Morgunblaðið - 25.09.1998, Blaðsíða 19

MORGUNBLAÐIÐ
FÖSTUDAGUR 25. SEPTEMBER 1998 19
VIÐSKIPTI
✓
Yfír tólf þúsund aðilar skráðu sig í hlutafjárútboði Landsbanka Islands hf. sem lauk á miðvikudag
Hámarkshlutur
skerðist í 55
þúsund krónur
Morgunblaðið/Kristinn
FORSVARSMENN Landsbanka íslands hf. kynntu niðurstöður hlutafjárútboðs félagsins í gær. F.v. Gunnar
Helgi Hálfdánarson, forstjóri Landsbréfa, Halldór J. Kristjánsson, bankastjóri, Brynjólfur Helgason, frara-
kvæmdastjóri fyrirtækja- og stofnanasviðs, og Davíð Björnsson, forstöðumaður á viðskiptastofu Landsbankans.
LIÐLEGA 12.200 aðilar skráðu sig
fyrir hlutabréfum í hlutafjárútboði
Landsbanka íslands hf. sem lauk á
miðvikudag. Par af voru núverandi
og fyrrverandi starfsmenn bankans
um 1.200 talsins. Samtals bárust
óskir um að kaupa bréf að nafnvirði
tæplega 5,5 milljarðar króna í
áskriftarhluta útboðsins, en að auki
hafa borist tilboð frá um 40 aðilum í
tilboðshluta útboðsins.
Alls bárust óskir frá um 11 þús-
und aðilum um kaup á bréfum að
nafnvirði rúmlega 5 milljarðar
króna í almennri áskrift og skerðist
því hámarkshlutur úr 1 milljón
króna í um 55 þúsund kr. að nafn-
virði, en það svarar til um 105 þús-
und króna að söluvirði.
AIls voru boðnar út 1.000 þúsund
milljónir að nafnvirði, en þai' af
koma 325 milljónir í hlut starfs-
manna og Lífeyrissjóðs banka-
manna á genginu 1,285. Þá voru 625
milljónir boðnar út samkvæmt
áskriftarfyrirkomulagi á genginu
1,9 en 50 milljónir verða seldar með
tilboðsfyrirkomulagi.
Meðalfjárhæð
439 þúsund krónur
Meðalfjárhæð áskrifta í útboðinu
var 439 þúsund krónur að nafnvirði.
Tæplega 3.800 aðilar óskuðu eftir
bréfum að nafnvirði 1 milljón kr., en
dæmi voru einnig um að óskað væri
eftir bréfum að nafnvirði 1.000 kr.
Halldór J. Kristjánsson, banka-
stjóri Landsbankans, segir niður-
stöðuna koma þægilega á óvart og
sé dýrmæt traustsyfirlýsing við
Landsbankann: „Eiginfjárstaða
bankans hefur nú styrkst verulega
og eiginfjárhlutfall fyrirtækisins er
komið í 10% sem er 2% hærra en
lög áskilja. Miðað við eftirspum í
útboðinu má ætla að unnt hefði ver-
ið að selja allt hlutafé félagsins í
einu og tryggja þannig mjög dreifða
eignaraðild þannig að enginn einn
aðili ætti meira en 1% af heildar-
hlutafé."
Hlutabréfin skráð í lok október
Frestur til að skila inn tilboðum í
50 milljóna króna hlut í útboðinu
rann út klukkan 16 á miðvikudag.
Um 40 aðilar sendu inn tilboð og
verða þau opnuð mánudaginn 28.
september nk. Halldór segir eðli-
legt að ætla að þessi mikla eftir-
spum skili sér í gengi hlutabréf-
anna og ættu tilboðin sem opnuð
verða á mánudag að gefa einhverja
vísbendingu um mat markaðarins á
bréfunum, að sögn Halldórs.
Greiðsluseðlar verða nú sendir
kaupendum á næstunni og er síð-
asti greiðsludagur 14. október 1998.
Fram að þeim tíma verður m.a.
unnið að frágangi lánveitinga til
þeima u.þ.b. 1.500 kaupenda sem
óskuðu eftir láni frá bankanum fyr-
ir hlutabréfunum. Þar er þó ein-
göngu um að ræða starfsmenn og
áskrifendur í almenna hluta útboðs-
ins sem sóttu um sérstök hluta-
bréfalán en einnig var nokkuð um
að áskrifendur óskuðu eftir því að
nýta sér aðra lánamöguleika við
kaupin.
Áætlað er að hlutabréf Lands-
bankans verði skráð á Verðbréfa-
þingi íslands í lok október.
Líklegt að gengi
bréfanna hækki
Vegna skerðingar hlutabréfanna í
útboðinu í 105 þúsund krónur, þá ná
þau ekki því 130 þúsund króna sölu-
lágmarki sem krafist er í viðskipt-
um með hlutabréf á Verðbréfaþingi
Islands.
Albert Jónsson, forstöðumaður
verðbréfamiðlunar Fjárvangs, seg-
ir það ekki koma að sök því flest
verðbréfafyrirtæki verða væntan-
lega með standandi tilboð í bréfin
og gera fólki þannig kleift að selja
hlut sinn. Hann segist gera ráð fyr-
ir töluverðri spennu með hlutabréf-
in til að byrja með og segir líklegt
að umtalsverð viðskipti muni eiga
sér stað strax eftir að fólk fær
greiðsluseðlana í hendumar:
„Verðmyndunin mun að miklu leyti
koma til með að ráðast af niður-
stöðum í tilboðshlutanum sem
greint verður frá eftir helgina. Mið-
að við sölugengið 1,9 í áskriftarfyr-
irkomulaginu þá er ekki óeðlilegt
að áætla að þátttakendur í tilboðs-
hluta útboðsins þurfi að bjóða allt
að 2-2,10 ætli þeir sér að ná því.
Það er því líklegt að gengi bréfanna
hækki nokkuð strax í upphafi og að
margir hluthafar kjósi að innleysa
hagnaðinn um leið og færi gefst,“
sagði Albert.
Ráðstefna um nettölvu IBM á Grand Hótel 29. september kl. 9:00
Nýherji býður til ráðstefnu þar sem sérfræöingar
IBM og Nýherja kynna IBM Network Station, nýja
tækni frá IBM sem er að slá f gegn um allan heim.
Með notkun netþjóns og nettölva í stað hefðhundinna
PC tölva er unnt að lækka rekstrarkostnaö verulega
og tryggja um leið skjótari dreifingu
— — »■ hughúnaðar, takmarkalausan
*~~ — - — aðgang og meira rekstraröryggi.
Stór orð? Sjáðu og heyrðu sérfræðinga
IBM og Nýherja færa rök fyrir máli sínu
á veglegri ráðstefnu á Grand Hótel í
Skráning for fram haimasíðu
Nýherja (www.nyhBrji.is) eða
í síma 5G9 7700
NÝHERJI
Skaftahlíð 24 • Sími 569 7700
http://www.nyherji.is
"Gartner Group um hagkvæmni nettölvu IBM