Morgunblaðið - 25.09.1998, Blaðsíða 68

Jiewiíát
-setur brag á sérhvern dag!
MORGUNBLAÐIÐ, KRINGLAN 1,103 REYKJAVIK, SÍMI5691100, SÍMBRÉF 5691181
PÓSTHÓLF 3040, NETFANG: R1TSTJ@MBL.IS, AKUREYRI: KAUPVANGSSTRÆTI1
FÖSTUDAGUR 25. SEPTEMBER 1998
VERÐ í LAUSASÖLU 125 KR. MEÐ VSK
Fulltrúar tölvunefnda á EES lýsa áhyggjum af gagnagrunnsfrumvarpinu
Verði endurskoðað í ljósi
evrópskra sáttmála
FULLTRÚAR tölvunefnda og sambærilegra
stofnana í ríkjum Evrópska efnahagssvæðisins
lýsa þungum áhyggjum sínum vegna áforma ís-
lenzkra stjórnvalda um miðlægan gagnagrunn á
heilbrigðissviði og hvetja ríkisstjórnina til að
endurskoða gagnagrunnsfrumvarpið í ljósi al-
þjóðasáttmála á þessu sviði. Petta kemur fram í
ályktun fundar fulltrúa frá EES-ríkjunum á 20.
alþjóðaráðstefnunni um vernd persónuupplýs-
inga, sem haldin var á Spáni í síðustu viku. Þor-
steini Pálssyni dómsmálaráðherra var í gær sent
bréf með ályktuninni.
•K Fundinn sátu fulltrúar frá opinberum eftirlits-
stofnunum í aðildarríkjum EES, sem hafa sam-
bærilegt hlutverk og tölvunefnd á íslandi, þ.e. að
fylgjast með skráningu og meðferð heilbrigðis-
upplýsinga.
Meginregla um frjálst og upplýst
samþykki verði virt
Fundurinn mælist til þess að ríkisstjóm'in end-
urskoði framvarpið í ljósi alþjóðasáttmála, sem
fjalli um vernd persónuupplýsinga, þ.e. Mannrétt-
indasáttmála Evrópu, sáttmála Evrópuráðsins nr.
108 um vernd persónuupplýsinga, tilmæla ráð-
herranefndar Evrópuráðsins nr. 5/1997 um heil-
brigðisupplýsingar og tilskipunar Evrópubanda-
lagsins nr. 95/46 um vemd persónuupplýsinga.
Persónuvemdarfulltrúarnir leggja áherzlu á
að virða beri meginregluna um frjálst og upplýst
samþykki viðkomandi einstaklings varðandi
geymslu og vinnslu upplýsinga um hann, að skil-
greining á „persónuupplýsingum" verði að vera
afdráttarlaus og aðferð til að tryggja nafnleysi
raunhæf og að varast verði að rekstrarhagsmun-
ir notanda leiði til þess að farið verði út fyrir upp-
haflegan tilgang gagnabankans.
Alyktunin var samþykkt með atkvæðum allra
ríkja Evrópusambandsins og Noregs en íslenzki
fulltrúinn sat hjá.
■ Skorað á ríkisstjórn/6
Morgunblaðið/Golli
Innrásin frá Mars?
SUMIR kynnu að halda að nú væri innrás geimvera hafin; fyrsta hefur ljósmyndarinn fest á fílmu myndarlegan sólstaf við Perluna í
geimskipið Ient og það næsta á leiðinni ofan úr skýjunum. En hér Oskjuhlíð.
Afkoma
Flugleiða
betri í jiilí
og ágúst
FLUGLEIÐIR og dótturfélög skil-
uðu liðlega 560 milljóna króna meiri
hagnaði af reglulegri starfsemi í, júlí
og ágúst en á síðasta ári. Hagnaður-
inn nam tveimur milljörðum kr. skv.
bráðabirgðauppgjöri sem birt var í
gær og er hagnaður þessa mánuði
orðinn meiri en tapið fyrstu sex
mánuði ársins.
Sigurður Helgason forstjóri segir
að nú sé að skila sér sú áhersla sem
félagið hefur lagt á að fjölga ferða-
mönnum til íslands. Nýjar flugleiðir
hafi gengið vel. Nefnir hann sérstak-
lega Minneapolis, einnig aukna tíðni
flugs til Bretiands og Bandaríkjanna.
Þrátt fyi-ir bætta afkomu í sumar
gera stjórnendur Flugleiða ráð fyrir
rekstrartapi á ái-inu. Eftir að Flug-
leiðir bh'tu upplýsingar sínar síðdeg-
is í gær, hækkuðu hlutabréf félags-
ins úr 2,80 í 3,0, eða um 7,1%.
■ Hagnast um/20
---------------
Hlutafé í Landsbanka
Yfír 12.000
skráðu sig
MIKILL áhugi var á hlutafjárútboði
Landsbanka Islands hf. sem lauk á
miðvikudag. Alls skráðu sig um
12.200 aðilar fyrir hlut í félaginu, þar
af um 1.200 starfsmenn. Samtals
bárast óskir um að kaupa bréf að
nafnvirði tæplega 5,5 milljarðar
króna í áskriftarhluta útboðsins, en
þar að auki hafa borist tilboð frá 40
aðilum í þær 50 milljónir sem seldai’
verða með tilboðsfyrirkomulagi.
Hlutafjái'útboð Landsbankans er
viðamesta almenna útboð sem fram
hefur farið á íslenskum hlutabréfa-
markaði og gerir Landsbankann að
næstfjölmennasta hlutafélagi lands-
ins á eftir Eimskip.
Vegna fjölda skráninga skerðist
hámarkshlutur í almennri áskrift úr
1 milljón í um 55 þúsund krónur að
nafnvirði.
■ Hámarkshlutur/19
-I
Reyk]avík 2000
Baldr Jóns
Leifs sett-
ur á svið
FYRIRHUGAÐ ER að dans-
og tónverkið Baldr eftir Jón
Leifs verði frumflutt árið 2000 í
samvinnu hinna þriggja nor-
rænu menningarborga Evrópu
það ár, Reykjavíkur, Björgvinj-
ar og Helsinki.
Sinfóníuhljómsveit íslands
annast flutninginn hér en fíl-
harmóníuhljómsveitir Björg-
vinjar og Helsinki í heimaborg-
um sínum. Þá er gert ráð fyrir
að kórar og dansflokkar frá
hverri borg fyrir sig muni taka
þátt í sýningunum, en að aðal-
dansarar og einsöngvarar verði
hinir sömu í þeim öllum.
Þetta yrði í fyrsta skipti sem
Baldr yrði sýndur á sviði en
hann hefur verið hljóðritaður.
■ Baldr eftir/29
*
Alyktun þings Evrópuráðsins um sjálfbæra nýtingu auðlinda hafsins
Niðurskurði fylgi greiðslur
til sjómanna og útvegsmanna
Breytingartillaga Tómasar Inga
Olrich alþingismanns felld
Strassbourg. Morgunblaðið.
ÞING Evrópuráðsins afgreiddi í
gær ályktanir um sjávarútvegs-
málastefnu Evrópuríkja í tilefni af
ári hafsins 1998. Meginframsögu-
menn voru Portúgalinn Lino Car-
valho af hálfu landbúnaðarnefndar
þingsins sem vann drög að ályktun
um sjálfbæra nýtingu auðlinda hafs-
ins og Tómas Ingi Olrich alþingis-
maður sem talaði fyrir munn vís-
inda- og tækninefndar þingsins en
hún gaf umsögn um drögin. Carval-
ho lagði meðal annars til að þingið
ályktaði að ekki mætti skera niður
kvóta nema á móti kæmu félagsleg-
ir styrkir til sjómanna og eftir at-
vikum bætur til útgerðarmanna.
I breytingartillögu Tómasar Inga
var þessu sjónarmiði hafnað. Sagði
hann að niðurgreiðslur og styrkir
væra vísasti vegurinn til að drepa
blómlegan sjávarútveg. „Og hvers
konar skilaboð værum við að senda
Rússum sem hafa engan veginn efni
á að greiða sjávarútveginn niður?“
spurði Tómas í umræðunum.
Eftir nokkuð snarpar umræður
þar sem Kanadamenn, er sitja þing-
ið sem áheyrnarfulltrúar, studdu
eindregið sjónarmið íslendinga, var
breytingartillaga hans felld naum-
lega. Greiddi Tómas fyrir vikið at-
kvæði gegn ályktuninni í heild en
aðrir íslenskir þingmenn sátu hjá.
Innanbúðarmál í Evrópusam-
bandinu komu með nokkuð sérstök-
um hætti upp á þingi Evrópuráðs-
ins, þótt um óskyld samtök sé að
ræða. Fólst í ályktunartillögu
Portúgalans Carvalho að strand-
ríkjum væri uppálagt að leyfa ein-
ungis skipum frá eigin ríki að veiða
innan landhelginnar (tólf mílna).
Sagði Tómas í samtali við Morgun-
blaðið í gær að skýringin á þessari
tillögu væri sú að Portúgalir vildu
reyna að nota Evrópuráðið sem
vettvang til að tryggja sig gagnvart
breytingum á sjávarútvegsstefnu
Evrópusambandsins. Þar væru
nefnilega uppi áform um að ekki
einungis svæðið utan tólf mílnanna
lyti samevrópsku forræði eins og nú
er heldur einnig svæðið innan land-
helginnar.
Kvað Tómas tillöguna eins og hún
var orðuð ekki viðunandi fyrir ís-
lendinga því þeir vildu einir ráða
sinni efnahagslögsögu og áskildu
sér fullan rétt til þess eftir atvikum
að semja um gagnkvæm skipti á
veiðiheimildum eins og til dæmis við
Færeyinga. Fór svo að breytingar-
tillaga Tómasar og fleiri íslenskra
þingmanna um þetta efni var sam-
þykkt.