Morgunblaðið - 13.10.1998, Qupperneq 6

6 ÞRIÐJUDAGUR 13. OKTÓBER 1998
MORGUNBLAÐIÐ
Sjálfstæðisflokkurinn
á Reykjanesi
Ellefu manns
taka þátt í
prófkjöri
ELLEFU einstaklingar hafa gefið
kost á sér í prófkjöri sjálfstæðis-
manna í Reykjaneskjördæmi sem
fram fer 14. nóvember nk. en fram-
boðsfrestur rann út um helgina.
Frambjóðendurnir 11 eru: Arni
M. Mathiesen, Hafnarfirði, Árni R.
Árnason, Kópavogi, Kristján Páls-
son, Reykjanesbæ, Sigiíður Anna
Þórðardóttir, Mosfellsbæ, Gunnar
Ingi Birgisson, Kópavogi, Helga
Guðrún Jónasdóttir, Kópavogi,
Hólmfríður Skarphéðinsdóttir,
Sandgerði, Jón Gunnarsson, Hafn-
arfirði, Markús Moller, Hafnarfirði,
Stefán Þ. Tómasson, Hafnarfirði,
Þorgerður Katrín Gunnarsdóttir,
Hafnarfirði.
Síðust tii að gefa kost á sér var
Þorgerður Katrín Gunnarsdóttir,
yfirmaður samfélags- og dægur-
máladeildar Ríkisútvarpsins. Hún
stefnir að 3.-4. sæti á listanum.
Þorgerður Katrín hefur starfað
innan Sjálfstæðisflokksins í Hafnar-
firði, verið í stjóm Stefnis og vara-
formaður fulltrúaráðsins.
„Efst í huga mér eru annars veg-
ar atvinnu- og umhverfismál og
hins vegar fjölskyldumálin. Þetta
leggst vel í mig. Það er jákvætt hve
þátttakan er góð og hve margar
konur bjóða sig fram. Þær eru fjór-
ar að þessu sinni en síðast voru
þær þrjár. Ljóst er að almennur
vilji er fyrir því að fleiri konur
verði í forystusveit flokksins að
þessu sinni,“ segir Þorgerður
Katrín.
--------------
Brotist inn í
bifreiðar
AÐFARANÓTT mánudags var
brotist inn í fjórar bifreiðar í Breið-
holti.
Stolið var hljómflutningstækjum
úr bifreið að verðmæti 106 þúsund
krónur við Þrastarhóla. Þá var brot-
ist inn í bifreiðar við Klapparberg,
Möðrufell og Hólaberg og stolið
hljómflutningstækjum. Lögreglan
leggur um þessar mundir sérstaka
áherslu á að uppræta slíka þjófnaði,
sem hafa verið tíðir í Breiðholti að
undanfömu og hvetur jafnframt
borgara til að gera sér viðvart ef til
innbrotsþjófa sést.
FRÉTTIR
Þrír slasaðir sjómenn sóttir með TF-LÍF um borð í japanskt túnfískveiðiskip
Morgunblaðið/Auðunn Kristinsson
VINDUR stóð allhvass af norðvestri og 5-6 metra ölduhæð var á björgunarvettvangi. Hálfa klukkustund tók að hífa sjómennina þrjá um borð.
Þeir voru útskrifaðir af skurðdeild í gær.
Voru útskrifaðir af
sjúkrahúsi í gær
SEGJA má að betur hafi farið en á
horfðist þegar japanska túnfisk-
veiðiskipið Hauken Mara fékk á sig
brot um klukkan þrjú aðfaranótt
sunnudags 95 sjómílur suðsuðvestur
af Kötlutanga. Fjórir japanskir og
tveir indónesískir sjómenn slösuðust
þegar alda reið yfir skipið stjóm-
borðsmegin og kastaði öllu lauslegu
til. Sjómennimir þeyttust til við
höggið og lentu bakborðsmegin mis-
mikið slasaðir, þó þrír þeirra, sýnu
verst. Haukur Friðþjófsson eftirhts-
maður frá Hafrannsóknastofnun var
um borð í skipinu og kom fyrstur að
mönnunum þar sem þeir lágu á
dekkinu. Tveir sjómannanna höfðu
misst meðvitund en hinir lágu illa á
sig komnir að því er virtist. Haukur
sat inni í kortaherbergi þegar aldan
reið yfir og hljóp til aðstoðar, en
leist ekki á blikuna þegar hann sá
Alda reið yfír
skipið og kastaði
öllu lauslegu til
sjómennina liggjandi „í hrúgu“, eins
og hann orðaði það. „Mér brá mikið
og vissi ekki hversu mikið þeir vora
slasaðir. Það var líka erfitt að fá
greinargóða lýsingu á meiðslum
þeirra vegna tungumálaörðugleika,"
sagði Haukur. Landhelgisgæslunni
var strax gert viðvart og kom TF-
LIF þyi'la Landhelgisgæslunnar á
vettvang um fjórum klukkustundum
síðar.
Vel heppnaðar aðgerðir
þyrluáhafnar
Vel gekk að koma hinum slösuðu
fyrir á meðan beðið var eftir þyrl-
unni og munaði þar mikið um
japönskukunnáttu Egils Þórðarson-
ar starfsmanns stjórnstöðvar Land-
helgisgæslunnar, sem var á vakt um
nóttina góðu heilli. Vei gekk að hífa
hina slösuðu um borð í þyrluna
þrátt fyrir smávægilegan misskiln-
ing í upphafi meðal skipverja varð-
andi umgengni við sjúkrakörfuna.
Um 5-6 metra ölduhæð var þegar
áhöfn þyrlunnar athafnaði sig yfir
skipinu og um 7 vindstig af norð-
vestri, en að sögn Auðuns Kristins-
sonar stýrimanns á TF-LÍF gekk
hífingin mjög vel miðað við aðstæð-
ur. „Við höfðum ætlað okkur
klukkustund til að hífa hina slösuðu
um borð, en henni lauk á hálftíma,“
sagði hann. Þrír sjómenn, einn
Indónesi og tveir Japanii', voru hífð-
ir um borð í þyrluna, en hinir urðu
eftir í skipinu og eru að braggast.
^ Reykjavík
TF-LÍF kom að skipinu kl.
7:20 á sunnudagsmorgun.
Þá var norðvestan 7 til 8
vindstig og talsverður til
allmikill sjór. Þyrlan flutti
síðan þrjá slasaða sjómenn
á sjúkrahús.
„Það var fargi af mér létt þegar
þyi'lan hafði sótt skipverjana, en
þangað til hún kom var ég taugaó-
styrkur og var feginn þegar ég
heyrði að þeir væru ekki alvarlega
slasaðir," sagði Haukur. Sjómenn-
irnir voru fluttir á slysadeild
Sjúkrahúss Reykjavíkur og voru út-
skrifaðir af skurðdeild í gær.
Skipið skaddaðist ekkert við brot-
ið, en flestallt lauslegt, sem var á
dekkinu, skemmdist þegar aldan
þeytti því til og frá. Sldpið er vænt-
anlegt í höfn hinn 26. þessa mánaðar.
• •
Framkvæmdastjóri Olgerðarinnar Egill Skallagrímsson sýknaður af ákæru um brot á áfengislögum
Dómi héraðsdóms
verður áfrýjað
Ríkissaksóknari hefur ákveðið að áfrýja til Hæstaréttar
dómi Héraðsdóms Reykjavíkur þar sem framkvæmda-
stjóri Ölgerðarinnar var sýknaður af ákæru um brot á
áfengislögum. Vafí var talinn leika á því að bann við
áfengisauglýsingum samrýmdust stj órnarskránni.
GEORG Lárasson, settur lögreglustjóri í
Reykjavík, segir að lögreglan muni í fram-
haldi þessa máls fara með hægð og skoða
hvert mál fyrir sig en niðurstaða Héraðsdóms
taki þó aðeins til þessa tiltekna máls. Jón
Snorri Snorrason, framkvæmdastjóri Ölgerð-
arinnar Egils Skallagrímssonar, fagnar niður-
stöðu dómsins. Baldvin Valdimarsson, fram-
kvæmdastjóri Sólar-Víkings, segir að dómur-
inn sé samhljóða afstöðu sem innlendir fram-
leiðendur hafi lengi haldið fram.
Jón Snorri fagnar því að málinu verði áfrýj-
að til Hæstaréttar. „Ég held að það sé nauð-
synlegt að skýrar línur fáist í þetta mál. Við
viljum einungis sitja við sama borð og keppi-
nautarnir. Mikill fjöldi auglýsinga um bjór-
tegundir sem fást í ríkinu eru í sjónvarpi þeg-
ar sent er frá íþróttaviðburðum erlendis. Eg
er ekki í vafa um að þær eigi sinn þátt í því að
sala innlendrar framleiðslu hefur minnkað.
Það er mjög erfitt að stunda framleiðslu og
vöruþróun ef ekki má koma á framfæri við
neytendur staðreyndum um nýja vöra á
markaði. Um þetta snerust auglýsingar Öl-
gerðarinnar sem kærðar vora,“ segir Jón
Snorri.
Hann segir að ekki sé fyrirhuguð sérstök
auglýsingaherferð á vegum fyrirtækisins í
kjölfar dóms Héraðsdóms. „Við bregðumst
auðvitað við ef keppinautar okkar fara af stað
með mikla herferð," segir Jón Snorri.
Búast megi við því að þeir sem hafi umboð
fyrir útlendan bjór hafi aðgang að markaðs-
og auglýsingasjóðum hjá framleiðendum og
þeir hafi ekki geta nýtt sér þessa sjóði með
neinum hætti hingað til.
„Spurningin er því hvort þessir útlendu að-
ilar veiti fé sérstaklega til auglýsingaherferð-
ar hér á Islandi. Dómurinn getur því verið tví-
bentur fyrir innlenda framleiðendur því það
getur orðið mjög dýrt að standa í miklu aug-
lýsingastríði ef til þess kemur,“ segir Jón
Snorri.
Hann segir að umboðsmenn útlendra fram-
leiðenda hafi auglýst mikið hér að undanförnu
og mun meira en innlendu framleiðendurnir.
„Margar þessara auglýsinga hefðu líklega
ekki fengið sömu meðferð í Héraðsdómi og
auglýsing okkar. Ég held að þær hafi brotið
sum ákvæði áfengislaga með ótvíræðum
hætti.“
„Gat ekki staðist"
,Að okkar mati gat þetta ekki staðist og
það er kjaminn í því sem niðurstaða Héraðs-
dóms segir okkur,“ segir Baldvin Valdimars-
son, framkvæmdastjóri Sólar-Víkings hf.
Hann kveðst telja líklegt að dómurinn verði
staðfestur í Hæstarétti en ef fari svo ólíklega
að honum verði hnekkt kæmi honum ekki á
óvart að málið færi fyrir yfirþjóðlegan dóm-
stól.
„íslensku lögin eru ólög. Það er útilokað að
það standist að lög mismuni með svo grófum
hætti. Ef dóminum yrði hnekkt í Hæstarétti
styddum við keppinaut okkar heils hugar á
vettvangi yfirþjóðlegs dómstóls," segir Bald-
vin.
Hann segir að dómur Héraðsdóms þýði ef
til vill það að fyrirtækið fái frið í einhvern
tíma með sína auglýsingastarfsemi og geti
keppt við innfluttar bjórtegundir á jafnréttis-
grandvelli.
„Vonandi verður þetta viðvarandi niður-
staða. Það gæti þýtt það að staðið verði með
öðrum hætti að auglýsingum. Þær hafa verið
dulbúnar fram að þessu,“ segir Baldvin.
Birgir Hrafnsson, framkvæmdastjóri Lind-
ar ehf. sem flytur inn ýmsar áfengistegundir,
þ. á m. Holsten bjór, segir að sínar auglýsing-
ar hafi ávallt miðast við alkóhóllausan bjór.
Hann segir að dómur Héraðsdóms breyti
engu um áætlanir fyrirtækisins í auglýsing-
um.
„Ég lít ekki svo á að heimilt sé að auglýsa
áfengi. Ég hef ekki auglýst áfengi heldur óá-
fengan bjór. Ölgerðin Egill Skallagrímsson
hefur hins vegar auglýst sterkan bjór sem
er að mínu mati andstætt lögurn," segir
Birgir.