Árbók Hins íslenzka fornleifafélags - 04.01.1986, Side 6
38
ÁRBÓK FORNLEIFAFÉLAGSINS
að bakhlið stoðanna, en það er öðruvísi en í A og ætti þá að benda til
mjórri seta en ef hliðfjalirnar féllu framan á þær. Hér má bæta við að
stoðaraðirnar eru svo hlykkjalitlar að auðvelt ætti að vera að negla
beinar fjalir hvort sem er framan eða aftan í þær, en þó með því að
hlcypa sumsstaðar undir. Það vcrður að viðurkenna að hvergi sjást nein
ummerki eftir þess háttar smíð. Ekki er annað, sem bendir á framblið
seta, og hvergi var svo brattur stallur við gólfbrúnir að það krefðist
stoðar af brík. Ekki var heldur að sjá annarsstaðar neinar trjáleifar,
hvorki úr þiljum né framhliðum setanna í B. Þó má nefna gjörfúnar
leifar af spýtu, sem lá þvert á nyrðra seti á milli stafanna BNúI og BNiI,
0,65 m löng og allt að 0,06 m brcið. Þetta kynni að vera leifar af oka
undan þilju setsins. Nokkru vestar lá svipuð spýta og viðlíka fúin langs-
um upp í setinu, 0,90 m löng og 0,06 m breið. Ekki er að sjá að hún
hafi neina byggingarlega þýðingu hafi fjalagólf verið yfir sctinu á
þessum stað. Hér má benda á að framan við stefnu stafanna BNi, ein-
mitt í vestasta stafgólfi, voru steinar, sem stóðu allt að 0,13 m upp úr
gólfinu. Hugsanlegt er að setþiljan hafi endað við stafina BNiI—BNúI,
þar sem leifar okans lágu og að krókurinn þaðan vestur að þili hafi verið
ætlaður til sérstakra starfa svo sem að þar hafi kvörnin staðið eða annað
þess háttar, en alls ekki sáust ummerki eftir slíka starfsemi og ekki vakti
yfirborð setsins á þessum stað sérstaka athygli.
Ef dæma má eftir þeim ummerkjum, sem hér hefur verið lýst, hafa
útstafir í B, skálanum, verið nriklu gildari en innstafir, en hvort þctta
hefur aðra þýðingu en þá, að þessu sé þannig háttað vegna þess að inn-
stafir hljóta ævinlega að vera allt að tvöfalt lengri en útstafir og eigi tré
á annað borð að vera löng, er örðugra að afla gildra trjáa en grannra.
Þegar sleppir leifum af stafaröðum og umbúnaði fyrir útstafi, fundust
engar leifar af innviðum hússins né menjar um uppgerð, og er því fátt
hægt að segja um byggingarhætti þess. Ekkert mælir þó á móti því að
þeir hafi verið svipaðir því sem var í eldri skálum svo sem í Gröf í
Oræfum eða Stöng í Þjórsárdal, cn sú vitneskja er þó lítil bragarbót.
Um byggingarlag þessara húsa er einnig og fátt vitað með fullri vissu.