Árbók Hins íslenzka fornleifafélags - 01.01.1916, Blaðsíða 43

43
t *
en málað heflr verið yfir það aptur. Ur búi Ola Finsens póstmeistara
síðast, en mun hafa verið lengi í Finsensætt.
6842. a% Kertastika úr látúni; látúnshólkur sívalur, þverm.
3 cm. og h. 16,5, festur á miðju hvelfdrar látúnsskálar, kringlóttrar,
með 1,3 cm. háum, fláandi börmum, 18,2 cm. að þverm. Efst á
hólknum, kertispípunni, er handarhald, látúnsbeygja, 7,3 cm. að 1.
með samandr. F R vi neðst, stimpluðum á, upphækkuðum. Rauf er
á pípunni og hefir verið umbúningur í henni til að hækka og lækka
kertið, en það er nú alt úr og beygluð pípan. •— Er dönsk og um
100 ára gömul. Hefir tilheyrt Ola Finsen póstmeistara og ekkju
hans síðast.
6843. 8% Prédikunarstóll, smíðaður úr furu, ómálaður; settur
saman af 5 borðum, 1 í hverri hlið; eru hvert um 30 cm. að br.
og 126 cm. að 1. Brúnirnar hafa verið feldar og negldar saman og
listi negldur yfir, strikaður og dálítið útskorinn. Efst er tannlisti,
strikaður, umhverfis og annar niður á móts við botninn, en þar
fyrir neðan eru endarnir útskornir og gagnskornir. Fyrir neðan
efsta listann er höfðaleturslína utnhverfis og sem dregið böndum í
gegnum stafina alla; stendur þar: lofed \ gud i \ hans \ helg | edom,
Línan er 15 cm. að hæð. A miðfjölina miðja hefir verið skrifað með
rauðkrít: ANXO 1719. — Fjalirnar eru nú sundurlausar og vantar
botninn nær allan, og marga af listunum. Hann er úr Tröllatungu*
kirkju, sem nú er lögð niður.
6844 3% Kirkjuhurð, smíðuð úr furu, hefir verið máluð hvít
og síðan rauð, en nú er farfi nær allur af. Hún er ferhyrnd og rétt-
hyrnd, feld saman úr 3 breiðum borðum og 2 mjóum og strikuðum,
sem eru sett á milli þeirra breiðu og standa dálítið fram fyrir að
utan, en öll eru þau jafn þykk. Okar eru yfir þvera hurð að inn-
an, 8Va cm- að br., 15 cm. og 17 cm. frá endunum. Hurðin er 158,5
cm. að hæð og 88,5 cm. að breidd. Járnskrá mikil er fyrir henni
og stór lykill við, 1. um 18 cm., og járnlauf stórt með loku fyrir
skráargatinu er að utan. I miðri hurð, 53 cm. frá efri enda, er
koparhringur í keng, sem stendur í gegnum hurðina, grafinn, með
orms- og vargshausum við kenginn; er vargurinn í gegnum keng-
inn og bíta hvor í annars enda. Höfðaleturslína er á framhlið:
siera 1 asgeir |. einars | son | a | h (þ. e. hringinn). Hann var prestur
í Tröllatungu um 2 mannsaldra á 17. öldinni, 1633—97, varð 87 ára,
en frá Tröllatungukirkju er hurðin. Hringurinn er að þverm. að
utan 8,5 cm., ferstrendur í gagnskurð, um 12 mm. að gildleika og
þó meiri við kenginn. Sbr. nr. 213.
6845. % Altaristafla, smíðuð úr furu, með gyltri umgerð fram-
6*