Morgunblaðið - 14.07.1999, Blaðsíða 1

Morgunblaðið - 14.07.1999, Blaðsíða 1
tcgmdiI*Mfe STOFNAÐ 1913 156. TBL. 87. ARG. MIÐVIKUDAGUR 14. JULI1999 PRENTSMIÐJA MORGUNBLAÐSINS Hörð átök milli námsmanna og öryggissveita á götum Teheran Khatami segir deirðirnar ógna öryggi þjóðarinnar Teheran. Reuters, AFP, AP. ÞÚSUNDIR námsmanna gengu berserksgang um götur Teheran í gær eftir að óeirðalögreglan hafði beitt táragasi til að kveða niður mót- mæli þeirra gegn írönsku klerka- stjórninni. Þetta eru mestu götu- óeirðir sem blossað hafa upp í íran frá því klerkastjórnin komst til valda í íslömsku byltingunni fyrir tuttugu árum. Hundruð sjálfboðaliða úr röð- um íslamskra heittrúarmanna komu lögreglunni til hjálpar og gengu um miðborgina til að koma í veg fyrir að óeirðirnar breiddust út. Mohammad Khatami, forseti landsins, sem hefur lofað lýðræðisumbótum, fordæmdi óeirðirnar í gærkvöldi og sagði þær ógna öryggishagsmunum landsins og umbótastefnu sinni. „Ég er viss um að þessir menn hafa illt í hyggju. Markmið þeirra er að kynda undir ofbeldi í samfélaginu og við ætlum að stöðva þá," sagði Khatami um námsmennina í sjón- varpsávarpi. Fyrr um daginn höfðu lögreglu- menn beitt táragasi til að dreifa hópi rúmlega 10.000 námsmanna sem söfnuðust saman við háskólann í Teheran til að krefjast lýðræðisum- bóta þótt stjórnvöld hefðu bannað slíkar mótmælaaðgerðir. Sjónarvott- ar sögðu að útsendarar írönsku leyniþjónustunnar hefðu hleypt af byssum upp í loftið. Tugir námsmanna handteknir Oryggissveitunum tókst að dreifa mannfjöldanum með hjálp íslamskra sjálfboðaliða, sem gengu í skrokk á námsmönnunum með kylfum. Náms- mennirnir söfnuðust aftur saman ná- lægt háskólanum, kveiktu í strætis- vögnum, brutu rúður í verslunum og reyndu að kveikja í byggingu dag- blaðs, sem styður klerkastjórnina, áður en lógreglan stöðvaði þá. Fregnir hermdu að tugir náms- manna hefðu verið handteknir. íslömsku sjálfboðaliðarnir voru á verði við mikilvæg gatnamót í mið- borginni til að koma í veg fyrir frek- ari mótmæli. Áður höfðu hundruð námsmanna Reuters IRÖNSK öryggissveit stöðvar göngu námsmanna við háskólann í Teheran. Lögreglan beitti táragasi til að kveða niður mótmæli rúmlega 10.000 námsmanna í grennd við háskólann í gær. reynt að ryðjast inn í innanríkisráðu- neytið, sem stjórnar lögreglunni. Stærsta útimarkaði borgarinnar var lokað vegna átakanna og sjónarvott- ar sögðu að algjör ringulreið hefði verið í miðborginni. Reiði mótmælendanna beindist einkum að Ali Khamenei erkiklerki, æðsta trúarleiðtoga írana, sem hefur hingað til verið álitinn hafinn yfir alla gagnrýni. Námsmennirnir hróp- uðu vígorð gegn Khamenei og kröfð- ust þess að hann segði af sér. Nokkr- ir borgarbúar gengu til liðs við námsmennina og hrópuðu með þeim: „Við viljum ekki ofbeldisstjórn." Utifundur til stuðnings klerkrisljórniutii Khamenei erkiklerkur flutti ávarp, sem var endurtekið hvað eftir annað í útvarpi og sjónvarpi, og kenndi „óvinum íslams", einkum Bandaríkjunum, um óeirðirnar. Áður hafði Bandaríkjastjórn hvatt stjórn- völd í íran til að virða mannréttindi, meðal annars tjáningar- og funda- frelsið. Eitt af helstu málgögnum klerka- stjórnarinnar sakaði námsmennina um að reyna að kollvarpa íslamska stjórnkerfinu. Nokkrar íslamskar stofnanir hvöttu landsmenn til að fjölmenna á útifund sem ráðgerður er við háskólann í Teheran í dag til að fordæma námsmennina. Mótmælin gegn klerkastjórninni hafa staðið í sex daga og kostað að minnsta kosti tvo lífið, auk þess sem tugir hafa særst. Mótmælin hafa breiðst út til að minnsta kosti átta annarra borga í íran. ¦ Síðustu forvöð/20 20 farast í flóðum og aurskriðum FLÓÐ og aurskriður hafa orðið rúmlega 20 manns að bana í Rúm- eníu og Ungverjalandi síðustu daga. Að minnsta kosti 15 manns fór- ust þegar aurskriða féll á hús verkamanna og fjölskyldna þeirra við stíflu í Retezat-fjöllum í vestur- hluta Rúmeníu í fyrradag. 22 slös- uðust og nokkurra annarra er enn saknað. Um 1.250 lnis hafa skemmst eða eyðilagst vegna flðða í Rúmeníu síðustu tvær vikur og hartnær 500 manns hafa misst heimili sín. 130 brýr hafa einnig eyðilagst. Reuters Þá hafa sex manns látið lífið og 1.600 þurft að flýja heimili sín af völdum flóða í Ungverjalandi. Ungverskir hermenn aðstoða hér fjölskyldu við að flytjn búslóð sína úr húsi sem eyðilagðist í þorpinu Hevesvezekeny í miðhluta Ung- verjalands. Tóbaksfyrirtæki gagnrýnd Notkun aukaefna „hneyksli" London. Reuters. TÓBAKSFYRIRTÆKI hafa sett aukaefni í sígarettur til að auka ávanabindandi áhrif þeirra, að því er fram kemur í skýrslu sem gefin var út í gær. Breskur krabbameinsrann- sóknarsjóður (ICRF), baráttu- samtök gegn reykingum (ASH) og yfirvöld í Massachusetts í Bandaríkjunum unnu skýrsl- una í sameiningu. Greint er frá rúmlega 60 skjölum úr fórum tóbaksverk- enda þar sem fjallað er um aukaefni í sígarettum. „Mér finnst þetta vera hneyksli - að verið sé að gera sígarettur meira ávanabindandi um leið og því er haldið fram opinberlega að nikótín sé alls ekki ávana- bindandi," sagði framkvæmda- stjóri ASH. Skjölin voru gerð opinber í tengslum við nýgengin dóms- mál í Bandaríkjunum. Fram kemur að flest þeirra 600 auka- efna sem notuð eru í sígarettur i Evrópusambandsríkjum séu ekki nauðsynleg og fæst þeirra hafi verið notuð fyrir 1971. Aukaefnin séu m.a. notuð til þess að auka bragð af tóbaks- reyk, draga úr lykt af reyknum og auka áhrifin af nikótíninu. Deila Kínverja og Taívana magnast Peking, Taipei. Reuters. RÁÐAMENN í Kína hafa brugðist ókvæða við ummælum forseta Taív- ans þess efnis að kínversk og taív- önsk stjórnvöld ættu að falla frá þeirri afstöðu að aðeins væri til „eitt Kína". Kínverska fréttastofan Xin- hua sagði í gær að með þessum um- mælum hefðu „Taívanar kallað yfir sig mikla ógæfu". Lee Teng-hui, forseti Taívans, sagði í samtali við þýska útvarpið Deutsche Welle um helgina að Kína og Taívan ættu að líta á sig sem tvö aðskilin ríki og Kínverjar þyrftu því að falla frá þeirri afstöðu að Taívan væri hluti af Kína og undir stjórn þess. Ráðamenn á Taívan ítrekuðu af- stöðu sína þrátt fyrir mótmæli Kín- verja og hvöttu stjórnvöld í Kína til að setjast að samningaborði og leysa deiluefni með viðræðum en ekki vopnum. ,Að leysa deiluefni okkar með stríði samræmist í engu hegðun ríkja eftir kalda stríðið. Viðræður eru eina rétta leiðin," sagði Lin Chong-pin, háttsett- ur taívanskur embættismaður. Yiðræðum um bætt sam- skipti stefnt í hættu Ráðamenn á Taívan gengu þó ekki svo langt að lýsa yfir sjálfstæði en kröfðust þess að viðræður um bætt samskipti rfkjanna, sem ráðgerðar eru í október, færu fram á þeim grundvelli að um tvö ríki væri að ræða. Óttast fréttaskýrendur að deilan stefni viðræðunum í hættu. Fjölmiðlar í Kína sögðu ummæli Taívana ögrun við kínversk stjórn- völd þar sem þau léðu ekki máls á að breyta þeirri afstöðu sinni að Taívan væri aðeins hérað í Kína. Viðbrögðin á Taívan voru einnig hörð en þar sökuðu fjölmiðlar og stjórnmálaskýrendur forsetann um að stefna viðkvæmum samskiptum Taívans við meginlandið í hættu. Varð vitni að morði á fjöl- skyldu sinni Atlanta. Keuters. ELLEFU ára drengur í Atl- anta í Bandaríkjunum varð vitni að morði á fjölskyldu sinni í fyrradag en komst sjálfur lífs af þar sem morðmgjanum tókst ekki að hleypa af byssu sinni. Morðinginn, 39 ára karlmað- ur, hélt drengnum meðan hann myrti móður hans, fjögur systkiniog frænku. Drengurinn slapp og faldi sig í fataskáp en morðinginn fann hann. Maður- inn miðaði byssu að höfði drengsins og reyndi að hleypa af, en tókst það ekki af ein- hverjum ástæðum. Morðinginn svipti sig síðan lífí. Móðir drengsins hafði sagt manninum að hún vildi binda enda á samband þeirra.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.