Árbók Hins íslenzka fornleifafélags - 01.01.1992, Page 107

TIMBURHÚS FORNT
111
Húsgrindin:
Grunnflötur 7,06 x 12,70 m að utanmáli. Bindingsverkveggir með stoð-
um og lausholtum, mynda útveggi sem skipta húsinu í 9 stafgólf um
140 sm c/c milli gaflveggja. Jafnframt er sama bil milli gólf- og loftbita,
ásamt sperrum með skammbitum. Utaná grindina er klætt með 4 x 20
sm plægðum borðum, samskonar borð klæða bæði gólfin og líklega
þakið. Undir miðjum gólfbitum liggur dregari með stoðum undir öðr-
um hvorum gólfbita. Burðarvirki hússins er mjög rammgert, útveggir,
stoðir, syllur og lausholt eru úr 18 x 22 sm, gólfbitar úr 15 x 15 sm,
dregari undir gólfbitum í miðju húsi 17 x 17 sm ásamt stoðum. Sperrur
eru úr 14 x 14 sm ásamt skammbita. Allt sýnilegt timbur er tilhöggvið
og kantað. Vegghæð er lág eða 214 sm frá gólfi upp á milli bita að gólfi.
í risi eru aðeins 170 sm upp í skammbita.
Nokkrar breytingar hafa verið gerðar á húsinu síðan það var reist á Blöndu-
ósi. Tveir kvistir voru settir á það um miðja öldina og dyrum og gluggum
hefur verið fjölgað. Að utan hefur það verið múrhúðað. Innan dyra hefur
tveimur gólfbitum verið lyft og skammbitar verið fjarlægðir úr þaksperr-
um. Uppi var einnig innréttuð íbúð. Húsið hefur líklega verið pappaklætt
7. mynd. Hér sést vel hve timbrið í húsinn er svert og hvernig pað er sett saman með sínkl-
um og töppum. (Ábs. Ljósm.: Nikulás Úlfar Másson 1993.)