Árbók Hins íslenzka fornleifafélags - 01.01.1992, Blaðsíða 102

106
ÁRBÓK FORNLEIFAFÉLAGSINS
22 >•
um það. Valgarður Asgeirsson múrarameistari á Blönduósi sagðist muna
eftir því þegar Magnús kom á heimili hans í æsku, og sagði frá því þegar
faðir hans hafi fylgst með flutningi hússins frá Skagaströnd. Viðirnir hafi
verið bundnir saman og dregnir á eftir skipinu sem sigldi með þá. Síðan
hafi þeir verið teknir á land í fjörunni og reistir á grunninum sem var til-
búinn áður/
Jón Eyþórsson skrifaði frásögn um Austur-Húnavatnssýslu í Árbók
Ferðafélagsins árið 1964 og segir svo um húsið:
Austan sölubúðar [Thomsens] var allmikið og sterkviðað pakklnís, kall-
að upphaflega Hillebrandtshús. Það var reist í Höfðakaupstað eða Efóla-
nesi um 1750, en flutt til Blönduóss 1877. Kvistur hefur verið settur sunn-
24
an á húsið, og er það nú íbúðarhús.
Verið getur að Jón Eyþórsson hafi haft vitneskju um þennan flutning úr
fjölskyldu sinni. Annar afi lrans hét Benedikt Pétursson og var smiður.
Hann bjó í Bráðræði innan við Hólanes. Elínborg Jónsdóttir á Röðulfelli á
Skagaströnd hefur athugað manntöl á þessu svæði. Þar kemur fram að
Benedikt hafi verið sá eini um þær slóðir sem þá var talinn vera smiður að
atvinnu. Það er því hugsanlegt að hann hafi aðstoðað við flutninginn.
Hinn afi Jóns, Sigurður Helgason, bjó á Ytra-Hóli milli Skagastrandar og
Blönduóss. Hann var bóndi til 1877, en flutti eftir það til Blönduóss og
4. mynd. Uppskipun á Blönduósi um 1890. Myndin er tekin 15 árum eftir kaupstaðarstofn-
un. Hillebrandtshúsið sést að hluta lengst til vinstri á myndinni. (Þjms. L.8P. 5176.
Ljósm.: Arnór Egilsson.)