Morgunblaðið - 20.12.1998, Side 48

48 SUNNUDAGUR 20. DESEMBER 1998
MORGUNBLADIÐ
Dýraglens
AUMIHGJA GRETTXR, H ANN
UEFUR EKK/ R£3£> \JIE>/HÉR
Smáfólk
LUCY 5AIP IF I NEEP
TWENTY-FIVE DOLLAR5 TO BUY
PE66YJEAN A CURI5TMA5 PRE5ENT,
I 5H0ULP 5ELL MY P06...
THAT 5 THE FIR5T TIME
l'VE EVER 5EEN HIM
5PILLHI5 UUATER PI5H..
Gunna sagði að ef mig vantaði En frábær hugmynd!
2000 kr til að kaupa jólagjöf
handa Pálu Jónu, þá ætti ég að
M selja hundinn minn ...
Það er í fyrsta skipti sem óg sé
hann hella niður úr vatnskálinni
sinni...
BREF
TIL BLAÐSINS
Kringlan 1 103 Reykjavík • Sími 569 1100 • Símbréf 569 1329
Er tímasprengja
á heimilinu?
Frá Einari Guðmundssyni:
BRUNAR vegna aðventu- og kerta-
skreytinga skipta tugum fyrir hver
jól og nú þegar hefur í það minnsta
einn slíkur valdið nokkru tjóni. Þeir
eru löngu orðnir árvissir fylgifiskar
hátíðarinnar og virðist sem almenn-
ingur gléymi oft þeim mikilvægu
boðorðum sem gilda um meðhöndl-
un logandi kerta. Til að gera sér
grein fyrir alvöru málsins er vert
að rifja upp ástæður þessara
óhappa.
Aðventuskreytingar
í aðalhlutverki
Aðventuskreytingar með logandi
kertum eru í raun lifandi tíma-
sprengjur sem orðið geta að báli eða
kveikt í nálægum hlutum þegar síst
skyldi. I desember 1997 bætti Sjóvá-
Aimennar tryggingar hf. tjón vegna
23 slíkra bruna og nam meðaltjón
hvers þeirra um 275.000 krónum.
Miðað við þennan fjölda má áætla að
heiidarfjöldi hjá öllum íslensku
tryggingafélögunum sé um 65 brun-
ar, eða um tveir á dag allan jólamán-
uðinn. Það er því Ijóst að hér er um
milljónatjón að ræða og oft á tíðum
fylgir gífurleg hætta fyrir fólk. Log-
ar frá skreytingum geta náð allt að
metra upp í loft og það sem í upphafi
var smá logi er skyndilega orðið að
eldhafi. Slíkir eldsvoðar eiga það
hins vegar flestir sameiginlegt að
hægt er að koma í veg fyrir þá með
meiri aðgát.
Aldrei skal skilja við logandi
kerti í mannlausu herbergi eða
þegar farið er að heiman, jafnvel
þó að aðeins eigi að skreppa í litla
stund í burtu. Heimsóknir í næsta
hús geta dregist á langinn og þá er
voðinn vís.
Gæði kerta eru misjöfn og þekkt
tilfelli þar sem kerti hafa brunnið
niður á skömmum tíma, öllum að
óvörum. Huga þarf vel að staðsetn-
ingu aðventuskreytinga. Varast ber
að setja þær nálægt opnum glugga
þar sem dragsúgur getur haft áhrif á
brunatíma kertanna auk þess sem
eldur getur læst sig í gluggatjöld.
Undirstaða kertaskreytinga þarf
einnig að vera traust og þola hita og
aldrei skal setja þær á rafmagnstæki
eins og sjónvörp sem gefa frá sér
hita. Þá er ótalið það aðdráttarafl
sem kerti hafa á börn og því mikil-
vægt að brýna fyrir þeim þá hættu
sem af kertunum stafar.
Við getum gert betur
Eins og fyrr er greint mætti koma
í veg fyrir flesta eldsvoða af völdum
aðventuskreytinga. Einföld kerta-
loka eða jólaskreyting sem húðuð
hefur verið eldtefjandi efni getur
bjargað jólunum eða sjálfslökkvandi
kerti. Kveikur þeirra nær ekki alla
leið niður og slokknar því loginn
þegar u.þ.b. 5 sentimetrar eru eftir
af kertinu. Gæta skal þó þess að
kertalokan (englavaktin) sé í sam-
ræmi við sverleika kertisins, því ef
kertið er of mjótt getur það náð að
brenna fram hjá lokunni.
Það er von okkar að þessar ábend-
ingar geti bjargað hátíðarstemmn-
ingu á einhverjum bæjum. Farið að
öllu með gát og eigið gleðilega jóla-
hátíð.
EINAR GUÐMUNDSSON,
forvarnafulltrúi Sjóvár-Almennra
trygginga hf.
Opið bréf til Davíðs Odds-
sonar forsætisráðherra
Frá Haíþóri Baldvinssyni:
BLESSAÐUR og sæll, Davíð!
Astæðan fyrir skrifum mínum er
mjög einföld. Eg er sjálfur öryrki og
er eins og þú á framfæri ríkisins. Þó
veit ég að langt er á milli vinnugetu
okkar en oft óska ég nú þess að
vinnugeta þín mætti vera minni þeg-
ar kemur að málefnum öryrkja. Eg
er mjög ósáttur við framferði þitt
gagnvart öryrkjum og öldruðum.
Væntanlega stendur vilji þinn til þess
að gera betur en mátt víst ekki við
margnum (lesist: Kolkrabbanum).
Öryrkjar hafa ekki sama bakland
og þú þegar kemur að framfærslu-
getu. Þeir eiga allt sitt undir ríkinu
eða lífeyrissjóðum sem standa víst
frekar illa um þessar mundir. Gaml-
ar syndir í formi skulda verða víst að
greiðast. Þú átt vísast sæluvist í
heimahögum Kolkrabbans verðir þú
fjrir slysi og örkumlist eða verðir
veikur svo að af hljótist öroi-ka.
Reyndar er ég á þeirri skoðun eftir
kynni mín af Sjálfstæðisflokknum að
það sé viss veiki sem fylgir því að
verja gerðir þess flokks. Framundan
sé ég lítið annað en að öryrkjar og
aðrir undirmálsmenn þessa gósen-
lands verðbréfamiðlara og annarra
vesælu manna sem eru með dollara í
augna stað, verði að grípa til sinna
ráða. Það er þannig, Davíð, að
stjómarskrárbundinn réttur er til
þess að verja líf sitt og barna sinna
með öllum tiltækum ráðum. Ef þarf
að grípa til róttækra aðgerða svo
sem gerist í útlöndum þá verður svo
að vera. Ef þú og ríkisstjórnin heylg'-
ast á því að bæta kjör öryrkja og
aldraðra þannig að þeir geti lifað
sómasamlegu lífi þá spái ég því að
ekki verði langt í að fólk grípi til að-
gerða sem ekki hafa sést hér á landi
svo öldum skiptir.
Hvað er sómasamlegt líf? Mitt
svar er í hnotskum það að fólk þurfi
ekki að vera upp á aðra s.s. ættingja
komið með brýnustu nauðsynjar eins
og fjölmörg dæmi eru til um. Að lok-
um hvet ég þig til að taka sjálfan þig
taki og hætta augnablik að hugsa um
velferð vina þinna. Þú varst ekki
kosinn í þetta embætti sem þú nú
gegnir. Þú varst kosinn formaður
flokks sem hefur sýnt af sér að hafa
meiri áhuga á að koma upp vændi á
Islandi sem virðist blómstra allt und-
ir þeim formerkjum að um sé að
ræða frelsi, atvinnufrelsi, þátttöku-
frelsi bla, bla, bla, bla. Þér ber sem
forsætisráðherra að hugsa um vel-
ferð íslensku þjóðarinnar en svo vill
til, Davíð, hafir þú ekki tekið eftir því
(það er jú óþægileg staðreynd fyrir
þig og þína) að hér búa aldraðir og
öryrkjar. Að lokum vil ég hvetja þig
til að halda þig við skriftir. Mér
finnst þú ekkert sérlega góður ritari
en þú gerir held ég minna ógagn
þannig.
HAFÞÓR BALDVINSSON,
Blöndubakka 12, Reykjavík.
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt tii að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
til birtingar teljast samþykkja þetta, ef ekki fylgir fyrirvari hér að lútandi.