Dagblaðið Vísir - DV - 22.03.1982, Blaðsíða 40

Tekur tvo mánuði að gera við Fokkerinn:
Hef ur ekki áhrif
á innanlandsflug
—Onnur vél tekin á leigu í staðinn
Sveinn Sæmundsson, blaðafulltrúi
Flugleiða, sagði í samtali við DV að
nú þegar hefðu verið kannaðir mögu-
leikar á að fá leigða Fokkervél í stað
þeirrar sem nauðlenti en ekkert væri
þó komið út úr því enn. Slíkar vélar
væru á boðstólum bæði í Evrópu og
Bandaríkjunum og því væru góðar
líkur á að Flugleiðir gætu fengið eina
vél leigða.
Flugleiðir notuðu Boeing-þotu i
innanlandsflugið á flugleiðinni milli
Reykjavíkur og Akureyrar um
helgina. í lok þessarar viku verður
síðan önnur Fokker-vél tekin í
notkun sem verið hefur í viðgerð
síðastliðinn mánuð. Að sögn Sveins
verða þá 3 Fokker-vélar og 1 Twin-.
Otter í innanlandsflugi og væri það
fullnægjandi fram að páskum.
Sveinn sagði að búizt væri við því
að viðgerðin á Fokkernum gæti tekið
um tvo mánuði. Viðgerðarmenn frá
Hollandi væru væntanlegir til
landsins í dag og að líkindum kæmu
einnig sérfræðingar frá Rolls Royce-
verksmiðjunum til að líta á hreyfilinn
en hann er gjörónýtur eftir
sprenginguna. Gert er ráð fyrir að
teknir verði af vélinni vængir og stél
og hún flutt til Reykjavíkur til
viðgerðar. -ÓEF.
Varmaskiptar skoðaðir á nýja svæðinu eftir vígsluathöfnina.
(DV-mynd Guðm. Sigfússon)
ÁÆTLAÐ AÐ HÚN
DUGIINÆR 20 ÁR
Hitaveita
Vestmannaeyja
formlega tekin
ínotkun:________________
Ein sérstæðasta hitaveita í veröldinni
var formlega tekin í notkun í Vest-
mannaeyjum í gær. Sveinn Tómasson,
forseti bæjarstjórnar, lýsti sögu hita-
veitunnar og tók hana síðan formlega í
notkun með því að hleypa vatni á
varmaskipta.
Fyrsta tilraun með hitaveituna var
gerð fyrir forgöngu Sveinbjörns heitins
Jónssonar i Ofnasmiðjunni 20. janúar
1974. Síðan tók Raunvísindastofnun
að sér stjórn virkjunarrannsókna á
hrauninu í ársbyrjun 1975.
Dælustöðin var tekin í notkun í
desember 1978 og var þá tengd hita-
veita í Hamarshverfi og fjörutiu hús í
lllugagötu og Brekkugötu. Síðan unnu
verktakar í Eyjum og ofan af landi við
dreifikerfi. Síðustu útboðin voru 1980
og var dreifikerfið að mestu komiðum
allan bæ um áramótin 80/81.
Nú eru um níu hundruð hús af eitt
þúsund, tengd hitaveitunni. Áætluð
vatnssala er 1,1 milljón rúmmetra á ári
og samanlögð lengd dreifikerfisins í
bænum er um 80 kílómetrar. Varma-
skiptar á hrauni sem gerðir eru úr hálf-
tómum rörum eru yfir fjörutíu kíló-
metrar.
Stofnkostnaður veitunnar á verðlagi
í desember 1981 er 93 milljónir
króna. í ræðu forseta bæjarstjórnar,
Sveins Tómassonar, kom fram að fjár-
mögnun á slíku stórvirki er ekki á færi
bæjarfélagsins. Veitan hefur verið
byggð fyrir lánsfé sem í flestum til-
fellum hefur verið auðsótt. Rekstur
hitaveitunnar gekk vel í fyrstu en árið
1980 bar mikið á því að asbeströr sem
lágu frá virkjunarsvæðinu að dælustöð
sprungu en úr þvi var bætt með því að
setja stálrör í u.þ.b. 750 metra kafla,
þar sem mest bilaði. Hitaveitan fram-
leiðir 20 megavött og er áætlað að hún
dugi í 15—20 ar. Þar sem dreifikerfið
er lokað kerfi þá koma aðrir orku-
gjafar til greina og nefndi Sveinn raf-
skautskatla og svartolíukatla sem vara-
afl í kyndistöð, einnig að kannaðir
yrðu möguleikar á borun eftir heitu
vatni eða notkun vindorku.
-ELA/Ásm. Friðriksson
Vestmannaeyjum.
Mikill viðbúnaður við nauðlendinguna á Kef lavíkurf lugvelli
Flugstjórinn lenti
alveg frábæriega vel
„Þetta voru venjuleg viðbrögð hjá
okkur við þessar aðstæður,” sagði Sig-
urður Arason, vaktstjóri í slökkvilið-
inu á Keflavíkurflugvelli, en hann
stjórnaði aðgerðum er Fokker-vélin
nauðlenti.
Sigurður sagði að lagt hefði verið 2
þúsund feta langt kvoðuteppi á eina
brautina og væri það gert til að varna
neistamyndun er málmurinn strýkst við
brautina. Kvoðan er lögð um 7 senti-
metra þykk og 16 metrar á breidd og
það tók slökkviliðið um 7 mínútur að
leggja hana.
„Við vorum komnir að vélinni áður
en hún stöðvaðist,” sagði Sigurður,
„og vorum viðbúnir því að slökkva ef
með þyrfti. Okkar fyrsta verk var síðan
að opna vélina og allir farþegarnir voru
komnir út á innan við einni mínútu.”
Að öðru leyti fóru viðbrögðin eftir
áætlun sem Almannavarnir hafa látið
gera um viðbrögð við flugslysum ef um
er að ræða fleiri en 15 farþega.
Sigurður sagði að björgunarsveitir á
Suðurnesjum hefðu verið látnar vita og
— segirSigurður
Arason,
vaktstjóri f
slökkviliðinu
einnig sjúkrahús í Reykjavík og Kefla-
vík.
,,En sem betur fór kom ekki til kasta
þessara aðila. Mér finnst frábært hvað
flugstjórinn gat lent vélinni vel á aðeins
einum hreyfli og með vinstra hjólið
uppi,” sagði Sigurður Arason.
ÓF.F
fijálst, úháð dagblað
MÁNUDAGUR 22. MARZ1982.
Kvennalistinn:
Guðrún Jóns-
dóttir er í
fyrsta sæti
Listi Kvennaframboðsins sem sam-
þykktur var á félagsfundi sl. fimmtu-
dagskvöld hefur verið mikið laun-
ungarmál og aðstandendur hans hafa
þráfaldlega neitað að gefa skipan hans
upp fyrr en þeirra eigin blað kemur út á
þriðjudagskvöld. Hluti listans var engu
að síður lesinn upp í útvarpinu í gær-
kveldi og samkvæmt heimildum þess er
hann þannig skipaður:
1. Guðrún Jónsdóttir félagsráðgjafi,
2. Sólrún Gisladóttir sagnfræðingur, 3.
Magdalena Schram blaðamaður, 4.
Þórhildur Þorleifsdóttir leikstjóri og 5.
Sigrún Sigurðardóttir fulltrúi.
Samkvæmt heimildum DV koma i
næstu fjögur sæti þær Sigríður Dúna
Kristmundsdóttir mannfræðingur,
Guðrún Ólafsdóttir lektor, Kristín Ást-
geirsdóttir starfsmaður Kvennafram-
boðsins og Hjördís Hjartardóttir.
Aðstandendur Kvennaframboðsins
vildu ekki staðfesta að listinn væri
réttur eins og hann er settur upp hér að
ofan er DV hafði samband við þá i
gærkveldi. -ÓEF.
Mun sjá til
ídag
— segir Hjörleifur
„Ég hef ekki tekið ákvörðun um það
ennþá en mun sjá til siðar í dag hvernig
landið liggur,” sagði Hjörleifur Gutt-
ormsson iðnaðarráðherra í samtali við
DV í morgun, aðspurður hvort vænta
mætti að hann skýrði Orkustofnun í
dag frá áliti sínu varðandi rannsóknir og
hönnun í Helguvík og hvort staðið yrði
við gerða samninga þar að lútandi.
„Þetta álit mitt hefur legið hér síðan
á fimmtudag og ég hafði hugsað mér
að kalla orkumálastjóra á minn fund
síðastliðinn föstudag en á meðan
bandarísk hernaðaryfirvöld eru með
hótanir verður engu skilað,” sagði
Hjörleifur Guttormsson.
KÞ
LOKI
Annað kvöld kemur á
markað blaðið Leyndarmál
kvenna.
c ískalt
Seven up.

hressir betur.