Árbók Hins íslenzka fornleifafélags - 01.01.1992, Side 133

HELLARANNSÓKNALEIÐANGUR EINARS BENEDIKTSSONAR 1915
137
1. mynd. Hellaskoðunarmenn að Þjórsártúni. Ljósmynd: Ólafur Magnússon.
Þjóðminjasafn lslands.
honum. Hermann þekkti vel til í Þjórsártúni en Guðríður Eiríksdóttir
móðursystir hans var húsfreyja þar og eiginkona Ólafs. Eftir honum höf-
um við upplýsingar urn húsaskipan. Lengst til vinstri er þurrkhjallur þá
sést ofan á gamalt útieldhús, síðan bæjarhúsin sjálf. Elst af þeim er háa
húsið sem sést bak við framhúsin. Það hét Einarshús eftir fyrsta brúar-
verðinum við Þjórsárbrú. Hann reisti sér lítið hús á þessum stað en Ólafur
Isleifsson byggði ofan á það. Þá koma framhúsin. Lengst til vinstri er
greiðasala sem þau Ólafur og Guðríður ráku og nefndist Templarinn. Fyr-
ir miðju er stásstofa en til hægri samkomusalur. Lokið var við smíði hans
1907. Einn af fyrstu gestunum var Friðrik VIII, konungur íslands og Dan-
merkur og fylgdarlið hans en þau höfðu sólarhrings dvöl í Þjórsártúni í
hinni frægu Islandsheimsókn þetta ár. Til hægri við samkomusalinn sér í
hlöðu, þá eru kamrar tveir á hlaðinu og niður með heimreiðinni er brunnur.
Á heimreiðinni sjást fjórir ferðalangar á hestum sínum og hjá þeim bif-
reið af gerðinni Ford T, árgerð 1915, með einkennisstafina RE 13. Á þess-
um tíma átti Gunnar Ólafsson bifreiðastjóri í Reykjavík fordinn, svo að lík-
lega hefur hann verið leigður til ferðarinnar. Fimmti hesturinn er mann-
laus, hestur Ijósmyndarans. Lengst til vinstri situr Sætersmoen á dökkum