Morgunblaðið - 22.11.1998, Blaðsíða 39
MORGUNBLAÐIÐ
SUNNUDAGUR 22. NÓVEMBER 1998 39
*
HINRIK situr hér með sjálfum sér í einni af kirkjum
hvítasunnuhreyfingarinnar í Búrkfna Fasó.
Biblíuskóli að
Kirkj ulækj ar koti
OUEDRAOGO og Sawadogo
komu hingað til lands m.a. til
að styrkja tengsl hvítasunnu-
hreyfínga landanna tveggja,
Búrkína Fasó og íslands, og
til að kenna í biblíuskóla sem
haldinn er um þessar mundir í
Kirkjulækjarkoti í Fljótshlíð.
Hinrik Þorsteinsson er einn
þriggja manna sem sitja í
framkvæmdastjórn skólans.
Hann segir að meginmark-
miðið með skólanum sé að búa
fólk undir að boða kristna trú
á landsvæðum þar sem trú-
boðar hafa ekki verið áður.
Mörg þessara svæða teljast
rnjög hættuleg ekki síst fyrir
það að trúboðið er stundað í
óþökk viðkomandi stjórn-
valda. Þess vegna er rík
áhersla lögð á það í skólanum
að nemendur kynni sér siði og
venjur þeirra þjóða sem ætl-
unin er að þeir fari til og Iæri
að bera virðingu fyrir háttum
ólíkum þeim sem þeir sjálfir
eru vanir. Vegna þessarar
hættu fæst ekki uppgefið
hvert ferð nemendanna í
Kirkjulækjarkoti er heitið
þegar skólanum verður slitið
nú í lok mánaðarins - líf
þeirra gæti verið í húfí.
Sami skólinn í þremur
löndum
Biblíuskólinn er settur á
þremur stöðum samtímis og
fer skólahaldið þar fram
fyrstu tvo mánuðina. fslend-
ingar og Færeyingar stunda
skólann í Færeyjum, Skotar,
Ný-Sjálendingar og Brasilíu-
menn í skosku hálöndunum og
enn aðrir eru í Frakklandi.
Þriðja og síðasta mánuð skól-
ans dveljast nemendurnir allir
í Kirkjulækjarkoti þar sem
hóparnir starfa og búa saman
í húsakynnum sem hvíta-
sunnuhreyfíngin á íslandi hef-
ur verið að byggja og gera
upp á undanförnum árum í
Fljótshlíðinni.
Fjörutíu nemendur stunda
skólann í vetur, erlendir sem
íslenskir, hvítasunnumenn
sem aðrir kristnir menn,
ómenntaðir sem sprenglærðir.
„f gegnum árin hafa t.d. verið
verkfræðingar, guðfræðingar,
læknar og kennarar í skólan-
um,“ segir Hinrik.
Annað markmið skólans er
að þjálfa nemendur í að túlka.
Segir Hinrik að margir nem-
endanna séu miklir tungu-
málamenn og nái fljótt góðum
tökum á tækninni. Astæða
þess að túlkunin er svo mikil-
væg er að hvítasunnumenn
hafa að takmarki að allir þeir
sem eignast lifandi trú á Jesú
Krist verði prestar í þeim
skilningi að þeir boði trúna og
hið heilaga orð meðal fólks-
ins. í þessu sambandi má geta
þess að hvítasunnumenn kalla
þá menn, sem flestir kristnir
söfnuðir kalla presta, for-
stöðumenn eða hirða.
Kennarar bibliuskólans
koma víða að rétt eins og
nemendurnir. Allir starfs-
menn skólans eru í sjálfboða-
vinnu og nemendurnir sjálfír
sjá um mötuneytið í skólan-
um. „Við réðum kokk áður
fyrr en einhverju sinni feng-
um við engan til starfsins. Þá
prófuðum við þetta fyrir-
komulag að nemendurnir
sæju um þetta sjálfír. Það
gekk svo vel að ekki hefur
komið til greina annað en að
halda því áfram,“ segir Hin-
rik.
Fyrir skömmu var einnig
haldin að Kirkjulækjarkoti
sérstök biblíuvika þar sem
áttatíu manns af tólf þjóðem-
um voru samankomin. Sawa-
dogo var einmitt meðal þeirra
sem kenndu á biblíuvikunni.
Veglegur húsakostur
Húsakynni hvítasunnusafn-
aðarins að Kirkjulækjarkoti
eru rúm. Hinrik og íjölskylda
hans keyptu Húsið, sem áður
var félagsheimili Fljótshlíð-
inga, fyrir mörgum árum og
býr íjölskyldan þar nú. f hús-
um sem kölluð era Útihús er
rekið gistihús með níu her-
bergjum. Nemendur biblíu-
skólans búa aftur á móti í
Skálanum en þar er gistiað-
staða fyrir 115 manns, tveir
matsalir fyrir 100 manns hvor
og 130 manna setustofa. Svo-
kallað Verkstæði, þar sem áð-
ur fyrr var byggt yfír rússa-
jeppa landsmanna, er nú búið
að gera að kirkju þar sem 150
manns geta setið í einu. í
sama húsi eru og tveir
kennslusalir, annar fyrir 150
manns en hinn fyrir 60.
Sunnudagssamkomur safnað-
arins eru haldnar í þessu húsi.
Þá hefur hreyfingin keypt
tívolíhúsið sem áður var í
Hveragerði og sett upp í
Kirkjulækjarkoti. Þar er ætl-
unin að útbúa tvo sali, fyrir-
lestrarsal og aðstöðu fyrir
börn, en hvítasunnuhreyfing-
in stendur oft og einatt fyrir
ýmiss konar mótshaldi. Þekkt-
ast meðal landsmanna er lík-
lega mót hvítasunnumanna
um verslunarmannahelgi ár
hvert, sem að sögn Hinriks er
sótt af mun fleira fólki en
hvítasunnufólki.
Aðstaða hvítasunnumanna í
Kirkjulækjarkoti hefur fyrst
og fremst verið byggð upp af
sjálfboðaliðum. Hinrik veitir
söfnuðinum á Suðurlandi for-
stöðu og hefur gert undanfar-
in 14 ár. Hann hefur ferðast
víða vegna starfa sinna fyrir
hvítasunnuhreyfinguna og
m.a. komið tvisvar til Búrkína
Fasó.
Við kennum börn-
unum góða kristi-
lega hegðun og
það verður ekki
tekið frá þeim
þótt þau verði
ekki kristin,"
segir Ouedraogo.
HEIMSÓKN Ouedraogo og Sawadogo til forseta íslands, hr. Ólafs
Ragnars Grímssonar, var einkar ánægjuleg.
Um áratug síðar hafði söfnuðinum
vaxið svo fískur um hrygg að hann
var farinn að senda trúboða til
næstu landa. Til kristniboðsins var
þó ekki formlega stofnað fyrr en
fyrir 14 árum. Margar þjóðir njóta
starfskrafta kristniboða frá Búrkína
Fasó, m.a. íbúar Malí, Senegals,
Gíneu, Fflabeinsstrandarinnar,
Gana, Togo, Benin, Nígeríu, Níger,
Gabon, Tsjad, Mið-Afríkulýðveldis-
ins, Belgíu og Sviss.
Hvítasunnumenn í Búrkína Fasó
stofnuðu þjóðkirkju árið 1951. Um
leið tóku innfæddir hvítasunnu-
menn við stjórn hreyfingaifnnar af
kristniboðunum. Þá voru 7.000
manns í hreyfíngunni. Tuttugu og
einu ári síðar voru hvítasunnumenn
orðnir 25 þúsund. Og hreyfingin
heldur áfram að vaxa því árið 1996
voru hvítasunnumenn í landinu
orðnir um 500 þúsund. Þá hafði
hreyfingin klofnað þannig að til
þeirrar hreyfíngar, sem Ouedraogo
veitir forstöðu, heyra 350 þúsund
manns. Þar af eru 2.500 prestar.
Kirkjumar eða söfnuðirnir era um
2.000 og á hverju ári era 60 nýjar
kirkjur stofnaðar. Fimmtán aðrar
kristnar hreyfingar era í Búrkína
Fasó en 75% mótmælenda í landinu
tilheyra hvítasunnuhreyfingunni.
Skólavistin
kostar 6 pund
Hvítasunnumenn í Búrkína Fasó
leggja ríka áherslu á menntun og
þeir reka fjölmarga skóla í landinu,
einkum í afskekktum héruðum þess.
Einungis 27% bama ganga í skóla,
aðallega vegna þess að foreldrar
þeirra hafa ekki efni á að senda þau
til náms. Ársvist í skóla fyrir eitt
barn kostar jafnvirði 6 enskra
punda sem er há fjárhæð í augum
þriðju fátækustu þjóðar heims.
Flest þessara bama era drengir.
Yfir 100 böm eru gjaman höfð sam-
an í bekk en það segja Ouedraogo
og Sawadogo að skapi ekki vand-
ræði, börnin sitja prúð og stillt í
tímum. Einungis tvö prósent þeirra
barna sem hefja skólagöngu fara í
háskóla og segja þeir félagar að
engin tilviljun ráði því hvaða börn
það era. Einungis afburðanemend-
ur eiga kost á að komast svo langt.
Hvítasunnuhreyfingin starfrækir
ekki einungis grunnskóla heldur
einnig sex biblíuskóla þar sem 500
stúdentar stunda nám hverju sinni.
150-200 þeirra verða prestar en
hlutverk prestanna er töluvert ann-
að en við eigum að venjast hér á Is-
landi. Þeir kenna fólki að lesa og
skrifa, fara með veikt fólk á spítala
á mótorhjólunum sínum, lesa og
skrifa bréf fyrir fólk og taka jafnvel
á móti bömum. Þess vegna leggja
þeir ekki eingöngu stund á guðfræði
og trúarleg námsfog heldur einnig á
hagnýtar greinar. Síðan miðla þeir
þekkingu sinni til fólksins með það
að markmiði að hjálpa fólki til að
hjálpa sér sjálft. Þeirra hlutverk er
að vera meðal fólksins og taka þátt í
daglegum störfum þess með trúna á
Jesú Krist að leiðarijósi.
Verkmenntaskólar era einnig
starfræktir á vegum hreyfingarinn-
ar þar sem ungu fólki eru kenndar
alls kyns iðnir.
Svíar hafa stutt við bakið á hvíta-
sunnuhreyfingunni og era tíu
bamaskólar, þrír framhaldsskólar
og einn biblíuskóli reknir með styrk
frá þeim. Einn af framhaldsskólun-
um er einungis ætlaður stúlkum. 65
stúlkur stunda nám í honum, bæði
frá Búrkína Fasó og Níger, og læra
þær að vélrita, ala upp börn, sauma
og um handverk og hreinlæti.
Margar þessara stúlkna hafa flúið
að heiman og leitað á náðir hvíta-
sunnuhreyfingarinnar. „Það er til
siðs í Búrkína Fasó að velja stúlk-
um eiginmann án þess að þær séu
spurðar álits. Margar þeirra flýja
frekar að heiman og koma þá til
okkar,“ segir Ouedraogo og bætir
við að stundum sjái hann fyrir allt
að eitt hundrað stúlkum í einu, sem
svona er ástatt um, auk fjölskyldu
sinnar.
Systir Ouedraogo stofnaði nýlega
skóla fyrir fólk sem bundið er hjóla-
stólum. Þá rekur hvítasunnuhreyf-
ingin skóla fyrir unglinga sem hafa
tapað áttum og leiðst út í afbrot.
„Sumir þeirra hafa orðið prestar og
aðrir jafnvel hermenn og lögreglu-
menn,“ segir Sawadogo stoltur af
unglingunum. Auk þess starffækir
hreyfingin blindraskóla. „Við geram
það sem við getum til að finna hvar
hjálpar er þörf,“ segja þeir Ouedra-
ogo og Savadogo.
Hvítasunnuhreyfingin nýtur
stuðnings víðar að en frá Svíþjóð. Á
hverju ári er t.d. flugvél, drekkhlað- '
inni af mangóávöxtum, flogið frá
Búrkína Fasó til Þýskalands. Innan
tveggja daga frá því ávextirnir era
tíndir af trjánum er búið að selja þá
og ágóðinn, fyrir utan kostnað,
rennur síðan til starfsemi hvíta-
sunnuhreyfingarinnar. Þess er
vandlega gætt að vel sé farið með
það fé sem hreyfingin fær í styrk
eða að gjöf. „Allir sem gefa okkur
peninga geta komið til okkar og séð
sjálfir hvert þeir renna,“ segir Ou-
edraogo. „Það er mjög mikilvægt.“
Búrkína Fasó er ekki nafn út í
bláinn!
Lifmóf
ÖMffwmeðúf
RENAULT
Ármúli 13
i //fw //7/7/3 A Sím‘ söludeild 575 1210
W ywf0<j&: Skiptiboró 575 1200
Clio heillar alla. Hann er traustur, Ijúfur og lipur
og með línumar í lagi. Clio hefur alla kosti smábfls,
en þægindi og öryggi stærri bíla.
Helstu öryggisþættir:
- ABS bremsukerfi
- Loftpúóar
- Fjarstýró hljómtæki úr stýri
- Samfellanlegt stýri
- Ný tegund öryggishöfuðpúða
Verðfrá 1.188.000 kr.
'í
4