þess að honum lánaðist ekki
Einn af þeim
áhrifaríkustu
„ÞEIR eru smám saman að týna
tölunni kvikmyndajöfrar tuttug-
ustu aldarinnar," sagði Hilmar
Oddsson kvikmyndaleikstjóri um
kynslóðina sem kom fram eftir
stríð og lagði að hans mati horn-
steininn að kvikmyndalist sjötta,
sjöunda og áttunda áratugarins.
Hilmar segir að Kurosawa hafi
verið „einn af þeim allra stærstu
og örugglega einn af þeim allra
áhrifaríkustu. Menn eins og Leo-
ne, Coppola og Spielberg voru
allir undir miklum áhrifum frá
honum og áhrifa hans hefur
einnig gætt í íslenskri kvik-
myndagerð."
Hreifst ungur af Kurosawa
„Eins og aðrir kvikmyndagerð-
armenn hreifst ég ungur af Sjö
samúræjum og Rashomon, einnig
myndum eins og Að lifa og
Todoskaden. Svo er ég þein-ar
skoðunar að fáir hafi fangað anda
Shakespeares betur á hvíta tjaldið
en einmitt Kurosawa. Snillingur er
genginn eftir langa og gifturíka
starfsævi. Myndir hans munu
lifa,“ sagði Hilmar Oddsson.
EINN af risum kvikmynda-
aldarinnar, japanski kvik-
myndahöfundurinn Akira
Kurosawa, er fallinn frá í
hárri elli, áttatíu og átta ára að aldri.
Hann hafði gríðarleg áhrif á kvik-
myndagerðarmenn um heim allan
með frásagnarlist sinni og m.a. hér á
landi þar sem myndir hans voru fast-
ur liður í kvikmyndaklúbbahaldi eftir
miðjan sjötta áratuginn; eru áhrif
hans líklega sýnilegust í mynd
Hrafns Gunnlaugssonar, Hrafninn
flýgur frá árinu 1984.
I breyttum heimi
Kurosawa var leikstjóri sem hafði
djúpar rætur í japanskri menningar-
hefð, þótt greina megi í verkum hans
sterk áhrif frá vestrænni menningu,
en fyrst og fremst má segja að hann
hafi verið nútíma kvikmyndaleik-
stjóri. Margar mynda hans einkennd-
ust af siðfræðilegum vangaveltum í
breyttum heimi atómsprengjunnar
og eitt af meginviðfangsefnum hans
var hetjuímyndin: hverjar sem per-
sónur hans voru, samuraji, lögreglu-
maður eða opinber starfsmaður, kusu
þær ávallt að reyna að bæta heiminn.
Kurosawa fæddist í Tókýó árið
1910 og reyndi að vinna fyrir sér sem
málari áður en hann gafst upp á því
og sótti um starf sem aðstoðarleik-
stjóri við japanskt kvikmyndaver árið
1936. Hann leikstýrði nokkrum
myndum í seinni heimstyrjöldinni,
sem japönsk stjómvöld fylgdust
vandlega með að væra gerðar „rétt“,
en fyrsta myndin sem hann sagði að
væri eftir hann sjálfan og gerð án af-
skipta, var Drukkinn engill frá árinu
1948. Hún sagði af lækni og ungum
glæpamanni og hún var fyrsta
Kurosawa-myndin sem hinn dáði jap-
anski leikari Toshiro Mifune lék í, en
Mifune átti eftir að leika í mörgum
þekktustu myndum leikstjórans. Ári
síðar gerði Km-osawa Flækingshund
en í henni lék Mifune lögreglumann,
sem leitar að þjófnum er rændi hann
byssunni. Árið 1950 gerði leikstjórinn
Hneyksli, sem var ádeila á fjölmiðla,
en það sama ár hlaut Kurosawa al-
þjóðlega frægð fyrir myndina „Ras-
homon“, klassíska úttekt á afstæði
sannleikans þar sem hann lýsti
nauðgun og morði frá fjórum ólíkum
sjónarhornum en sögusviðið var
Kyoto á níundu öld. „Rashomon" var
fyrsta japanska myndin sem náði al-
þjóðlegri hylli á Vesturlöndum og
opnaði dyr til vestursins fyrir aðra
japanska leikstjóra á borð við Ozu og
Mizogutji.
Árið eftir gerði Kurosawa Fávit-
ann eftir sögu Dostojevskís og árið
1952 gerði hann „Irku“ sem fjallaði
um dauðvona opinberan starfsmann
er leitaði að tilgangi með lífi sínu.
Tveimur árum síðar gerði hann þá
mynd sem hann kannski er frægastur
fyrir, Sjö samuraja, einhverja stór-
fenglegustu hasarmynd sem gerð
hefur verið. Myndin var endurgerð í
Hollywood sem vestri árið 1960 og
hét þá „The Magnificent Seven“.
Kurosawa og vestrið
Áhrif vestrænnar menningar og
heimspeki og ekki síst kvikmynda-
gerðar, voru sýnileg í verkum
Kurosawas. Hann notaði skáldsögu
Dashiell Hammetts, „Red Harvest“,
sem grunn undir sögu um átök á jap-
anska lénsveldistímanum í myndinni
Jojimbo árið 1961. Falda virkið, sem
hann gerði árið 1958, var sömuleiðis
blanda af klassísum bandarískum
vestra og japönskum lífsgildum.
Blóðugt veldi frá 1957 var kvik-
myndaútgáfa hans á leikritinu Mak-
beð eftir Shakespeare þar sem sögu-
sviðið var Japan á miðöldum; Hinir
illu sofa vel frá 1960 var nútímaút-
gáfa af Hamlet og fjallaði um stórfyr-
irtækjarekstur og spillingu. Þremur
árum síðar kvikmyndaði hann eina af
spennusögum bandaríska rithöfund-
arins Ed McBain; sagan hét „King’s
I honum mættust
austrið og’ vestrið
Sagna-
meistari
kvikmynd-
anna
KUROSAWA er sagnameistari
kvikmyndanna að dómi Hrafns
Gunnlaugssonar
kvikmyndaleikstjóra sem er sá eini
eða einn af fáum Islendingum sem
hittu Kurosawa. Hrafn hitti
Kurosawa á kvikmyndahátíð í
Tókíó og skrifaði við hann viðtal
sem birtist i Lesbók
Morgunblaðsins.
Hrafn segir Kurosawa
einstæðan. Hann sé snillingur að
segja flóknar og djúpar sögur á
einfaldan og skýran hátt, þannig að
þær skírskoti til tilfinninga
áhorfenda, nánast sama úr hvaða
menningarumhverfi þeir komi.
Hann minni á höfunda
íslendingasagna. í
samúræjamyndunum lýsi
Kurosawa frumbyggjaþjóðfélagi
eins og höfundar Islendingasagna.
Ný tilfinning fyrir myndmálinu hafi
einkennt þessar myndir, sterkar
nærmyndir af leikurum, tíminn
eins og nemi staðar í miðju atriði.
„Kurosawa finnur að þessu leyti
upp rafmagnið og margir höfundar
fara síðan að dæmi hans,“ segir
Hrafn. Hann bendir ekki bara á
samúræjamyndir Kurosawa heldur
lika Rashomon þar sem Kurosawa
segir sögu frá sjónarhorni fleiri
einstaklinga. Kurosawa spannar
vítt svið að mati Hrafns, hann gerði
sögulegar myndir úr nútímanum
og myndir úr fortíðinni sem
byggðust á fornum hefðum Japana,
trúlega hafi enginn leikstjóri náð
jafn mikill breidd í að segja sögu.
Scheving og Islendingasögur
Hafði Kurosawa gildi fyrir þig?
„Já, á sama hátt og Gunnlaugur
Scheving og íslendingasögur, sömu
áhrif. Hann er eins og Scheving að
því leytinu að hann filmar oft
almúgafólk og notar gróna
verkmenningu sem bakgrunn
atburðarásarinnar og ég er ekki
frá því að Gunnlaugur hafi orðið
fyrir áhrifum frá honum.
í dag er eins og allar kvikmyndir
séu eftir sama manninn, úr sama
skóla, kennt er að vinna samkvæmt
stöðluðum uppskriftum svo að
enginn skeri sig úr. Kannski er
þetta þó alverst hvað varðar
handritin. I þessu sambandi má
minna á að Japanir sjálfir hafa ekki
skrifað Kurosawa jafn hátt og
aðrar þjóðir, það voru ýmsir
snillingar í Vestur-Evrópu sem
uppgötvuðu hann. Hann var oft á
tíðum í stökustu vandræðum með
að fá fé heima fyrir."
Hrafn nefnir að iokum þijá menn
sem mótuðu öldina: Walt Disney,
Kurosawa og Ingmar Bergman.
Hann segir að Kurosawa sé
sögumaðurinn en Bergman kíki inn
í sálarlífið.
Morgunblaðið/Kristinn
SJÓAÐUR tíundi bekkur E.G. úr Langholtsskóla sem
fór í fyrstu ferðina með Dröfn.
NEMENDUR tíunda bekkjar I.Þ. úr Langholtsskóla færir í flestan sjó.