Morgunblaðið - 19.04.2000, Blaðsíða 13

MORGUNBLAÐIÐ
MIÐVIKUDAGUR 19. APRÍL 2000 13
FRÉTTIR
Hæstiréttur dæmir í máli bónda sem missti handlegg í vinnuslysi
Tryggingafélagið telst
ekki skaðabótaskylt
HÆSTIRÉTTUR hefur staðfest sýknudóm Hér-
aðsdóms Reykjavíkur j'fir Sjóvá-Almennum
tryggingum hf. í skaðabótamáli sem rúmlega fer-
tugur bóndi úr Norðurárdal höfðaði í kjölfar al-
varlegs vinnuslyss árið 1997.
Maðurinn var í heyskap á dráttarvél með hey-
bindivél driftengda aftan í þegar slysið varð. Til-
drögin voru þau að hann fór út úr dráttarvélinni til
að huga að búnaði heybindivélarinnar en hrasaði
við vélina með þeim afleiðingum að hann festi ann-
an handlegg sinn í vélinni svo af tók um öxl.
Maðurinn krafði tryggingafélagið um bætur að
fjárhæð 23 milljónir króna á grundvelli þeiirar
vátryggingar sem ökumaður naut samkvæmt 92.
gr. umferðarlaga nr. 50/1987 eins og það ákvæði
hljóðaði fyrir breytingu með 2. gr. laga nr. 32/
1998.
Meiðsl af völdum
sérstaks vinnutækis
Hæstiréttm- taldi að sá þáttur í starfi mannsins
að stíga niður af dráttarvélinni hefði ekki lotið að
stjóm dráttarvélarinnar sem vélknúins ökutækis í
merkingu 92. gr. umferðarlaga. Þá væri einnig til
þess að líta að meiðsl hans hefðu orðið af völdum
sérstaks vinnutækis en ekki dráttarvélarinnar
sem ökutækis. Féllst Hæstiréttur á þá niðurstöðu
héraðsdóms að vátrygging samkvæmt 92. gr. um-
ferðarlaga hefði ekki tekið til tjóns mannsins.
Jakob R. Möller hæstaréttai'lögmaður rak mál-
ið fyrir hönd stefnda, tryggingafélagsins, en Jón
Steinar Gunnlaugsson hæstaréttarlögmaður fyrir
hönd stefnanda.
Dómur Hæstaréttar var skipaður þrem dómur-
um, þeim Haraldi Henryssyni, Gunnlaugi Claes-
sen og Markúsi Sigurbjörnssyni.
Atvinnuleysi í
marsmánuði 1,9%
Nettó fagn-
ar nýjum
aðferðum
„FORSVARSMENN Nettó hafa
lengi talið verðkönnun Neytenda-
samtakanna ófullnægjandi. Það er
stjórnendum verslunarinnar því
mikið fagnaðarefni að Neytenda-
samtökin skuli í kjölfar mistaka í
síðustu könnun ætla að taka upp
vandaðri vinnubrögð og breyta
framsetningu,“ segir í yfirlýsingu
frá versluninni í gær.
„Nettó vekur jafnframt athygli á
góðri stöðu verslunarinnar í könn-
uninni - sama hvaða aðferð er beitt.
Þannig er Nettó með mesta beina
lækkun á vörum sem til voru í versl-
ununum í bæði skiptin eða 9,2%.
Þegar litið er á hlutfallslegan verð-
samanburð er Nettó jafnframt næst
lægst þeirra verslana sem mældar
eru í könnun Neytendasamtakanna.
Ef hlutfallsleg verðbreyting er
skoðuð er verslunin í hópi þeirra
sem mest hafa lækkað verð sitt á
tímabilinu og ganga einungis þrjár
verslanir lengra í þá átt. Ánægju
vekur í því sambandi að verslunar-
keðjan Strax, sem er meðal þeirra,
er eins og Nettó í eigu Matbæjar
ehf,“ segir í yfirlýsingunni.
------♦-4-4-----
Biðja Baug
afsökunar
MORGUNBLAÐIÐ hefur verið
beðið að birta eftirfarandi afsökun-
arbeiðni:
„Neytendasamtökin og Sam-
starfsverkefni Neytendasamtak-
anna og ASI félaga á höfuðborgar-
svæðinu biðja Baug afsökunar á villu
sem leyndist í síðustu matvöruverðs-
könnun samstarfsverkefnisins og
kom sér illa fyrir verslanir Nýkaups.
Virðingarfyllst,
Jóhannes Gunnarsson,
formaður Neytendasamtakanna,
Ágústa Ýr Þorbergsdóttir, verkefn-
isstjóri
Áfrit sent Samkeppnisstofnun."
TÆPLEGA 55 þúsund atvinnuleys-
isdagar voru skráðir á landinu öllu í
marsmánuði, þar af ríflega 23 þús-
und dagar hjá körlum og ríflega 31
þúsund hjá konum. Skráðum at-
vinnuleysisdögum hefur fjölgað um
2.500 frá mánuðinum á undan en
hins vegar fækkað um ríflega 16 þús-
und frá marsmánuði 1999. Að því er
fram kemur í yfirliti Vinnumála-
stofnunar um atvinnuástandið er
mannafli á vinnumarkaði í mars
áætlaður 135.384 manns.
Atvinnuleysisdagar marsmánaðar
jafngilda því að 2.523 manns hafi að
meðaltali verið á atvinnuleysisskrá í
mánuðinum eða 1.150 karlar og 1.529
konur. Þessar tölur jafngilda 1,9% af
áætluðum mannafla á vinnumarkaði
samkvæmt spá Þjóðhagsstofnunar
eða 1,4% hjá körlum og 2,5% hjá
konum.
Undanfarin 10 ár hefur atvinnu-
leysi aukist um 4,7% að meðaltali frá
febrúar til mars og er árstíðasveiflan
milli mánaðanna nú í eðlilegu sam-
ræmi við árstíðasveiflur undanfarin
ár, að því er kemur fram í yfírliti
Vinnumálastofnunar.
Hlutfallslega mesta
aukningin á Austurlandi
Atvinnuleysið eykst hlutfallslega
mest á Austurlandi á milli mánaða
eða um 10,6%, sem jafngildir því að
atvinnulausum hafi fjölgað um 11
manns. Lítilsháttar minnkun er á
Suðumesjum, eða um 3%. Hins veg-
ar fjölgar atvinnulausum mest á höf-
uðborgarsvæðinu á milli mánaða eða
um 127 manns, en á svæðinu eru um
61% allra atvinnulausra manna. At-
vinnuleysi er nú hlutfallslega mest á
Norðurlandi vestra en minnst á
Vesturlandi. Atvinnuleysið er nú
talsvert minna en í mars í fyrra á öll-
um atvinnusvæðum nema á Vest-
fjörðum, þar sem það hefur meira en
tvöfaldast miðað við sama tíma í
fyrra.
Samkvæmt yfirliti Vinnumála-
stofnunar má búast við því að at-
vinnuleysið í apríl getið orðið á bilinu
1,4% til 1,8%.
Ríkið sýkn-
að af kröf-
um fanga á
Litla-
Hrauni
HÉRAÐSDÓMUR Reykjavík-
ur hefur sýknað íslenska ríkið
af kröfum fyrrverandi fanga í
fangelsinu á Litla-Hrauni, sem
krafði ríkið um tvær milljónir
króna í bætur fyrir að hafa verið
látinn sæta agaviðurlögum í
fangelsinu að ástæðulausu árið
1998 vegna hassmáls í fangels-
inu.
Maðurinn fór í skaðabótamál
við ríkið eftir að Héraðsdómur
Suðurlands sýknaði hann af
ákæru um að hafa átt rúm 20
grömm af hassi sem fangaverð-
ir fundu í klefa hans. Dómurinn
taldi þá m.a. ekki hægt að úti-
loka að hassinu hefði verið kom-
ið fyrir í klefa hans
Éftir að hassið fannst hjá
fanganum var hann látinn sæta
agaviðurlögum í fangelsinu.
Hann var einangraður í 15 daga
og sviptur vinnulaunum/dag-
peningum að hálfu í 30 daga.
Hann var settur í síma- og send-
ingarbann í jafnlangan tíma og
auk þess áttu heimsóknir til
hans að fara fram eina klukku-
stund á viku, án snertingar, í
sérstöku heimsóknaherbergi,
frá 9. júlí til og með 6. október.
Arngrímur Isberg dómari
hjá Héraðsdómi Reykjavíkur
sýknaði ríkið af kröfum manns-
ins, m.a. á þeim forsendum að
hann hefði viðurkennt það fyrh’
tveim fangavörðum að eiga
hassið og framburður hans hjá
varðstjóra fangelsisins hefði
einnig verið óákveðinn um mál-
ið.
Að mati dómsins var for-
stöðumaður fangelsins í rétti
þegar hann lagði umrædd við-
urlög á fangann, enda má for-
stöðumaður fangelsis, lögum
samkvæmt, refsa fanga sem
brýtur fangelsisreglur.
Hilmar Ingimundarson
hæstaréttarlögmaður fór með
málið fyrir hönd stefnanda og
Einar K. Hallvarðsson hæsta-
réttarlögmaður fyrir hönd
stefnda, ríkisins.
Jarðskjálfti
við Hengilinn
JARÐSKJÁLFTI sem mældist 3 á
Richter varð í gærkvöld rétt fyrir
klukkan 20 í nágrenni Hengilsins.
Upptök skjálftans voru í Hengladöl-
um um 3 km sunnan við Hengilinn og
fannst skjálftinn lítillega í Reykjavík
og Hveragerði. Nokkrir smáskjálft-
ar fylgdu í kjölfar aðalskjálftans.
Ekki hefur borið á fleiri skjálftum
norðan við landið síðan á mánudags-
morgun þegar tugir jarðskjálfta-
kippa, þar af nokkrir upp á 4 á Richt-
er, komu fram á mælum Veð-
urstofunnar.
Haraldur kominn
yfir 400 km markið
Utboð á vélbúnaði
fyrir metangas
HARALDUR Örn Ólafsson pólfari
gekk 15,5 km í góðu veðri á mánu-
dag á leið sinni að norðurpólnum
og mjakaði sér yfir 400 km markið.
Hann hefur alls lagt að baki 405 km
þá 39 daga sem hann hefur verið á
heimskautaísnum og á enn ófarna
365 km á pólinn.
Hann sagði í samtali við ba-
kvarðasveit leiðangursins í hádeg-
inu í gær að snjórinn hefði verið
mjög gljúpur á köflum, sem gerði
sleðadráttinn frekar erfiðan. ís-
hryggir reyndust ekki mikill farar-
tálmi og mestan part dags gekk
Haraldur á opnu svæði. I lok dags-
ins kom hann að mjög brotnu svæði
sem var nokkuð erfitt yfírferðar.
Ingþór Bjarnason bíður tilbúinn í
Resolute með nýjar birgðir handa
Haraldi og flýgur með First Air-
flugfélaginu út á ísinn á morgun,
skírdag, með vistirnar handa fé-
laga sínum. Að loknu birgðafluginu
fer Ingþór áfram með flugvélinni á
norðurpólinn til að sækja þangað
þrjá Svfa úr tveim leiðöngrum sem
lokið hafa ætlunarverki sínu.
Ljósmynd/Ingþór Bjarnason
BORGARRÁÐ hefur samþykkt til-
lögu stjórnar Orkuveitu Reykja-
víkur um að fram fari útboð á vél-
búnaði til framleiðslu raforku úr
metangasi eða hauggasi frá urðun-
arstöð Sorpu i Álfsnesi.
Miðað er við að samningar tak-
ist við Metan hf. um kaup á gasi til
framleiðslunnar. Áætlaður stofn-
kostnaður við vélbúnað og húsnæði
er 45 milljónir.
í greinargerð með tillögunni
kemur fram að niðurstaða könnun-
ar hafi leitt í ljós að hagkvæmara
væri að Orkuveitan ætti og ræki
sjálf rafstöðina og keypti metan-
gas af Metan hf. til raforkufram-
leiðslu.
Tekið er fram að vélin yrði
þannig útbúin að hún gæti keyrt á
öðrum orkugjöfum svo sem dísel-
olíu.
Hugmyndin er að vélin verði í
nýrri aðveitustöð við Esjumel 6 og
að gasleiðsla verði lögð þangað frá
urðunarstað Sorpu í Álfsnesi.