Morgunblaðið - 06.04.2000, Qupperneq 37

MÓRGUNBLAÐIÐ
FÍMMTUDAGUR 6. AJPRÍL 2000 3 7
MENNTUN
Landbúnaðarháskólinn á Hvanneyri
Samvinnuháskólinn á Bifröst
Nýting og
umönnun
lands frá
ýmsum
hliðum
LANDBÚNAÐARHÁSKÓLINN á
Hvanneyri var stofnaður 1. júlí 1999,
en byggir á grunni búvísindadeildar
Bændaskólans á Hvanneyri, sem
veitt hafði háskólakennslu frá árinu
1947. Skólinn býður upp á nám sem
tengist nýtingu og umönnun lands
frá ýmsum hliðum og hefur undan-
farin ár boðið upp á nám á einni
braut á háskólastigi, búfræði, sem
kennd verður áfram.
Búfræðibrautinni má lýsa sem
hagnýtri náttúrufræði í mjög víðum
skilningi og eru kenndar helstu und-
irstöðugreinar búfræðinnar; jarð-
rækt, búfjárrækt, bútækni og bú-
stjórn. Þetta nám tekur mið af
þörfum þeirra sem vilja að námi
loknu starfa við búskap, leiðbeining-
ar og kennslu í búfræði, rannsóknir
eða hefja rannsóknanám.
Morgunblaðið/Ásdís
Á komandi hausti hefst kennsla á
nýrri braut, landnýtingarbraut.
Námið fjallar um landnýtingu í víð-
um skilningi, m.a. landgræðslu og
skógrækt, og kenndar eru undir-
stöðugreinar náttúrufræði, vist-
fræði, úthaganýting, landbætur og
skógrækt. Þetta nám er hentugt fyr-
ir þá sem hafa sérstakan áhuga á
umönnun lands, hvernig hægt er að
bæta ásýnd og gæði lands og hvemig
hægt er að skapa nýja möguleika í
dreifbýli, t.d. með skógrækt.
Áætlað er að þriðja brautin á há-
skólastigi hefjist haustið 2001. Það
er kennsla í umhverfisskipulagi. Þar
er lögð áhersla á skipulagningu um-
hverfisins, kenndar eru undirstöðu-
greinar skipulagsfræða, vistfræði,
búlandafræði og hönnunar. Þetta
nám er sniðið iyrir þá sem vilja
starfa með skipulagshönnuðum eða
landslagsarkitektum, við landvörslu,
rannsóknir eða hefja rannsóknanám.
Nýtískulegir nemendagarðar
Auk náms á háskólastigi er einnig
í boði við LBH nám á framhalds-
skólastigi, starfsmenntanám í bú-
fræði. Við LBH starfa um 20 kennar-
ar í föstu starfi, auk nokkurs fjölda
stundakennara. Hluti af starfi kenn-
ara felst í rannsóknavinnu og eru
fjölmargar rannsóknir stundaðar á
Hvanneyri, sem nýtast beint og
óbeint við kennsluna. Skólinn starf-
rækir skólabú sem notað er til
kennslu og rannsókna og einnig er
stutt að fara í ýmiss konar vett-
vangsvinnu.
Undanfarin ár hafa verið byggðir
upp nýtískulegir nemendagarðar á
Hvanneyri með einstaklingsher-
bergjum og fjölskylduíbúðum, auk
þess sem nemendur geta leigt her-
bergi á heimavist skólans. Á Hvann-
eyri eru bæði grunnskóli og leikskóli
og því er auðvelt fyrir nemendur
með börn að stunda nám við skólann.
Margvíslegur ávinningur næst því
með staðsetningu skólans í byggða-
kjarnanum á Hvanneyri. Nálægð
starfsfólks og nemenda er mikil og
betri tengsl skapast en í flestum
þeim skólum sem stærri eru.
Tónlistarskólinn í Reykjavfk
Elsti starf-
andi tón-
listarskóli
landsins
TÓNLISTARSKÓLINN í Reykja-
vík er elsti starfandi tónlistarskólinn
á landinu, stofnaður 1930. Skólinn
veitir tónlistarmenntun á íramhalds-
og háskólastigi og er skipt í tvo megin
hluta, annars vegar almennar deildir
fyrir nemendur sem stunda nám að
hluta til í skólanum og hins vegar í
sérdeildir íyrir nemendur sem
stunda fullt nám og stefna að loka-
prófi.
í almennum hljóðfæradeildum og
söngdeild er kenndur hljóðfæraleik-
ur og söngur á framhaldsskólastigi,
en þegar námi lýkur þar á nemandi
kost á að setjast í kennaradeild eða
Morgunblaðið/Sverrir
einsöngsprófi. Þrjár megin sérdeildir
eru innan skólans; kennaradeild, ein-
leikara- og einsöngvaradeild og tón-
fræðadeild.
Söng- og hljófærakennaradeildir
mennta kennara til að kenna á ein-
stök hljóðfæri og tónmenntakennara-
deild menntar kennara til að kenna
Nám í kennaradeild tekur þrjú ár og
lokapróf jafngildir B.Mus. prófi.
Nám við einleikara- og einsöngv-
aradeild tekur 2-4 ár að loknu 8. stigs
prófi og sérstöku forprófi. Nemendur
verða auk hljóðfæra-/söngnáms að
leggja stund á tónfræðigreinar.
Markmið tónfræðadeildar er að út-
skrifa tónlistarmenn, sem teljast
hæfir skv. séi-menntun sinni til að
starfa við útsetningar, tónfræðirann-
sóknir, tónsmíðar og umfjöllun um
tónlist í fjölmiðlum og kennslu í tón-
fræðigreinum.
í skólanum er starfrækt sinfón-
íuhljómsveit, margir kammermúsík-
hópar og stærsta tónlistarbókasafn
landsins. Um 20-30 opinberir tónleik-
ar eru haldnir á vegum skólans ár-
lega, ásamt fjölmörgum tónleikum
innan skólans. Skólinn hefur sam-
vinnu við aðra tónlistarskóla, fram-
haldsskóla, RÚV og Sinfóníuhljóm-
sveit Islands og er aðili að Norræna
tónlistarháskólaráðinu, Evrópusam-
bandi tónlistarháskóla og sMpti-
nemasamtökunum í Evrópu, Norplus
Háskólinn í Reykjavík
Tölvutækni
og viðskipti
í fyrirrúmi
HÁSKÓLINN í Reykjavík hóf
starfsemi sína í september 1998, en
skólinn er sjálfseignarstofnun og
skipar Verslunarráð Islands stjórn
stofnunarinnar. Eitt meginmark-
miðið er að tryggja útskrifuðum
nemendum öflugan fræðilegan
bakgrunn sem veitir þeim aðgang
að erlendum háskólum og gerir þá
eftirsótta í atvinnulífinu. Kennt er í
tveimur deildum við HR; tölvunar-
fræðideild og viðskiptadeild.
I tölvunarfræðideild er í boði
þriggja ára, 90 eininga BS-nám.
Nemendur útskrifast með BS-próf
í tölvunarfræði, einnig er mögu-
leiki á að ljúka BS-prófi í tölvunar-
fræði með viðskiptafræði sem
aukagrein. Þá geta nemendur valið
að útskrifast sem kerfisfræðingur
HR, sem er tveggja ára nám. Mikil
áhersla er lögð á verkefni nem-
enda, bæði hóp- og einstaklings-
verkefni. í lok hverrar annar er
námsefni samþætt með verklegum
hugbúnaðarverkefnum. Nú eru
nemendur annars árs að vinna
verkefni í samstarfi við atvinnu-
lífíð. Hugbúnaðarverkefni Hannes-
Morgunblaðið/Ásdís
ar Péturssonar er rafrænt sam-
þykktarkerfi fyrir fyrirtækið
Fakta.
„Verklegu námskeiðin eru af-
skaplega mikilvægur þáttur náms-
ins og sú reynsla sem fæst með
verkefnum er raunhæf og veitir
innsýn í störf í hugbúnaðarfram-
leiðslu. Bóklegi grunnurinn nýtist
einnig mjög vel í hugbúnaðarverk-
efnunum,“ segir Hannes.
I viðskiptadeild er boðið upp á
þriggja ára, 90 eininga BS-nám.
Nemendur útskrifast með BS-próf
í viðskiptafræði, einnig er mögu-
leiki á að ljúka BS-prófi í viðskipta-
fræði með tölvunarfræði sem auka-
grein. Að loknu tveggja ára námi
eiga nemendur kost á að útskrifast
með diplóma í viðskiptafræði. Við-
skiptadeild HR býður nemendum
krefjandi viðskiptanám í virkum
tengslum við atvinnulífið. Áhersla
er lögð á skapandi hugsun, raun-
hæf verkefni og árangursríkt hópa-
starf.
Stefnt að meistaranámi í
rafrænum viðskiptum
I lok fyrsta og annars árs vinna
nemendur veigamikil verkefni þar
sem öll námskeið tengjast saman
á raunhæfan hátt. Slík samþætt-
ing gerir það að verkum að til-
gangur námsins í heild verður
augljósari.
Að sögn Bjargar Birgisdóttur,
námsráðgjafa HR, er skólinn í öfl-
ugu samstarfi við atvinnulífið. Góð-
ur aðbúnaður er fyrir nemendur í
skólanum sem þeir nýta sér vel. í
vetur hafa verið um 450 nemendur
í skólanum og er áætlað að þeir
verði hátt í 600 á næsta ári.
Helstu nýjungar í starfi skólans
eru undirbúningur náms í rafræn-
um viðskiptum. Þessi námsleið
verður fyrsta meistaranámið sem
boðið verður við HR. Það verður
spennandi fyrir skólann þar sem
rafræn viðskipti er á mótum tölv-
unar- og viðskiptafræði og þannig
samnýtist sú þekking sem fyrir er.
Margir háskólar eru að byrja að
bjóða nám í rafrænum viðsMptum,
enda er kallað eftir því í atvinnu-
lífinu og því er þetta mjög áhuga-
verður og spennandi kostur.
Fagháskóli
á sviði
rekstrar og
viðskipta
SAMVINNUHÁSKÓLINN á Bif-
röst er ungur háskóli, stofnaður
1988, en byggir á grunni Samvinnu-
skólans, sem stofnaður var árið 1918.
Ásmundur Þórðarson, aðjúnkt hjá
Samvinnuháskólanum, segir skólann
alhliða viðskiptaháskóla sem leiti að
sköpunai'gleði, frumkvæði og sam-
skiptahæfni hjá þeim sem fá inn-
göngu. Skólinn leitast við að veita
slíku fólki tækifæri til að beina sköp-
unargleðinni á svið viðskipta og
rekstrar og nýta sér athafnafrelsi
sitt til að skapa sér framtíð að námi
loknu, en Samvinnuháskólinn er fag-
háskóli á sviðum rekstrar og við-
sMpta.
Staðsetning skólans í Borgarfirði
veitir nemendum það tæMfæri að
geta flutt á Bifröst til þess að ein-
beita sér algjörlega að námi sínu og
fengið heildarlausn í háskólaþorpi
sem er byggt upp með þarfir nem-
endanna í huga.
Áhersla á alþjóðleg
viðhorf nemenda
Samvinnuháskólinn hefur skapað
sér sérstöðu með nýjum aðferðum í
upplýsingatækni og tölvumálum sem
byggist á því að allir nemendur og
kennarar háskólans notast við far-
tölvur sem tengdar eru með þráð-
lausu neti.
Einnig leggur Samvinnuháskólinn
áherslu á alþjóðleika og alþjóðleg
viðhorf nemenda. Þetta er meðal
annars gert með nemenda- og kenn-
arasMptum við erlenda háskóla, þar
Morgunblaðið/Ásdís Haralds
sem nemendum Samvinnuháskólans
gefst kostur á að velja úr nokkrum
erlendum háskólum til að stunda
hluta af námi sínu við. Auk þess
kemur á hverju ári hópur erlendra
nemenda til að stunda nám á Bifröst
og fer því hluti námsins á síðasta ári
fram á ensku.
fjarnam.is
Fjarnám við Samvinnuháskólann
er sambærilegt við nám í rekstrar-
fræði II við skólann. I fjarnáminu er
notuð besta mögulega tækni til að
miðla um Netið kennsluefni, fag-
þekMngu kennara, skoðanasMptum
kennara og nemenda og samsMptum
nemenda sín á milli.
Fyrirlestrar eru settir á Netið í
svokölluðu „Realplayer-formi“.
Nemendur geta í venjulegri heimil-
istölvu hlustað á fyrirlestra og horft
á glærur sem lýsa meginatriðum
þeirra um leið. Þá er sérstakur um-
ræðuhópur á hverju námssviði fyrir
sig, þar sem nemendur geta varpað
fram fyrirspurnum um efni fyrir-
lestra og fengið svarað. Sérstök
spjallrás er jafnframt byggð inn í
fjarnam.is fyrir kennara og nemend-
ur.
Nemendur eru í tölvupóstssam-
bandi við kennara og sMl á verkefn-
um fara fram með þeim hætti. Að
auM koma allir nemendur saman á
Bifröst þrjár helgar á hverju miss-
eri. Fjarnámið er sMpulagt sem
hlutanám og fer fram með hálfum
hraðamiðað við reglulegt nám.
Tækniskóli íslands
Háskóli at-
vinnulífsins
TÆKNISKÓLI íslands var stofnað-
ur árið 1964 og hefur frá upphafi lagt
áherslu á starfsmenntun á háskóla-
stigi, til að opna nemendum með iðn-
menntun leið til framhaldsnáms.
Á undanförnum árum hefur
Tækniskólinn komið á öflugum
tengslum við atvinnulífið og færst
hefur í vöxt að fyrirtæM leiti til skól-
ans með óskir um að hann taM að sér
úrlausnir tilteMnna verkefna, sem
verða gjarnan að lokaverkefnum
nemenda.
„Það má því með sanni segja að
Tækniskólinn sé háskóli atvinnulífs-
ins, segir Svandís Ingimundar,
námsráðgjafi og kynningarfulltrúi
Tækniskólans.
I dag eru 14 mismunandi náms-
leiðir við skólann. Auk tæknifræði er
í boði nám í iðnfræði, meinatækni,
röntgentækni, iðnrekstrarfræði, al-
þjóðamarkaðsfræði, vörustjómun og
sérhæft undirbúningsnám í fmm-
greinadeild skólans.
Tækniskólinn er háskólastofnun
með um 600 nemendur. Skóli af
þessari stærð hefur marga kosti um-
fram fjölmennari skóla, að sögn
Svandísar, og nemendur ná að kynn-
ast vel og era samsMpti og samvinna
þeirra á milli mikil. Aðgengi að kenn-
uram er gott og hver nemandi hefur
töluvert vægi í þessu háskólasamfé-
lagi.
Tæknifræði er þriggja og hálfs
árs nám og lýkur með B.Sc.-gráðu.
Boðið er nám í rafmagnstæknifræði,
upplýsingatæknifræði, bygginga-
tæknifræði, iðnaðartæknifræði og
vél- og orkutæknifræði.
Iðnfræði er þriggja anna nám að
loknu iðnnámi og prófi úr undirbún-
ingsdeild Tækniskóla íslands. í boði
er nám í véliðnfræði, byggingaiðn-
fræði og rafiðnfræði. Byggingaiðn-
fræði er jafnframt fyrri hluti bygg-
ingafræðináms og veitir inngöngu í
danska byggingafræðiskóla. Iðn-
fræðingar eiga þess kost að bæta við
sig námi í eina önn í rekstrargrein-
um og útskrifast þá sem rekstrariðn-
fræðingar.
Iðnrekstrarfræði er tveggja ára
hagnýtt rekstrarnám sem lýkur með
formlegri viðurkenningu eða dipl-
oma og starfsheitinu iðnrekstrar-
fræðingur. Nemendur geta bætt við
sig eins árs námi sem lýkur með
B.Sc.-gráðu í alþjóðamarkaðsfræði
eða vörastjórnun.
Stefnt að stofnun Tækni-
háskóla Islands
Meinatækni og röntgentækni er
fjögurra ára nám og lýkur með
B.Sc.-gráðu. Töluverður hluti náms-
ins er verklegur og fer fram á rann-
sóknarstofum, myndgreiningarstof-
um, sjúkrahúsum og öðrum
stofnunum sem sinna heilbrigðis-
þjónustu.
Frumgreinadeild er tveggja ára
nám og lýkur með raungreinadeild-
arprófi. Deildinni er ætlað að
tryggja verkmenntuðu fólki viðhlít-
andi undirbúning að námi í sér-
greinadeildum skólans og hefur haft
sérstöðu í íslensku skólakerfi frá
upphafi.
Breytingar á rekstrarfýrirkomu-
lagi Tækniskóla íslands era í far-
vatninu, en áætlað er að stofna
Tækniháskóla íslands innan
skamms. Skólinn verður sjálfseign-
arstofnun í nánum tengslum við at-
vinnulífið og er sérstakur viðræðu-
hópur byrjaður að leita samninga við
menntamálaráðuneytið.