Morgunblaðið - 30.10.1999, Qupperneq 12

12 LAUGARDAGUR 30. OKTÓBER 1999
MORGUNBLAÐIÐ
FRÉTTIR
Sektum fyrir umferð-
arlagabrot fjölgar um
15,7% að meðaltali
Landgræðsluverð-
launin 1999 afhent
FJÖLDI útsendra sektarboða fyr-
ir umferðarlagabrot er orðinn
15,7% meiri á fyrstu níu mánuðum
þessa árs miðað við sama tíma í
fyrra eða 28.775 en fjöldinn var
24.868 samkvæmt upplýsingum frá
Ríkislögreglustjóra. Hlutfall inn-
heimtra sekta er heldur lakara eða
77,1% í ár en var 80,8% í fyrra.
Mjög er misjafnt eftir lögreglu-
umdæmum hversu mikið útsend-
um sektarboðum hefur fjölgað og
á nokkrum stöðum hefur þeim
fækkað og á það til dæmis við um
Reykjavík. Þar voru sektir orðnar
9.339 í ár en voru 11.919 fyrstu níu
mánuðina í fyrra og hefur þeim því
fækkað um rúmt 21%.
Mikil aukning á Akureyri
og í Kópavogi
A Akureyri hefur sektum fjölg-
að um 40%; þær voru 2.876 í ár en
voru rúm tvö þúsund í fyrra. í
Kópavogi hefur þeim fjölgað úr
1.849 í 2.965 eða um rúm 60%. í
einu fámennu umdæmi hefur fjöldi
sektarboða dregist saman um
Skemmdir á
bíl sem ekið
var á hross
TALSVERÐAR skemmdir urðu á
bíl sem ók á hross á móts við
Miklaholtssel í Eyja- og Mikla-
holtshreppi í gær. Atvikið átti sér
stað laust eftir klukkan sjö í gær-
morgun. Hrossið lenti á hægra
framhomi bílsins og fékk
rúðukarm framan á hausinn neðan
við augu. Það drapst.
Hlutfall inn-
heimtra sekta er
heldur lakara
en í fyrra
helming, þau voru þar tvö í fyrra
en eitt á sama tíma í ár. Langmest
hlutfallsleg aukning hefur orðið á
Patreksfirði þar sem sektarboðum
fjölgaði úr 26 í 172 eða 561% og í
Bolungarvík er næstmesta fjölg-
unin eða úr 25 í 90 sem er 260%
aukning.
Ámi E. Albertsson, aðstoðaryf-
irlögregluþjónn hjá Ríkislögreglu-
stjóra, segir erfitt að draga nokkr-
ar ályktanir af þessum samanburði
nú þar sem hann er ekki orðinn
nógu langvarandi. Þegar safnað
hafí verið upplýsingum í tvö til
þrjú ár megi nota efniviðinn til að
skoða fjölda og eðli sekta. Mætti
þá hugsa sér að meta hvort fram
hafi komið einhver sérstök til-
hneiging til umferðarlagabrota á
ákveðnum svæðum og væri hægt
að nota slíkar upplýsingar í for-
varnaskyni. Taldi Arni einsýnt að
slíkan efnivið mætti nota í því
skyni þegar meiri upplýsingar
hafa safnast fyrir. Hann bendir
einnig á að tölurnar eigi við um
mál sem lokið hefur verið með
sektum en ekki séu talin með al-
varlegri málin en þau séu hins veg-
ar ekki mjög mörg.
1.982 kærur fyrir tilstilli
hraðamyndavéla
Þá hefur lögreglan kært í 1.982
málum þar sem byggt er á upplýs-
ingum frá hraðamyndavélum frá
byrjun ársins og til 26. október. Af
þeim hefur 1.530 málum, eða rúm-
um 77%, verið lokið með greiðslu
sektar, 344 mál eru enn í meðferð
og 100 hefur verið lokið með öðr-
um hætti. Aðeins 8 mál eða 0,4%
eru í dómsmeðferð.
Arni sagði að ekki væri raun-
hæft að bera fjölda hraðasekta
með myndavélunum í ár saman við
fjölda slíkra mála á síðasta ári þar
sem vélamar voru teknar í notkun
á síðasta ári og menn hefðu farið
varlega af stað. Tvær vélar eru nú
orðið í stöðugri notkun hjá lögregl-
unni um allt land og sagði Ámi svo
hafa verið allt árið.
ÁRLEG landgræðsluverðlaun voru
afhent við hátíðlega athöfn að
Gunnarsholti í gær og eru verð-
launahafar að þessu sinni Jón Hall-
grímsson, bóndi á Mælivöllum í
Jökuldal, Leó Guðlaugsson úr
Kópavogi og Ungmennahreyfing
Rauða kross íslands. Það voru þeir
Guðni Ágústsson landbúnaðarráð-
herra og Sveinn Runólfsson land-
græðslustjóri sem afhentu vinn-
ingshöfunum verðlaunin, sem eru
fjöregg Landgræðslunnar smíðuð
úr tró af þeim Eddu Björnsdóttur
og Hlyni Halldórssyni á Miðhúsum.
I frótt frá Landgræðslunni kem-
ur fram að tilgangur landgræðslu-
verðlaunanna sé að vekja athygli
almennings á því hve mikið starf sé
unnið af hendi við ræktun og um-
hverfísfegrun. Hlýtur Jón Hall-
grímsson verðlaunin nú vegna
ómældrar vinnu og fjármuna sem
hann hefur ásamt fjölskyldu sinni
lagt í uppgræðslustarf á Mælivöll-
um. Árangur þess hefur ekki látið á
sór standa því í stað uppblásinna
mela eru þar nú grösugir hagar.
Leó Guðlaugsson er einn af stofn-
endum Skógræktarfélags Kópa-
vogs, var formaður þess 1976-1979
og á enn sæti í stjóm félagsins. Leó
hefur lengi unnið mikið og óeigin-
gjarnt starf fyrir félagið og var
hann m.a. einn aðalhvatamaður
þess að skógræktarfélagið eignað-
ist jörðina Fossá í Kjós til skóg-
ræktar.
Ungmennahreyfíng Rauða kross-
ins hlýtur hins vegar verðlaunin
fyrir að hafa lagt dijúgan starf til
betra lands og lífs með starfí sínu
en hún hefur m.a. staðið fyrir ár-
legum umhverfísnámskeiðum fyrir
unglinga í Þórsmörk. Hafa nám-
skeið með svipuðu sniði einnig ver-
ið haldin á Húsavík, í Breiðdal og
nú siðast á Flateyri.
Morgunblaðið/Júlíus
Þau sem tóku við verðlaununum vom Amar Hjálmarsson og Unnur Iljálmarsdóftir, fyrir hönd ungmenna-
hreyfíngar Rauða krossins, Leó Guðlaugsson og Jón Hallgrímsson. Lengst til vinstri er Sveinn Runólfsson
landgræðslustjóri og lengst til hægri er Guðni Ágústsson landbúnaðarráðherra.
Nýjungar í félags-
þjónustu fyrir aldraða
Sjálfstæðismenn gagnrýna títboð
lóða í Grafavogi
Efnaminna fólki
gert erfiðara fyrir
FÉLAGSþJÓNUSTAN í Reykjavik,
öldrunarþjónustudeild, er í dag
með opið hús í Félags- og þjónustu-
miðstöðinni að Aflagranda 40 í
Reykjavík milli klukkan 13 og 17.
Að sögn Þórdísar Lóu Þórhalls-
dóttur, yfirmanns öldmnarþjón-
ustudeildar Félagsþjónustunnar í
Reykjavik, er þetta framtak liður í
kynningarátaki sem Félagsþjónust-
an í Reylqavík stendur fyrir um
þessar mundir á félagslegri þjón-
ustu fyrir aldraða í Reykjavík.
„Við viljum kynna nýjungar í
öldrunarþjónustu sem Reykjavík-
urborg hefur verið að taka upp á
þessu ári, það er kvöld- og helgar-
þjónusta sem partur af heimaþjón-
ustu. Einnig er nýlunda aksturs-
þjónusta fyrir þá sem ekki geta
komið sér sjálfír í félagsstarf aldr-
aðra,“ sagði Þórdís Lóa í samtali
við Morgunblaðið.
En hvers vegna skyldi slík
þjónsta vera á döfinni núna?
„Hópur aldraðra býr við félagslega
einangmn og við leggjum gríðar-
lega mikla áherslu á að ijúfa þá
einangrun með félagsstarfí, þar
kemur umrædd akstursþjónusta
inn í,“ svarar Þórdís Lóa; Hún gat
þess að lítið þyrfti að breytast í lífi
aldraðs fólks til þess að það ein-
angraðist.
„Fráfall maka eða veikindi geta
orðið til þess að fólk missir sam-
band við sitt nánasta umhverfi. Því
er mjög mikilvægt að félagsstarf
aldraðra mæti þeim félagslegu
þörfum sem af slíku skapast."
En hefur ekki áður verið boðið
upp á kvöld- og helgarþjónustu hjá
Félagsþjónustunni í Reykjavík?
„Nei, það hefur ekki verið gert.
Okkar markmið með heimaþjón-
ustu er að stuðla að því að aldraðir
geti búið sem lengst heima hjá sér.
Okkur hefur sýnst vera aukin þörf
á því að aldraðir fái einnig þjón-
ustu á kvöldin og um helgar,"
sagði Þórdís Lóa ennfremur.
Skyldi vera sæmilegt ástand í
húsnæðismálum aldraðra núna?
„Það er ágætt hvað varðar þjón-
ustuíbúðir en mikil þörf er á hjúkr-
unarrými í borginni. Við hjá Fé-
lagsþjónustunni rekum þjónustuí-
búðir fyrir aldraða. Við erum með
312 slíkar íbúðir í borgimii. Þess
má geta að við höfum verið að skil-
greina hugtakið þjónustuibúðir og
leggjum þar mikla áherslu á sjálf-
ræði og sjálfstæði aldraðra. í þjón-
ustuíbúðum Reykjavíkurborgar
leigir aldrað fólk en sér að öðru
leyti um sinn heimilisrekstur með-
an það getur og vill. Hins vegar
stendur því til boða ýmis þjónusta,
svo sem öryggisvakt sem lítur til
fólksins þegar þörf er á, fullt fæði,
félagsstarf og persónuleg aðstoð ef
fólk óskar.
í opna húsinu ætlum við að
kynna alla félagslega þjónustu fyr-
ir aldraða í borginni og allar stöðv-
amar okkar verða með kynningu á
starfseminni sinni. Allir þeir íbúar
Reykjavíkur sem em áttræðir á
þessu ári em sérstaklega boðnir
velkomnir í opna húsið okkar að
Aflagranda 40.“
ÚTBOÐ lóða í heilu hverfi í Graf-
arvogi, sem fer fram á næstunni,
er að mati minnihluta borgar-
stjómar til þess fallið að gera
efnaminni einstaklingum ókleift að
byggja eigið húsnæði.
Inga Jóna Þórðardóttir, oddviti
sjálfstæðismanna í borgarstjórn,
segir sjálfstæðismenn hafa alvar-
legar athugasemdir við framgang
þessa máls. Þetta sé fyrsta hverfið
sem er skipulagt af meirihlutanum
í sex ár. Viðvarandi lóðaskortur
hafi hins vegar verið og eigi hann
sinn þátt í því að spenna upp fast-
eignaverð í Reykjavík og á höfuð-
borgarsvæðinu.
Aðferð R-listans, að bjóða upp
hverja einustu íbúðalóð í nýju
hverfi sem á að rúma um 5.000
manns, segir Inga Jóna að sé til
þess eins fallin að efnaminna fólk
geti ekki byggt eigið húsnæði.
Búið er að skipuleggja 650 íbúð-
ir og segir Inga Jóna útboðið hafa í
för með sér að einungis hæstbjóð-
endur hljóti lóðir. Lágmarksverð
lóðanna sýnist henni hins vegar
vera milli 20-50% hærra en það
verð sem er í gildi í dag. Útboðið
hækki verðið síðan enn frekar
þannig að gera megi ráð fyrir að
lóð undir einbýlishús kosti að lág-
marki þrjár milljónir króna óháð
stærð hússins.
„Þessar 3 milljónir verða menn
að staðgreiða áður en þeir fá bygg-
ingarleyfi. Þannig að verið er að
gera efnaminna fólki ókleift að
byggja sitt eigið húsnæði. Þetta er
stefna sem miðast að því að þeir
sem lægri tekjur hafa séu dæmdir
til að verða leiguliðar," segir Inga
Jóna.
Útboð og verðlag lóðanna telur
Inga Jóna að muni spenna fast-
eignaverð upp enn meira en verið
hefur og segir hún slíkt alvarlega
þróun. Borgaryfirvöld ættu þvert
á móti að stuðla að því að fast-
eignaverð hækki ekki.
Þessi vinnubrög segir Inga Jóna
hins vegar frekar til þess fallin að
stuðla að lóðabraski. „Ástæðan
fyrir þessu öllu saman er auðvitað
sá lóðarskortur sem verið hefur í
borginni.“ En að mati Ingu Jónu
felst lausnin í nægu lóðaframboði á
hverjum tíma. „Við erum mjög
ósátt við að þessi aðferð skuli vera
valin þegar heilt nýtt hverfi er til
úthlutunar. Lóðir hafa í einstaka
tilvikum verið boðnar út, en það
verður á sama tíma að vera hægt á
að bjóða upp á annan kost fyrir þá
sem ekki geta slíkt."