Árbók Hins íslenzka fornleifafélags - 01.01.1992, Qupperneq 178

182
ÁRBÓK FORNLEIFAFÉLAGSINS
Minjasafninu á Akureyri barst nokkuð af nýjum gripum á árinu og má þar nefna nokkuð
af prenttækjum í tengslum við prentminjasýninguna. Meðal annara muna má nefna leikföng,
textíla, klyfbera, mjólkurbrúsa o.fl.
Aðstaða ljósmyndadeildar safnsins, þar sem Hörður Geirsson er starfsmaður, batnaði til
muna á árinu er tekið var í notkun myrkraherbergi í kjallara Kirkjuhvols. Haldið var áfram
vinnu við glerplötusafn Hallgríms Einarssonar og sona, hafin var vinna við tölvuskráningu
þekktra mannamynda og eru komin 13.600 nöfn á nafnaskrá.
Byggðasafn Suður-Þingeyinga
Byggðasafn Suður-Þingeyinga er til húsa á tveimur stöðum, þ.e. í Safnahúsinu á Húsavík
og hins vegar í gamla torfbænum á Grenjaðarstað í Aðaldal. Safnið heyrir undir safnanefnd
og forstöðumann Safnahússins á Húsavík. Sú breyting varð á árinu að Guðni Halldórsson
tók við starfi forstöðumanns um mitt árið. Um leið lét Finnur Kristjánsson af starfi en hann
hafði gegnt því frá 1980 er Safnahúsið var formlega tekið í notkun.
Fjölþætt starfsemi er í Safnahúsinu: Byggðasafn Suður-Þingeyinga, Héraðsskjalasafn
Suður-Þingeyinga, náttúrugripasafn, ljósmynda- og filmusafn, málverkasafn og sýninga- og
tónleikasalur. I smíöum er nýbygging undir sjóminjasafn. Ekkert var unnið á liðnu ári við
nýbygginguna en vonast er til að hægt verði að hefjast handa á ný í ár þar sem Byggðasafn-
inu barst stórgjöf á árinu: Frú Sigríður Víðis Jónsdóttir, fyrrverandi sýslumannsfrú frá Húsa-
vík, sem lést árið 1991, arfleiddi Safnahúsið að rúmum þremur milljónum króna.
I gestabók Safnahússins rituðu samtals 3.737 gestir nöfn sín árið 1992 og er það töluverð
fjölgun frá árinu áður er 2.610 nöfn voru rituð í bókina.
Byggðasafnið á Grenjaðarstað var opið yfir sumarmánuðina og komu 3.525 gestir í safnið.
Margrét Bóasdóttir sem haft hefur umsjón með safninu sl. sex ár, hætti störfum vegna brott-
flutnings í lok þessa árs, en séra Þórir Jökull Þorsteinsson mun frá áramótum taka við um-
sjón safns og bæjarhúsa á Grenjaðarstað.
Undanfarin misseri hefur verið unnið að viðgerðum á bæjarhúsum. Eru húsin nú komin í
viðunandi horf en þó er nokkuð ógert og er ætlunin að halda verkinu áfram á komandi ári.
Safnastofnun Austurlands
Safnastofnun Austurlands er rekin af sveitarfélögunum á Austurlandi. Hlutverk stofnun-
arinnar er samræming í safnamálum Austurlands og minjavarsla almennt. Forstöðumaður
Safnastofnunarinnar situr aðalfundi safnanna eins oft og verður við komið. Fjögur söfn eru
nú á svæðinu og þrjú á undirbúningsstigi. Til umræðu hjá öllum söfnunum er einkum þrennt:
I fyrsta lagi er merkingum ábótavant í flestum söfnunum, einkum vantar útskýringar
fyrir útlendinga og var því ákveðið að búa til bæklinga sem bæta úr brýnustu þörfinni.
I öðru lagi var rætt um að auka tilbreytingu fyrir safngesti. Það átak er þegar hafið eins og
lesa má um í umfjölluninni um Minjasafnið á Bustarfelli.
I þriðja lagi var minjagripasala reynd í smáum stíl í söfnunum. Þetta á að reyna áfram og
auka fjölbreytnina.
Þá var hjá flestum söfnunum rætt um söfnun og afmörkun hennar og þar með sérhæfingu
og áherslur hvers safns. Upphaflega var lagt upp með áætlun um mjög sérhæfð söfn en
reynslan sýnir að nauðsynlegt er að endurskoða þau mál.
Framundan er átak í að tölvuskrá muni á söfnunum, auka kynningarstarf hjá ferðaskipu-
leggjendum og í héraðsfréttblöðum og endurskoða skipulag safnamála og Safnastofnunar
Austurlands.
Minjasafnið á Bustarfelli
Minjasafnið á Bustarfelli varð tíu ára á árinu og heimsótti 1.501 gestur safnið. Einn starfs-
maður er við safnið í þrjá mánuði yfir sumartímann. Heimafólk hefur auk þess eftirlit með
bæjarhúsum sem eru í eigu Þjóðminjasafnsins.