Morgunblaðið - 11.12.1998, Page 72

72 FÖSTUDAGUR 11. DESEMBER 1998
MORGUNBLAÐIÐ
KIRKJUSTARF
FRÍKIRKJAN í Hafnarfirði.
Safnaðarstarf
Endurvígsla
Fríkirkjunnar
í Hafnarfírði
NÆSTKOMANDI sunnudag, 13.
desember, mun biskup Islands,
herra Kai-1 Sigurbjörnsson, endur-
vígja Fríkirkjuna í Hafnai’firði eftir
gagngerar endurbætur sem staðið
hafa yfir frá þvi í vor. Athöfnin hefst
kl. 14.
Allir kórar kirkjunnar, kirkjukór,
barnakór og unglingakór taka þátt í
athöfninni og verður nýtt orgel
kirkjunnar vígt um leið og kirkjan.
Að athöfn lokinni verður boðið upp á
léttar veitingar í safnaðarheimili
kirkjunnar.
Þar sem búast má við miklum
fjölda við athöfnina sjálfa verður
kirkjan opin og til sýnis eftir vígsl-
una til kl. 18.
Bamasamkoma verður í kirkjunni
kl. 11 að morgni vígsludags.
Fríkirkjusöfnuðurinn í Hafnai-firði
var stofnaður á sumardaginn fyrsta
árið 1913. Sama sumar var hafist
handa um byggingu kirkjunnar og
var hún vígð 14. desember sama ár
og á því 85 ára vígsluafmæli nú.
Fríkirkjan er fyrsta kirkjan sem
reist var í Hafnarfirði á síðari tímum
og er það einsdæmi að fríkirkjusöfn-
uður skuli vera á undan þjóðkirkju-
söfnuði að reisa kirkju í svo stóru
byggðarlagi.
A síðustu 15 árum hefur orðið
mikil breyting á stöðu Fríkirkjunnar
í Hafnarfirði en á þessum tíma hefur
safnaðarfólki fjölgað úr 1.800 í 3.150.
Söfnuðurinn stendur fyrir öflugu
bama- og æskulýðsstarfi 5 daga vik-
unnar.
I maí á þessu ári var hafist handa
um þær miklu endurbætur á kirkj-
unni sem nú er að ljúka. Þorsteinn
Gunnarsson arkitekt og verkfræði-
stofan Línuhönnun hafa séð um allan
undirbúning þessa mikla verkeftiis
en fyrirtækið Gamlhús séð um verk-
framkvæmdir.
Fríkirkjan í Hafnarfirði hlýtur að
teljast hafa nokkra sérstöðu á höfuð-
borgarsvæðinu. Vegna útlits minnir
hún frekar á hlýlega sveitakirkju en
borgarkirkju. Hún er eina kirkjan
sem alfarið er byggð úr timbri á
þessu svæði.
Prestur Fríkirkjunnar í Hafnar-
firði er Einar Eyjólfsson. Formaður
safnaðarstjómar er Jóhannes Ein-
arsson, skólameistari Iðnskólans í
Hafnarfirði, en afi hans, Jóhannes
Reykdal, var formaður safnaðar-
stjómar þegar kirkjan var vígð árið
1913.
Bræðrafélag Fríkirkjunnar. Á
morgun, laugardaginn 12. des., kl. 12
á hádegi heldur Bræðrafélag Frí-
kirkjunnar aðventuhátíð í safnaðar-
heimilinu á Laufásvegi 13. Félögum
er boðið að koma með eiginkonur og
gesti til þessa fagnaðar. Á dagskrá
er jólahlaðborð, jólahugvekja,
skemmtiatriði og sungin verða jóla-
lög. Ágóði af fagnaðinum rennur til
kaupa á sálmabókum fyrir kirkjuna.
Hallgrímskirkja. „Orgelandakt" kl.
12.15-12.30. Orgelleikur, ritningar-
lestur og bæn.
Langholtskirkja. Opið hús ki. 11-13.
Slökun og kristin íhugun. Kyrrðar-
og bænastund kl. 12.10. Eftir stund-
ina verður boðið upp á súpu, brauð
og salat.
Laugameskirkja. Mömmumorgunn
kl. 10-12.
Neskirkja. Félagsstarf aldraðra
laugardag 12. des. kl. 15. Jólafundur.
Ekið um borgina og jólaljós og
skreytingar skoðaðar. Heitt
súkkulaði og meðlæti í safnaðar-
heimiii að ferð lokinni. Þátttaka til-
kynnist í síma 511 1560 í dag kl. 10-
12. Allir velkomnir.
Selfosskirkja. Aðventukvöld kl.
20.30. Laufabrauðssala kvenfélags-
ins eftir stundina í kirkjunni. Kon-
urnar bjóða upp á kaffi og smákök-
ur. Á sunnudag: Messa og sunnu-
dagaskóli kl. 11. Jólatónleikar kl. 16
og 20. Hádegisbænir þriðjudaga til
fóstudaga kl. 12.10.
Keflavíkurkirkja. Samstöðuhátíð á
vegum Öiyrkj aba n d al ags i ns við
Hæfingarstöðina á Hafnargötu 90,
Keflavík, hefst ki. 17. Meðal efnis
verður að kór Keflavíkurkirkju
syngur aðventu- og jólalög undir
stjóm Einars Amar Einarssonar.
Sr. Ólafur Oddur Jónsson flytur
hugvekju.
Hvítasunnukirkjan Ffladelfía. Ung-
lingasamkoma kl. 20.30. Ræðumaður
Svanur Magnússon. Allir velkomnir.
Karlasamvera í neðri sal kirkjunnar
kl. 20.30. Allir karlar velkomnir.
Sjöunda dags aðventistar á Islandi:
A laugardag:
Aðventkirkjan, Ingólfsstræti 19: Bi-
blíufræðsla kl. 10.15. Guðsþjónusta
kl. 11.15. Ræðumaður Einar Valgeir
Arason.
Safnaðarheimili aðventista, Blika-
braut 2, Keflavík: Guðsþjónusta kl.
10.15. Biblíufræðsla að lokinni guðs-
þjónustu.
Safnaðarheimili aðventista, Gagn-
heiði 40, Selfossi: Biblíufræðsla kl.
10. Guðsþjónusta kl. 11. Ræðumaður
Halldór Olafsson.
Aðventkirkjan, Brekastfg 17, Vest-
mannaeyjum: Biblíufræðsla kl. 10.
Guðsþjónusta kl. 11. Umsjón: Eric
Guðmundsson.
Loftsalurinn, Hólshrauni 3, Hafnar-
firði: Samkoma kl. 11. Umsjón:
Börnin í kirkjunni.
Samfélag aðventista, Sunnuhlíð 12,
Akureyri: Samkoma kl. 10.30.
Ræðumaður Finn F. Eckhoff.
Lladro
handgerðu spænsku stytturnar
fást hjá okkur.
Reykjavíkurvegi 5,
Hafnarfirði,
sími 555 0455.
í DAG
VELVAKAJVPI
Svarað í síma 569 1100 frá 10-12 og 13-15
frá mánudegi til föstudags
Gýligjafir?
ÞEGAR Kristján Ragnars-
son lýsti því yfir að íslensk-
ir sægreifar ætluðu að gefa
ríkinu skip fyiir Hafrann-
sóknastofnun héldu margir
að um gýligjöf væri að
ræða. Þá varð þegar ljóst
hvert nafn fleytan fengi.
Það yrði auðvitað „Múta“,
því það lá ljóst fyrir að til
einhvers væri gjöfin gefin.
Því ljóst var að rányrkju-
floti LIU var að verða tor-
tryggilegur, þótt norskir
væru þá ekki búnir að
leggja fram gögn, sem
sönnuðu hversu togarafloti
heimsins er skaðlegt verk-
færi til fiskveiða. í Veri
Morgunblaðsins í dag, 25.
nóvember, er nefndur Kri-
stján að draga í land með
„stórgjöfina" til ríkisins frá
LÍÚ, enda mun ekki þörf á
henni lengur því sægreif-
arnii' eru þegar búnir að ná
öllu því fram sem þeir ætl-
uðu með trúrri aðstoð
handbenda sinna í Alþingi.
Sægreifarnir eru sem sagt
komnir með „attest“ um að
þeir eru ennþá eigendur
allra veiðiheimilda með því
að fá leyfi Alþingis að veð-
setja „þjóðareignina".
Nefndur er til sögunnar
sjóður, Þróunarsjóður
sjávarútvegsins, sem títt-
nefndur Kristján virðist
hafa í rassvasa sínum, því
hann segir að þó þessi þró-
unarsjóður fjármagni
skipakaupin komi fleytan
samt frá sjávarútvegi. Það
var víst ekki góð fram-
ganga hér áður fyrr er
menn báni fé í dóminn.
Það má líkja því við að
bera fé í dóm er Lands-
samband íslenskra útvegs-
manna bauð alþingismönn-
um dúsuna þá, að gefa
þjóðinni rannsóknarskipið,
sem Kristján hefur nú aft-
urkallað, því nú eru öll þau
kurl til grafar komin sem
til var ætlast.
Jón Hannesson,
kt. 190921-3609.
Ruslpósturinn
MIKIÐ er það magn aug-
lýsingabæklinga sem berst
inn um blaðalúgurnar hér
á höfuðborgarsvæðinu og
nú þegar dregur að jólum
hefur þetta aukist.
Sá sem þetta ritar er lít-
ið hrifinn af þessum rusl-
pósti og sama er að segja
um fleiri. Almenningur er
orðinn hundleiður á þessu
drasli, póstburðarfólk
einnig og varla skapar
þetta þægindi í prent-
smiðju Morgunblaðsins -
eða hvað?
Þeir sem vilja auglýsa
vöru sína eða þjónustu
ættu að reyna aðrar leiðir
til að vekja athygli á sér.
Væri það ekki betra að
kaupahéðnar og verslunar-
menn færu þá leið að gefa
út bara eina auglýsingabók
fyrir jólin í stað hinna
mörgu blaðsnepla sem nú
angra og hina fjölmörgu
borgara landsins?
Eyjólfur Guðmundsson.
Vill heyra sönginn
FRÉTTIR sjáum við dag-
lega í sjónvarpinu. Stund-
um er sagt frá einhverju
sem fram hefur farið,
vigslur í ýmsu formi og svo
til alltaf er mættur kór,
stundum fjöldi barna í
sparifötunum eða kór full-
oðrinna, líka í sparifötun-
um, og syngja af hjartans
list það sem hefur verið
æft vel og vandlega fyi'ir
þessa tilkomumiklu hátíð.
En - um leið og kórinn
byrjar að syngja hefur
fréttamaðurinn upp sína
raust, spjallai' allan tímann
meðan kórinn syngur og
oftast er það fréttamaður-
inn sem er lengst á skerm-
inum. Mig langar hins veg-
ar alltaf til að heyra söng-
inn og sjá öll þessi glöðu
andlit sem eru að flytja
fagnaðaróð.
Ætti ekki að lengja
fréttatímann á kostnað
einhvers annars?
Kona.
Frábær þjónusta
Flugleiða
VELVAKANDA bai-st eft-
irfarandi:
„Síðastliðinn þriðjudag
kom dóttir mín, sem búsett
er í Bandai'íkjunum, til
landsins með Flugleiðum
frá Boston. Var hún með 5
ung börn sín með sér, á
aldrinum 1-8 ára gömul.
Fékk hún alveg frammúr-
skai'andi þjónustu hjá
Flugleiðum, henni var út-
vegaður maðm- sem að-
stoðaði hana með farang-
urinn og í flugvélinni dekr-
uðu flugft'eyjurnar við
hana og sinntu börnunum
mjög vel, sýndu þeim eldri
t.d. í flugstjórnai'klefann.
Vill ég senda þessu starfs-
fólki Flugleiða mínar kær-
ustu þakkii' fyrir frábæra
þjónustu. Einnig þakka ég
Flugleiðum fyrir frábær
tilboð, lág fargjöld og góða
þjónustu sem ég hef notið
hjá þeim.“
Ánægður afi.
Tapað/fundið
Svartur mittisjakki
týndist á Fjörukráiini
SVARTUR mittisjakki
týndist á Fjörukránni
föstudaginn 4. desember.
Skilvís finnandi hafi sam-
band í síma 565 7178.
Dýrahald
Finka í óskilum
FINKA, með rauðan blett
á höfði, fannst við
Garðsenda og er í óskilum
á Básenda 8. Upplýsingar í
síma 553 8145.
Andri Hlynur.
Týnd læða
SMÁVAXIN glansandi
svört læða týndist úr
Laugarneshverfi fyrir
u.þ.b. tveimur vikum. Þeir
sem kynnu að hafa orðið
ferða hennar varir eru vin-
samlega beðnir að hafa
samband í síma 554 1692.
SKAK
Fmsjón llargcii'
rélursson
Staðan kom upp á opnu
öflugu móti sem fram fór á
Korsíku í byrjun desem-
ber. Alexander Chernin
(2.610), Ungverja-
landi, var með
hvítt og átti leik
gegn Laurent
Fressinet (2.455),
Frakklandi.
Svartur var að
leika illa af sér
með 21.
Hd8_d7?? Hann
missti af öflugum
leik, 21. _ Be2+!
en þá hefði hann
haft síst lakari
stöðu.
22. Bf5! og svart-
ur gafst upp, því hann tap-
ar manni. Chernin sigraði
á mótinu með 8 v. af 9
mögulegum, en næstir
komu Bologan, Moldavíu,
Agrest, Svíþjóð, Palac og
Hulak, Króatíu, Vescovi,
Brasilíu, og Tyomkin, Isra-
el, með 7 v.
HVÍTUR leikur og vinnur
HOGNI HREKKVISI
• Eréu öA ■Pf'tcL. h&ruT,?J "
Víkveiji skrifar...
VÍKVERJI keypti jólahefti Her-
ópsins á dögunum. Þar er að
finna margar uppbyggilegar greinar
að vanda. Hjálpræðisherinn hefur
unnið stórmerkt starf hér á landi,
sem ástæða er að þakka fyrir.
Víkverji les Herópið reglulega og
hefur glaðst yfir því að starf Hjálp-
ræðishersins er greinilega í sókn hér
á landi. í hverju blaði er sagt frá
vígslu nýrra hermanna. Herinn er að
störfum allt árið en fyrir jólin er
starfið umfangsmeira en aðra daga.
Ástæða er til að hvetja landsmenn til
að styrkja herinn, sem og önnur líkn-
arsamtök, núna fyrir jólin.
xxx
KUNNINGI Víkverja hringdi
vegna umræðna um virkjanir á
hálendinu. Vildi hann benda á þá
staðreynd að ferðamannastraumur
upp á hálendið nýttist íbúum fjarð-
anna á Austurlandi ekki neitt. Af
þeim ferðamannastraumi fengju þeir
engai- tekjur. Fólksflótti af þessu
svæði yrði ekki stöðvaður nema með
einhvers konar stóriðju. Vildi hann
meina að þetta hafi ekki komið nægi-
lega vel fram.
xxx
EITT helsta skemmtiefnið á
íþróttasíðum blaðanna eru frá-
sagnir af erlendum leikmönnum ís-
lenzkra kröfuknattleiksliða. Varla
líður sá dagur að ekki sé skýrt frá
því að þeir séu að koma ellegar að
fara. Gjarnan eru bundnai’ miklar
vonir við þessa menn þegar þeir
koma, enda sumir sagðir með
reynslu úr bandarísku NBA-deild-
inni. Þegar mennh'nir svo fara úr
landi fylgir ósjaldan sú skýring að
þeir hafi ekki staðið undir vænting-
um eða þá að þeir þurfa að fara
vegna veikinda í fjölskyldunni.
Nýjasta nýtt af þessum vettvangi
er brotthvarf bandarísks leikmanns
Hauka, Brians Holberts að nafni.
Samkvæmt frétt í DV á miðvikudag-
inn kom Holbert til iandsins á fóstu-
daginn og lék sinna fyrsta og eina
leik á sunnudaginn gegn Þór. Hann
stóð vissulega undh' væntingum enda
skoraði hann 45 stig. Strax eftir leik-
inn virðist sem eitthvert óþol hafi
komið í Holbert og fór hann af landi
brott á þriðjudaginn. Samkvæmt
heimildum blaðsins var það íslenzkt
veðurfai', myi-kui', rok og rigning,
sem fór fyrir brjóstið á Holbert.
Fylgir fréttinni að nú sé unnið að
því hjá Haukum að fá annan Banda-
ríkjamann, Myron Walker. Sá lék
með Haukum í haust en þurfti að
fara heim vegna fjölskylduerfiðleika.
Gaman væri að sjá lista yfir þá er-
lendu leikmenn sem hingað hafa
komið í gegnum tíðina og ekki væri
síður gaman að sjá yfirlit yfir kostn-
aðinn sem af hefur hlotizt.