Dagblaðið Vísir - DV - 21.06.1983, Blaðsíða 3
DV. ÞRIÐJUDAGUR 21. JUNl 1983.
3
Póstur og sími tekur
minka i þjónustu sína
— drógu símastrengi gegnum brúna við Árgerði fyrir sunnan Dalvík
Þeir urðu heldur langleitir starfs-
menn og eigandi minkabúsins á
Böggvisstöðum við Dalvík þegar
starfsmenn Pósts og síma komu þar og
spurðu hvort hægt væri að fá lánaðan
mink til að draga spotta í gegnum rör.
Málið skýrðist svo betur.
Þessir starfsmenn Pósts og síma
höfðu verið að reyna að koma vír í
gegnum rör sem eru í nýju Árgerðis-
brúnni (þeirri sömu og DV verðlaunaði
í vetur). Þeir voru búnir að reyna allar
hefðbundnar aðferðir án árangurs
þegar þeim datt minkurinn í hug.
Minkurinn fékkst, stór og feit læða, og
spottinn festur við skottið á henni.
Læðan reyndist of feit og komst hún
ekki í rörið. Var þá annað og minna
eintak sótt og gekk nú betur. Læðan fór
inn í rörið og um hálfa leið en vildi þá
ekki lengra þó rekið væri á eftir með
ýmsum ráðum. Hún bakkaði til baka.
Þriðja læðan var nú sótt og rann sú í
gegn. Kom vatnsgusa á undan henni úr
hinum enda rörsins þar sem gildra
beið hennar. Rörin voru þrjú og var
sama aðferð notuð við hin tvö. Heyrð-
ist í öðru þeirra þegar læðan gróf sér
leið í gegnum möl eða sand. Þess má
geta að brúin er um 100 metra löng.
Það er greinilegt að Póstur og sími
hefur hugmyndaríka starfsmenn í
þjónustu sinni en því heyrðist hvíslað
að þetta hefði verkfræðingum
stofnunarinnar aldrei dottið í hug.
Ö.B.TH., Dalvík/JBH
Argeröisbrúin við Dalvik er
stórglæsilegt mannvirki sem
fellur mjög vel inn i umhverfið.
Hún er í boga og auk þess hall-
andi og snúin en allt litur þetta
út eins og ekkert hafi verið
sjálfsagðara. Þegar menning
arverðlaun DV voru veitt i
vetur fékk Pétur Ingólfsson,
verkfræðingur hjá brúar
deild Vegagerðarinnar, viður
kenningu fyrir hönnun bruar-
innar. Nú er hún enn kgmin i
fréttir og ástæðan er sú að
minkar gerðust þar verktakar
fyrir Póst og síma og drögu
símastrengi gegnum hana
endilanga. Myndin af
brúnni var tekin siðastliðinn
vetur. A innfelldu myndinni til
hægri er verið að setja mink
inn inn i rörið. Virinn er bund-
inn i skottið á honurn. A
myndinni til vinstri bíður Þor-
steinn Aðalsteinsson, eigandi
minksins, eftir honum við hinn
enda brúarinnar.
DV-myndir: Olafur B.
Thoroddsen.