Morgunblaðið - 24.12.2000, Síða 18

18 B SUNNUDAGUR 24. DESEMBER 2000
MORGUNBLAÐIÐ
Morgunblaðið/Ásdís
Strákarnir í Álftamýrarskóla voru í banastuði, dönsuðu eins og sannir herramenn og tóku vel undir mcð jólasveinunum og kennurunum þegar jólalögin voru sungin.
JÓLIN eru nú gengin í garð.
Þau eru forn hátíð og
kennd við ýmislegt, hátíð
Ijóss og friðar, fæðingu
frelsarans og hin seinni ár ekki síð-
ur hátíð kaupmanna og neyslu-
samfélagsins. Allir eiga að fá gjafir
og eta sig metta. Allir að vera glað-
ir, stroknir, kátir og sælir. Það er
þó ekki raunin eins og kunnugt er.
Umfram allt eru jólin þó hátíð
larnanna og margt er það í aðdrag-
anda jólanna og síðan helgihaldinu
ijálfu sem endurspeglar það.
Óhætt er að segja að börnin taki
jólunum fagnandi og það er um-
fram allt barnsleg upplifun þeirra á
jólunum sem viðheldur dulúð
þeirra. Þau halda t.d. lífinu í
jólasveinatrúnni og það er
barnanna vegna að þeir rumska í
{jöllunum og fara að tínast til
byggða þrettán dögum fyrir jól.
Börnin eru ekkert að láta það rugla
sig í riminu þó að sveinamir séu
ýmist íklæddir gömlum þjóðlegum
lörfum eða snyrtilegum vestrænum
rauðurn jakkafötum. Þau láta það
enn síður rugla sig í ríminu á hvem
hátt þessi ofurmenni koma því um
kring að setja í skó allra þægra
barna í landinu og gefa sér samt
tr'ma til þess að mæta á jólatrés-
skemmtanir og standa þar vaktina
sem hrókar alls fagnaðar. Börnin
hafa svör við öllu. Þar sem ekki eru
strompar eða gluggar með opn-
anlcgum fögum skríða þeir inn um
póstlúgur. Engu skiptir þótt stöku
barn bresti í grát við að sjá jóla-
svein í fyrsta skipti. Svona háværir
skeggjaðir gaurar verða ekki á
vegi manna á hveijum degi. En
börnin em fljót að jafna sig. Án
jólasveina stæðu jólin varla undir
nafni. Þó að þeir fullorðnu geri allt
vitlaust og kyndi undir neysluþjóð-
félaginu sem aldrei fyrr einmitt á
jólunum em það bömin sem standa
vörð um hin gömlu, góðu og réttu
gildi jólanna. Ljósmyndarar Morg-
unblaðsins voru á ferðinni síðustu
daganna fyrir hátíðimar og festu á
filmu jólaskemmtanir barnanna á
nokkrum völdum stöðum. Þar sveif
hinn sanni andi jólanna yfír vötn-
um.
Morgunblaðið/Ásdís
Dansinn dunaði í jólastemmningunni á Barnaspítala Hringsins. Börn og
fullorðnir, sjúklingar og starfsfólk tóku þátt í jólagleðinni af innlifun.
Morgunblaðið/Kristinn
Jólasvcinninn sem kom á jólaball Morgunblaðsins var fagmannlegur.
Morgunblaðið/Ásdís
Grýla kom við í Sólhlíð á dögunum. Ekki hefur hún fríkkað, blessunin,
en af svip barnanna má þó merkja að hún hefur látið af barnaáti.
Morgunbiaðið/Ásdís
Jólasveiflan var Iétt hjá þessum krökkum á Barnaspitala Hringsins.