Morgunblaðið - 23.10.1999, Blaðsíða 20

20 LAUGARDAGUR 23. OKTÓBER 1999
AKUREYRI
MORGUNBLAÐIÐ
Unnið að stofnun dótturfélags íslenskrar
miðlunar í Hrísey og Olafsfírði
Rúmlega 20 ný störf skapast
Morgunblaðið/Kristján
Alexander Smárason, sérfræðingur á kvennadeild FSA, flytur erindi
sitt um meðgöngueitrun í kennslustofu FSA í gærmorgun. Fundur-
inn var sendur með fjarfundarbúnaði til nokkurra annarra heil-
brigðisstofnana á landsbyggðinni.
Stórt skref í að rjúfa
faglega einangrun
UNNIÐ er að stofnun dótturfélags
Islenskrar miðlunar ehf. til að
hefja rekstur fjarvinnslustöðva í
Hrísey og Ólafsfirði. Við það skap-
ast 22 ný störf en gert er ráð fyrir
fimm starfsstöðvum á hvorum stað,
þar sem vinna 10 starfsmenn á
tveimur vöktum, auk þess sem ráð-
inn verður sameiginlegur forstöðu-
maður og starfsmaður með nauð-
synlega tölvuþekkingu.
Pétur Bolli Jóhannesson sveitar-
stjóri sagði að hlutafé dótturfélags-
ins yrði 20 milljónir króna, heima-
aðilar á hvorum stað þyrftu að
safna 7 milljónum króna en að hlut-
ur Islenskrar miðlunar væri met-
inn á samtals 6 milljónir króna.
Hann sagði óvíst með aðild hrepps-
ins að félaginu en að hlutafé yrði
fyrst og fremst safnað meðal
einkaaðila.
„Þetta gæti verið áhugaverður
fjárfestingarkostur fyrir einstak-
linga. Þessi niðurstaða er mjög já-
kvæð fyrir Hríseyinga og býður
upp á mikla möguleika í framtíð-
inni. Það er líka nauðsynlegt að
auka fjölbreytni í atvinnulífinu
sem hefur verið mjög einhæft í
gegnum tíðina.“
Starfsemin í gang
í næsta mánuði
íslensk miðlun rekur starfsstöðv-
ar víða um land og lýtur starfsemin
m.a. að símsvörun, símsölu, skrán-
ingu og úrvinnslu gagna. Starfs-
menn eru á annað hundrað og
starfar um helmingur þeirra í höf-
uðstöðvunum í Reykjavík. Pétur
BoUi sagði stefnt að því að starfsemi
fyrirtækisins í Hrísey hæfist um
miðjan næsta mánuð en í Ólafsfirði
á næstunni. Gert er ráð fyrir að
starfsaðstaðan verði í Ráðhúsinu og
að sveitarstjómarskrifstofan vfld og
fari í annað húsnæði.
Hríseyingar hafa leitað ýmissa
leiða til atvinnuuppbygginar í eyj-
unni, í kjölfar ákvörðunar Snæfells
að draga úr starfsemi sinni þar.
Pétur Bolli sagði ýmislegt annað í
athugun. Hann sagði sjávarútvegs-
málin í skoðun og einnig væri verið
að kanna möguleika á því að setja á
fót verksmiðju sem framleiddi sæl-
gæti úr lífrænt ræktuðu hráefni.
Húsnæði aldraðra
stendur tómt
„Þá er verið að skoða þann
möguleika að koma húsnæði aldr-
aðra í notkun til framtíðar en það
stendur tómt. Þetta er stórt og
mikið húsnæði sem myndi henta
vel undir sambýli fatlaðra eða eitt-
hvað slíkt og gæti skapað hér ein-
hver störf.“
Húsnæði aldraðra er um 500 fer-
metrar á tveimur hæðum, fimm
íbúðir á efri hæð og salur á neðri
hæðinni. Hríseyjarhreppur byggði
húsið árið 1993 og fékk þá 10 mfllj-
óna króna styrk frá Framkvæmda-
sjóði aldraðra. Pétur Bolli sagði
húsið hafa verið byggt af mikilli
bjartsýni á sínum tíma en að ekki
hefði tekist að selja nema eina af
þessum fimm íbúðum. Hreppurinn
hafi síðan leyst þá íbúð til sín.
Pétur Bolli sagðist hafa vakið at-
hygli á þessum möguleika varðandi
húsnæði aldraðra, m.a. á Akureyri.
„Akureyri er reynslusveitarfélag í
málefnum fatlaðra og á að sinna
öllu Eyjafjarðarsvæðinu. Eg hef
bent þar á þann möguleika að nýta
húsnæðið hér en talað íyrir daufum
eyrum.“
FJ ÓRÐUN GSSJÚKRAHÚ SIÐ á
Akureyri stendur fyrir vikulegum
fræðslufundum í húsakynnum sín-
um. Fundirnir eru þó ekki ein-
vörðungu fyrir starfsfólk FSA,
því þeir eru sendir víða með fjar-
fundarbúnaði. I gærmorgun
fylgdist starfsfólk heilbrigðis-
stofnana á Neskaupstað, Egils-
stöðum, Seyðisfirði, Húsavík,
Hvammstanga og Ísafírði, með er-
indi Alexanders Smárasonar, sér-
fræðings á kvennadeild FSA, um
meðgöngueitrun.
Þorvaldur Ingvarsson, lækn-
ingaforstjóri FSA, sagði þetta
fúndarform stórt skref í að miðla
upplýsingum og ijúfa faglega ein-
angrun heilbrigðisstarfsfólks á
landsbyggðinni. „Þetta þjappar
einnig þessum einingum betur
saman og við viljum gjarnan að sú
fræðsla sem hér fer fram nýtist
fleirum. Jafnframt viljum við að
þessir staðir haldi fræðslufundi
fyrir okkur með svipuðum hætti.
Þetta eru ákveðin tímamót, þar
sem fólk á öðrum svæðum getur
ekki farið um langan veg á viku-
lega fræðslufundi."
Áhuginn mikill
Þorvaldur sagði jafnframt að
með þessari tækni gæti heil-
brigðisstarfsfólk á öðrum svæð-
um tekið fullan þátt í fyrirspurn-
um í lok fundanna. Mikill áhugi
hefur verið fyrir fræðslufundun-
um og í gærmorgun hlýddu hátt í
100 starfsmenn FSA á erindi
Alexanders. Hann er nýkominn
til starfa á FSA en er auk þess
ráðinn við Sjúkrahúsið á Húsa-
vfk. Alexander starfaði í tæp 10
ár í Oxford á Englandi og skrif-
aði m.a. doktorsritgerð um það
efni sem hann flutti á fundinum í
gærmorgun.
Blaðbera
vantar í eftirtalin hverfi á Akureyri,
norðurhluta á Eyrinni, Giljahverfi, Borgarsíðu/Móasíðu.
Blaðburður verður að hefjast um leið og blaðið kemur
í bæinn.
Góður göngutúr sem borgar sig.
► I Morgunblaðið,
Kaupvangsstræti 1, Akureyri,
1 sími 461 1600
Morgunblaðið leggur áherslu á að færa lesendum sínum vandaðar og áreiðanlegar fréttir og upplýsing-
ar. Morgunblaðið er eina dagblaðið á íslandi sem er í upplagseftirliti og eru seld að meðaltali rúmlega
54.000 eintök á dag. Höfuðstöðvar Morgunblaðsins eru í Kringlunni 1 í Reykjavík þar sem eru yfir
300 starfsmenn. Á Akureyri er starfrækt skrifstofa í Kaupvangsstræti 1. Morgunblaðið kom fyrst út 2.
nóvember 1913.
Árvakur hf. er útgefandi Morgunblaðsins.
Fimm fyrirtæki mynda samstöðuhóp
Vilja ekki hraðahindranir
og 30 km hámarkshraða
Nýir íslenskir vefir
íslenskir vefir eiga heima á Vefskinnu
FIMM íyrirtæki, Blómalist, Garð-
tækni, Gæludýrabúð Norðurlands,
Höfði og Þ. Björgúlfsson hafa
myndað með sér samstöðuhóp um
hraðahindranir og takmörkun há-
markshraða í 30 kílómetra í Hafn-
arstræti frá Drottningarbraut til
Aðalstrætis og í Aðalstræti að
Drottningarbraut.
Fyrirtækin hafa sent bæjarstjóm
Akureyrar erindi um málefnið þar
sem fram kemur það álit að með
breyttu umferðarskipulagi á þessu
svæði skapi bærinn fyrirtækjunum
verulega neikvæða mismunun í að-
stöðu samanborið við þá aðstöðu
sem verslunar- og þjónustufyrir-
tæki á Akureyri búa almennt við.
Þá er nefnt að viðskiptavinir íyrir-
tækjanna telja sig hafa óþægindi af
að þurfa að aka þessar götur vegna
hraðahindrana, lægri ökuhraða og
hættu á því að lögreglan taki þá fyr-
ir of hraðan akstur með tilheyrandi
sektum og refsipunktum.
fmynd hliðargatna
Einnig er talið að þessar götur
fái neikvæða ímynd í huga Akur-
eyringa og þeirra sem sækja versl-
un og þjónustu til Akureyrar og að
götumar fái á sig ímynd bak- eða
hliðargatna.
Vísað er til varnarbaráttu í
verslun og þjónustu sem lands-
byggðin á í og bæjarstjóm því bent
á að gæta þess að reglur og að-
gerðir séu ekki af þeim toga að
þær fæli bæði innanbæjar- og ut-
anbæjar viðskiptavini frá. Vilja for-
svarsmenn þessara fyrirtækja að
Akureyrarbær falli tafarlaust frá
þeirri ætlan sinni að setja upp um-
ræddar hraðahindranir ásamt til-
heyrandi hraðatakmörkunum enda
sé þeim ekki kunnugt um að um-
ferðaróhöpp á svæðinu hafi verið
tíðari en annars staðar í bænum.
Sinfóníuhljómsveit
Norðurlands
Vínartón-
leikar
SJÖUNDA starfsár Sinfóníuhljóm-
sveitar Norðurlands hefst með
Vínartónleikum í Glerárkirkju á
morgun, sunnudaginn 24. október,
kl. 16.
Einsöngvari á tónleikunum er
Signý Sæmundsdóttir. Fluttar
verða ýmsar perlur, s.s. Keisara-
valsinn, Tritsch-Tratsch polki, Ra-
detsky marsinn og lög úr Kátu
ekkjunni, Czardás-furstaynjunni
og fleiri lög. Einnig verður flutt Di-
vertissement eftir Jaquies Ibert.
Stjómandi hljómsveitarinnar er
Guðmundur Óli Gunnarsson.
Akureyrarbær
Samþykkt skipulag
Breyting á skipulagi suðurhluta Oddeyrar.
Bæjarstjórn Akureyrar samþykkti hinn 9. september 1999
breytingu á aðal- og deiliskipulagi suðurhluta Oddeyrar.
Skipulagsbreytingin felst í því að lóð leikskólans Iðavalla við
Gránufélagsgötu er stækkuð til austurs og fellt þar niður
almennt útivistarsvæði.
Skipulagstillagan var auglýst skv. skipulagsreglugerð 14. júlí-
25. ágúst sl. Ein athugasemd var gerð við tillöguna.
Breytingin tekur gildi við auglýsingu í B-deild Stjórnartíðinda
29. október 1999.
Frekari upplýsingar eru veittar á skipulagsdeild Akureyrar.
Skipulagsstjóri Akureyrar.