Morgunblaðið - 09.03.1999, Blaðsíða 11

MORGUNBLAÐIÐ
ÞRIÐJUDAGUR 9. MARZ 1999 11
FRÉTTIR
Jóhann Arsælsson sigraði í prófkjöri Samfylkingarinnar á Vesturlandi
Skýr niðurstaða og
marktækur munur
Jóhann Gísli S. Dóra Líndal Hólmfríður
Arsælsson Einarsson Hjartardóttir Sveinsdóttir
JÓHANN Ársælsson bar sigur úr
býtum í prófkjöri Samfylkingar-
innar á Vesturlandi á laugardag
og er það fyrsti sigur fulltrúa al-
þýðubandalagsmanns í prófkjöri
sameinaðs framboðs Alþýðu-
bandalags, Alþýðuflokks og
Kvennalista. „Þetta leggst ágæt-
lega í mig,“ sagði Jóhann í gær.
„Þetta var alveg skýi- niðurstaða
og vel marktækur munur á fylgi
hjá okkur þannig að það efast eng-
inn um það, sem kom upp úr köss-
unum.“
Aðeins fjórir voi'u í framboði í
prófkjöri Samfylkingarinnar í kjör-
dæminu, einn fyrir Alþýðubanda-
lag og Kvennalista og tveir fyrir
Alþýðuflokk. Jóhann fékk 1201 at-
kvæði í fyrsta sætið og 1599 í 1. og
2. sæti. Gísli S. Einarsson þing-
maður, sem var í hólfí Alþýðu-
flokks, lenti í öðru sæti. Hann fékk
1048 atkvæði í fyrsta sæti og 1278 í
annað. Dóra Líndal Hjartardóttir,
sem var í hólfi Kvennalista, fékk
1139 atkvæði í 1. til 3. sæti og
Hólmfríður Sveinsdóttir 1016 at-
kvæði í 1. til 4. sæti. Heildarat-
kvæðamagn Jóhanns var 1725,
Gísla 1306, Dóru 1383 og Hólmfríð-
ar 1016 eins og áður sagði. 2398
manns tóku þátt í prófkjörinu og
urðu á kjörstað að skrifa undir yf-
irlýsingu um að þeir væru ekki
flokksbundnir í öðnim flokkum og
væru stuðningsmenn Samíylking-
arinnar.
Jóhann sagði að það væri alltaf
erfítt að segja hvað hefði ráðið úr-
slitum, en hann hefði greinilega
haft mikið fylgi. „Við getum sagt
að Gísli hafi haft mikið fylgi á
Akranesi, en ég átt meira fylgi
annars staðar í kjördæminu," sagði
hann. „Þetta er það sem maður
heldur án þess. að hafa staðfestar
tölur, en þegar búið var að telja at-
kvæði úr Borgamesi og Akranesi
saman hafði Gísli aðeins vinning,
en eftir að aðrir hlutar kjördæmis-
ins komu inn hafði ég fengið þessa
niðurstöðu."
Gísli hafði því forustu framan af
talningu. Jóhann kvaðst hafa átt
von á því að það myndi breytast
þegar farið yrði að telja atkvæðin
af Snæfellsnesi þar sem hann hefði
vitað að hann ætti vísan stuðning
þaðan: „En satt að segja kom mér
mjög á óvart hvað viðsnúningurinn
var mikill.“
Jóhann sagði að sér litist vel á
listann og kvaðst eiga von á að geta
fengið góða útkomu í krafti hans.
Hann kvaðst ekki telja það veik-
leikamerki að aðeins fjórir fram-
bjóðendur hefðu boðið sig fram í
prófkjörinu, enda hefði það skapast
af því að stilla hefði átt upp með
handafli, en verið ákveðið að halda
prófkjör þegar ekki náðist saman
um tvö atriði, hver ætti að vera í
fyrsta sæti og hver ætti að vera
fiilltrúi Alþýðuflokksins. Þetta
hefði hins vegar komið í ljós örfá-
um vikum fyrir prófkjörið og hefðu
flestir sennilega talið að skapast
hefði það mikil umræða um þau
nöfn, sem átti að stilla upp, að eng-
inn hefði ákveðið að gefa kost á
sér.
Atlaga vegna
prófkjörsreglna
Gísli S. Einarsson kvaðst í gær
vera fullur þakklætis í garð alls
þess fólks, sem hefði lagt sér öflugt
lið „til að verjast þeirri atlögu“,
sem beint hefði verið gegn sér.
„Atlagan var sú að það var alveg
klárt mál að það myndu skiptast
atkvæði milli okkar Hólmfríðar í A-
hólfi þar sem voru tveir frambjóð-
endur og allir þeir, sem greiddu
Hólmfríði atkvæði, máttu ekki
greiða mér atkvæði," sagði hann.
„Það er atlagan og hún er vegna
þeirra prófkjörsreglna, sem settar
voru. Það var ekkert jafnræði í
hólfunum."
Hann sagði að það hefðu verið
eðlileg viðbrögð fólks í Borgar-
byggð að styðja sinn mann, en eðli-
legra hefði verið að styðja hann í
fyrsta sæti, ekki annað. „En mér
finnst alveg stórkostlegt að fá þessi
1048 atkvæði í fyrsta sæti og auð-
vitað er ég þakklátur þeim, sem
greiddu mér atkvæði í annað sæti.“
Hann kvaðst telja að atkvæði
kjósenda í Borgarbyggð hefðu ráð-
ið úrslitum um það hvemig fór og
skipting atkvæða á Snæfellsnesi
hefði haft lítil áhrif á niðurstöðuna.
„Akkillesarhæll þessa lista er
tveir herramenn af Akranesi,“
sagði Gísli. „Það er ekki skipting
um Vesturlandið, en þetta fékkst
sem niðurstaða úr prófkjöri og hún
ætti að teljast ásættanleg. En ég
’nefði talið æskilegast að sá A-
flokkanna, sem fékk annað sætið,
fengi líka þriðja sætið.“
Kvennalisti með rúmlega
helming atkvæða
Dóra Líndal var ánægð með
fylgi sitt í prófkjörinu: „Eg er vita-
skuld fyrst og fremst stolt af því
hvað Kvennalistinn fær mörg at-
kvæði því að það er þá greinilegt
að það er vilji fyrir því að rödd
okkar heyrist áfram." Dóra benti á
að hún hefði fengið rúmlega helm-
ing atkvæða í öll fjögur sætin og
þakkaði fylgið góðum málefnum.
Fólk vildi greinilega að hugsað
væri um hag fjölskyldunnar.
I prófkjörinu var sú regla að til
þess að fá sæti þyrfti 25% atkvæða
í hvert hólf. Dóra sagði að það
hefði verið lykilatriði að ná því og
það hefði tekist og gott betur.
Þessi úrslit hefðu styrkt stöðu
Kvennalistans innan Samfylking-
arinnar.
Hólmfríður Sveinsdóttir sagði í
gær að hún væri óánægð með að
hafa ekki náð öðru sætinu eins og
hún hefði stefnt að, en hún væri þó
ánægð með að hafa fengið rúmlega
þúsund atkvæði. „Eg fékk virki-
lega góðan stuðning alls staðar
nema á Akranesi, en það er erfitt
að fara í sitjandi þingmann, sem
kemur úr langstærsta byggðarlag-
inu, Akranesi,“ sagði hún. „Þannig
að í rauninni er ég ekki ósátt við
mina útkomu, en ég held að listinn
sé ekki sá besti, sem völ var á. Ég
held að listinn hefði orðið mun
sterkari ef ég hefði orðið í öðru
sæti.“
Hún kvaðst telja að veikleiki
listans væri sá að í raun væru þrír
• efstu frambjóðendurnir af Akra-
nesi, þótt Dóra byggi rétt fyrir ut-
an. „Eins og þeir hafa sagt sjálfir
er það ekki mjög sterkt að hafa
tvo miðaldra iðnaðarmenn af
Akranesi í tveimur efstu sætun-
um,“ sagði hún. „Burtséð frá per-
sónum yrði mun sterkara að hafa
þarna unga konu, nýtt afl og nýja
krafta."
Kjördæmisþing Sjálfstæðisflokksins á Vestfjörðum
Ragnheiður Hákonardótt-
ir kjörin í þriðja sætið
Guðjón Arnar
Kristjánsson kveðst
ekki tilbúinn að
láta valta yfír sig
„slag í slag“
GENGIÐ var til kosninga um
skipan þriðja sætis á framboðslista
Sjálfstæðisflokks á Vestfjörðum í
komandi þingkosningum á kjör-
dæmisþingi flokksins í kjördæm-
inu á sunnudag og hafði Ragnheið-
ur Hákonardóttir, forseti bæjar-
stjórnar á Isafirði, betur en Guð-
jón Arnar Kristjánsson, formaður
Farmanna- og fiskimannasam-
bands Islands, sem kjömefnd
hafði sett í þriðja sæti listans.
Ragnheiður lýsti í gær yfir
ánægju með niðurstöðuna, en Guð-
jón Arnar kvaðst vera ósáttur og
bætti við: „Eg er ekki tilbúinn að
láta valta yfir mig slag í slag.“
Uppstillingarnefnd Sjálfstæðis-
flokksins á Vestfjörðum lagði fram
lista með tillögu um það hverjir
skyldu skipa hann. Þar voru þing-
menn flokksins í kjördæminu, Ein-
ar Kristinn Guðfinnsson og Einar
Oddur Kiistjánsson í fyrsta og
öðm sæti. I þriðja sætinu var Guð-
jón Arnar Kristjáns-
son. Sjálfstæðiskonur
á Vestfjörðum höfðu
mótmælt því að eng-
in kona skyldi vera í
efstu sætum listans
og á kjördæmisþing-
inu á sunnudag lagði
Sigríður Hrönn Elí-
asdóttir fram tillögu
um að Ragnheiður
Hákonardóttir skip-
aði þriðja sæti.
Tvisvar gengið til
atkvæða
Tvisvar þurfti að
ganga til atkvæða-
greiðslu um þriðja
sætið. I fyrra skiptið fengu Ragn-
heiður og Guðjón Ar-nar jafn mörg
atkvæði, 26 hvort. í seinna skiptið
fékk Ragnheiður 27 atkvæði og
Guðjón Arnar 26. 54 fulltrúar vora
á fundinum, en þeir hefðu verið 55
ef einn fulltrúi hefði ekki forfallast.
Þórir Örn Guðmundsson, for-
maður kjördæmisráðs Sjálfstæðis-
flokksins á Vestfjörðum, sagði að
nokkrar umræður hefðu verið áður
en gengið var til atkvæða. Þær
hefðu ekki verið heitar, en menn
hefðu lýst sinni skoðun. „Persónur
vora ekki teknar inn í þetta," sagði
hann og bætti við að Guðjón hefði
tekið niðurstöðunni af mikilli still-
ingu og setið fundinn til loka.
Ragnheiður sagði í gær að sér
litist ágætlega á þessa niðurstöðu:
„Við fórum fram konurnar með
það markmið að fá tvö sæti af fjór-
um efstu, en þetta er viðunandi
niðurstaða," sagði hún og bætti við
að ákveðið hefði verið að draga til-
löguna um að kona skipaði einnig
fjórða sætið til baka í ljósi þess að
gott væri að ná einu sætinu. Hún
sagði að sjálfstæðiskonur fyrir
vestan hefðu ekki átt von á að list-
anum yrði breytt og því hefði orðið
að fara í kosningu. „Ég held að það
sé mjög sterkt fyrir flokkinn að
þessi breyting varð á, burtséð frá
persónum," sagði hún og bætti við
að hún teldi að það myndi ekki
veikja listann hvernig breytingin
var knúin fram: „Það fór þarna
fram kosning milli aðila um sæti
og ég lít svo á að hvor aðilinn um
sig hefði tekið þeirri niðurstöðu,
sem orðið hefði ofan á.“
Hundfúll
yfír úrslitunum
„Ég er hundfúll yfir þeim,“
sagði Guðjón Amar þegar hann
var spurður um úrslitin. „Það er
ekkert öðravísi.“ Hann kvaðst ekki
vilja segja neitt um það í bili hvað
hann hygðist nú taka til bragðs, en
hann hefur verið orðaður við
Sverri Hermannsson og Frjáls-
lynda flokkinn. „Ég hef ekki verið
að gera neitt í þá vera,“ sagði
hann, „ennþá.“
Guðjón var í fjórða sæti á lista
Sjálfstæðisflokksins í síðustu
kosningum og þriðja sæti þar áð-
ur. Hann var spurður hvernig
hann mæti framtíð sína innan
flokksins.
„Það hefur náttúrlega verið ýtt
tvisvar við manni úr þriðja sætinu,"
sagði hann. „Það var gert síðast. Þá
var mér ýtt úr þriðja sætinu í það
fjórða eftir prófkjör og núna er ýtt
við manni aftur þannig að það er
ekki eins og maður eigi víst bak-
land fyrir sínar skoðanir. Ég veit
ekki hvernig maður á að meta það.“
Hann kvaðst ekki sjá að upp-
stillingarnefnd hefði getað hagað
störfum sínum öðravísi og benti á
að öll gagnrýni á að kvenmenn
vantaði á listann hefði komið fram
eftir að allir frestii’ hefðu verið
liðnir.
„Það var haldinn fundur á
Hólmavík í september í kjördæm-
isráðinu þar sem aðeins karlmenn
komu fram og gáfu kost á sér í
fjögur efstu sætin,“ sagði hann.
„Síðan var haldinn fundur á Þing-
eyri og þar komu heldur ekki fram
nema karlmenn, sem gáfu kost á
sér í efstu sætin. Síðan var gefinn
frestur til 10. janúar til að gefa
kost á sér og þegar sá frestur var
liðinn vora enn aðeins karlmenn
komnir fram. Eftir það fóra menn
að leita að konu og það var síðan
ekki fyrr en kjörnefndin skilaði af
sér að komið var fram með þessi
læti og reyndar er ég mjög ósáttur
með að það skuli eiga að ráða
framboðsmálum hvort talað er um
karia eða konur. Ég hef aldrei gert
greinarmun á karli eða konu, held-
ur er þetta spurning um hæfa ein-
staklinga, hvernig fólk metur við-
komandi persónu - mann eða konu
- til að takast á við hluti í pólitík.
Og það virðist vera mat manna að
ég dugi ekki til þess. Þetta er bara
hundfúlt og ég er ekki tilbúinn að
láta valta yfir mig slag í slag.“