Eimreiðin - 01.07.1895, Page 55

i35
Það vildi nú svo til, er fyrri ritgjörðin kom á prent 5. júlí
1893, að þá var bólan í Bergen, og var þetta reynt við 4 sjúídinga
og reyndist vel. Nægileg reynsla var auðvitað eigi fengin fyrir
því, en svo varð Finsen það að happi, að bólan kom til Kaup-
mannahafnar eptir nýárið, og þá var þessi aðferð reynd betur.
Varð reynslan sú, að í rauðu birtunni tók bólan miklu vægar á
sjúklingunum, bólgan í hörundinu eða bólurnar urðu miklu minni
og á sjúklingana komu engin ör.
Niels Finsen skýrir frá því i ritgjörðum þessum, hverju ýmsir
vísindamenn höfðu áður tekið eptir um áhrif ljóssins á hörundið,
og hann getur þess, að 2 enskir læknar ha fi skýrt frá því, annar
1867 en hinn 1871, að þeim hafi tekizt að lækna bóluna með því
að byrgja. fyrir, að dagsbirtan kæmist inn til sjúklinganna. Þetta
og ýmsar rannsóknir um ljósið vóru leiðarstjörnur hans, er hann
rjeð rúnir »rauða herbergisins«; en svo er uppgötvun þessi
venjulega nefnd.
Finsen hefur ritað ýmsar greinar um þetta mál í dönsk,
frakknesk og þýzk blöð; viljum vjer einkum nefna ritgjörð þá,
sem kom út í hinu víðfræga frakkneska læknablaði, La Semaine