Dagblaðið Vísir - DV - 30.08.1985, Blaðsíða 5
DV. FÖSTUDAGUR 30. ÁGUST1985.
5
Skorar á Steingrím
að láta rannsaka
hlutabréfasöluna
Þungt hljóð íbændum á Stéttarsambandsþingi:
Hrun blasir við
á búvörumarkaði
Frá Pétri Ástvaldssyni, fréttamanni
DV á Laugarvatni:
Aðalfundur Stéttarsambands bænda
hófst á Laugarvatni í gærmorgun, en
sambandið á 40 ára afmæli í ár. Um 130
manns voru viðstaddir fyrsta daginn
en fundurinn stendur í þrjá daga.
Ingi Tryggvason, formaður Stéttar-
sambands bænda, flutti ársskýrslu í
upphafi fundarins en að því loknu flutti
Jón Helgason landbúnaðarráðherra
ræðu. Einnig tók til máls Ásgeir
Bjarnason, formaður Búnaðarfélags
Islands.
Eftir hádegi hófust umræður. Þar
var þungt hljóö í bændum gagnvart
ýmsum aðgerðum stjórnvalda undan-
farið og þeim áróðri sem þykir hafa
verið rekinn gegn hinum heföbundnu
búgreinum. Ingimar Sveinsson.bóndi á
Egilsstöðum, nefndi sérstaklega þrjár
aðgerðir sem hefðu komiö mjög illa við
bændur: Skertar niðurgreiðslur,
afnám útflutningsbóta, samkvæmt
nýju framleiðsluráðslögunum, og
hækkun kjarnfóðurgjaldsins. Hann
gagnrýndi harölega hraða afgreiðslu
framleiðsluráðsfrumvarpsins á
síðasta þingi og það að ekkert hefði
verið rætt eða samráð haft við bændur.
Þóröur Pálsson á Refsstað varaði
mjög við þeirri stefnu sem rekin hefur
veriö í niðurgreiðslumálum. Haldi svo
áfram sem horfir, sagði hann, blasir
við hrun á hefðbundnum iiuilendum
búvörumarkaði. Þórður benti á að
kindakjöt væri þegar orðið 15 prósent
dýrara en það hefði orðið með óbreytt-
um niðurgreiðslum. Þórður skoraði á
landbúnaöarráöherra að auka niður-
greiðslur á ný svo að þær verði til jafns
við það sem tíökast á Norðurlöndun-
um.
Hinn nýi samningur Stéttarsam-
bands bænda og ríkisins varð mönnum
einnig að umtalsefni og virtust menn
fremur ánægðir með hann. Tómas
Gunnar Sæmundsson nefndi þó þann
galla að þar væri samið um hefðbundn-
ar búgreinar en látið sem aðrar væru
ekki til. Stefán Jónsson tók í sama
streng og sagði að samningurinn
virtist hagstæður að sumu leyti. Þó
væri miður að gert væri ráö fyrir of
mikilli minnkun á framleiðslu kinda-
kjöts milli ára. Stefán sagði einnig að
það væri hastarlegt að þurfa að búa viö
50 prósent kjarnfóðurgjald sem rynni
beint út í verðlagið á sama tíma og
niðurgreiðslur væru lækkaðar.
Nefndarstörf hófust í gær og verður
þeim fram haldið í dag.
Tólf herþotur
yfir Reykjavík
Við borgarbúum og fleiri lands-
mönnum blasti óvenjuleg sýn hátt á
himni í gærmorgun. Tvær flugsveitir
flugu yf ir í þotuhæð með um hálftíma
millibili með stefnu úr norðaustri til
suðvesturs.
Hér voru á ferðinni alls tólf banda-
rískar herþotur á leið frá herflugvelU
í Norður-Noregi til Bandaríkjanna. I
fyrri hópnum, sem flaug yfir Reykja-
vik rétt fyrir klukkan tíu, voru sex
orrustuþotur af gerðinni F—15 og ein
stór eldsneytisvél. Síðari hópurinn
var yfir borginni rétt fyrir klukkan
hálfellefu. Hann samanstóð af fjór-
um F—16 þotum og einnig eldsneytis-
véi.
Glöggir menn tóku eftir því að ein
þotan í seinni hópnum kom aftan að
eldsneytisvéiinni og „fór á
spenann” yfir Reykjavík. Tók
orrustuþotan þannig eldsneyti á flugi
fyrir augum borgarbúa.
Kjartan Jóhannsson alþingismaður:
Bandarisk F—16 orrustuþota tokur eldsneyti á flugi. Slika sýn mátti sjá
hátt á himni yf ir Rey kjavík í gærmorgun.
Með þessum hætti gátu orrustuþot-
urnar flogið án millilendingar milli
Norður-Noregs og Bandaríkjanna.
-KMU.
Kjartan Jóhannsson alþingismaður
hefur með bréfi dagsettu 28. ágúst
ítrekað áskorun sína til Steingríms
Hermannssonar forsætisráðherra um
að hann beiti sér fyrir rannsókn á
vinnubrögðum, aðdraganda og aðstæð-
um við nýafstaðna sölu hlutabréfa
ríkisins í Flugleiðum.
I bréfi Kjartans til Steingríms segir
aö því hafi verið haldið fram, og ekki
að ástæðulausu, að stjórn Flugleiða
hafi borist vitneskja um innihald til-
boðs Birkis Baldvinssonar og hafi
stjórn Flugleiöa gengið frá sínu tilboöi
á þeim grundvelli. Jafnframt hafi ver-
ið leidd rök að því að sú vitneskja hafi
fengist hjá ráðherrum í ríkisstjórninni.
Kjartan Jóhannsson segir ennfrem-
ur í bréfinu að samgönguráðherra hafi
lýst því yfir að hann vildi ekki að Birki
yrðu seld bréfin vegna skoöana sem
Birkir hefði látiö í ljós. Þá hafi fjár-
málaráðherra iýst því yfir, þegar sala
á hlutabréfunum var auglýst, að verð
þeirra væri um nífalt nafnverð en sölu-
verðiö sé nú metið sem fjórfalt nafn-
verð.
Kjartan vill að rannsóknin beinist að
því hvort og þá með hvaða hætti stjóm
Flugleiða . barst vitneskja um inni-
hald tilboös Birkis og hvort sú sala,
sem fram fór við áðurgreindar aöstæð-
ur, fái staðist að lögum. Ennfremur
telur alþingismaðurinn nauðsynlegt að
aflað sé álits á því hvort það samrým-
ist lögum og eðlilegum viðskiptahátt-
um af hálfu ríkisins að persónulegar
skoðanir manna ráði úrshtum um það
hvort þeir geti átt viðskipti við ríkið,
samanber yfirlýsingu samgönguráð-
herra, og hvort það sé eölilegt að ríkið
auglýsi hlutabréf tU sölu á tvöfalt
hærra veröi en síðan er gengið að án
þess aö fram komi opinberlega að
fallið hafi verið frá upphaflegum
verðhugmyndum.
Kjartan rökstyður ósk sína um
einungis gildi gagnvart því sem þegar
hafi gerst heldur líka fyrir framtíðina.
Eins sé mikilvægt aö leiöa í ljós hvort
og þá með hvaða hætti trúnaður hafi
verið brotinn á æðstu stööum í stjórn-
kerfinu.
Kjartan Jóhannsson
alþingismaður.
GOÐ OG HENTUG
BARNAHÚSGÖGN
Svefnbekkur með dýnu og 3 púðum:
öll húsgögnin eru spónlögð með eikar-
fólíu sem er mjög slitsterk og auðvelt
að þrífa.
30% útborgun og afgangur á 6 mánuðum. 5% stað-
greiðsluafsláttur og svo eru kreditkortin að sjálfsögðu
tekin sem staðgreiðsla og útborgun á samningi.
Opið til kl. 8 (20) í kvöld
Verið vandlát og skoðið verðin
HDSGAGNAHÖLLIN
BÍLDSHÖFÐA 20 - 110 REYKJAVÍK S 91-81199 og 81410