Fylkir - 01.01.1927, Side 65

67
mínu og tilraunum í þá átt, að flýta fyrir kalkvinslu og notkun kalks
til jarðræktar jafnt sem til steinsmíðis.
Féð, sem árlega fer fyrir aðflutt efni til steinsmíðis og fyrir að-
fluttan áburð til jarðræktar, er tilfinnanleg upphæð og hefur farið
sívaxandi nú um nokkur ár. Hinsvegar hefur engin alvarleg tilraun
enn verið gerð, til að brenna kalk úr sjávarskeljum, né til að brenna
múrstein úr leir, sem finst þó víða hér á landi meðfram ám og við
árósa, og inn af fjörðum eða víkum. Þaðan af síðUr hefur nokkur al-
varleg tilraun verið gerð, til að brenna cement hér á fslandi, og kalk-
birgðir landsins eru ekki nógu rækilega rannsakaðar enn, til þess að
hægt sé að gera sér ljósa hugmynd um, hvað landið á til. Þær kalk-
brennslu-tilraunir, sem gerðar hafa verið í Reykjavík, notandi kalk-
stein úr Esjunni, hafa gefizt ver en menn væntu, eflaust vegna van-
kunnáttu manna á kalkbrennslu; enda er ekkert nýtilegt, verkfrasð-
ingarit eða nýtileg ritgerð, hvorki þýdd né frumsamin, til á íslenzku
um kalkbrennslu, að undantekinni ritgerð eftir S. Pálsson, útg. fyrir
139 árum síðan. Væri þó ólíkt þarfara að gefa út rit um það efni,
heldur en heilar syrpur af kvæðum, heimspekisgrufli og guðfræðis-
fabúlum, lygasögum um loddarakúnstir, galdra-, kynja- og gjöminga-
sögur, sem nóg er til af frá miðöldunum og í þjóðsögum Is-
lands. f stað þeirra vildi eg benda almenningi á nýustu og beztu verk-
fræðarit, sem helzta vegvísi frá Násti'öndum íslands til hins gullfagra
Gimli.
Akureyri, 8. Marz 1927.
F. B. A.
5