Fylkir - 01.01.1927, Page 15

Undirtektir Alþingis.
Alþingis tíðindin, fyrir árið 1925, minnast ekki með einu orði á
framanritaða greinargerð fyrir starfi mínu, né heldur mælir þing-
maður Akureyrarkaupstaðar né annar þingm Eyfirðinga með ofan-
greindri áskorun, samþyktri á þingmálafundi Akureyrar (í jan. 1925),
þess efnis, að alþingi veiti 10000 kr. til þess að koma upp vísi til
steinarannsókna-stofu hér á Akureyri. Ei heldur geta þingtíðindin
um tilmæli mín, að þingið veiti mér a. m. k. 2400 kr. á ári til steina
og jarðtegunda rannsókna og auk þess 1600 kr. á ári til ferðakostn-
aðar; alls 4000 kr. á ári, til þess, að eg geti int verk mitt sómasamlega
af hendi.
Ræðu annars þingm. Eyfirðinga nm »styrkveitingar«, má lesa í 3.
h. Alþt. f. árið 1925, bls. 641 og 642. Er hún hin eina, sem getur fjár-
veitingar til mín. Þar má lesa sem fylgir:
»í frv. eru allháar fjárveitingar til hyggingar á prestsetrum. Eg
get ekki séð neitt á móti þeim í sjálfu sér; en eg verð að segja, að eg
fæ ekki séð, að þær eigi að vera stórum mun rétthærri en styrkur til
að reisa barnaskóla, þar, sem óhjákvæmilegt er að reisa þá.«
»Hin brtt., sem eg á, er um að hækka úr 800 kr. upp í 1200 kr.
styrkinn til Frímanns B. Arngrímssonar.
Eg skal ekki fjölyrða um þessa styrkveitingu.
Þessi maður er nú kominn á áttræðisaldur og fremur heilsulítill upp
á síðkastið. Hann er mjög merkur maður fyrir margra hluta sakir, en
þó einkum vegna hinnar alveg einstöku óeigingimi og brennandi
áhuga fyrir almenningsheill, sem hann hefir sýnt frá fyrstu tíð.
Undanfarin ár hefur hann unnið að rannsóknum á áburðraefnum
og fleiru, sem hann álítur að þjóðinni megi koma að notum. Eg skal
ekki leggja neinn dóm á þessar rannsóknir, enda er eg ekki neinn sér-
fræðingur í þeim efnum. En þó þori eg að fullyrða, að ýmsar góðar
bendingar hefur hann gefið, sem vel eru þess verðar að þeim sé
gaumur gefinn; og ennfremur er mér kunnugt um, að hann ver afar
miklum tíma til þessara rannsókna sinna. Hann lítur nfl. svo á, að
fyrir þann styrk, sem hann fær af almannafé, eigi að koma full vinna.