Morgunblaðið - 18.08.1999, Blaðsíða 8

8 MIÐVIKUDAGUR 18. ÁGÚST 1999
MORGUNBLAÐIÐ
FRÉTTIR
Björn K. Rúnarsson raeð þrjá boltafiska úr Miðfjarðará.
ÞAÐ kroppast upp úr Þistil-
fjarðaránum þessa dagana, enda er
smálax að ganga. Fyrir nokkru var
fimm daga holl í Sandá með 22 laxa
og hluti ; hópnum hélt síðan yfir í
Hölkná og dró þar sex laxa á stutt-
um tíma. L„purinn á undan hafði
fengið sjö en aðeins er veitt á tvær
stangir í ánni. Einn laxinn í Hölkná
var einn stærsti lax sumarsins,
mældur 106 sentímetrar, en hann
fór ekki á vigt þar eð honum var
sleppt aftur í ána. Þumalputtaregl-
an segir að þetta hafi verið um það
bil 24 punda lax.
Jón Hólm, leigutaki Hölknár, var
viðstaddur glímuna sem stóð yfir í
vel rúmar tvær klukkustundir, en
það var veiðifélagi hans, Isleifur
Karlsson, sem veiddi laxinn. „Eg
veit ekki hvað flugan heitir en hún
er mjög lík Laxá blá, nema að hún
er rauð aftast á búknum en ekki gul
eins og flugan hans Þórðar. Þetta
var tvíkrækja númer 14 þannig að
ísleifur þurfti að
gefa sér góðan tíma.
Taumurinn var hins
vegar 15 punda og
búnaðurinn því
traustur. Þetta var í
hyl skammt frá
veiðihúsinu, hann er
gríðarlega fallegur,
með mörgum rásum
í botni. Þar var tals-
vert af laxi, ég fékk
sjálfur m.a. tvo um
það bil 14 punda sem
ég gaf einnig líf. Við
fengum líka ný-
gengna smálaxa,
slepptum sumum,
hirtum aðra. Við fór-
um um alla á og sá-
um lax eða laxa í ell-
efu af tuttugu og sjö
merktum veiðistöð-
um. Ekki mikið
magn að vísu, en það
var lax víða og fiskur
að ganga. Veiðin fór
þó afar seint af stað vegna þess hve
vatnsmikil áin var fram eftir öllum
júlí. Sama sagan var í Hafralónsá
og bændur hér eystra sögðu mér að
það hefði snjóað miklu meira á há-
lendinu í austanverðum firðinum.
Ástandið var slæmt framan af í
Sandá og Svalbarðsá en þar rættist
úr mun fyrr en hjá okkur og þeim í
Hafralónsá. Það fór eiginlega ekki
að veiðast hér fyrr en eftir miðjan
júlí og fyrir nokkrum dögum voru
aðeins komnir rúmlega 30 laxar á
land. Sandá var hins vegar rétt að
losa hundrað laxa. Þetta er nokkuð
langt frá því besta í Þistilfirði en
það er þó ekki beinlínis lítið af fiski
á svæðinu,“ sagði Jón.
Stórir silungar í Ytri-Rangá
Laxveiði gengur þokkalega í Ytri-
Rangá þessa dagana. Hún er lakari
en menn vonuðust eftir en það er að
reytast inn nýr lax þar alla daga og
veiði gengur þar betur en í mörgum
öðrum ám þessa dagana. Það eru
hins vegar kannski öðru fremur
risaurriðar sem hafa stolið senunni
síðustu daga. Kastkennarinn enski,
Michael Evans, veiddi t.d. 11 punda
urriða á flugu í Skeiðvallakvisl og
landi hans einn veiddi 13,5 punda
sjóbirting í Húsabakka, sem er á
svæðinu IV. Um 550 laxar eru
komnir á land en að sögn Þrastar
Elliðasonar leigutaka eru rúmlega
1000 laxar komnir upp fyrir teljar-
ann í Ægisíðufossi. „Það fer líka
fullt af laxi fram hjá teljaranum
þannig að við vitum ekki nákvæm-
lega um gönguna. En það er fiskur
að koma inn alla daga og nýting á
svæðinu fyrir ofan Árbæjarfoss fer
að aukast. Við förum því örugglega
að sjá betri tölur á
næstunni,“ bætti
Þröstur við. Fyrir
skömmu voru nokkr-
ir selir drepnir í ós-
um Hólsár og kom
þá strax nokkur
kippur í gönguna.
Mikið er búið að
ræða aflabrest í
Laxá á Ásum og sýn-
ist sitt hverjum um
hvar rætumar liggja.
Þó þótti mönnum
skjóta dálítið skökku
við er útlendingur
einn, sem átti þar tvo
daga, fékk ekki einn
einasta lax og bjarg-
aði íslandsferðinni
með því að skreppa
austur á Breiðdals-
vík, renna í Breið-
dalsá í hálfan dag og
fá tvo laxa.
Eldvatn á Bruna-
sandi hefur verið af-
ar lélegt það sem af er vertíð ef
undanskyldir eru fyr. tu dagamir í
byrjun apríl er menn rótuðu upp
sjóbirtingi í ármótunum við Hverf-
isfljót. Fyrir skömmu kom þó skot
en einn og sami veiðimaðurinn fékk
35 sjóbleikjur, allt að 5 punda, og
missti einn gríðarvænan sjóbirting.
Allur þessi fiskur tók flugu.
Nokkuð á fjórða hundrað sjó-
bleikjur og urriðar hafa veiðst í
Hrolleifsdalsá í Skagafirði í sumar.
Það er nokkuð gott miðað við að
veiði byrjaði illa vegna langvarandi
vatnavaxta. Mest er um 1-2 punda
sjóbleikju. Lax hefur látið óvenjulít-
ið á sér kræla, fyrir nokkm var að-
eins einn kominn á land, 12 pundari
veiddur í Ósnum í lok júní.
Jökuldrullan í Hvítá og Ölfusá
hefur tafið fyrir göngum í
bergvatnsámar en vatnamót við
bergvatn neðarlega á svæðinu hafa
þó gefið á stundum. Tannastaða-
tangi hefur t.d. gefið nokkur skot.
Eitt var fyrir nokkrum dögum er 13
laxar veiddust þar sama daginn. Þá
tókst einhverjum náunga að setja í
þrjá laxa á flugu á Speglinum í
Langholti. Að vísu missti hann þá
alla en þó ekki fyrr en hann hafði
sannfærst um að þeir tóku allir
fluguna, en ekki öfugt, þ.e.a.s. að
flugan hefði tekið þá.
Finnskur veiðimaður veiddi 21
punds hæng í maðkahollinu í Víði-
dalsá fyrir fáum dögum. Þá hafa
tveir slíkir veiðst stærstir í ánni í
sumar. Maðkahollið veiddi annars
aðeins 78 laxa, helmingi minna en í
fyrra.
mSSTARLIGHT
Bekfiay
Stigar frá Starlight og
' áltröppur frá Beldray
fást í öllum stærðum
í byggingavöruverslunum
um allt land
DREIFINGARAÐtLI
I.GUÐMUNDSSON ehf.
Simi: 533-1999, Fax: 533-1995
Stjórnarmenn NASF, Norður-Atlantshafslaxasjóðsins, hafa
fundað og veitt hér á landi að undanförnu. Hér eru fjórir þeirra
á bökkum Laxár í Kjós, f.v.: Orri Vigfússon, Uffe Elleman-Jen-
sen, Jack Hemingway og Bruce McNae.
24 punda
bolti úr
Hölkná
Alþjóðaforseti Liorts heimsækir Island
Góður árangur
hór á landi
James Ervin
Alþjóðaforseti
Lionshreyfingar-
innar, James Er-
vin, hefur verið í heim-
sókn hér á landi. Hann
hefur farið um og hitt
Lionsmenn hér og kynnt
sér það sem Lionshreyf-
ingin hér á landi er að
gera. Einnig hefur hann
heimsótt stofnanir sem
hafa notið aðstoðar frá
Lionshreyfingunni í m.a.
tækjakaupum og átti loks
fund með forseta íslands
herra Ólafi Ragnari
Grímssyni. Hann var
spurður hvort hann hefði
áður komið til íslands?
- Nei, ég hef aldrei áð-
ur komið til íslands en ég
hef heyrt mikið um það
talað og mér er vel kunn-
ugt um þann góða árang-
ur sem íslendingar hafa
náð í starfi Lionshreyf-
ingarinnar, sem er tiltölulega
mjög öflug hér. Um eitt prósent
þjóðarinnar er í Lionshreyfing-
unni, sem er mjög góður árang-
ur.
Hvað eru margir í Lions-
hreyfíngunni alls?
-Það eru um 1,4 milljónir
manna í Lionshreyfmgunni í 185
löndum, sem er afar mikill
fjöldi.
Hefur þú heimsótt mörg af
þessum löndum?
-Ég hef heimsótt um 100
lönd þar sem Lionshreyfingin
hefur starfsemi og haft mikla
ánægju og gagn af. Hvert og
eitt land hefur sína sérstöðu og
það er sannarlega ánægjulegt
að hafa á þennan hátt fengið
tækifæri til þess að koma svo
víða.
Hvar er mestur vöxt-
ur í hreyfíngunni?
- Það er í Austur-Evrópu og í
Asíu. Á þeim svæðum hefur
mikill fjöldi fólks gengið til liðs
við hreyfinguna undanfarinn
áratug.
Hver eru helstu baráttumál
Lionshreyfíngarinnar núna?
- Lionshreyfingin hefur um
áratugaskeið barist fyrir bætt-
um aðstæðum blir.dra. Það eru
um 40 milljónir blindra í heimin-
um og Lions1"*eyfingin hefur
reynt að leggja sitt af mörkum
til þess að hjálpa þeim sem unnt
er til betra lífs og helst til þess
að fá sjón. Á heimsvísu hefur
þetta lengi verið helsta baráttu-
mál Lionshreyfingarinnar. Fyr-
ir tíu árum var farið að vinna
eftir sérstöku „prógrammi" að
þessum málum. Um áttatíu pró-
sent af hinum 40 miiljónum
manna sem eru blindir geta
fengið umtalsverða
hjálp. Ætli láti ekki
nærri að um milljón
manns hafi fengið sjón
fyrir tilstuðlan Lions-
hreyfingarinnar.
Barátta gegn fíkniefnum hef-
ur einnig verið mikið baráttu-
mál hjá Lionshreyfíngunni.
Hvað er að gerast á þeim vett-
vangi?
-Ég er ánægður með að fá
þessa spurningu - eitt af
stærstu verkefnum Lionshreyf-
ingarinnar er einmitt í þessum
málaflokki - Lions Quest-náms-
efnið, sem eflir sjálfstraust ung-
menna og styrkir þau í að segja
nei við fíkniefnum. Ungviðið er
það dýrmætasta sem hver þjóð
á og það er mikils virði að geta
forðað ungu fólki frá fíkniefn-
um. Þetta námsefni gildir fyrir
► Jemes Ervin fæddist í bæn-
um Erwin í Tennessee. Eftir
grunn- og framhaldsskóla
stundaði hann nám við Ríkis-
háskólann í Austur-Tennessee
í viðskiptafræði. Hann sinnti
herskyldu í tvö ár. Hann flutti
til Georgíufylkis á sjöunda
áratugnum og stofnaði þar
fyrirtæki sem sérhæfði sig í
flutningum og áhafnaleigu.
Árið 1977 gekk hann í Lions-
klúbbinn í Albany. Þar varð
hann formaður 1984 og um-
dæmisstjóri í umdæmi 18-C ár-
ið 1986 til 1987. Hann varð al-
þjóðastjómarmaður árið 1992
í Hong Kong. Hann bauð sig
fram í embætti 3. varaforseta
á alþjóðaþingi Lions í Montr-
eai 1996. James Ervin er
kvæntur Betty Ervin. Þau eiga
hvort um sig tvö börn frá fyrri
hjónaböndum.
börn á leikskólaaldri og allt upp
í menntaskóla. Þetta námsefni
er nú kennt í 38 löndum og er að
ryðja sér tO rúms í æ fleiri lönd-
um um þessar mundir.
Hvað með önnur baráttumál?
- Lionshreyfingin hefur
einnig komið á laggirnar sjóði
sem veitir neyðarhjálp, fyrstu
hjálp um allan heim og Island
hefur einnig notið þar góðs af,
samanber þegar gosið varð í
Vestmannaeyjum og snjóflóðin í
Súðavík og á Flateyri.
Hvað hefur þú séð merki-
legt á Islandi?
-Ég sá Deildartunguhver á
ferð um Borgarfjörð og skoðaði
sýninguna um Snorra Sturluson
í Reykholti, hvort tveggja þótti
mér im 'kilegt. Einnig hef ég
haft mikla ánægju af að
sjá hvað Lionshreyfíng-
in á Islandi hefur náð
miklum árangri í starfi
sínu. Jón Bjarni Þor-
steinsson læknir hefur
nú verið kosinn í alþjóðastjórn
Lionshreyfi ngarinnar og ég
hlakka til að njóta starfskrafta
hans þar.
Hver er þín helsta ósk hvað st
arf Lionshreyfíngarinnar varð-
ar?
- Sem alþjóðaforseti vil ég
hvetja Lionsfólk á Islandi til
framsýni og þeirri framtíðarsýn
að gera sem mest til að stórefla
Lionsstarfið í heiminum. Það er
nauðsynlegt fyrir þjónustu-
klúbba að vera sýnilegir. Önnur
helsta ósk mín er að geta skilað
af mér Lionshreyfingunni enn
betri en ég tók við henni.
Hvetur
Lionsfólk
til framsýni