Morgunblaðið - 12.11.2000, Blaðsíða 4
1 SUNNUDAGUR 12. NÓVEMBER 2000
MORGUNBLAÐIÐ
|Koir0anii>IaÍ>ií>
VIKAN 29/10-4/11
► HÉRAÐSDÓMUR
Reykjavíkur dæmdi 46 ára
Hollending í 9 ára fangelsi
fyrir smygl á 14.292
e-töflum og 22,49 g af
e-töflumulningi. Þetta er
einn þyngsti dómur sem
fallið hefur í fíkniefnamáli
hér á landi.
► SIGURJÓN Sighvatsson
kvikmyndaframleiðandi og
Gísli Pálmason athafna-
maður hafa lýst yfir áhuga
á að festa kaup á eignum
Eiðastaðar á Héraði. Þeir
hafa uppi áform um að
byggja upp alþjóðlegt
menningarsetur á Eiðum.
► LEIT hófst að 27 ára
manni, Einari Erni Birgis-
syni, sem ekki hafði spurst
til síðan á miðvikudags-
morgun. Fjölskylda hans
og vinir aðstoða við leitina.
► GEIR H. Haarde fjár-
málaráðherra tilkynnti að
ríkissjóður myndi fjár-
magna afborganir af er-
lendum lánum á næsta ári
með lántökum erlendis.
► SIGLINGALEIÐIR olíu-
skipa eru á mikilvægri
hrygningarslóð fiski-
stofna. Davíð Egilsson,
forstöðumaður mengunar-
varnarsviðs Hollustu-
verndar rfkisins, vill að ol-
íuskipum verði gert að
sigla fjær landi en þau
gera nú.
► KONA á fimmtugsaldri
lést á gjörgæsludeild
Landspítala - háskóla-
sjúkrahúss við Hringbraut
vegna mistaka sem urðu
við lyfjagjöf. Henni var
gefið verkjalyf sem skráð
var í sjúkraskrá og lyfja-
fyrirmælum að hún væri
með ofnæmi fyrir.
Framhaldsskóla-
kennarar í verkfall
VERKFALL í framhaldsskólum lands-
ins hófst á þriðjudag eftir árangurs-
lausar samningaviðræður. Framhalds-
skólakennarar töldu of litlar hækkanir
felast í tillögum samninganefndar ríkis-
ins um nýtt launakerfi. Elna Katrín
Jónsdóttir, formaður Félags fram-
haldsskólakennai'a, sagði ríkið hafa
boðið kennurum lítið annað en þær
lágmarkshækkanii' sem samið var um á
almennum vinnumarkaði í vor og að
það væri ekki nóg. Geir H. Haarde fjái'-
málai'áðherra sagði að kennarar væru
að fara fram á 32-34% upphafshækkun
og síðan tvívegis 15% hækkim. Samtals
væri því um að ræða um 70% hækkun á
samningstímanum. „Það sjá allir að það
er ekki hægt að ganga að þessu,“ sagði
Geir.
Verkfallið nær til um 1.300 kennara
og um 19.000 nemenda, þar af eru um
2.400 í öldungadeild og 800 í fjamámi.
Þrátt fyrir að skólahús stæðu nemend-
um opin til notkunar eftir að verkfall
skall á voru fáir sem nýttu sér lesstofur
og bókasöfn fyrstu daga verkfallsins.
Þing Norðurlandaráðs
haldið í Reykjavík
FIMMTUGASTA og annað þing Norð-
urlandaráðs var sett í Reykjavík á
þriðjudag. Finnar taka við formennsku
í byrjun næsta árs og sagði Paavo
Lipponen, forsætisráðherra Finnlands,
að meðal lykilatriða sem Finnar myndu
beita sér fyrir á næsta ári væru Norð-
urlöndin og Evrópusambandið, líf al-
mennings, aðgerðir varðandi norræna
vídd í ESB og grannsvæðasamstarfið.
Fulltniar hægri flokkanna á þinginu
lögðu fram tillögu um að Eystrasalts-
löndunum, Eistlandi, Lettlandi og Lit-
háen, yrði boðin aðild að Norðurland-
aráði en tillagan var felld. Aftur á móti
var samþykkt tillaga meirihluta for-
sætisnefndar ráðsins um að ráðið
styrkti samstarf sitt við Eystrasalts-
löndin.
Óvissa um úrslit
í forsetakjöri
FORSETAKOSNINGAR voru í
Bandaríkjunum þriðjudaginn 7. nóv-
ember og varð kosninganóttin afar
söguleg. Fram eftir nóttu þótti tvísýnt
hvor fengi fleiri kjörmenn en undir
morgun að íslenskum tíma var almennt
álitið víst að Bush hefði sigrað. Gore
hringdi í keppinautinn til að viður-
kenna ósigur en dró ummælin til baka
skömmu síðar er ljóst var að atkvæða-
munurinn væri svo lítill í Flórída að of
snemmt væri að fullyrða um niður-
stöðuna.
Repúblikaníu- virtust ætla að halda
naumum meirihluta í báðum þing-
deildum þótt demókratar bættu stöðu
sína nokkuð. Eiginkona Bills Clintons
forseta, Hillary Rodham Clinton, var
kjörin öldungadeildarþingmaður í New
York-ríki.
Um 100 milljónir manna neyttu
kosningaréttar síns í forsetakjörinu og
fékk Gore ívið fleiri atkvæði á lands-
vísu en Bush en munurinn vai' minni en
nokkru sinni frá 1960. Þess ber að geta
að enn er eftir að telja mikið af utan-
kjörstaðaratkvæðum.
Bush fékk nokkur hundruð atkvæði
fram yfir Gore í Flórída og ef niður-
staðan verður staðfest hreppir hann
forsetastólinn. Bróðir Bush er ríkis-
stjóri í Flórída og bentu sumir and-
stæðingar repúblikana á þessi tengsl
til að ala á grunsemdum um að svik
væru í tafli. Krafist var endurtalningar
í nokkrum sýslum í Flórída vegna þess
hve litlu munaði eftir fyrstu talningu.
Einnig kom í ljós að kjörseðlar í einni
sýslunni voru með villandi uppsetningu
og sagt að margir kjósendur hefðu af
misgáningi greitt öðrum frambjóðanda
en Gore, Pat Buehanan, atkvæði sitt.
Undir vikulok var talið að endanleg
úrslit í Flórída og jafnvel fleiri ríkjum
yrðu vart ljós fyrr en eftir helgina og
spáð var langvarandi málaferlum
vegna deilna um framkvæmd kosning-
anna.
► EHUD Barak, for-
sætisráðherra Israels,
sagðist á miðvikudag geta
fallist á að Palestínumenn
stofnuðu eigið ríki. Skil-
yrðið væri að þeir reyndu
ekki að þvinga fram sjálf-
stæði með einhliða ákvörð-
unum og ofbeldi. Mannfall
varð á ný í átökum á sjálf-
stjórnarsvæðunum á
fimmtudag.
► MIKIÐ rok og rigningar
hafa geisað á Bret-
landseyjum og víðar í Vest-
ur-Evrópu undanfarna
daga og vikur. Dauðaslys
urðu er tré féllu á bfla og
einnig fórst fólk í Frakk-
landi og á Italíu í aurskrið-
um á mánudag. Samgöng-
ur fóru úr skorðum í
Irlandi og mikil flóð ógn-
uðu borginni Jórvík í Bret-
landi.
► ÞINGKOSNINGAR voru
í Aserbaídsjan sunnudag-
inn 5. nóvember og hrósaði
stjómarflokkur Gaidars
Alíevs forseta sigri. Sögðu
talsmenn hans að flokkur-
inn hefði fengið meira en
70% atkvæða. Eftirlits-
menn frá alþjóðlegum
stofnunum sögðu að kosn-
ingarnar hefðu einkennst
af ólýðræðislegum vinnu-
brögðum og talningin víða
farið í handaskolum.
► INGIRÍÐUR drottning-
armóðir í Danmörku Iést á
þriðjudag, níræð að aldri.
Hún var móðir Margrétar
drottningar og var eigin-
kona Friðriks niunda. Ingi-
ríður var sænsk að ætt og
naut mikillar virðingar og
vinsælda f Danmörku.
FRÉTTIR
Dagvinnulaun á 2. ársfj. 2000, skv. Kjararannsóknanefnd
Höfuðborgarsvæðið og utan þess Konur og karlar - um landið allt
Jjk Höfuð- \ r i borgar- svæði Dagv.laun Starfsstétt á mánuði, kr. Utan höfuðb.- svæðis Dagv.iaun á mánuði, kr. Hlutf.- legur munur, m. v. h.b.sv., % TÉ!Éff Karlar H Dagv.laun Starfsstétt á mánuði, kr. Konur Dagv.laun á mánuði, kr. Hlutf.- legur munur, m. v. karla, %
Almennt verkafóik 116.300 102.800 -11,4% Almennt verkafólk 113.800 101.200 -11,1%
Véla- og vélagæslufólk 128.200 124.200 -3,1% Véla- og vélagæslufólk 131.800 100.800 -23,5%
Sérhæft verkafólk 118.100 111.700 -5,4% Sérhæft verkafólk 117.900 108.000 -8,4%
Iðnaðarmenn 184.000 171.700 6,7% Iðnaðarmenn 178.500 -
Þjón.-, sölu- og afgr.fólk 140.600 101.600 -27,7% Þjón.-, sölu- og afgr.fólk 162.600 103.500 -36,1%
Skrifstofufólk 133.700 121.300 -9,3% Skrifstofufólk 150.800 126.000 -16,4%
Tæknar og sérm. starfsf. 210.100 192.100 -8,6% Tæknar og sérm. starfsf. 237.400 168.800 -28,9%
Sérfræðingar 309.300 328.300 +6,1% Sérfræðingar 337.300 263.300 -21,9%
Kaupmáttur launa
jókst um 1,8% milli ára
DAGVINNULAUN hækkuðu að
meðaltali um 7,6% frá 2. ársfjórðungi
1999 til 2. ársfjórðungs 2000 sam-
kvæmt útreikningum Kjararann-
sóknarnefndar.
A sama tíma hækkaði vísitala
neysluverðs um 5,7%. Samkvæmt
því jókst kaupmáttur dagvinnulauna
um 1,8%. Launahækkun stai'fsstétta
var á bilinu 5,7% til 10,3% að meðal-
tali. Laun kvenna hækkuðu um 8,2%
en karla um 7,2%. Laun á höfuðborg-
arsvæði hækkuðu u.m 8,6% en laun
utan höfuðborgarsvæðis um 6,4%.
Kjarasamningar flestra launa-
manna á almennum vinnumarkaði
runnu út í febrúar sl., en allnokkur
fjöldi kjarasamninga gildir fram á
síðasta fjórðung ársins. Nýir kjara-
samningar hafa tekið gildi frá 1.
febrúar og fram til þessa tíma. Mis-
munandi gildistaka samninga, og
þ.a.l. mismunandi tímasetningar
launahækkana, skekkir samanburð
milli starfsstétta og einstakra
starfsgreiná á 2. ársfjórðungi og
gildir það raunar um allt árið 2000.
Almenn launahækkun þeÚTa
kjarasamninga sem gerðir hafa verið
á árinu var 3,9%, en sérstök hækkun
varð á lægstu launum. Þeir kjara-
samningar sem renna út á síðasta
fjórðungi ársins fólu í sér 3,0%-
3,25% hækkun launa um sl. áramót.
Kjararannsóknarnefnd mælir
launabrpytingar fyrir 5.485 einstakl-
inga sem voru í úrtaki nefndarinnar
bæði á 2. ársfjórðungi 1999 og 2. árs-
fjórðungi 2000 (s.k. parað úrtak).
Sendiráðið í London
fiytur í nýtt húsnæði
HALLDÓR Ásgrímsson utanríkis-
ráðherra vígði ný húsakynni ís-
lenska sendiráðsins í London í gær.
Nýja sendiráðið er innan veggja
danska sendiráðsins við Sloan
Street í Knightsbridge. Við opnun
sendiráðsins sagði Þorsteinn Páls-
son sendiherra að íslendingar
hefðu flutt fulltrúa sína úr danska
sendiráðinu fyrir sextíu árum til að
stofna eigið sendiráð og að nú væru
íslendingar komnir aftur, en von-
andi með öðrum skilmálum.
Halldór Ásgrímsson utanríkis-
ráðherra talaði um mikilvægi ís-
lenska sendiráðsins í London, en
það hefði verið stofnað árið 1940.
Umsvif sendiráðsins í London eru
stöðugt að aukast, á síðasta ári
voru sautján hundruð íslendingar
búsettir á Bretlandi, auk þess scm
sendiráðið þjónaði einnig Irlandi,
Nígeríu, Nepal, Iiollandi, Indlandi
og Maldíveyjum í Indlandshafi.
Danski utanríkisráðherrann Nils
Hedvig Pedersen hélt einnig stutta
tölu, þar sem hann sagði að það
væri þjóðráð að sameina sendiráðin
Reuters
Nils Hedvig Pedersen, utanríkisráðherra Danmerkur, Ilalldór Ás-
grímsson utanríkisráðherra, Sigurjóna Sigurðardóttir og Þorsteinn
Pálsson sendiherra, við opnun nýja sendiráðsins í London.
undir eittþak. Þá afhenti hann
Halldóri Asgrímssyni veggskjöld
frá 1919 til minningar um sameig-
inlega fortíð ríkjanna. Halldór fól
Þorsteini Pálssyni umsjá með skild-
inum og bað hann að finna honum
góðan stað í hinum nýju húsakynn-
UTGAFUTONLEIKAR
Söngdansar Jóns Múla
Óskar Guðjónsson
og hljómsveitin
Delerað leika
lög af diskinum
í Tjarnarbíói
sunnudaginn
12. nóvember
kl. 16.00.
Aðgangseyrír 1.000 kr.
Mál og menning
malogmenning.is
Laugavegi 18 • Simi 515 2500 • Síðumúla 7 • Sími 510 2500
Sjö mánuð-
ir fyrir lík-
amsárás
RÚMLEGA tvítugur karlmaður var
á föstudag dæmdur í sjö mánaða
fangelsi fyrir stórfellda líkamsárás í
héraðsdómi Suðurlands. Maðurinn
stakk fósturföður sinn með hnífi
þegar til átaka kom á heimili fjöl-
skyldunnar í Vestmannaeyjum.
Maðurinn var ákærður fyrir til-
raun til manndráps en héraðsdómur
komst að þeirri niðurstöðu að ósann-
að væri að það hefði vakað fyrir hin-
um ákærða að ráða fósturföður sín-
um bana. Honum hljóti hins vegar að
hafa verið ljóst hve alvarlegir áverk-
ar gætu hlotist af því að beita jafn
hættulegu vopni. Auk fangelsisdóms
var manninum gert að greiða sakar-
kostnað. Dóminn kváðu upp Ingveld-
ur Einarsdóttir, Jón Finnbjömsson
og Sigurður Tómas Magnússon.