Árbók Hins íslenzka fornleifafélags - 01.01.1992, Blaðsíða 118

122
ÁRBÓK FORNLEIFAFÉLAGSINS
1822 og 1838. Það er því einnig ljóst að athugunin á húsinu sjálfu vegur
mjög þungt í því hvort úr því verður skorið með vissu að hér sé um sama
hús að ræða. Leifur Blumenstein byggingarfræðingur gerði athugun á
húsinu vorið 1990 og síðan uppmælingu og nánari skoðun sumarið 1992,
og er hér byggt á skýrslu hans og teikningum með upplýsingum og grein-
ingu á húsinu eins og það er nú.
Ljóst er að grunnstærðir Hillebrandtshússins á Blönduósi, lengd og
breidd, eru hinar sömu og á kokkhúsi Skagastrandarkaupmanna. Við
athugun á húsum einokunarverslunarinnar á öllu landinu fyrir árið 1742
kom einnig í Ijós að ekkert annað hús hefur sömu mál og þessi krambúð á
Skagaströnd. Alls voru verslunarhúsin þá 89 talsins, og nokkur hluti
þeirra torfhús. Krambúðirnar voru þó alltaf úr timbri.
Uppbygging grindar hússins og fjöldi sperra er annað sem hægt er að
bera saman. I úttektunum frá Skagaströnd er húsið alltaf talið 10 fög að
lengd. Ekkert segir um sperrufjöldann. Blönduóshúsið er með 10 sperrum
og með 9 bilurn milli þeirra. Sperrurnar eru merktar frá 1-10. Nokkurt álita-
mál hefur verið talið hvort orðið fag í þessum lýsingum á bindingsverks-
húsum 18. aldar merki stafgólf (sperra og bil) eða þann fjölda sperra sem
húsið er reist úr.
12. mynd. Grind hússins. Hið reglulega byggingarlag grindarinnar og stærð timbursins
(7"x7") bendir til hás aldurs hússins. (Ábs. Ljósm.: Hrefna Róbertsdóttir 1992.)