Árbók Hins íslenzka fornleifafélags - 01.01.1992, Síða 179

ÁRSSKÝRSLA 1992
183
í ár bárust safninu 28 gjafir og má af þeim nefna eldhúsáhöld og rúm með rúmfatnaði. Þá
var gert við ýmsa muni s.s. reiðtygi og vefstól og tveir ofnar og eldavél voru sandblásin.
Á safnadeginum svokallaða var bærinn opinn og var þar unnið að viðgerðum og í júní
var efnt til lifandi safns. Þá var slegið og rifjað á bæjarhól og tað malað í taðkvörn. Lummur
steiktar á hlóðum, kaffi malað og lagað í baðstofu. Einnig var margs konar handverk sýnt.
Má nefna að kríluð voru bönd, kembt og spunnið hrosshár og brugðnar úr því gjarðir, tóbak
skorið, prjónað o.fl.
Helstu framkvæmdir á árinu voru að skipt var um fimm glugga á norðurstöfnum. Skipt
var um jarðveg meðfram framþilum og máluð Miðbaðstofa og Pilthús. Þá var dyttað að fjósi
og ýmsum torfveggjum.
Tækniminjasafn Austurlands
Tækniminjasafn Austurlands er til húsa að Hafnargötu 44 á Seyðisfirði og deilir þar húsa-
kynnum með bæjarskrifstofum kaupstaðarins.
Á árinu var ákveðið að leggja höfuðáherslu á eftirfarandi deildaskiptingu varðandi söfn-
un og varðveislu muna: Póstur og sími, sjúkrahús, slökkvilið, gullsmíði, úrsmíði, skósmíði,
prentiðnaður, ljósmyndastofur, stríðsminjar og Ottó Wathne. Einnig var ákveðið að ræða við
ákveðnar stofnanir um hugsanlega aðild að safninu og voru Póstur og sími og Rarik aðallega
nefnd í því sambandi.
Safnið var opið á alþjóðlegum safnadegi og var góð mæting á þessa fyrstu sýningu safns-
ins. Sýndir voru munir sem tengjast sögu fjarskipta, skrifstofuhalds, heimilishalds, ljósmynd-
unar og Sjúkrahúss Seyðisfjarðar. Á safnadeginum kom einn gestanna með um tuttugu muni
og færði safninu.
Á árinu var safnvörður ráðinn til starfa í hlutastarf og gegnir Pétur Kristjánsson því starfi.
Hans verkefni er að taka við munum og skrá þá sem fyrir eru, en töluvert er til af óskráðum
munum.
Minjasafn Austurlands
Minjasafn Austurlands er staðsett á Egilsstöðum og er stofnað 1943. Safninu er ætlað að
vera búminjasafn og safnaðist nokkuð af munum í fyrra, bæði í söfnunarferðum og einnig
gefa Austfirðingar, heima og burtfluttir, því marga muni að eigin frumkvæði. Innkomnir
munir í ár eru óskráðir.
Stjórn safnsins kom saman einu sinni á árinu og var þar m.a. til urnræðu nýtt húsnæði
safnsins, um 600 fermetrar í nýbyggðu safnahúsi á Egilsstöðum. Reiknað er með að taka
húsið í notkun árið 1994. Skipulagning sýninga er mjög stutt á veg komin.
Framundan er að koma undir safnið tryggum stoðum og fá fjárveitingu fyrir forstöðu-
mann nú þegar stendur til að opna það.
Sjóminjasafn Austurlands
Sjóminjasafn Austurlands hefur frá árinu 1983 verið til húsa í Gömlubúð á Eskifirði og
voru 1.687 nöfn skráð í gestabók safnsins á árinu. Fyrir tveimur árum keypti safnið elsta
mótorbát sem þá var í notkun hérlendis, m/b Nakkur SU-380 frá Djúpavogi, en hann var
byggður í Færeyjum árið 1912. Hann var settur í land hjá síldarsjóhúsi, sem safnið festi kaup
á árið 1980, og hefur síðan þá verið unnið að því að koma honum í það horf sem hann var
árið 1950, en til er góð ljósmynd af honum frá þeim tíma. Gekk það verk vel á árinu og er
vonast til að því ljúki á komandi sumri.
Safngripir eru nú orðnir rúmlega 2.100 og er búið að skrá yfir 1.800 muni endanlega á
spjöld. í aðfangabók eru innfærðir yfir 300 munir og þar af um 80 á seinasta ári. Safnvörður
Sjóminjasafns Austurlands er Geir Hólm. Geir er húsasmiður og hefur hann unnið alla
smíðavinnu, sem einn maður ræður við, eins og viðhald húsa og viðgerðir á safngripum.