Eimreiðin - 01.07.1895, Qupperneq 59

139
Af því að Finsen tók upp á því að lækna sig á þennan hátt,
hefur hann notið viðunanlegrar heilsu og getað unnið vel. Auð-
vitað hefur lækninga aðferð þessi mikil óþægindi í för með sjer,
af því að þorstinn er opt þungbær. En Finsen fullyrðir, að ef
hefði átt að lækna hann með ástungum, þá hefði orðið að gera
það hvað eptir annað; hann hefði verið ófær til vinnu og vesall
í þessi 3 til 4 ár Þá hefði hann heldur eigi gert neina uppgötvun.
Til þess að verða öðrum vatnssjúkum mönnum að liði, ritaði hann
ritgjörð þessa, og hefur hann sent hana til ýmsra lækna á Islandi,
því margur á þar um sárt að binda eptir vatnssýkina.
Auk þessa hefur Niels Finsen rannsakað og ritað um rauða
litarefnið í blóði manna1 og fundið upp styrkjandi meðal, er kalla
má blóðduft á islenzku, en á útlendu máli heitir það Hœmatin-
Albumin2.
Niels Finsen er einstaklega vel lagtækur maður. Hefur líka
þar komið i ljós, hve verksjeður hann er, natinn og gjörhugull um
margt. Hann hefur smiðað sárakróka, og spara þeir mannshjálp
við margan líkskurð, því þeir halda sárinu opnu af sjálfsdáðum,
svo að læknirinn kemst þeirn mun betur að, til þess að framkvæma
sáralækningar sínar. Auk þessa hefur hann endurbætt nokkur lík-
skurðarverkfæri lækna.
Niels Finsen er Islendingur að faðerni, en danskur að móðerni.
Hann er fæddur 15. desember 1860 í Færeyjum. Faðir hans var
Flannes Finsen, er lengi var amtmaður í Færeyjum en síðan stipt-
amtmaður í Rípum. Hann var sonur Olafs Finsens landfógeta og
yfirdómara í Reykjavík, sonar Hannesar biskups Finnssonar. Niels
ólst upp hjá foreldrum sínum þangað til 1874, að hann fór í Her-
lufsholms skóla; en faðir hans bar hlýjan hug til fósturjarðar sinnar
og vildi, að hann lærði íslenzku og sendi hann því 1876 í Reykja-
víkur skóla. Þaðan útskrifaðist hann 1882. Sama sumar fór hann
utan til þess að stunda læknisfræði við háskólann í Khöfn og lauk
hann prófi í henni sumarið 1890.
Enn eru ekki 2 ár liðin síðan fyrsta ritgjörð N. Finsens kom
út. I vetur, er var, veitti þjóðþing Dana honum 2000 kr. styrk
á ári í 3 ár, til þess að hann gæti gefið sig allan að vísindunum;
gerði þingið þetta án atkvæðagreiðslu.
I maí mánuði 1895.
Bogi Th. Melsteð.
1 Om periodiske aarlige Svingninger i Blodets Hæmoglobinmængde, prentað £
Hospitalstidende, nr. 49 — 50, 1894.
2 Grein um það hefur Finsen ritað í Ugeskrift for Læger 21. desember 1894.