Dagblaðið Vísir - DV - 30.08.1985, Blaðsíða 12
12
DV. FÖSTUDAGUR 30. ÁGÚST1985.
Frjálst.óháð dagblað
Útgáfufélég: FRJÁLS FJÖLMIÐLUN HF.
Stjórnarformaöur og útgáfustjóri: SVEINN R. EYJÓLFSSON.
Framkvæmdastjóri ogOtgáfustjóri: HÖRÐUR EINARSSON.
Ritstjórar: JÓNAS KRISTJÁNSSON og ELLERT B. SCHRAM.
Aðstoöarritstjórar: HAUKUR HELGASON og ELÍAS SNÆLAND JÓNSSON.
Fréttastjórar: JÓNAS HARALDSSON ogÓSKAR MAGNÚSSON.
Auglýsingastjórar: PÁLL STEFÁNSSON og INGÓLFUR P. STEINSSON.
Ritstjórn: SÍÐUMÚLA 12—14. SlMI 686011. Auglýsingar: SÍÐUMÚLA 33. SÍMI 27022.
Afgreiðsla, áskriftir, smáauglýsinqar. skrifstofa: ÞVERHOLTI 11. SÍMI 27022.
Sími ritstjórnar: 686611.
Setning, umbrot, mynda-og plötugerö: HILMIR HF„ SlÐUMÚLA 12.
Prentun: Árvakur hf„
ÁskriftarverO á mánuöi 360 kr. Verö i lausasölu 35 kr.
Helgarblaö 40 kr.
Fordómará ferö
Taugaveiklunar gætir í Teigahverfi í Reykjavík vegna
þess aö fangahjálpin Vernd er aö fá aöstöðu í hverfinu.
1 hverfinu er mikiö af öldruðu fólki. Eins og verða vill
gætir misskilnings á fyrirhugaðri starfsemi Verndar,
misskilnings sem ekki ætti að koma til miðað við fyrri
reynslu af félagsskapnum.
Þeir ólánsmenn, sem lenda í fangelsum, eiga ekki að
vera brennimerktir alla ævi. Þeir taka út refsingu sína
gagnvart þjóðféláginu. öllum í þeim hópi, sem eiga sér
viðreisnar von, ber að hjálpa til að aðlagast þjóðfélaginu
aðnýju.
Þessi aðlögun tekst bezt, eigi þessir menn þess kost að
komast sem fyrst í „eðlilegt, manneskjulegt, umhverfi.”
Hús, þar sem fyrrverandi fangar dveljast um skeið eftir
að þeir eru látnir lausir, á ekki að reisa uppi á Hellisheiði.
Slíkt hús á að vera í eðlilegu hverfi. Jafnframt hvílir sú
skylda á þeim, sem reka slíkt hús, að séð sé svo um, að
ekki valdi truflun í nágrenninu. Því er það meginspurn-
ing: Hvernig hefur Vemd staðið sig í þeim efnum? Er því
félagi ekki að treysta?
Skilyrði fyrir dvöl í húsum Verndar er að menn stundi
bindandi vinnu og borgi fyrir sig. Áfengisneyzla er ekki
leyfð. Aldrei mun hafa verið kvartað á skrifstofu Verndar
vegna þeirra heimila, sem nú eru rekin. Undanfarin
fimm ár hefur félagið rekið slík heimili, nú við Ránargötu
og Skólavörðustíg. Lengi hefur verið stefnt aö því að
koma starfseminni undir eitt þak. Þetta var ætlunin, að
yrði við Laugateig.
Eftir því sem næst verður komizt, er rétt, sem for-
maður Verndar sagði í viðtali við DV: „Það hefur sýnt sig
á þessum heimilun, að það skapast góður heimilisandi, og
þama styðja allir hver annan. ’ ’
Formaður Verndar segir, að gagnrýni íbúa í Teiga-
hverfi sé mannleg en byggist á vanþekkingu á, hvers kon-
ar samtök um er að ræða.
Ottinn í Teigahverfi við þessa starfsemi virðist því
ástæðulaus. Eða eins og einn væntanlegur nágranni sagði
í viðtali við DV: „Okkur lízt vel á, að fangamir fái að
vera í þessu húsi. Okkur er sagt, að það hafi aldrei verið
kvartaö undan þeim á þeim stöðum, sem þeir hafa verið á
áður. Það verður að umgangast þessa menn eins og
annaðfólk.”
En borgarstjórinn, Davíð Oddsson, tók þessu öðruvísi.
Viðbrögð hans voru, að lausnin ætti að vera sú, að borg-
in keypti húseignina og útvegaði Vernd húsnæði „annars
staðar í borginni.”
Þá svarar Vernd, að húsið þeirra við Laugateig hafi
aldrei verið auglýst til sölu. Menn skilji ekki hvernig
borgin æth að kaupa eign, sem ekki sé til sölu.
Á fundi framkvæmdastjómar Verndar í fyrrakvöld var
samþykkt að halda húsinu og hefja starfsemina þar eins
fljótt og unnt væri. Húseignin að Laugateig væri „lang-
þráður draumur”, sem ekki yrði gefinn upp á bátinn
átakalaust.
Ekki er auðséö, hvernig borgarstjóri ætlar þá að koma
hugðarefni sínu fram.
Getur borgin bannað starfsemi Vemdar í Teigahverfi?
I þessu efni þarf að breyta almenningsálitinu og áliti
borgarstjóra í leiðinni.
Styðja þarf góð félög, eins og Vernd, til þess að efla
starfsemi sína.
Vonandi verður öll umræðan um þetta efni á næstunni
málstað Verndar til framdráttar.
Þjóðfélagið er alltof gegnsýrt fordómum, sem byggjast
á misskilningi. Haukur Helgason.
Ríkisstjórnin
stefnir
ráðherranum
Ríkisstjóm Francois Mitterrand í
Frakklandi samþykkti á fundi sínum
í gær aö fara þess á leit viö Green-
peace-samtökin að þau stefndu utan-
ríkisráöherra Frakklands svo úr því
fengist skoriö hvort ráðherrann heföi
gerst sekur um ólöglegt athæfi vegna
meintrar tilraunar frönsku leyni-
þjónustunnar til þess aö sökkva skipi
samtakanna, Rainbow Warrior, í
höfninni í Auckland í Nýja-Sjálandi,
en utanríkisráöherrann er æðsti yfir-
maöur frönsku leyniþjónustunnar. I
fréttum franska sjónvarpsins lýsti
franski utanríkisráðherrann yfir
ánægju sinni meö þessa einróma
ákvöröun stjórnarinnar sem hann
sagði að hefði verið tekin að tillögu
sinni. Forsætisráöherra frönsku
ríkisstjórnarinnar átti í morgun fund
með forvígismönnum Greenpeace-
samtakanna, þar sem m.a. var rætt
um ýmis framkvæmdaratriöi
varðandi fyrirhugaða málshöföun
samtakanna á hendur utanríkis-
ráöherranum og sagöi forsætis-
ráöherrann í viötali viö franska út-
varpiö nú í morgun, aö nokkur
formleg vandkvæöi virtust vera á
málshöfðuninni, en ríkisstjómin
myndi veita Greenpeace-samtökun-
um alla aðstoö og ráðleggingar um
hvernig stefnunni á hendur
utanrikisráöherranum skyldi hagað.
(Reutersfrétt í morgun.)
Stórveldi á MBL
Viö eigum hér á Islandi dagblað
sem ber höfuö og herðar yfir önnur
blöö. Þetta blað hefur yfir aö ráöa
fjölmennum hópi afbragösgóöra
blaöamanna meö langa og mikla
starfsreynslu. Blaöiö leggur metnaö
sinn í aö upplýsa lesendur sína sem
gerst um allt þaö sem markvert
getur talist og hlutverk annarra
blaða hefur nánast verið það eitt aö
tína upp þau fréttaspörð sem þessum
risafjölmiöli þykja of ómerkileg til
þess aö borgi sig að þau séu hirt upp
af götunni. Metnaðinn leggur blaöiö
bæði í erlenda og innlenda frétta-
þjónustu. Þetta er aö sjálfsögöu
Morgunblaðið.
Lesandi spyr
Nú spyr ég sjálfan mig, sem einn
af lesendum þessa blaös: „Hvaö
skyldi hafa staðið í Morgunblaöinu
eftir aö fréttaskeyti eins og þaö sem
búiö var til hér í upphafi heföi borist
blaöinu á öldum ljósvakans? ”
Auðvitaö þarf ég hvorki aö spyrja
mig né aðra þessarar spurningar.
Morgunblaðið heföi tekið á málinu
eins og önnur stórblöö í Evrópu meö
metnað og sjálfsvirðingu heföu gert
— slegiö því upp meö stærsta fyrir-
sagnaletri, fjallaö um þaö í forystu-
greinum og fært rök fyrir því að
franska ríkisstjómin stæöi í uppnámi
og væri farin aö ástunda
stjómunarhætti sem væru ámælis-
verðir og henni til minnkunar. Ríkis-
stjórn, sem svona starfaði, fyrir-
geröi áliti allra skynsamra manna.
Nú sjá lesendur auövitaö strax aö
fréttaskeytið tilbúna er ekki alveg
eins mikið út í hött og ætla mætti.
Menn þurfa aðeins aö gera á því
örlitlar breytingar til þess aö skeytið
eigi við rök að styðjast. Setja „ís-
lenska ríkisstjórnin” í staöinn fyrir
„franska ríkisstjórnin”, „Steingrím-
ur Hermannsson” í staöinn fyrir
„Francois Mitterrand”, „undan-
þágu varnarliösins á Keflavíkurflug-
velli til kjötinnflutnings” í staöinn
fyrir „meinta tilraun frönsku leyni-
þjónustunnar til þess aö sökkva skip-
inu Rainbow Warrior” og „Stéttar-
Kjallarinn
SIGHVATUR
BJÖRGVINSSON
FYRRVERANDI
ALÞINGISMAÐUR
samband bænda” eöa „Framleiðslu-
ráö landbúnaöarins” í staöinn fyrir
„Greenpeace-samtökin” — og þá er
þetta komiö.
Tvöfalt siðgæði
Morgunblaðiö tekur hins vegar
ekki á fréttaskeytinu svona breyttu
eins og það myndi hafa gert á því
óbreyttu. Þaö myndu önnur stórblöð
í Evrópu meö metnað og sjálfs-
virðingu hins vegar hafa gert — ef ís-
lenska ríkisstjórnin skipti þau þá ein-
hverju máli, sem hún gerir ekki
fremur en væri hún ríkisstjóm í ban-
analýðveldi. Þaö er hins vegar ekki
afsökun fyrir Morgunblaöiö. Islenskt
eöa ekki íslenskt skiptir Mbl. ekki
máli í þessu sambandi. Þaö sem úr-
slitunum ræður hjá blaðinu er Sjálf-
stæðisflokkur eöa ekki Sjálfstæðis-
flokkur. Væri um athafnir ráöherra
annars flokks en Sjálfstæöisflokksins
að tefla eöa ákvarðanir annarrar
ríkisstjórnar en ríkisstjómar með
aöild Sjálfstæðisflokksins aö ræða þá
myndi blaðið fjalla um málið eins og
önnur stórblöö með metnaö og sjálfs-
virðingu myndu gera og fordæma
svona framferði. Þessi voldugi og
sterki fjölmiöill gerir þaö ekki af
þeirri einföldu ástæðu að hann er
flokkspólitískt hlutdrægur.
Hinir mörgu, reyndu og hæfu
fréttamenn og fréttaskýrendur
blaösins fjalla ekki um mál sem eru
Sjálfstæðisflokknum óþægileg eöa
mótdræg. Þess vegna hefur þessi
forystufjölmiöill okkar Islendinga
veriö svona vandræðalegur undan-
farið þegar helsta umræöuefnið
manna í meðal hefur veriö ótrúleg-
ustu uppákomur og yfirlýsingar ráö-
herra Sjálfstæðisflokksins sem ver-
ið hafa þeim, flokki þeirra og ís-
lenska stjórnkerfinu til minnkunar
— eða sjá menn virkilega ekkert
aumkunarlegt og niöurlægjandi viö
þaö aö ríkisstjórn skuli koma sér
saman um að biöja aðila „úti í bæ”
aö stefna einum ráöherranna fyrir
rétt?
Ekkert skiptir máli
Dauðyflisháttur almennings viö
svona uppákomum er háskaleg
viðvörun. Það er eins og ekkert
skipti fólk lengur neinu máli —
jafnvel ekki þegar forystumenn
þjóöarinnar eru með opinber fífla-
læti, sér og okkur öllum til minnk-
unar. Með sama áframhaldi endum
viö Islendingar eins og Þjóðverjar í
dauöastríöi Weimarlýöveldisins —
ábyrgðar- og kæringarlausir um allt
og alla. Viö hverju ööru er að búast,
þegar voldugustu f jölmiölarnir, sem
vera eiga samvizka þjóöarinnar og
veita ráöamönnum aöhald af ein-
beitni og ákveöni, bregðast svo gjör-
samlega skyldu sinni eins og Mbl.
gerir þegar flokksmenn tiltekins
stjórnmálaflokks eiga í hlut.
Morgunblaöiö er ekki flokksblaö,
eins og Alþýðublaöið eða Þjóöviljinn.
Þaö er, eins og þaö segir sjálft, blað
allra landsmanna og „blað allra
landsmanna” getur ekki haft tvöfalt
siögæði í afstööu sinni til hegðunar
stjórnenda þjóöarinnar eftir því
hvort tiltekinn flokkur situr utan eöa
innan ríkisstjórnar. Þannig bregst
blaöiö ekki bara okkur, lesendunum,
heldur miklu fremur sjálfu sér og því
hlutverki, sem blaöiö hefur áunniö
sér sem forystuafl í fjölmiölun á
Islandi.
Sighvatur Björgvinsson.
9 ,,íslenskt eða ekki íslenskt skiptir
Mbl. ekki máli í þessu sambandi.
Þaö sem úrslitum ræöur hjá blaðinu er
Sjálfstæðisflokkur eða ekki Sjálfstæðis-
flokkur.”