Árbók Hins íslenzka fornleifafélags - 01.01.1992, Side 181

ÁRSSKÝRSLA 1992
185
Ástand hússins var vægast sagt hörmulegt, en fyrirhugað er að það verði endurbyggt. Loks
má geta sýningar úr lífshlaupi Hannesar Jónssonar, lóðs og formanns.
Meðal gripa sem Byggðasafni Vestmannaeyja bárust á liðnu ári má nefna nokkra muni úr
eigu Jóhanns P. Jónssonar, fyrsta skipherra á varðskipinu Þór. Sýndi byggðasafnið að því
tilefni muni tengda þeirri stórbrotnu sögu um forystu Eyjamanna í björgun og slysavörnum.
Á árinu 1993 eru 20 ár liðin frá því að jarðeldar brutust út í Heimaey og 30 ár frá því að
eldsumbrot hófust í Surtsey og hefur á árinu verið unnið að uppsetningu deildar innan
safnsins sem gefur innsýn í þá atburði er þá áttu sér stað. M.a. vegna þessara breytinga reynd-
ist nauðsynlegt að loka safninu í desember. Þrátt fyrir það reyndust gestir á starfsárinu vera
2.528, sem svarar til rúmlega helmings bæjarbúa.
Sjóminjasafnið á Eyrarbakka
Samkvæmt gestabók heimsóttu 1.552 gestir Sjóminjasafnið á Eyrarbakka á liðnu ári og
voru Islendingar þar í miklum meirihluta. Safnið gekkst fyrir tveimur sérsýningum í tengsl-
um við 140 ára afmæli Barnaskólans á Eyrarbakka. í samvinnu við Listasafn Sigurjóns Ólafs-
sonar og Listasafn Árnesinga var haldin sýning á æskuverkum Sigurjóns Ólafssonar, en
Sigurjón var einmitt fæddur á Eyrarbakka og sleit þar barnsskónum. Jafnframt var haldin
sýning á munum, myndum og skjölum úr sögu Barnaskólans á Eyrarbakka en hann er elsti
starfandi barnaskóli á landinu.
Safninu bárust á árinu nýir munir. Meðal þeirra má nefna; tvær gifsstyttur af hestum, sem
Agnes Lunn gerði á Eyrarbakka í byrjun aldarinnar, visitkortamöppu og beitningaskúr.
Á árinu var hafist handa við að gera upp beitningaskúr, sem Bjarni Jóhannsson gaf safn-
inu. Skúrinn, sem var byggður árið 1925, var fyrst nýttur sem geymsla og saltfiskhús og voru
aðgerðastíur framan við hann en í lokin var hann notaður sem beitningaskúr. í fyrsta áfanga
var endurnýjað bárujárn og grind lagfærð á göflum skúrsins. Við viðgerðina kom í ljós sér-
stæð klæðning innan við bárujárnið. Bátur hefur verið tekinn og flattur út og myndar klæðn-
ingu hússins. Að höfðu samráði við Hjörleif Stefánsson, arkitekt Húsafriðunarnefndar, var
ákveðið að láta þesa klæðningu halda sér, gera við hana, en klæða hana ekki að nýju með
bárujárni. Jón Karl Ragnarsson trésmíðameistari hafði umsjón með viðgerðinni. Með þessu
nýja safnhúsi er unnið að því að tryggja varðveislu minja frá vélbátaútgerð á Eyrarbakka.
Forstöðumaður sjóminjasafnsins á Eyrarbakka er Inga Lára Baldvinsdóttir.
Byggða- og listasajhi Arnesinga
Auk fastasýningar voru haldnar 6 sérsýningar í Byggða- og listasafni Árnesinga. Meðal ann-
ars sýning á vettlingum, fornum og nýjum, og sýning á dýramyndum. Innan veggja safnsins
fer einnig fram námskeiðahald og á árinu var m.a. haldið ullarnámskeið á Þingborg í tengsl-
urn við Farskóla Suðurlands. Alls komu um 3.219 gestir á Byggða- og listasafn Árnesinga.
Talsverð fjölgun varð á munum í safninu árið 1992, en alls eru safnnúmer nú 2.314 og hef-
ur fjölgað um 72 frá fyrra ári. Meðal merkra muna sem bárust safninu má nefna: hestvagn
Huldu Guðjónsdóttur, bónda á Eiríksbakka, 50 teikningar af bæjum í Hrunamannahreppi,
sem Ingimundur Einarsson gaf safninu, og skólateikningar frá fyrstu iðnkennslu á Suður-
landi, sem synir Sigurjóns Kristjánssonar í Forsæti gáfu.
I júníbyrjun tók til starfa við Byggða- og listasafn Árnesinga Lýður Pálsson, sagnfræðing-
ur, en hann mun leysa Hildi Hákonardóttur, forstöðukonu, af á meðan hún fer í launalaust
leyfi í 1 ár.
Á döfinni er fjöldi stórra verkefna. Má þar nefna flutning á hluta byggðasafnsins niður á
Eyrarbakka og opnun nýs safns í Húsinu á Eyrarbakka sumarið 1994, ef áætlanir standast.
Verið er að vinna að framtíðaráætlun fyrir þá gripi sem ekki fara þangað.
Byggðasafn Hafnarfjarðar
Starfsemi Byggðasafns Hafnarfjarðar í ár var að Iitlu leyti frábrugðin starfsemi seinustu
ára. Gestir í Bjarna Sívertsenshúsi voru alls 2.184. Önnur húsakynni voru einnig til sýnis, líkt