Morgunblaðið - 31.08.2000, Síða 64

>4 FIMMTUDAGUR 31. ÁGÚST 2000
MORGUNBLAÐIÐ
KIRKJUSTARF/FRÉTTIR
I DAG
Safnadarstarf
Hallgrímskirkja. Hádegistónleikar
kl. 12-12.30. Knútur Órn Bjarna-
son, óbó og Katalin Lörinczk, org-
el.
Háteigskirkja. Jesúbæn kl. 20.
Taize-messa kl. 21. Fyrirbæn með
handaryfirlagningu og smurning.
Laugarneskirkja. Kyrrðarstund í
hádegi kl. 12.00. Orgelleikur í upp-
hafi og að stundinni lokinni er létt
máltíð í safnaðarheimili.
Hafnarfjarðarkirkja. Opið hús
fyrir ung börn og foreldra þeirra
kl. 10-12 í Vonarhöfn, Strand-
bergi. Opið hús fyrir 8-9 ára börn
í Vonarhöfn, Strandbergi, kl. 17-
18.30.
Vídalínskirkja. Bænastund kl. 22.
Hjálpræðisherinn, Kirkjustræti 2.
Eva Nordsten frá Svíþjóð og
kafteinn Mariam Óskarsdóttir sjá
um samkomuna á Hernum í kvöld
kl. 20.30. Verið velkomin.
Niðjamót í
Elliðaárdal
NIÐJAMÓT hjónanna Helgu Haf-
liðadóttur og Bergþórs Þorsteinsson-
ar verður haldið sunnudaginn 3. sept-
ember. Mótið verður haldið í
Félagsheimili Rafveitunnar i Elliða-
árdal kl. 15.
Helga Hafliðadóttir fæddist 17.
febrúar 1860 í Gufunesi í Mosfells-
sveit en maður hennar, Bergþór Þor-
steinsson, skipstjóri, var fæddur 5.
september 1854 að Innri Njarðvík.
Foreldrar Helgu voru hjónin Hafliði
Hannesson, hreppstjóri í Gufunesi,
fæddur í Vorsabæ á Skeiðum og Sig-
ríður Bjamadóttir fædd að Kirkju-
bæjarklaustri.
Foreldrar Bergþórs voru Þor-
steinn Bergsson fæddur að Hvamms-
vík í Kjós og Sigríður Bergþórsdóttir
fædd að Gufuskálum í Leiru.
Ráðstefna um
vímuefnameðferð
NORRÆNA rannsóknanefndin á
sviði vímuefna, NAD, heldur ráð-
stefnu um vímuefnameðferð í Reyk-
holti, Borgarfirði, dagana 30. ágúst
til 3. september. Slíkar ráðstefnur
eru haldnar annað hvert ár og flytj-
ast á milli landa. Þátttakendur eru
um 50 frá öllum Norðurlöndunum
og verða fluttir 33 fyrirlestrar auk
pallborðsumræðna.
Á ráðstefnunni verða einkum
fluttir fyrirlestrar um fræðilega, sið-
fræðilega og siðgæðilega valkosti
meðferðarkerfa, áhrif og árangur
meðferðar, meðferð og refsingar -
áhrif og þversagnir. Meðal fyrirles-
ara er Mariana Valverde, prófessor í
afbrotafræði við Háskólann í Tor-
» onto, Kanada. Hún flytur fyrirlestur
sem hún nefnir „Slavery of the will:
alcohol consumption and the liberal
subject". Margaretha Járvinen,
lektor í félagsfræði við Háskólann í
Kaupmannahöfn, talar um „Moral-
ism och veteneskap som faktorer
vid utforming av behandlingstil-
bud“.
Islenskir fyrirlesarar eru Jón
Friðrik Sigurðsson sálfræðingur,
sem fjallar um áfengis- og vímuefna-
meðferð meðal fanga og itrekanir,
Ása Guðmundsdóttir sálfræðingur,
sem fjallar um hugmyndafræðilegar
hindranir í sálfræðilegri meðferð
áfengis- og vímuefnaneytenda og
Jón Ingjaldsson, frá Sálfræðistofn-
uninni við Háskólann í Bergen, um
ómeðvituð ferli í áfengisfíkn.
Ráðstefna um landa-
fundi norrænna manna
STOFNUN Sigurðar Nordals
gengst fyrir alþjóðlegri ráðstefnu
um miðlun þekkingar í hinum
enskumælandi heimi á landafundum
norrænna manna á miðöldum, vest-
urförunum og landnámi Islendinga í
Ameríku, Ráðstefnan fer fram í
Þjóðmenningarhúsinu við Hverfis-
götu 31. ágúst og í Norræna húsinu
1.-2. september 2000. Landafunda-
nefnd styður ráðstefnuna.
Viðfangsefni ráðstefnunnar verða
fræðsla í skólum og á Netinu, safna-
sýningar, þýðingar á fornbókmennt-
um, skáldskapur um landafundi og
vesturferðir og Ijósmyndir frá Is-
lendingabyggðum og kvikmyndir
um landafundi og vesturferðir.
Fyrirlesarar verða: Anna H. Yat-
es, Böðvar Guðmundsson, Carin
Orrling, Daisy Neijmann, David
Arnason, Elisabeth Ward, Gísli Sig-
urðsson, Guðjón Arngrímsson, Guð-
mundur Ingólfsson, Gunnar Karls-
son, Haraldur Bessason, Hjörleifur
Stefánsson, Inga Huld Hákonar-
dóttir, Joan Clark, Joel Berglund,
John Tucker, Jóhanna Karlsdóttir,
Jón Egill Bergþórsson, Jónas Krist-
jánsson, Judith Jesch, Kári Schram,
Keneva Kunz, Rafn Rafnsson,
Rögnvaldur Guðmundsson, Sigrid
Johnson, Sigurjón Jóhannsson, Val-
geir Þorvaldsson og Örnólfur
Thorsson.
Leikhúsið 10 fingur sýnir Leif the
Lucky one eftir Helgu Arnalds í
leikstjórn Þórhalls Sigurðssonar.
Yfírlýsing
HALLDÓR Runólfsson, yfir-
dýralæknir, hefur beðið
Morgunblaðið að birta eftir-
farandi yfirlýsingu:
„Því er hér með lýst yfir að
yfirdýralæknir óskaði eftir
því við landbúnaðarráðuneyt-
ið þann 8. ágúst sl. að það
óskaði eftir opinberri rann-
sókn á útflutningi þriggja
hesta með norsku víkinga-
skipi sem talið er að hafi átt
sér stað þann 3. ágúst sl.
í áðurnefndu bréfi er nafn
Sigurbjörns Bárðarsonar ekki
nefnt á nafn og nafn hans var
heldur ekki nefnt við fjöl-
miðla dagana 9. til 12. ágúst
sl. þó eftir væri leitað af
fjölmiðlum, samanber út-
skriftir úr fjölmiðlum frá
þessum dögum.
Það er þvi yfirlækni algjör-
lega óviðkomandi þó fjölmiðl-
ar hafi dregið nafn Sigur-
björns Bárðasonar inn í
umræðuna um þennan út-
flutning."
Sumarhátíð
Arsels
SUMARHÁTÍÐ Ársels verður í dag,
fimmtudag, milli kl. 17 og 19. Ætlun-
in er að fara saman í leiki, skoða verk
barnanna frá því í sumar og börnin
verða með skemmtiatriði. Hægt
verður að kaupa grillaðar pylsur á
sanngjörnu verði. Allir velkomnir.
-------------------
LEIÐRÉTT
Frá Hnjóti
í GREIN Morgunblaðsins
„Safnadagur á Hnjóti“ þriðjudaginn
29. ágúst féll niður nafn á einu skóla-
barni í myndartexta. Þar láðist að
geta Steins Rúnarssonar frá Grunn-
skólanum í Örlygshöfn sem veitti
viðtöku bréfsefni úr hendi forseta. I
sömu grein var rangt farið með þá
sem sáu um veitingar á hátíðinni á
Hnjóti. Bakarahjónin á Patreksfirði
Kristján Skarphéðinsson og Kristín
Björnsdóttir sáu um gerð kökunnar
sem skreytt var í anda flugminja-
safnins og Guðrún Valgerður
Einarsdóttir hafði yfirumsjón með
kaffiveitingum í flugskýlinu. Beðist
er velvirðingar á þessum mistökum.
VELVAKANDI
Svarað í síma 569 1100 frá 10-12 og 13-15
frá mánudegi til föstudags
Dægrastytting
eða matar-
skortur
ÉG er algjörlega sammála
Kristjáni F. Guðmunds-
syni sem skrifaði í Vel-
vakanda 25.ágúst sl. grein
sem heitir „Stoppið þið
tætingsliðið". Ég er al-
gjörlega mótfallin því að
menn fái að drepa sér til
dægrastyttingar litlu fugl-
ana okkar. Varla getur
það stafað af matarskorti
að þeir vilja bæta hrossa-
gauknum á dauðalistann.
Líklegra er að við þjá-
umstum af of miklu
neysluæði. Það sýna nú
best allir afístrunarstað-
irnir sem sprottið hafa
upp undanfarin ár. Veiði-
menn tala um að hrossa-
gaukurinn sé skotinn í út-
löndum. Ég spyr, þurfum
við endilega að apa allt
eftir frá öðrum löndum?
Ég vona bara að skot-
veiðimenn finni sér annað
til dundurs en að skjóta
mófuglana okkar sem
koma um langan veg á
hverju vori okkur hér á
klakanum til yndisauka.
Guðrún Magnúsdóttir.
Það er gaman
að verða gamall
og ríkur
UNDIRRITAÐUR hefur
verið vistmaður á Hrafn-
istu í Reykjavík frá því í
ársbyrjun 1997. Áður en
ég kom hingað var fjár-
hagur minn metinn þann-
ig að sú fjárhæð sem mér
var áætluð í skatt var
endurgreidd mér á álagn-
ingardegi. Eftir að ég
kom hingað tók fyrir
þessar endurgreiðslur og
hafa álögur farið hækk-
andi síðan og nú í ár er
mér gert að greiða kr. 22
þúsund + fyrirfram-
greiddan skatt kr.11.478
eða samtals kr. 33.478.
Við vistun á Hrafnistu
yfirfærðust tryggingabæt-
ur mínar á stofnunina og
nam sú upphæð síðastliðið
ár kr.1.261.075 að meðtal-
inni dvalarheimilisuppbót
sem er kr. 115.186. Ekki
tel ég Hrafnistu ofgreitt
með þessu og þó meira
værien finnst þó nokkuð
ankannalegt að ég skuli
þurfa að bæta auknum
álögum við það að vistast
hingað. Þess ber að gæta
að ég hef síðastliðin tvö ár
fengið greidda svonefnda
vasapeninga frá Trygg-
ingastofnun Ríkisins og
nam sú greiðsla kr. 18.278
fyrir árið 1998 og kr.
54.548 síðastliðið ár.
Fagnaði ég að sjálfsögðu
þessu örlæti hins opin-
bera en bjóst ekki við að
þeir yrðu skertir með
auknum álögum. Já, það
er vissulega ánægjuleg
tilfinning að verða gamall
og þar með færari um að
leggja sitt af mörkum til
þjóðarbúsins (þótt í litlum
mæli sé) og þess marg-
rómaða velferðarkerfis en
samt síast inn i vitund
manns sú tilfinning að það
sem hin örláta hægri
hönd þess réttir og ber að
þakka þá finnst mér sú
vinstri nokkuð aðgangs-
hörð í að ná því til baka,
a.m.k. þegar aldraðir og
aðrir sem höllum fæti
standa eiga í hlut.
Eyjólfur Valgeirsson,
kt.120414-2919.
Þakkir til Kristjáns
F. Guðmundssonar
MIG langar til að þakka
Kristjáni F. Guðmunds-
syni fyrir grein í Velvak-
anda 25.ágúst sl. sem
heitir „Stoppið þið tæt-
ingsliðið". Þetta eru orð í
tíma töluð sem ég tek
heilshugar undir.
Ari V. Ragnarsson,
Garðabæ.
Rusl, rusl
og aftur rusl
HVER á að hreinsa rusl á
almannafæri, t.d. á bíla-
stæðum, göngustígum að
verslunum, meðfram girð-
ingum innan þeirra í trjá-
gróðri o.s.frv. Ég hef yndi
af að ganga á sólardegi í
kyrru veðri milli Austur-
bergs og Vesturbergs.
Þar eru grænir reitir,
blóm og bekkir til að hvíla
sig á og horfa á dýrðina
og láta sig dreyma um
bjarta daga. En stundum
þarf að ég að fara eftir
meðulum í apótekið, bein-
ustu leið austur Norður-
fellið. Á þessari leið var
mér eitt sinn litið yfir
græna girðingu meðfram
gangstéttinni og sá þar
ljóta sjón. Þar úði og
grúði af alls konar drasli.
Á hverju sumri hef ég at-
hugað hvort ekki væri
eitthvað af þessu hreinsað
en alltaf bætist bara við
ruslið og arfmn er kominn
sums staðar hálfa leið upp
í grenitrén. Ég hef aldrei
séð neitt ljótara í nokk-
urri borg. Verra er þó
annað svæði og er það
nær mér. Ég hef séð lítil
börn leika sér, nánar til-
tekið í rennunni við leigu-
bílastöðina milli Drafnar-
fells og Eddufells svo
leigubílstjórar á þeirri
stöð sjá þetta eflaust. Það
þýðir ekki að sópa þar,
heldur þyrfti að skafa upp
þykka drullu, sand og
grjót. I leysingum á vetr-
um fyllist þarna af vatni,
því ræsið er að sjálfs-
sögðu stíflað og verður
áhugavert fyrir börn að
leika sér í því svaði sem
myndast. Svo ef frýs eftir
leysingarnar verður stór-
hættulegt að ganga yfir
planið. Á hverju ári er ég
að búast við einhverjum
hreinsunarmönnum því
þarna er vissulega þörf á
að hreinsa. I fyrra var
auglýst að allir í Breið-
holtinu færu út að hreinsa
bílastæði og garða en
ekkert gerðist með þessi
svæði og ekki heldur í
vor. Þarna er göngustígur
upp að fyrirtækjum og
verslunum sem aldrei er
sópaður og liggja þar þús-
undir vindlingastubba og
alltaf bætist við. Þetta sjá
þeir sem hlaupa ekki upp
í bíl og kæra sig kollótta.
Það skal tekið fram að
mjög snyrtilegt er bak við
húsin og þar er stundum
hreinsað.
Nú á tímum hendir fólk
alls konar rusli út í loftið.
Til hvers? Getur fólk ekki
stungið bréfum í vasa sína
og hent svo í næsta rusla-
dall eða bara farið með
heim? Ég ætla að ráð-
leggja fólki sem reykir úti
að hafa meðferðis blikk-
dós með loki svo þeir geti
látið stubbinn frá sér í
hanafrekar en að fylla
götur og biðskýli með
stubbum. Ég hef séð log-
andi stubb á gangvegi og
lítið barn að ná í. Finnst
fólki þetta í lagi? Hvenær
fáum við hreina borg?
Pálína Magnúsdóttir,
Asparfelli 12
Reykjavík.
Hver samdi vísuna?
HUN amma mín hefur
óskað eftir því að ég komi
eftirfarandi fyrirspurn á
framfæri. Amma er fædd
árið 1917 á Blönduósi og
bjó þar til 16 ára aldurs.
Sem ung stúlka lék hún
sér oft í nágrenni Blöndu,
og einhverntíman í æsku
lærði hún þessa vísu, sem
skrifuð var á brúarstólpa:
Sólarandans ljúfust
ljóð/ lætur gjalla tíðum./
Glymur Blanda ástaróð/
undir fjallahlíðum.
Nú langar hana að
komast að því hvort ein-
hver viti hver samdi vís-
una, og einnig hvort rétt
sé haft eftir.
Þeir sem geta gefið
upplýsingar vinsamlega
hafið samband á netfang-
inu: aingolfs@hi.is
Með fyrirfram þökk,
Auður H Ingólfsdóttir.
13 tungla ár
HELGI Pálmarsson hafði
samband við Velvakanda
og langaði að koma á
framfæri fyrirspurn um
hvenær væri næst 13
tungla ár? Var honum
kennt sem barni að ef það
væri 13 tungla ár væri
mikið um slysfarir.
Dýrahald
Orðsending til
kattareigenda
ÞAÐ er óvenju mikið af
óskilaköttum í Kattholti.
Eigendur geta vitjað katt-
anna á milli kl.14-17 virka
daga eða haft smaband í
síma 567-2909.
Víkverji skrifar...
FLESTIR kannast við sögur af
iðnaðarmönnum sem láta við-
skiptavini sína bíða eftir sér eða
svíkja gefin loforð. Margir hafa
slíkar sögur að segja þessi misser-
in vegna þess að eftirspurn eftir
iðnaðarmönnum hefur verið afar
mikil. Víkverji er ekki viss um að
iðnaðarmenn geri sér í öllum tilfell-
um grein fyrir því hversu miklum
óþægindum þeir valda fólki sem
bíður vikum og mánuðum saman
eftir að þeir ljúki þeim verkefnum
sem þeir tóku að sér.
Víkverji þekkir fullorðna konu
sem hefur allt þetta ár verið að
berjast við að fá smið til að gera
við lekan glugga. Lekinn í gluggan-
um hefur verið smám saman að
aukast og er nú svo komið að kon-
an verður stöðugt að vera á verði
og þurrka upp bleytu frá gluggan-
um svo að hún skemmi ekki park-
etið. Það tók konuna nokkum tíma
að fá smið til að laga gluggann, en
eftir að hann hafði lofað að taka
verkið að sér lofaði hann að koma
einn tiltekinn miðvikudag. Konan
beið allan daginn og allt kvöldið en
ekki kom maðurinn. Hún beið allan
fimmtudaginn og föstudaginn, en
ekkert bólaði á smiðnum. Á mánu-
deginum vogaði konan sér að
hringja og spyrja hvort hann ætl-
aði ekki að koma. Jú, hann ætlaði
að koma, en það hefði komið ýmis-
legt upp á sem hefði tafið hann.
Á endanum kom maðurinn og
leit á gluggann og sagðist síðan
ætla að koma í næstu viku og
skipta um gluggann. Sú vika leið
hins vegar án þess að smiðurinn
léti sjá sig. Onnur vika leið og enn
önnur. Á endanum tilkynnti smið-
urinn að hann kæmist bara ekki í
þetta verkefni, en sagðist hins veg-
ar geta bent á annan smið sem
gæti skipt um gluggann.
Nýi smiðurinn þurfti að sjálf-
sögðu að skoða aðstæður áður en
hann hóf verkefnið. Hófst nú sami
leikurinn. Maðurinn sagðist ætla að
koma á mánudaginn, en ekkert ból-
aði á honum. Konan beið heima og
þorði ekki að fara út í búð af ótta
við að smiðurinn kæmi á meðan.
Eftir margra vikna og mánaða bið
enduðu samskiptin við þennan smið
á sama veg. Hann tilkynnti að hann
gæti ekki lokið verkefninu. Nú er
konan að bíða eftir þriðja smiðnum.
XXX
NN bíður konan. Líf hennar
þetta árið hefur meira og
minna snúist um að bíða eftir smið-
um og vaka yfir glugganum og
passa að leki frá honum valdi ekki
enn meira tjóni á íbúðinni en orðið
er. Nóg var að gera hjá henni í
gær og fyrrinótt þegar hellirigndi.
Konan hefur yfirleitt farið í ferða-
lög á sumrin, en þetta sumar hefur
hún ekki þorað að yfirgefa íbúðina
nema stutta stund í einu, bæði af
ótta við rigningu og eins er hún sí-
fellt að vona að smiðir birtist og
skoði gluggann eða jafnvel geri við
hann.
Nú er haustið og veturinn í nánd
og konan er alvarlega farin að ótt-
ast að ekki náist að ljúka glugga-
viðgerðinni áður en veður fer að
versna.
Þessi saga konunnar, sem er
sjálfsagt ekki einsdæmi, sýnir
hvernig skortur á tillitsemi getur
farið með fólk. Af hverju geta iðn-
aðarmenn ekki sagt: „Ég kem á
miðvikudaginn", og staðið síðan við
það? Þeir gætu líka sagt: „Það er
svo mikið að gera hjá mér að ég
kemst ekki fyrr en í fyrsta lagi eft-
ir þrjár vikur. Ég hringi eftir tvær
vikur og læt vita hvernig staðan er
hjá mér.“ Slík svör geta skipt
miklu máli fyrir fólk, ekki síst full-
orðið fólk sem þarf á þjónustu iðn-
aðarmanna að halda.