Tölvumál - 01.10.1996, Blaðsíða 26

Október 1996
Tölvur í sérkennslu fyrir nemendur með
lestrar- og skriftarörðugleika
Eftir Ólöfu Guðmundsdóttur
Grundvöllur góðrar menntunar
er að kunna að lesa og skrifa. En
það er ekki öllum gefið að eiga jafn
auðvelt með að tileinka sér þessa
list. Hugsum okkur nemanda sem
á í námserfiðleikum. Lagt er fyrir
Nonna að skrifa setningu frá eigin
brjósti eða skrifa stuttan texta upp
úr bók. Nonni hefur þá reynslu að
allt sem frá honum kemur er rneira
og minna rangt stafsett, stafirnir
snúa öfugt, hann byrjar að skrifa
en skrifar rangt, strikar yfir, skrifar
aftur rangt, byrjar á ný og gerir
jafnvel nýja villu. Það reynist
Nonna mjög erfitt að komast af
stað við skriftirnar og allir aðrir
en hann virðast fljótir og duglegir.
Eini afrakstur Nonna eftir erfiðið
er skítugt blað að sýna kennaran-
um. Blað sem hann rífur í sundur
og hendir, reiður og grátandi. Von-
brigðin valda því svo að Nonni
nálgast næsta verkefni sitt með
hræðslu eða neitar jafnvel að gera
nokkurn skapaðan hlut.
Hjá dreng eins og Nonna kemur
ávallt fram ákveðin andúð á að
skrifa og það er ofur eðlilegt að
rithönd slíkra bama verði einkenni-
lega stirð og gróf, vegna þess að
þau valda því ekki sem þau eru að
gera.
Með því að nota tæknina þ.e.
a.s. tölvuna í kennslustofu eða
heima er hægt að minnka erfiðleika
nemenda eins og Nonna eða réttara
sagt að gera þá ósýnilega. Tölv-
urnar gera þessum nemendum
kleift að vinna sögu, ritgerð eða
önnur verkefni og koma þeim
snyrtilega frá sér án stafsetning-
arvillna á auðveldan og afslapp-
aðan hátt. Kostir tölvunnar fyrir
nemendur sem eiga við hreyfi-
hömlun að etja, fyrir nemendur
með slakar fínhreyfingar eða nem-
endur með skriftar- og lestrar-
örðugleika eru ótvíræðir. Sjálfs-
traust þessara nemenda eykst til
mikilla muna og hæfileikar þeiixa
fá betur að njóta sín, þeir eru ekki
lengur faldir á bak við ólæsilega
skrift. Þessir nemendur eru einnig
betur í stakk búnir til að taka
áhættu í ritun og skrifa lengri sögur
þegar þeir vinna á tölvur.
Frumskilyrði þess að nemendur
geti nýtt sér tölvuna til fullnustu
er að þeir læri á lyklaborðið og
rétta fingrasetningu. Rannsóknir
sem gerðar hafa verið í Bandaríkj-
unum sýna að nemendur sem læra
rétta fingrasetningu og notkun
lyklaborðsins, nýta sér tölvuna
mun betur við alla ritvinnslu.
Leikni í vélritun og almenn
leikni í sambandi við lyklaborðið
er krafa um ákveðna hæfni og er
ekki óeðlilegt að hún sé gerð í
grunnskólanámi. Ég tel að það
þyrfti að taka upp markvissa
kennslu í fíngrasetningu og notkun
lyklaborðsins og tölvunnar al-
mennt í grunnskólum landsins eins
fljótt og auðið er. Flestir skólar í
Bandaríkjunum sem eru byrjaðir
að hefja kennslu á lyklaborðið í
grunnskóla, virðast byrja í 3-4.
bekk. Nýleg rannsókn í Banda-
ríkjunum tengd fínhreyfingum
bama og fæmi þeirra á lyklaborðið
sýnir fram á að stuttar æfingar í
lengri tíma skili betri árangri
heldur en samfelld kennsla á lykla-
borðið í stuttan tíma.
Tölva í kennslustofu er ekki
lengur valkostur fyrir nemendur
sem eiga í erfíðleikum varðandi
skrift og ritun, tölvan er algjör
nauðsyn fyrir þá. Það er þess
vegna tímabært að efla tölvunám
og tölvukennslu í grunnskólum
landsins.
Ólöf Guðmundsdóttir
er sérkennari
Lyklaborð Ritþjálfa frá Hugfangi ehf.
26 - Tölvumál