Óðinn - 01.07.1926, Page 13

Ó Ð I N N
61
>
Hornsteinn Landspítalans lagður 15. júní 1926. Vinstra megin sjest ]ón Magnússon forsætisráðherra lesandi upp ágrip af
sögu spítalans, sem lagt var inn í hornsteininn, en hægra megin sjást konungshjónin sitjandi.
*
Síra Þorvarður var hinn umh)rggjusamasti
heimilisfaðir. Sömu kostir lcomu og fram í af-
skiflum hans af sóknarbörnunum. Hann hrygðist
ekki eingöngu með hryggum, heldur kunni og
þá list, sem fágætari er, að gleðjast yfir höppum
annara og velgengni. Hann var nokkuð bráður
í lund, en íljótur til sátta. Reiðina ól hann al-
drei með sjer. Sterk sómalilfinning stýrði öllu
hans dagfari. Það lætur því að líkum, að hann
var einkarvel látinn og hjeraðssorg við hið
snögga fráfall hans, er hann ljetst eftir stulta legu
9. maí 1925. Guð blessi minningu þessa mæta
manns.
K. & Á.
#
Hugur og Tunga, hið nýútkomna málfræð-
isrit eftir dr. Alexander Jóhannesson, er fróðleg
og skemtileg bók og öllum aðgengileg. Verð 6 kr.
0
Einar Þorgilsson kaupmaöur
og
Geirlaug Sigurðardóttir.
Eins og getið var um víða í blöðum landsins,
átti hinn góðkunni dugnaðar og framkvæma-
maður Einar Þorgilsson, útgerðar og verslunar-
rekandi í Hafnarfirði, sextugsafmæli þann 25. á-
gúst síðastliðið ár. Nú í sumar, þann 16. júlí,
varð kona hans, frú Geirlaug Sigurðardóttir,
einnig sextíu ára að aldri. Sýnist því vel við eiga,
að þessara merku hjóna sje minst opinberlega
á slikum tímamótum. Saga þeirra, efnalitlu frum-
býlinganna í Hlíð, sem nú eru meðal stærstu
atvinnurekenda landsins, er bæði ánægjuleg og
lærdómsrik íyrir íslenska þjóð. Er þar tvímæla-
laus sönnun þess, hverjir möguleikar hjer eru
til efnalegrar afkomu, ef ósjerhlífni, hagsýni og
framtakssemi hlutaðeigenda skortir ekki.